December 14, 2011

မိုးပြာဝိနိစ္ဆယ ကောက်နုတ်ချက်များ ( ၄ )

ပြည်ထောင်စု သမ္မတ မြန်မာနိုင်ငံတော်

နိုင်ငံတော် သံဃမဟာနာယကအဖွဲ့က

ရွေးချယ်ဖွဲ့စည်းအပ်သော

နိုင်ငံတော် သီးခြား ၀ိနည်းဓိုရ်အဖွဲ့

အမှတ်(၁၇/၂၀၁၁)-၏ ဆုံးဖြတ်ချက်

လုပ်ထုံးလုပ်နည်းများ အပိုဒ် (၅၇) (င)

၁၃၇၃-ခုနှစ်၊ ၀ိနည်းဓမ္မကံမှုခင်းအမှတ် (၁၇/၂၀၁၁)

ဧရာဝတီတိုင်းဒေသကြီး၊ မြောင်းမြမြို့၊ ဘုရားချောင်းရပ်ကွက်၊ ချမ်းမြသာစည်ကျောင်းတိုက် -နေ စောဒက ဘဒ္ဒန္တအဂ္ဂဉာဏပါ (၆)ပါး နှင့်

မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကျီကုန်းရွာ၊ အနုပါဒါယဉ်ကျေးမှုမိုးပြာခြံ၌ သီတင်းသုံး-နေထိုင်သော စုဒိတကရှင်ဉာဏဦးဆောင်သော မိုးပြာဂိုဏ်းသားတို့ ဖြစ်ပွားသော မိုးပြာဂိုဏ်းသားတို့၏ ဟောပြောရေးသားချက်တို့နှင့် စပ်လျဉ်း၍ ဓမ္မ- အဓမ္မ အငြင်းပွား ၀ိဝါဒါဓိကရုဏ်းမှုခင်းကို နိုင်ငံတော် သံဃမဟာနာယကအဖွဲ့က ရွေးချယ်ဖွဲ့စည်းအပ်သည့် ၀ိနည်းဓိုရ်ဆရာတော်များ ပါဝင်သော နိုင်ငံတော် သီးခြား ၀ိနည်းဓိုရ်အဖွဲ့ အမှတ်(၁၇/၂၀၁၁)-က ကိုယ်တိုင်လက်မှတ်ရေးထိုး၍ ၀ိနည်းတရားတော်နှင့်အညီ ဆုံးဖြတ်ချက်ချမှတ်လိုက်သည်-။

ဆုံး ဖြတ် ချက်

စောဒကဆရာတော်(၆)ပါးတို့က အမှတ်(၁)စောဒနာလွှာမှ အမှတ်(၅၂)စောဒနာလွှာအထိ တင်ပြသော-

၁။ “မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကျီကုန်းရွာ၊ အနုပါဒါယဉ်ကျေးမှုမိုးပြာခြံ ရှင်ဉာဏဦးဆောင်သည့် မိုးပြာဂိုဏ်းသားတို့၏ ဟောပြောချက်၊ ရေးသားချက်များသည်- သင်္ဂါယနာခြောက်တန်တင် ထေရ၀ါဒ ပိဋကပါဠိတော်၊ အဋ္ဌကထာ၊ ဋီကာတို့နှင့် ဆန့်ကျင်သောကြောင့် အဓမ္မ၀ါဒ ဖြစ်သည်” ဟု လည်းကောင်း၊

၂။ “ထိုဝါဒတို့ကို ဟောပြောသူ၊ လက်ခံသူ၊ ပုံနှိပ်ဖြန့်ဝေသူတို့သည် အဓမ္မ၀ါဒီများ ဖြစ်ကြသည်” ဟု လည်းကောင်း၊

၃။ “ထိုဝါဒများကို အသံသွင်းထား- ပုံနှိပ်ထား- ရေးသားထား- အင်တာနက်တင်ထား- မှတ်တမ်းတင်ထားသော အရာဝတ္ထု အစုစုတို့သည် အဓမ္မ ၀တ္ထုများ ဖြစ်ကြသည်” ဟု လည်းကောင်း ၀ိနည်းဓိုရ်ဆရာတော်ကြီးများက တညီတညွတ်တည်း ဆုံးဖြတ်တော်မူကြသည်။

သီးခြားဝိနည်းဓိုရ်ဆရာတော်ကြီးများ

စဉ် ဘွဲ့တော် သက်တော်/သိက္ခာ ကျောင်း/ကျောင်းတိုက်

၁။ ဘဒ္ဒန္တက၀ိန္ဒာစာရ ၇၆/၅၇ ဓမ္မာလင်္ကာရရေအားလျှပ်စစ်ကျောင်းတိုက်၊ သာစည်မြို့။

၂။ ဘဒ္ဒန္တစန္ဒိမာဘိဝံသ ၆၄/၄၅ မင်းကျောင်းပဌမပြန်စာသင်တိုက်၊ သံလျင်မြို့။

၃။ ဘဒ္ဒန္တသောဘဏ ၆၃/၄၃ မဟာဝိသုတာရာမအလယ်တိုက်၊ ပခုက္ကူမြို့။

၎။ ဘဒ္ဒန္တ၀ိသုဒ္ဓါစာရာဘိဝံသ ၆၂/၄၂ သာသနဇောတာရုံကျောင်းတိုက်၊ မတ္တရာမြို့။

၅။ ဘဒ္ဒန္တ၀ါသေဋ္ဌာဘိဝံသ ၅၇/၃၇ ဓမ္မသမိဒ္ဓိကျောင်း၊ မစိုးရိမ်တိုက်သစ်၊ မန္တလေးမြို့။

