December 30, 2009

ဘုရားထက် သာသူများ

ဘုရားထက်သာတယ်-ဓမ္မဒူတ အရှင်ပညာဇောတ(ဗုဒ္ဓဓမ္မပြဿနာပေါင်းချုပ် ၊ ပထမတွဲမှ ကူးယူဖော်ပြသည်။)

ယခုခေတ်သည် တရားအားထုတ်သူ ပေါများသော ခေတ်ဖြစ်၏။ အမြို့မြို့ အရွာရွာမှာ တရားအားထုတ်သူများမှာ အနည်းအများ ဆိုသလို ရှိကြကုန်၏။ တရားဟောရာတွင်တောင် ၀ိပဿနာဟောမှ အများကြိုက်ကို ဖြစ်လာ၏။ ယင်းသို့ ၀ိပဿနာတရား နာကြားအားထုတ်သူများ ပေါများလာ၍ တစ်ဖက်ကကြည့်လျှင် အားရ၀မ်းသာ စရာပင် ဖြစ်၏။ တစ်ဖက်ကကြည့်လျှင် အားမရစရာ ၀မ်းမသာစရာတွေ များစွာတွေ့နေရ၏။

မှန်၏။ တရားအားထုတ်ခြင်းသည် အစွဲဒိဋ္ဌိပြုတ်အောင် အားထုတ်ခြင်းဖြစ်၏။ တစ်ချို့မှာ တရားအားထုတ် ပြီးမှ အစွဲအလမ်း ပို၍ပင် ကြီးနေသည်ကို တွေ့ရ၏။ အထူးသဖြင့် ပုဂ္ဂိုလ်စွဲ၊ တရားစွဲတွေ ဖြစ်လာ၏။

ပုဂ္ဂိုလ်စွဲ တွေ ထားပါဦး။ တရားစွဲမှာ ဖြစ်ရန်မသင့်ပေ။ အဘယ်ကြောင့်ဆိုသော် ဟောသမျှ၊ ပြသမျှ တရားတွေမှာ ဘယ်သူပဲ ဟောဟော၊ ပြပြ ဘုရားရှင်၏ တရားတွေကိုချည်း ဟောကြ၊ ပြကြရသောကြောင့် ဖြစ်၏။ ယင်းသို့ ဘုရားရှင်၏ တရားတော်တွေကိုချည်း ဟောကြ၊ ပြကြရာ၌ ဘုရားရှင်၏ အာဘော်ကျသူနှင့် မကျသူဟူ၍ နှစ်မျိုးနှစ်စား ရှိသည်။ ယင်းကိုတော့ သာမန် သူလိုကိုယ်လို ယောဂီများ သိဖို့မလွယ်ကူ။ သို့မလွယ်ကူဘဲ `တို့နည်းမှ နည်းကောင်း၊ တို့ဆရာမှ ဆရာကောင်း´ ဟု စွဲထားလျှင် ဘယ်သူနစ်နာမည်နည်း။

တစ်ခါက မိမိသည် တောရတစ်ခုတွင် နေ၏။ မိမိနှင့်အတူ သီတင်းသုံးဖော် နှစ်ပါးရှိ၏။ မိမိပါဆိုလျှင် သုံးပါးရှိ၏။ ဥပုသ်နေ့တွင် မိမိနှင့်တစ်ပါးမှာ တရားဟော၏။ သူက မနက်ဟောလျှင် မိမိက နေ့လယ်တွင် ဟော၏။ သူက နေ့လယ်ဟောလျှင် မိမိက နံနက် ဟော၏။ ပရိသတ်မှာ ရံခါ မိမိအား၊ ရံခါ သူ့အား သင့်သလို မေးလျှောက်စရာရှိလျှင် မေးလျှောက်လေ၏။ တစ်နေ့ ဒကာမကြီးတစ်စု သူ့ထံသို့ ချဉ်းကပ်လျှောက်မေး၏။

`အရှင်ဘုရား၊ (သူ)က ညည်းတို့ တရားအားထုတ်တာ ဘာဖြစ်ပြီလဲ၊ ငါတော့ `ဝေဒနာကုန်ပြီ´ လို့ ပြောတယ်ဘုရား။

အဲဒါ သူက ညည်းတို့ဘုန်းကြီး လျှောက်ကြည့်စမ်းပါ၊ ဝေဒနာကုန်လျှင် ဘယ်အဆင့် ရောက်တယ်ဆိုတာ၊ ညည်းတို့ဘုန်းကြီး သိပါတယ်လို့ တို့ဆရာတော်က ပြောတယ်လို့ ပြောတယ်ဘုရား၊ ဝေဒနာကုန်တော့ ဘယ်အဆင့် ရောက်သွားပြီလဲဘုရား´

`ဒကာမကြီး၊ အဲဒီ ဒကာမကြီးကို ပြောလိုက်၊ ဝေဒနာကုန်လျှင် ဘုရားထက် သာတယ်´လို့

ထိုအရှင်သည် ကာယိကဒုက္ခ ဝေဒနာကုန်မှုကို ရည်ရွယ်ပြောလိုက်ခြင်း ဖြစ်၏။ မေးခိုင်းသည့်ယောဂီ ကုန်တယ်ပြောတဲ့ ဝေဒနာမှာလည်း ကာယိကဒုက္ခဝေဒနာပင် ဖြစ်၏။ ကာယိက ဒုက္ခဝေဒနာမှာလည်း ဘုရားမှာပင် မကုန်သေး။ ယောဂီက ကုန်ပြီပြော၍ ဘုရားထက် သာတယ်ဟု ပြောခြင်းဖြစ်၏။ ဒကာမကြီးများ မှာ သဘောကျလွန်းလို့ ခွက်ထိုးခွက်လှန် ရယ်မောကြတော့၏။ အားရပါးရ ရယ်မောကြတော့၏။ ရယ်မောပြီး တဖန် ပြန်လျှောက်ပြန်၏။

`အရှင်ဘုရား၊ ဝေဒနာကုန်လျှင် ဘုရားထက်သာတယ်ဆိုတာ အမှန်ပဲလားဘုရား´

`ခက်နေပါပြီ ဒကာမကြီးကလည်း၊ တကယ်ဝေဒနာကုန်လျှင် တကယ်ဘုရားထက် သာတာပေါ့။´

`ဒါဖြင့် တပည့်တော် (သူ့)ကို ဒီအတိုင်း ပြန်ပြောလိုက်မယ်ဘုရား´

`ဒီအတိုင်းပြောရုံပဲရှိတာပေါ့၊ ရှင်းပြလည်း ဒကာမကြီးက အကုန်ပြန်ရှင်းနိုင်တာမှ မဟုတ်တာဘဲ´

`နည်းနည်းလောက် ရှင်းပြပါဦးဘုရား၊ မှတ်မိသလောက် ပြန်ပြောတာပေါ့၊ တပည့်တော်တို့လည်း မှတ်ထားရတာပေါ့´

`ကဲ ဒါဖြင့် နားထောင်´

`အခါတစ်ပါး ဘုရားရှင်သည် ဘဂ္ဂတိုင်း သုသုမာရဂိရမြို့ငယ်၊ သားရဲတို့အား ဘေးမဲ့ပေးရာ ဘေသကဠ တော၌ နေတော်မူ၏။ ထိုအခါ နကုလပိတာ သူကြွယ်သည် ဘုရားရှင်ထံ ချဉ်းကပ်ရှိခိုးပြီး လျှောက်ထား၏။'

