အသင်းချုပ်၏ အမည်၊ တည်နေရာ၊ တည်ထောင်သည့်နေ့၊
(က) အသင်းချုပ်၏ အမည်
ဤအသင်းချုပ်ကို (ဓမ္မဥပဒေပြန့်ပွားရေးအသင်းချုပ်)ဟု ခေါ်တွင်စေရမည်။ အသင်းချုပ်၏ အသင်းခွဲများ ဖြစ်ပေါ်လာလျှင် အမည်၏နောက်တွင် မြန်မာနိုင်ငံတော်ကို ဖြည့်စွက်ခေါ်တွင်ရမည်။ (ဥပမာ-ဓမ္မဥပဒေ ပြန့်ပွားရေး အသင်းချုပ်၊ မြန်မာနိုင်ငံတော်) အသင်းခွဲအမည်များတွင် အသင်းချုပ်ဟုသုံးစွဲခြင်း မရှိစေရ။ (ဥပမာ-ဓမ္မဥပဒေ ပြန့်ပွားရေးအသင်း၊ ဗဟန်းမြို့နယ်)
(ခ) အသင်းချုပ်၏ တည်နေရာ
၁။ ဤအသင်းချုပ်၏ တည်နေရာသည် ရန်ကုန်မြို့တော် စည်ပင်သာယာ နယ်နိမိတ်အတွင်း၌ တည်ရှိစေရမည်။
၂။ ဤအသင်းချုပ်ဝင် အသင်း၊ အဖွဲ့များ၏ တည်နေရာသည် ပြည်ထောင်စုမြန်မာနိုင်ငံတော် နယ်နိမိတ်အတွင်းရှိ မြို့နယ်များတွင် တည်ရှိစေရမည်။
၃။ ဤအသင်းချုပ်၏ အသင်းခွဲများသည် ပြည်ထောင်စုမြန်မာနိုင်ငံတော် နယ်နိမိတ်အတွင်းရှိ မြို့နယ်များတွင် တည်ရှိစေရမည်။
(ဂ) အသင်းချုပ်တည်ထောင်သည့်နေ့
ဤအသင်းချုပ်ကို သာသနာတော်နှစ် ၂၅၅၃ ခုနှစ်၊ အဘိဓမ္မာအခါတော်နေ့၊ မြန်မာနှစ် ၁၃၇၁ ခုနှစ်၊ သီတင်းကျွတ်လပြည့်နေ့၊ ခရစ်နှစ် ၂၀၀၉ ခုနှစ်၊ အောက်တိုဘာလ ၃ ရက်၊ စနေနေ့တွင် စတင်တည်ထောင်သည်။
No comments:
Post a Comment