စာအမှတ်.......... ရက်စွဲ၊ ၁၅- ၁၁- ၂၀၁၁-။

(မိုးပြာဝိနိစ္ဆယကျမ်း စာမျက်နှာ ၄၃၁)

အထူးသတိပြုဖွယ်ရာ

၁။ ဖော်ပြပါအတိုင်း “၂။ “ထိုဝါဒတို့ကို ဟောပြောသူ၊ လက်ခံသူ၊ ပုံနှိပ်ဖြန့်ဝေသူတို့သည် အဓမ္မ၀ါဒီများ ဖြစ်ကြသည်” ဟု ” ဆုံးဖြတ်တော်မူမြဲပင် ဖြစ်တော်မူကြသည်ကို တွေ့ရမြဲပင် ဖြစ်ပါသည်။

သို့ရာတွင်

၂။ ဖော်ပြပါအတိုင်း “အဓမ္မ၀ါဒအဟောင်းများကို ပြန်လည်ဟောပြောရေးသားထားခြင်း ဟုတ်/မဟုတ် စိစစ်ဆုံးဖြတ်ချက်= မိုးပြာအဖွဲ့ ခေါင်းဆောင် ဓမ္မ၀ိဟာရီ အရှင်ဉာဏသည် အဓမ္မ၀ါဒအဟောင်းများကို အသစ်တဖန် ပြန်လည်ဟောပြော ရေးသားထားပါကြောင်း စောဒနာ နောက်ဆက် တွဲအဖြစ် တင်ပြထားကြသည်။ စောဒကတို့ တင်ပြထားသော မိုးပြာအဖွဲ့ခေါင်းဆောင် ဓမ္မ၀ိဟာရီ အရှင်ဉာဏ၏ ဟောပြောရေးသားချက်တို့ကို စောဒကတို့ ညွှန်ပြထားသော ၀ိနိစ္ဆယစာတမ်းများ၌ ပါဝင်ပြီးဖြစ်သော အဓမ္မ၀ါဒများ ဟုတ်/မဟုတ်သာ နိုင်ငံတော် သီးခြား ၀ိနည်းဓိုရ် အဖွဲ့အမှတ် (၁၇/၂၀၁၁) အဖွဲ့ဝင် ဆရာတော်များက စိစစ်၍ ဆုံးဖြတ်ချက်ချပါအံ့” ဟု တွေ့ရပါသည်။

၃။ ဤဖော်ပြပါ (၁။ ၂) တို့တွင် “မည်သူကပင်ဖြစ်ဖြစ် အဓမ္မ၀ါဒအဟောင်းများကို ပြန်လည်ဟောပြောရေးသားထားခြင်း ဟုတ်မှန်နေကြောင်း တွေ့မြင်ရလျှင် ထိုသူ့အပေါ် ဥပဒေအရ အရေးယူမှုတို့ကို တစ်ခါတည်းပင် အတည်ပြု စီရင်ချက်ချမှတ်နိုင်မှသာလျှင် အဓမ္မ၀ါဒဟောင်းများကို ပြန်လည်ဟောပြောရေးသားခြင်းများ ကင်းရှင်းသွားမည်ဖြစ်ကြောင်း၊ သို့မှသာ နိုင်ငံတော် သီးခြားဝိနည်းဓိုရ်များ၏ ဆုံးဖြတ်ချက်များအပေါ် ဓမ္မ၀ါဒီ အဓမ္မ၀ါဒီ အားလုံးတို့က အလေးထား လာကြမည်ဖြစ်ကြောင်း၊ သို့မဟုတ်ပါက နိုင်ငံတော် သီးခြားဝိနည်းဓိုရ်များ၏ ဆုံးဖြတ်ချက်များ အပေါ် အဓမ္မ၀ါဒီတို့က အလေးထားခြင်း မရှိသည့်အတွက် မပြီးဆုံးနိုင်သော စောဒနာတင်မှု သောဓနာတင်မှု ဆုံးဖြတ်မှုတို့ဖြင့် အမှုအခင်းများ ရှုပ်ထွေးနေကြလျက် ဗုဒ္ဓဘာသာဝင်များအကြား အငြင်းပွားစရာများ တိုးပွားနေကြမည်ဖြစ်ကြောင်း” သတိပြုကာ တင်ပြအပ်ပါသတည်း။

၎။ “အဓမ္မ၀ါဒအဟောင်းများကို ပြန်လည်ဟောပြောရေးသားထားခြင်း ဟုတ်မှန်နေကြောင်း တွေ့မြင်ရလျှင် ထိုသူ့အပေါ် ဥပဒေအရ အရေးယူမှုတို့ကို တစ်ခါတည်းပင် အတည်ပြု စီရင်ချက်ချမှတ်နိုင်အောင် ပြည်သူ့လွှတ်တော်၊ အမျိုးသားလွှတ်တော်၊ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၊ နိုင်ငံတော်သမ္မတကြီး”တို့ထံသို့ တင်ပြ-တောင်းဆို-အတည်ပြုနိုင်အောင် ဆောင်ရွက်တော်မူကြရန် လိုအပ်နေပါပြီ။

(အားလုံး ၀ိုင်းဝန်း စဉ်းစားကြည့်တော်မူကြပါရန် တင်ပြခြင်းမျှသာ ဖြစ်သည်။)

0 comments:

Post a Comment