`အရှင်ဘုရား၊ အကျွန်ုပ်သည် အသက်အရွယ် ကြီးပြင်းအိုမင်းပါပြီ၊ အရွယ်သုံးပါးတွင် နောက်ဆုံးအရွယ် သို့ ရောက်ပါပြီ၊ နာကျင်သော ကိုယ်ရှိပါ၏။ မပြတ်နာကျင်၍ နေပါ၏´

`အရှင်ဘုရား၊ အကျွန်ုပ်သည် မြတ်စွာဘုရား ကိုလည်းကောင်း၊ စိတ်နှလုံးကို ပွားစေတတ်သော ရဟန်း တော်တို့ကိုလည်းကောင်း အမြဲမပြတ် မဖူးမြင်နိုင်တော့ပါ။´

`အရှင်ဘုရား၊ မြတ်စွာဘုရားသည် ဆုံးမတော်မူပါ၊ ကံမြစ်တော်မူပါ၊ ယင်းအဆုံးအမတော်သည် အကျွန်ုပ်အား ကြာမြင့်စွာသော ကာလပတ်လုံး စီးပွားချမ်းသာ အလို့ငှါ ဖြစ်ပါ၏။´

`သူကြွယ်၊ ဤစကားသည် မှန်၏။ ဟုတ်၏။ သူကြွယ်၊ ဤကိုယ်သည် နာကျင်သည်သာတည်း၊ ဥကဲ့သို့ဖြစ်၏။ အရေပါးတို့ဖြင့် မြှေးယှက်ထားအပ်၏။´

`သူကြွယ်၊ တစ်ဦးတစ်ယောက်သည် ဤကိုယ်ကို ရွက်ဆောင်နေရလျက် တစ်ခဏမျှသော်လည်း အနာကင်းခြင်းကို ၀န်ခံပါလျှင် ထိုသူအား မိုက်သည့်အဖြစ်မှတစ်ပါး အခြားမရှိတော့ချေ´

`သူကြွယ်၊ ထို့ကြောင့် ဤအရာဝယ် `ငါသည် နာကျင်သော ကိုယ်ရှိသူဖြစ်လျက် ငါ၏ စိတ်သည် နာကျင်မှုကင်းသည် ဖြစ်လတ္တံ့´ ဟု ဤသို့ သင်ကျင့်အပ်၏´

`ကဲ… အဲဒီမှာ ဘုရားက ဘယ်လိုဟောထားလဲ၊ ဒီကိုယ်ဟာ နာကျင်သည်သာ ဖြစ်၏။ ဥကဲ့သို့ဖြစ်၏တဲ့၊ ဥဆိုတာ ဘာနဲ့ထိထိ သူပဲနာတယ်၊ ကွဲတယ်၊ ဒီကိုယ်ဟာ အရေပါးနှင့် အမြှေးယှက်ထား၍လည်း ဘာနဲ့ထိထိ သူပဲနာတယ်၊ ဒီကိုယ်ရှိနေလျက် `တစ်ခဏမျှသော်လည်း အနာကင်းပါတယ်´ ဆိုလျှင် လူမိုက်တဲ့၊
ဒါကြောင့် `ကိုယ်ကတော့ နာကျင်ချင် နာကျင်ပစေ၊ စိတ်မနာအောင် ကျင့်တဲ့´ ကိုယ်နာတာ သည်းခံပြီးကျင့်တဲ့။´

`ပြီးတော့ ဘုရားရှင် ဇီဝက၏ သရက်ဥယျာဉ်ဝယ် နေတော်မူသောအခါ ဒေ၀ဒတ် ကျောက်ဖြင့် ပစ်ချခြင်းကြောင့် ခြေမတော်ဝယ် သွေးစိမ်းတည်၍ အနာယဉ်းတယ်၊ ဇီဝကက ဓားဖြင့်ခွဲ၍ ဆေးလိမ်းကျပ်စည်း ပြီး ကုသတယ်၊ ဇီဝကက `ကိုယ်တော် ပူပန်ခြင်း ဖြစ်သလော´ ဟု လျှောက်သော် ကိုယ်တော် ပူပန်သော်လည်း စိတ်ပူပန်ခြင်း မရှိကြောင်း မိန့်တယ်။´

`သံသရာခရီးကို သွားရောက်ပြီး ဖြစ်ထသော၊ စိုးရိမ်ခြင်းမှ ကင်းထသော၊ ခန္ဓာစသော ခပ်သိမ်းသော တရားတို့၌ ကင်းလွတ်ထသော၊ ခပ်သိမ်းသော ဂန္ထလေးပါးကို ပယ်ပြီးထသော ပုဂ္ဂိုလ်အား စိတ်ပူပန်ခြင်းသည် မရှိ။´(အရဟန္တ၀ဂ်၊ ဓမ္မပဒ)

`ပြီးတော့ သံကိစ္စသာမဏေကို ခိုးသူကြီးက သတ်တော့ မျက်နှာကြည်လင်ပြီး ကြောက်ထိတ်လန့်ခြင်း မရှိတော့ အံ့သြပြီး သာမဏေကို မေးတယ်။

`သာမဏေ၊ ဤသို့သဘောရှိသော ကြောက်မက်ဖွယ်ရေး သေဘေး၌ သင့်အား ကြောက်ခြင်းမရှိ၊ ပိုလွန်၍ ရှေးကထက် ကြည်လင်လှပလာ၏၊ သာမဏေ သင်သည် ဘယ့်ကြောင့် မငိုသနည်း´

`ဂါမဏိ ခိုးသူကြီး၊ ကိုယ်ကို ငဲ့ကွက်ခြင်း မရှိသော၊ အာသဝေါကုန်ပြီးသော ပုဂ္ဂိုလ်အား စိတ်ဆင်းရဲခြင်း စေတသိကဒုက္ခ မရှိ၊ သံယောဇဉ်ကုန်ပြီးသော ပုဂ္ဂိုလ်အား စင်စစ် ကြောက်မက်ဖွယ်ရေး ဘေးအားလုံးကုန်ပြီ´ (သဟဿဝဂ်၊ ဓမ္မပဒ)

`ဘုရားဟောထားတာ နောက်အများကြီး ရှိသေးတယ်၊ တော်ပြီ ဒီလောက်ပဲ၊
ကဲ… ဒကာမကြီး ပြန်ပြောတတ်ပါ့မလား´

`ဘယ် အကုန်ပြောတတ်မလဲဘုရား´

`ဒါဖြင့် ဒီလိုပြောလိုက်၊ ဘုရားရဟန္တာများတောင်မှ စိတ်နာကျင်မှု စေတသိက ဒုက္ခဝေဒနာသာကုန်၍ ကိုယ်နာကျင်မှု ကာယိကဒုက္ခဝေဒနာ ရှိသေးတယ်၊ ဘုရားရဟန္တာများ တောင်မှ မကုန်တဲ့ ဝေဒနာကုန်လို့ `ဘုရားထက်သာတယ်´ လို့ ပြောလိုက်´

ဒကာမကြီးများမှာ ရယ်ကာမောကာနှင့် ရှိခိုးဦးချ၍ `ပြောလိုက်ပါ့မယ်ဘုရား´ဟု ပြောရင်း ပြန်ကြလေတော့၏။

• ဗုဒ္ဓတရား ရှုပွားများ လွဲမှားအယူ ကင်းစေသော်။



ဓမ္မဒူတ အရှင်ပညာဇောတ
(ဗုဒ္ဓဓမ္မပြဿနာပေါင်းချုပ် ၊ ပထမတွဲမှ ကူးယူဖော်ပြသည်။)

December 27, 2009

သီလ၊ သတိ၊ ဥာဏ်ယှဉ်တွဲပါ..

