၁။ သင်္ဂါယနာခြောက်တန် တင်ထားအပ်ပြီးသော ထေရဝါဒသာသနာတော် - ပိဋကတ်သုံးပုံလာ တရားတော်များ ပြန့်ပွားစေလျက် ဗုဒ္ဓသာသနာဝင် ရဟန်းရှင်တို့နှင့် ဥပါသကာ၊ ဥပါသိကာအားလုံး အဆိုပါ ပိဋကတ်သုံးပုံလာတရားတော်တို့အတိုင်း ကျင့်ကြံပွားများအားထုတ်၍ ပစ္စုပ္ပန်၊ သံသရာ ကောင်းကျိုးနှစ်ဖြာတို့နှင့် နိဗ္ဗာန်ချမ်းသာ တိုင်အောင် ကောင်းကျိုးများ ခံစားနိုင်ကြစေရန်။
၂။ နိုင်ငံတော် သံဃဝိနိစ္ဆယဌာနနှင့် သာသနာရေးဌာနတွင် အဓမ္မဝါဒဖြစ်ကြောင်း ဝန်ခံလက်မှတ်ရေးထိုးထား ရှိပြီး နေရာဟောင်းတွင်ပင်ဖြစ်စေ၊ အခြားမြို့-ရွာ-နေရာသစ်တွင်ဖြစ်စေ၊ အမည်ဟောင်းဖြင့်ဖြစ်စေ၊ အခြား အမည်သစ်ဖြင့်ဖြစ်စေ အဓမ္မဝါဒများ ဆက်လက်ဟောပြော၊ ဖြန့်ချိနေမှုများကို သံဃဝိနိစ္ဆယကာကွယ်စောင့် ရှောက်ရေး ဥပဒေပုဒ်မအရ သာသနာရေးဝန်ကြီးဌာန၏ ခွင့်ပြုချက်ဖြင့် ထုတ်ဖော်စွဲဆိုချက်များ တင်သွင်း သွားရန်။
၃။ အဓမ္မဝါဒသစ်တစ်ခုခု၏ ပျံ့နှံ့မှုပမာဏအရ နိုင်ငံတော်သံဃမဟာနာယကအဖွဲ့သို့ တင်ပြပြီး နိုင်ငံတော်သံဃ ဝိနိစ္ဆယဌာနနှင့် သာသနာရေးဝန်ကြီးဌာနတို့က အဓမ္မဝါဒသစ်ကို စစ်ဆေးဆုံးဖြတ်၍ တားဆီး၊ ဖယ်ရှားနိုင်ရေး အတွက် စောဒနာလွှာများ ပြုစုတင်သွင်းသွားရန်။
၄။(ထေရဝါဒဗုဒ္ဓသာသနာတော်(ပိဋကတ်သုံးပုံ)သည်နိုင်ငံတော်၏ဘာသာသာသနာဖြစ်သည်)ဟု ယုံကြည်သည်နှင့်အညီ ထေရဝါဒဗုဒ္ဓသာသနာတော် (ပိဋကတ်သုံးပုံ) အား စော်ကား၊ ပုတ်ခတ်၊ တိုက်ခိုက်၊ နစ်နာစေမှုများကို စုံစမ်း၍ ဖော်ထုတ်၊ တားဆီး၊ ဖယ်ရှားမှုများကို ဓမ္မလမ်းကြောင်းအတွင်းမှ အစွမ်းရှိသမျှ ဆက်လက်ဆောင်ရွက်သွားရန်။
၅။ (ထေရဝါဒဗုဒ္ဓသာသနာတော် (ပိဋကတ်သုံးပုံ) သည် နိုင်ငံတော်၏ ဘာသာသာသနာဖြစ်သည်)ဟု ယုံကြည် သည်နှင့်အညီ ထေရဝါဒဗုဒ္ဓသာသနာတော် သန့်ရှင်းတည်တံ့စေရန် စာအားဖြင့်လည်းကောင်း၊ တစ်ဦးချင်းလည်းကောင်း၊အစုအဖွဲ့အလိုက်လည်းကောင်း၊ကွန်ရက်နည်းပညာများဖြင့်လည်းကောင်း စုံစမ်း ဖော်ထုတ်၍ ပြန်လည်ဖြန့်ချိပေးရန်။