(ကလောင်ရှင်- ထက်စုနှင်းဆီ )(၀ိမုတ္တိရသ-မှ ကူးယူဖော်ပြသည်)



မြတ်စွာဘုရား၏ သာသနာတော်အား ၂၅၅၃ ခုနှစ်သို့တိုင် ပရိယတ္တိ၊ ပဋိပတ္တိ၊ ပဋိဝေဓ သာသနာသုံးရပ်ဖြင့် အစဉ်အဆက် ထိန်းသိမ်းစောင့်ရှောက်လာကြသူများမှာ ရဟန်းသံဃာတော်များ ဖြစ်ကြပါသည်။ ယနေ့ကာလသည် ဝိမုတ္တိကာလ ဖြစ်လေသောကြောင့် လူအများသည် ဝိပဿနာတရားကို ပိုမိုစိတ်ဝင်စားလာကြပါသည်။

ဝိပဿနာတရားစစ် တရားမှန်၏ အင်္ဂါရပ်..

တရားစစ် တရားမှန်၏ အင်္ဂါရပ်မှာ နှစ်ချက်တည်းသာ ရှိပါသည်။ ရှုပွားဆဲအချိန်တွင် ကိလေသာများ ငြိ်မ်းနေသောကြောင့် စိတ်ရော ကိုယ်ပါ ငြိမ်းချမ်းနေပြီး၊ တရားရသွားသောအခါတွင်လည်း ပယ်သတ်သင့်သော ကိလေသာများကို ပယ်သတ်ပြီးသောကြောင့် ကိုယ် စိတ် နှလုံး သုံးပါးစလုံး ငြိမ်းချမ်းနေတတ်ပါသည်။ ထိုသို့မဟုတ်ပဲ ကိုယ်ရော စိတ်ပါ ပင်ပန်းနေမည်ဆိုပါက တရားမှားနေကြောင်း သိထားသင့်ပါသည်။

တရားဟူသည် ထိုင်မှ ရမည်လော…

တရားဟူသည် ထိုင်မှသာ ရမည်ဟု လူအများက ထင်မှတ်မှားနေကြပါသည်။ တရားထိုင်ကျင့်ရှိသူများကို အပြစ်မပြောလိုသော်လည်း တရားထိုင်ရန် အဆင်မပြေသူများအတွက်မူ စိတ်အားငယ်စရာ ဖြစ်လို့ နေပါသည်။ အမှန်စင်စစ် ဝိပဿနာတရားဟူသည် ကာယအလုပ်မဟုတ်၊ ဥာဏအလုပ်သာလျှင်ဖြစ်ပါသည်။ မည်သို့သော အမူအရာလှုပ်ရှားမှုမျိုးမဆို သတိတရားနှင့် အသိကပ်ပြီး ဥာဏ်နှင့်ရှုပွားနိုင်မည်ဆိုပါက ယင်းသည် တရားထိုင်သည်နှင့် သဘောတရားအတူတူပင် ဖြစ်ပါသည်။ ဥာဏ်ပညာမပါပဲ တရားထိုင်မည် ဆိုပါက မည်မျှပင် ကြာကြာထိုင်စေကာမူ တရားစစ်ကို သိရှိနိုင်မည် မဟုတ်ပေ။

ပဠာသ - မတူဘဲ တုပြိုင်ပြောဆိုခြင်း

မိမိတို့ထက် အကျင့်သီလ၊ စာပေဗဟုသုတ၊ သမာဓိ၊ ပညာတို့နှင့် ပြည့်စုံ သာလွန် မြင့်မြတ်တော်မူကြသော ဆရာတော်ကြီးများနှင့် မရိုမသေ ဖက်ပြိုင် ပြောဆို ပြုလုပ်ခြင်းကို ပဠာသ ဟု ခေါ်ပါသည်။ ဤကဲ့သို့ မနှိုင်းကောင်းဘဲ နှိုင်းယှဉ် ဂုဏ်ပြိုင်ခြင်း၊ မရိုမသေ တန်းတူထားပြောဆိုခြင်းသည် အပြစ် အလွန်ကြီးပါသည်။ ဤသို့သော လူများ၏ နှုတ်သွက် လျှာသွက် အာကောင်းကောင်းနှင့် ရဲရဲတင်းတင်း ပြောဆိုနေခြင်းကို စူးစမ်းဆင်ခြင်ဥာဏ်နှင့် အသိလိမ္မာ ဥာဏ်ပညာ နည်းပါးသော အချို့လူများက ဟုတ်လေနိုးနိုး ယုံလွယ်တတ်ကြပါသည်။ ထိုပြင် ကိုယ်တွေ့ဥာဏ်ပါဟု ပြောပါက သာ၍ အထင်ကြီးတတ်ပြီး ရှေ့က သွားသူများနောက် လိုက်ပါရန် ဝန်မလေးတတ်ကြပေ။


အရိယာသူတော်ကောင်းဟူသည်သီလစင်ကြယ်မှု 

ရာခိုင်နှုန်းပြည့်ရှိရပါမည်…

ပုထုဇဉ်၏ သီလဝိသုဒ္ဓိသည် အချိန်မရွေး ဖောက်ဖျက်နိုင်သော်လည်း အရိယာသူတော်ကောင်း၏ သီလဝိသုဒ္ဓိသည် မည်သည့်အကြောင်းပြချက်နှင့်မျှ မပျက်စီးနိုင်တော့ပေ။ ကိုယ်၊ စိတ်၊ နှလုံးသုံးပါး စင်ကြယ်ယုံသာမက ရတနာသုံးပါးနှင့်တကွ ကြီးမြတ်သူများအားလုံးကို ပြစ်မှား အပြစ်တင်ခြင်း မပြုလုပ်တော့ပေ။ ရဟန်းဖြစ်မည် ဆိုပါက မြတ်စွာဘုရား၏ အဆုံးအမ သာသနာကို ရိုရိုသေသေ လိုက်နာသည့်အပြင် ဝိနည်းစည်းကမ်းကို အသက်ထက် တန်ဖိုးထား ရိုသေတတ်ကြပါသည်။

သစ္စာသုံးခိုင် နိဗ္ဗာန်တိုင်..

သမ္မုတိသစ္စာ၊ ပရမတ္တသစ္စာ၊ အရိယသစ္စာဟူ၍ နယ်ပယ်သုံးရပ်ရှိပါသည်။ သမ္မုတိသစ္စာနယ်ပယ်တွင် အမှန်မရှိသော နံမည် ပညတ်အခေါ်အဝေါ်များသာ ရှိသော်လည်း၊ ပရမတ္တသစ္စာ နယ်ပယ်တွင်မူ အဟုတ်ရှိ အမှန်တကယ်ရှိသော စိတ် စေတသိက် ရုပ်၊ နိဗ္ဗာန် လေးမျိုးသာလျှင် ရှိနေပါသည်။ အရိယသစ္စာနယ်ပယ်ဆိုသည်မှာ- ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာ ဟူသော သစ္စာလေးပါးကို ခေါ်ဆိုခြင်းဖြစ်ပါသည်။

ပညတ်နှင့် ပရမတ်

ပညတ်ဟူသည် သမုတ်ရှိဖြစ်၍ ပရမတ်ဟူသည် အဟုတ်ရှိဖြစ်လေ၏။ သို့ရာတွင် ပညတ်တည်းဟူသော သမ္မုတိသစ္စာနယ်ကို ပစ်ပယ်၍မရနိုင်ပေ။ လောက အခေါ်ရှိနှင့် တကယ်ရှိကို ပိုင်းခြားသိမြင်ခြင်းဖြင့် ပရမတ်တည်းဟူသော ပရမတ္တသစ္စာ၏ မမြဲသောသဘော ဖောက်ပြန်ပြောင်းလဲနေသော သဘောတရားများကို ဥာဏ်နှင့် သိမြင်လာနိုင်ပါသည်။ ထိုသို့မဟုတ်ပဲ ပညတ်ကို ပယ်မည်ဆိုပါက မှားယွင်းသော အတွေးအခေါ် အယူအဆများ လုပ်ဆောင်မှုများကြောင့် အပါယ်ငရဲသို့ လားရတတ်ပါသည်။

ထိုကြောင့် တချို့သော တရားပြနေသူများသည် ပညတ်ကို တကယ်မရှိ၊ အမှန်ရှိတာ ပရမတ်ဟု ဆိုကာ ဘုန်းကြီးနှင့်လူ ဟူ၍ ခွဲခြားခြင်းမပြုတော့ပဲ ကြမ်းတပြေးတည်း အတူထိုင်ခြင်း၊ ဘုန်းကြီးနှင့် သီလရှင် တဝိုင်းတည်း ဆွမ်းဘုန်းပေးခြင်း၊ ဝိကာလဘောဇနာဟူသည် အချိန်သတ်မှတ်ချက်သာဖြစ်၍ တကယ်မရှိသော ပညတ်ချက်ဟုဆိုကာ မွန်းလွဲချိန်ကျော်သည်အထိ ဆွမ်းဘုန်းပေးခြင်း စသော ရဟန်းဝိနည်း၊ လူ့စည်းကမ်းများကို ချိုးဖောက်လာကြပါသည်။ အကန့်အသတ်ရှိသော အတ္တစွမ်းအားကို အခြေခံလျက် အနတ္တစွမ်းအား အနတ္တဥာဏ်ဆိုက်ရောက်အောင် ပြုလုပ်ရမည့်အစား အတ္တကို ပစ်ပယ်နေခြင်းကြောင့် အနတ္တမြင်မမြင်မှာ မသေချာလှပေ။

အမှန်တကယ် ပယ်ရမည့်အရာများ….

စွဲလမ်းမှုတဏှာ၊ ငါစွဲ ဒိဋ္ဌိနှင့် ထောင်လွှားသော မာနများကို ပယ်သတ်ရမည့်အစား ပညတ်ကို တကယ်မရှိဟုယူဆကာ ပယ်သတ်နေခြင်းသည် မှားယွင်းသော အယူအဆ အတွေးအခေါ်များသာ ဖြစ်ပါသည်။ အမှန်တကယ် ပယ်သတ်ရမည့် ငါတော် ငါတတ် ငါသိ ဟူသော တဏှာ၊မာန၊ ဒိဋ္ဌိများနှင့်အတူ မိမိတို့ကိုယ်ကို မိမိတို့ အရိယာပါဟု လည်းကောင်း၊ ဥာဏ်စဉ်များ ဘယ်နှစ်ဆင့် တက်နေပါပြီဟုလည်းကောင်း ၊ ရဟန်း၏ ဝိနည်းသိက္ခာပုဒ်၊ လူ့စည်းကမ်းများ ချိုးဖောက်လျက် တိုင်းသိပြည်သိ ကမ္ဘာသိအောင် ကြော်ညာ မောင်းခတ်လျက် ရှိနေကြပါသည်။

သစ္စာလေးပါး မြတ်တရား

ဒုက္ခသစ္စာဟူသည် ပိုင်းခြားသိရမည်၊ သမုဒယသစ္စာဟူသည် ပယ်သတ်ရမည်၊ နိရောဓသစ္စာဟူသည် မျက်မှောက်ပြုရမည်၊မဂ္ဂသစ္စာဟူသည် ပွားများရမည် ဖြစ်ပေသည်။ မဂ္ဂသစ္စာဖြင့် ဒုက္ခသစ္စာကို ပိုင်းခြားပြီး သိမည်ဆိုပါက သမုဒယသစ္စာကို ပယ်သတ်ခြင်းနှင့် နိရောဓသစ္စာကို မျက်မှောက်ပြုခြင်းသည် တပြိုက်တည်း ပြီးမြောက်နိုင်ပါသည်။


သတိပဋ္ဌာန်နည်းဖြင့် ဝိပဿနာရှုပွားနည်း လေးမျိုး…

ကာယာနုပဿနာ၊ ဝေဒနာနုပဿနာ၊ စိတ္တာနုပဿနာ၊ ဓမ္မာနုပဿနာ ဟူ၍ လေးမျိုးရှိပါသည်။ လူတို့၏ ပင်ကိုယ် စရိုက်ပေါ်မူတည်လျက် ရှုနည်းအမျိုးမျိုး ကွဲပြားနိုင်သော်လည်း မည်သည့်ရှုနည်းကို ကျင့်သုံးစေကာမူ ကျန်သုံးနည်းသည်လဲ အလိုအလျောက် အသုံးပြုနေရပါသည်။

ခန္ဓာနှစ်မျိုး၏ မတူညီပုံ…

မည်သည့် သက်ရှိသတ္တဝါမဆို မျက်စိဖြင့် မြင်နိုင်သော ဝင်ကစွတ် အထည်ခန္ဓာနှင့် ပကတိဥာဏ်ဖြင့်သာ သိနိုင်သော သဘောခန္ဓာငါးပါး ဟူ၍ နှစ်မျိုး ရှိပေသည်။ အထည်ခန္ဓာအား ပညတ်ဟုဆိုကာ ပယ်လိုက်ပါက အထည်ခန္ဓာအား အမှီပြုကာ ပေါ်ပေါက်လာမည့် သဘောခန္ဓာငါးပါး၏ မတည်မြဲမှုသဘော၊ ဖောက်ပြန်ပြောင်းလဲမှုသဘောကို သိရှိနိုင်မည် မဟုတ်တော့ပေ။ ထိုကြောင့် ဝိပဿနာရှုပွားခြင်းဆိုသည်မှာ အမှန်တကယ် မရှိသော ပညတ်အထည်ခန္ဓာကို အသုံးပြုကာ သိတတ်သော သဘောတရား ပရမတ်ခန္ဓာ ငါးပါး၏ မတည်မြဲမှုသဘောကို ဥာဏ်ဖြင့်ပိုင်းခြားသိမြင်နိုင်ခြင်းကို ဆိုလိုပါသည်။

အာရုံသိ ခန္ဓာငါးပါးသည်သာ ဘဝတစ်ခုလုံး၏ ဖွားသေ

သက်ရှိသတ္တဝါများ၏ သိတတ်သော သဘောတရားလေးသည်သာ ဘဝ၏ ဖွားသေ ဖြစ်ပေသည်။ သိတတ်သော သဘောတရား မရှိတော့ခြင်းကို သေဆုံးခြင်းဟု ခေါ်ဆိုပါသည်။ အာရုံနှင့် ဒွါရတိုက်ချိန်တွင် ဖြစ်ပေါ်လာသော သိတတ်မှု သဘောလေး၏ မမြဲခြင်းတရားကို ဒုက္ခသစ္စာဟု မြတ်စွာဘုရားက သတ်မှတ်ခဲ့ပါသည်။

မြတ်စွာဘုရား၏ အလုပ်ပေးတရားတော် (အနတ္တလက္ခဏာသုတ်)
“နေတံမမ နေသော ဟမသ္မိ နမေတော အတ္တာ”
ငါ၊ င့ါဥစ္စာ၊ ငါ့အတ္တ သည် အမှန်မရှိ၊ အနတ္တပါသည်သကား။ ဟူသည့် မြတ်စွာဘုရား၏ အလုပ်ပေးတရားတော်သည် အာရုံသိ သဘောတရားလေး၏ မမြဲခြင်း ဆင်းရဲအမှန်ကို ဆင်ခြင်နှလုံးသွင်း ပိုင်းခြားခြင်း ဖြစ်ပါသည်။

ဆူနာမီဆရာတော် ဦးဥတ္တမသာရ၏ တရားကောက်နှုတ်ချက်…

စိတ်နဲ့သိတဲ့ ဖြစ်တာမှန်သမျှ ခန္ဓာငါးပါးအတုပဲ၊ ဖြစ်ရုံသက်သက်၊ ဖြစ်ကာမတ္တ ဖြစ်နေတဲ့ ဖောက်ပြန်ပျက်စီးမှုကမှ ခန္ဓာငါးပါး ဒုက္ခသစ္စာအစစ်။ ဖြစ်တာပျက်တာမဟုတ်၊ ပျက်တာဖြစ်တာ။ ပြုလုပ်ကာမတ္တ ပြုလုပ်မူတွေ ပျက်နေတာ။ ဘာလုပ်လုပ် လက်ခံ သိမ်းပိုက်ပြီးမလုပ်နဲ့၊ စွန့်လုပ်။ လွတ်လွတ်လပ်လပ် လုပ်ရုံသက်သက်လုပ်၊

အတ္တ(တစ်ခုခု၊တစ်ယောက်ယောက်၊တစ်ချိန်ချိန်၊တစ်နေရာရာရဲ့အား) မပါစေနဲ့။ တစ်ခု၊ တစ်ယောက်၊ တစ်ချိန်၊ တစ်နေရာဆိုတဲ့ အထင်မှားကင်းကင်း၊ အစွဲကင်းကင်း လုပ်ရုံသက်သက်လုပ်မှ ကိလေသာဖြစ်နေမှုက လွတ်လပ်ရေးရမယ်။ မကန့်သတ်ဖို့၊ မပညတ်ဖို့၊ မဆုပ်ကိုင်ဖို့၊ မသိမ်းပိုက်ဖို့ အဓိကထားမှ တရားအလုပ်စစ်။>><<ရှင်းလင်းခြင်း>> <<မေ့လျော့မှု ( အ၀ိဇ္ဇာ ) ကြောင့်>>

အထက်ပါ ဆူနာမီဆရာတော်၏ တရားယူဆချက်သည် မြတ်စွာဘုရား၏ မြတ်တရားနှင့် ဆန့်ကျင်နေပါသည်။ စိတ်ဖြင့်သိသော အရာမှန်သမျှ ခန္ဓာငါးပါးအတု ဟု၊ သတ်မှတ်လျက် ဖောက်ပြန်ပျက်စီးမှုသည်သာ ဒုက္ခသစ္စာ အစစ်ဟု ဆိုလိုထားပါသည်။

ဝေဒနာသည် ချုပ်ငြိမ်းတတ်ပါသလား…..
ဝေဒနာဟူသည် နာကျင် ကိုက်ခဲ ညောင်းညာခြင်းများကို သာ ဆိုလိုခြင်းမဟုတ်ပါ။ ချမ်းသာခြင်း သုခဝေဒနာ၊ ဆင်းရဲခြင်း ဒုက္ခဝေဒနာနှင့် ချမ်းသာ ဆင်းရဲမဟုတ်သော ဥပေက္ခာဝေဒနာ ဟူ၍ ဝေဒနာသုံးမျိုးရှိပါသည်။ ဖောက်ပြန်မှု၊ ခံစားမှု၊ မှတ်သားမှု၊ စေ့ဆော်မှု၊ ပြုလုပ်မှုသဘောတည်းဟူသော သဘောခန္ဓာရှိနေသ၍ ဝေဒနာသည် ရှိနေမည်ဖြစ်ပါသည်။ ဝေဒနာချုပ်ငြိမ်းချိန်သည် သေဆုံးသွားသောအချိန်သာ ဖြစ်နိုင်ပေသည်။

အထည်ပညတ်ခန္ဓာ၏ ဖောက်ပြန်ပျက်စီးမှု…
အထည်ပညတ်ခန္ဓာ၏ ဖောက်ပြန်ပျက်စီးမှုသည် ထိန်းချုပ်၍မရသလို၊ တားဆီးနိုင်ခြင်းလည်းမရှိနိုင်ပါ။ သူ့သဘော သူဆောင်လျက် သူ့သဘာဝအတိုင်း ဖောက်ပြန်ပျက်စီးနေပါသည်။ သို့ရာတွင် သက်ရှိသတ္တဝါများ၏ မွေးရာပါ အသိဥာဏ်ဖြင့် ကံ၊ စ်ိတ်၊ ဥတု၊ အာဟာရများဖြင့် မတင့်တယ်မှု အသုဘ မှ တင့်တယ်မှု သုဘသို့ အချိန်နှင့်အမျှ ပြုပြင်နေကြရပါသည်။ ထိုကြောင့် ထိုဖောက်ပြန်ပြောင်းလဲမှုကို သိရုံသက်သက်မျှဖြင့် ဒုက္ခသစ္စာ၏ သဘောကို ပြည့်စုံအောင် သိနိုင်မည် မဟုတ်ပေ။ တွယ်တာစရာမရှိ၊ ကပ်ငြိစရာမရှိ၊ ငြီးငွေ့စရာ ဒုက္ခခံစားမှု သက်သက်သာ ဖြစ်သည်ဟူသော သံဝေဂတရားကို အခြေခံသော အသိတရားကိုသာ နားလည်နုိုင်ပါသည်။ ဖောက်ပြန်မှုကို ငြီးငွေ့ပြီး စွဲလမ်းမှု တဏှာ၊ ငါစွဲ ဒိဋ္ဌိ နှင့် ထောင်လွှားသော မာနကို အပြီးတိုင် ပယ်သတ်နိုင်မှသာလျှင် အသင်္ခတတည်းဟူသော နိဗ္ဗာန်ကို မျက်မှောက်ပြုနိုင်မည် ဖြစ်ပေသည်။

ဆရာအရွေး မမှားစေနဲ့….

မြတ်စွာဘုရား၏ လမ်းညွှန်ပြသမှု ကို အခြေခံလျက် ကျင့်ကြံအားထုတ်တော်မူသော ဆရာသမားများ၏ ကိုယ်တွေ့သည်သာ မှန်ကန်သော နည်းလမ်းကျင့်စဉ် ဖြစ်နိုင်ပါသည်။ သိပြီးမှ ကျင့်ကြံအားထုတ်မှုသည် မသိပဲ ကျင့်ကြံအားထုတ်မှုထက် ပိုမိုထိရောက် မှန်ကန် မြန်ဆန်နိုင်ပါသည်။ ထိုကြောင့် စစ်မှန်သော ဆရာသမား၏ လမ်းညွှန်မှု တာဝန် (ညာတပရိညာ) ပြီးဆုံးပါလျှင် မိမိ၏ ကျင့်ကြံအားထုတ်မှု တာဝန် (တိရဏပရိညာ) ကို ဆောင်ရွက်နိုင်ပါလျှင် ဓမ္မ၏တာဝန် (ပဟာနပရိညာ) သည် အချိန်တန်လျှင် ပြသမည်ဖြစ်ပါကြောင်း စေတနာရှေ့ထားလျက် ရေးသားလိုက်ရပါသည်။ ။

(ထိန်းချုပ်ခြင်း၊ တားဆီးခြင်း ပြုလုပ်၍ မရသော သူ့သဘော သူဆောင်၊ သူ့အလုပ် သူလုပ်နေသော ရုပ်၊ နာမ်၊ ဓမ္မ၊ သင်္ခင်္ါရတို့၏ မမြဲမှု၊ အချိန်နှင့်အမျှ ဖောက်ပြန် ပြောင်းလဲ ပျက်စီးနေမှုများကို မြဲမြံသော သတိတရားနှင့် အသိကပ်ပြီး ဥာဏ်ဖြင့် စောင့်ကြည့် ရှုပွားခြင်းဖြင့် တဏှာ၊ မာန၊ ဒိဋ္ဌိတည်း ဟူသော ကိလေသာများကို အပြီးတိုင် ပယ်သတ်နိုင်ခြင်းသည် အသင်္ခတ၏ နောက်ဆုံးပန်းတိုင် ဖြစ်ပါသည်။)


(သင်ဆရာ၊ မြင်ဆရာ၊ ကြားဆရာနှင့် ဖတ်ဆရာများ၏ သွန်သင်ဆုံးမမှု မြတ်တရားများပေါ် အခြေခံ၍ ရေးသားထားခြင်း ဖြစ်သော်လည်း၊ မှားယွင်းမှု ရှိပါက စာရေးသူ၏ တာဝန်သာ ဖြစ်ပါသည်။)


(ထက်စုနှင်းဆီ )
(၀ိမုတ္တိရသ-မှ ကူးယူဖော်ပြသည်)

December 18, 2009

ကာမေသုမိစ္ဆာစာရကို မှားယွင်းစွာ ဟောပြောရေးသားချက်ကို ဖြေရှင်းချက်


ပစ္စုပ္ပန်ဝါဒီတို့၏ အလို

“အတွေ့မှ အထူးအားဖြင့် လိင်ဆက်ဆံမူ့၊ မေထုန်မူ အတွေ့မှ ကာမဂုဏ်မဟုတ်ဘူး။ အာရုံငါးပါးကို ကိုယ့်လိုအင်နဲ့ တွေ့ထိမူတွေဟာ ကာမဂုဏ်တွေပဲ။ ဒါတွေကို မှားယွင်းကျက်စားတာဟာ ကာမဂုဏ် မှားယွင်းကျက်စားမူပဲ”
(ဘုရား၊ စာအုပ်- စာ-၁၅၃)

“မှားယွင်းကျက်စားမူကို အဓိပ္ပါယ် နည်းနည်းဖွင့်ရမယ်။ ကာမဂုဏ် ကျက်စားတာ မှားယွင်းကျက်စားနဲ့ မမှားမယွင်း ကျက်စား နှစ်မျိုးနှစ်စားရှိတယ်။ စားစရာတွေလဲ ကာမဂုဏ်တွေပဲ။ ၀တ်စရာတွေလဲ ကာမဂုဏ်တွေပဲ။ ကျန်တဲ့ လူအသုံးအဆောင် ပစ္စည်းတွေ အားလုံးလည်း ကာမဂုဏ်တွေပဲ။ အသုံးကို လွန်ပြီး အကြိုက် အစွဲ အလျောက် ကျက်စားတာဟာ မှားယွင်းတဲ့ ကျက်စားမူပဲ။(ဘုရား၊ စာအုပ်- စာ-၁၅၄)

ကာမပိုင်လဲ မိစ္ဆာစာရဖြစ်

“ကာမဂုဏ် မှားယွင်းကျက်စား ရှောင်မူဟာ ကိုယ့်ကာမပိုင် မဟုတ်သူကို မေထုန်မူပြုလို့ အဓိပ္ပါယ် ရမှာမဟုတ်ဘူး။
ပစ္စည်းအသုံးအဆောင် အားလုံးမှာ အကြောင်းမဲ့ သုံးဆောင်မူ (ဖြုန်းတီးမှု) တွေ ဖြစ်လာမယ်။ လိုအပ်တာထက် ပိုပြီး စားတာ၊ ၀တ်တာ၊ သုံးဆောင်တာတွေဟာ ကာမဂုဏ် မှားယွင်းကျက်စားမူတွေပဲ။ ကာမပိုင် ဖို မ ပင်ဖြစ်ပါစေ အကြောင်းမဲ့ လိင်ဆက်ဆံမူ ဖြစ်ရင် ကာမဂုဏ် မှားယွင်းကျက်စားမူ ဖြစ်မယ်”(ဘုရား၊ စာအုပ်- စာ-၁၅၄)

"စားတယ်၊ ၀တ်တယ် သုံးဆောင်တယ်၊ ကြည့်တယ် အစရှိတာတွေလဲ ကိုယ်နဲ့ပဲ လုပ်ရတာ ဖြစ်တယ်။ ဒီကိုယ်နဲ့ အမှုတွေမှာ မှားယွင်းကျက်စားတာတွေဟာ ကာမဂုဏ် မှားယွင်းကျက်စားတာတွေပဲ။(ဘုရား၊ စာအုပ်- စာ-၁၅၅)

ဘယ်သူ့အာရုံ ငါးပါးဖြစ်ဖြစ် မှားယွင်းကျက်စားက ကာမေသုမိစ္ဆာစာရပဲ။ အလှအပတစ်ခုကို အပျော်သဘောသက်သက်နဲ့ ကြည့်မယ်ဆိုရင် ကာမဂုဏ်မှားယွင်းကျက်စားမူက လွတ်ဖို့မရှိဘူး။ အဲဒီ အာရုံကို အပျော်သဘောသက်သက် ဆွဲမြူညို့ယူလဲ ဒီလိုပဲ။ သီိချင်း၊ ဂီတ ကို အကြောင်းတစုံတစ်ရာမရှိဘဲ ခံစားရဖို့အတွက် နားထောင်သီဆိုတာလဲ အပျော်သက်သက်ပေါ့။ ဒါဆိုရင် ကာမမိစ္ဆရ ပဲ။ ကိုယ်က မွေးထားတဲ့ ခလေးကို အကြောင်းမရှိဘဲ နမ်းရှုံ့ ပွေ့ဖက်တာလဲ
ကာမဂုဏ် မှားယွင်းကျက်စားမူ ဖြစ်တယ်။ ခလေးရဲ့ ကျန်းမာရေး၊ ကိုယ်အနံ့၊ အငွေ့သိဖို့ နမ်းတာ၊ ပွေ့ဖက်တာတွေဟာ
အဲဒါတွေရဲ့ အကြောင်းတွေပဲ။ ကာမပိုင် လင်မယားလည်း ဒီအတိုင်းပဲ။ ကာမပိုင်ဖြစ်ပေမယ့် အပျော်သက်သက်နမ်းရှုံပွေ့ဖက်ရင် အမှားပဲ။ တစ်စုံတစ်ခုကို တွေ့သိဖို့ နမ်းရှုံ့ ပွေ့ဖက်မှ ကာမဂုဏ်မှားယွင်းကျက်စားမှုက လွတ်မယ်။”(ဘုရား၊ စာအုပ်- စာ-၁၅၅)


ယင်းတို့ကား မိုးပြာဂိုဏ်းခေါင်းဆောင် ရှင်ဥာဏ၏ ဟောပြောရေးသားထားချက်များ ဖြစ်ပါသည်။

ရှင်းလင်းချက်

အရှင်ဥာဏသည် “ကာမေသုမိစ္ဆာစာရ” ၌ ကာမေသု ကို “အာရုံငါးပါး” ဟု ဘာသာပြန်၍ အာရုံငါးပါးကို ခံစားပါက ကာမေသုမိစ္တာစာရကံ” ထိုက်သည်ဟု ဆိုထားပါသည်။ ကိုယ့်သားသမိးကို ပွေ့ဖက်နမ်းရှုံ့မူ ကိုပင် ကာမေသုမိစ္ဆာစာရ ဟု ဆိုထားပါသည်။

ကာမေသုမိစ္ဆာစာရ ၌ ကာမေသုသည် အရှင်ဥာဏ ဟောပြောသကဲ့သို့ အာရုံငါးပါးကို ဆိုလိုသည်မဟုတ်ပါ။

သံယုတ်အဌကထာ၌...

ကာမေသူတိ မေထုန သမာစာရေသု။
(သံယုတ်အဌကထာ-၂၊ ၁၃၄။)
(မဇ္ဈီမ ပဏ္ဏာသ အဌကထာ ၁၊ ၂၀၂)
(ပဋိသံ၊ ဌ၊ ၁၊၂၀၄)

"ကာမေသု ဆိုတာ ရာဂအားဖြင့် တူကုန်သော သူနှစ်ယောက်တို့၏ အကျင့်တို့၌ (မေထုန်အကျင့်)"တို့၌ ဟု ဖွင့်ဆိုထားပါသည်။
ထို့ကြောင့် ကာမ ဆိုသည်မှာ မေထုန် အကျင့်ပင်ဖြစ်၍၊ ကာမေသုမိစ္ဆာစာရ ဆိုသည်မှာ မေထုန်အကျင့်(မေထုန ၀တ္ထု)တို့၌
တကယ်ကဲရဲ့ထိုက်စွာ ယုတ်မာသော အကျင့်ကို ခေါ်ဆိုခြင်း ဖြစ်ပါသည်။

မေထုန်အကျင့် ဆိုသည်မှာ မိန်းမ ယောက်ျား နှစ်ဦးသားတို့၏ ပျော်ပါးရွှင်မြူး ကြည်နူးပေါင်းဖက် စပ်ယှက်ခြင်းပင် ဖြစ်ပါသည်။
ယောက်ျား တို့အဖို့ မိမိပိုင် ဇနိးမယားနှင့် ပျော်ပါးခြင်း၊ မိန်းမ တို့ အဖို့ မိမိ၏ကာမပိုင် လင်ယောက်ျားနှင့် ပျော်ပါးခြင်းတို့မှာ
လောကအလိုက် မကဲ့ရဲ့ ထိုက်သဖြင့် ယုတ်မာသည်ဟု မဆိုသာသဖြင့် ကာမေသုမိစ္ဆာစာရ မဖြစ်ပါ၊ မိမိဇနီးမောင်နှံမှ တပါး မသွားလာအပ်သူ အမျိုးသမိးနှစ်ဆယ်နှင့် ပျော်ပါးခြင်းတို့ကား လောက အလိုက်ကဲ့ရဲ့ ထိုက်၍ ယုတ်မာသော အကျင့် ဖြစ်သောကြောင့် ကာမေသုမိစ္ဆာစာရ ကံ ထိုက်ပါသည်။

ဤ၌ မသွားလာထိုက်သော မိန်းမ(၂၀) ဆိုသည်ကို အကျယ်ရေးပြပါမည်

၁-မိခင်စောင့်ထိန်းသောမိန်းမ။
၂-ဘခင်စောင့်ထိန်းသောမိန်းမ။
၃-မိဘနှစ်ပါးစောင့်ထိန်းသောမိန်းမ။
၎-မောင်ကြီးမောင်ငယ်စောင့်ထိန်းသောမိန်းမ။
၅-အစ်မညီမစောင့်ထိန်းသောမိန်းမ။
၆-ဆွေမျိုးစောင့်ထိန်းသောမိန်းမ။
၇-အနွယ်တူစောင့်ထိန်းသောမိန်းမ။
၈-သီတင်းသုံးဖော်စောင့်ထိန်းသောမိန်းမ၊
၉-၀မ်းတွင်းကပင်မှန်း၍စောင့်ရှောက်ထားသောမိန်းမ။(အမိဝမ်းတွင်းကပင် ဖွားမြင်လာလျှင် မယားအဖြစ်လက်ထပ်ယူရန် တောင်းရမ်းသတ်မှတ်ထားသောမိန်းမ)။
၁၀-မင်းဒဏ်ထားသောမိန်းမ(အာဏာပိုင်တို့က ကိုယ်တိုင်သိမ်းပိုက်ရန်ရည်ရွယ်ထားသဖြင့် ဤမိန်းမကိုသွားလာကျူးလွန်လျှင် ဤအပြစ်ဒဏ်သင့်စေ ဟု သတ်မှတ်ထားသောမိန်းမ)
၁၁-ဥစ္စာဖြင့်ဝယ်ယူထားသောမယား။
၁၂-အလိုတူနေထိုင်သောမယား။
၁၃-စည်းစိမ်အတွက်သွားရောက်နေထိုင်သောမယား(ယောက်ျားထံမှ ဆုံ၊ကျည်ပွေ့ စသော အိမ်အသုံးအဆောင်ကိုရ၍ မယားအဖြစ်ခံယူသောမိန်းမ)။
၁၄-ထမီအတွက်နေထိုင်သောမယား(၀တ်ရုံလောက်ကာမျှသော အ၀တ်ထမီကိုရ၍ မယား အဖြစ်ခံယူသောမိန်းမ)။
၁၅-ရေခွက်၌ လက်နှစ်ဘက်ချ၍ ထိမ်းမြားသောမယား
(ဤရေသည်မကွဲမပြားသကဲ့သို့ သင်တို့နှစ်ယောက်မကွဲမပြားစေသတည်းဟု ရေတစ်ခွက်တည်း၌ လက်နှစ်ဘက်ကိုချကာမိဘနှစ်ပါးစုံထိမ်းမြားပေးသောမယား)။

၁၆-ခေါင်းခုကိုချခိုင်း၍ နေစေသောမယား
(ထင်းခွေ၊ ရေခပ်ခြင်းအမှုကို ပြုလုပ်နေသောအမျိုးသမီးကို မယားအဖြစ် သိမ်းပိုက်လို၍ သင်ယနေ့မှစ၍ ထင်းခွေ၊ ရေခပ်ခြင်းအမှုကိုမပြုနဲ့တော့ ဟုပြောဆိုသိမ်းပိုက်ထားသောမယား။
၁၇-ကျွန် မယား(မယားအဖြစ်သိမ်းပိုက်ထားသောကျွန်မ)၊
၁၈-အမှုလုပ်မယား(မယားအဖြစ်သိမ်းပိုက်ထားသော အိမ်စေမိန်းမ)။
၁၉-စစ်အောင်သဖြင့် အောင်လံစိုက်ထောင်၍ ယူဆောင်အပ်သောသုံ့ပန်းမယား။
၂၀-တစ်ခဏမျှပေါင်းဖော်ရသော ပြည့်တန်ဆာ စသောမိန်းမများ ဖြစ်ပါသည်

ထို့ကြောင့် အဌကထာတို့၌..

အသဓမ္မာ ဓိပ္ပါယေန ကာယဒွါရ ပ၀တ္တာ အဂမနီယဌာန ၀ီတိက္ကမစေတနာ ကာမေသုမိစ္ဆာစာရရော။
(သံယုတ်အဌကထာ-၂၊ ၁၃၄။)
(မဇ္ဈီမ ပဏ္ဏာသ အဌကထာ ၁၊ ၂၀၂)
(ပဋိသံ၊ ဌ၊ ၁၊၂၀၄)

"ယုတ်မာသော မသူတော်တို့၏ အလိုသဘောဖြင့် မသွားလာထိုက်သော မိန်းမတို့၌ လွန်ကျူးကြောင်း ကာယကံ စေတနာသည် ကာမေသုမိစ္ဆာစာရ မည်၏။“ ဟု ဖွင့်ဆိုထားပါသည်။

ကာမေသုမိစ္ဆာစာရ၌ ကမ္မပထမြောက်သည့် အဂါင်္လေးပါးရှိ၏။

ဤ အဂါင်္လေးပါး တို့မှာ..

၁။ မသွားလာထိုက်သော မိန်းမဆိုသည့် အဂမနီယ ၀တ္ထုဖြစ်ခြင်း၊
၂။ ထိုဝတ္ထု၌ မှီဝဲပေါင်းသင်းဆက်ဆံလိုသည့် စိတ်ရှိခြင်း။
၃။ မှီဝဲမူ လုံးလမယောဂ ပြုခြင်း။
၎။ မှီဝဲ ပေါင်းသင်းဆက်ဆံရာ၌ သာယာခြင်း.. တို့ဖြစ်၏။

ဤ အဂါင်္လေးပါးနှင့် မညီလျှင် ကမ္မပထ မမြောက်ဘဲ လေးပါးညီမှသာလျှင် ကမ္မပထ မြောက်၏။“ဟု အဌကထာဆရာတို့
ဖွင့်ဆိုထားပါသည်။ အထက်ဖော်ပြပါ အဌကထာ အဖွင့်တို့ အရ ငါးဖြာအာရုံ ကာမဂုဏ်ခံစားမူ။ ကလေးပွေ့မူ။ မိမိကာမပိုင်ကို မှီဝဲမူတို့သည် ကာမေသုမိစ္ဆာစာရ မထိုက်ကြောင်း ထင်ရှားပါသည်။

သို့ဖြစ်ပါ၍ အရှင်ဥာဏ၏ ကာမေသုမိစ္ဆာစာရကို မှားယွင်းစွာဟောပြောရေးသားချက် များသည် အဓမ္မ၀ါဒ ဖြစ်ကြောင်း တင်ပြအပ်ပါသည်။


(အရှင်ဝရသာမိကောက်နုတ်တင်ပြသည်)

December 17, 2009

နိုင်ငံတော်ပိုင် အဖွဲစည်းပိုင် ပစ္စည်းခိုးတာဟာ အဒိန္နဒါနကံ မထိုက် သီလမပျက်” ဟူသော ဟောပြောရေးသားချက်ကို ဖြေရှင်းချက်

အရှင်ဥာဏက-“ဂရုဓမ္မသီလထဲက မခိုးရသိက္ခာပုဒ်ရဲ့ အနက်မှာနည်းနည်းပါးပါး ခိုးယူမူ့ မပါဝင်ဘူး။ ဒါသိဖို့လိုတယ်။ ဒါကလေးလောက်တောင် လိုက်နာဖို့ ဖြစ်လာရင် ဒီသီလဟာ လူတွေမလိုက်နာနိုင် ဖြစ်လာမယ်။ လူမလိုက်နာနိုင်တဲ့ ဟာကို ဘုရားကတရားလို့ မလုပ်ဘူး။”(ဘုရား-စာအုပ်-စာ-၁၄၅)

ဒါတွေကို ထောက်ပြီး အသေးအမွားခိုးမူ့ဟာ မဂ်သီလဖြစ်တဲ့ “ဂရုဓမ္မသီလ မဖြစ်ဘူး”။ ဒါဟာ ဘုရားဖွင့်တဲ့ “ဂရုဓမ္မသီလ မခိုးရသိက္ခာပုဒ်ရဲ့ အနက်ပဲ ဒါရဲ့ အနက်ကို ဘုရားဖွင့်တာ ကျန်ပါသေးတယ် ဆက်ဖွင့်ရအောင်။(ဘုရား-စာအုပ်-စာ-၁၄၇)

မဂ်သီလဖြစ်တဲ့ ဂရုဓမ္မသီလ မခိုးရ သိက္ခာပုဒ်အရမှာ လူပိုင်မဟုတ်တဲ့ ပစ္စည်းအများအပြား ခိုးယူခြင်း မပါဝင်ဘူး။ သူပိုင်မဟုတ်တဲ့ ပစ္စည်းအများအပြားကို ခိုးယူပေမယ့် ခိုးရင် သီလမပျက်ဘူးလို့ ဆိုလိုတယ်။ ဒါကိုတော်တော်ကြီး သိဖို့ကောင်းတယ်။ သူမဟုတ် သူပိုင်ပစ္စည်းခိုးမိပြီး စိတ်ပျက်နေကြသူတွေ အများကြီးရှိတယ်။ ဒါ ဆုတ်ယုတ်ဖို့ပဲ။ (ဘုရား-စာအုပ်-စာ-၁၄၇/၈)

“နိုင်ငံတော်ဆိုတာ နတ်ကြီးတစ်ပါးပါပဲ။ မြို့၊ ရွာဆိုတာတွေလည်း နတ်တွေပဲ၊ သမ၀ါယမအဖွဲ့၊ ရဲအဖွဲ့ မီးသတ်တပ်ဖွဲ့၊ စစ်တပ်အဖွဲ့၊ သယ်ယူပို့ဆောင်ရေးအဖွဲ့၊ ကူးသန်းရောင်းဝယ်ရေးအဖွဲ့၊ ဒါတွေလည်း နတ်တွေပဲ နတ်တွေ နတ်ဖြစ်ကြောင်း ရှင်းရင် သိပ်ရှည်သွားမယ်။ အကျဉ်းချုပ်လိုက်ရင်တော့ လူတစ်ဦးချင်း ပုဂ္ဂလိကပိုင်မဟုတ်တဲ့ ပစ္စည်းတွေဟာ နတ်ပိုင် ပစ္စည်းတွေပဲ။" (ဘုရား-စာအုပ်-စာ-၁၄၉)

"လူနဲ့ နတ်တို့ ဒီလိုခွဲရမှာဖြစ်တယ်။ လူအစုအမှတ်တွေဟာ လူဆိုတဲ့ ဂုဏ်ရည်က ကျော်သွားပြီ။ အဲဒီလူတွေပိုင်တဲ့ ပစ္စည်းဟာ လူပိုင်ပစ္စည်းအဖြစ်ကို ကျော်ပြီး နတ်ပိုင်ပစ္စည်းတွေဖြစ်သွားတယ်။ အဲဒီပစ္စည်းကို ခိုးယူခြင်းဟာ ဒီသီလ သိက္ခာမှာ အခိုးမမြောက်ဘူး၊ သီလမပျက်သေးဘူးပေါ့။"(ဘုရား-စာအုပ်-စာ-၁၅၀)

"နိုင်ငံပစ္စည်း ခိုးတာဟာ ဂရုဓမ္မသီလ မခိုးရ သိက္ခာပုဒ် မပျက်ဘူး။ ပစ္စည်းပိုင်သူဟာ ပုဂ္ဂလိက မဟုတ်ဘဲ နိုင်ငံတော်ဖြစ်နေလို့ပဲ။ မြို့ ပိုင်၊ ရွာပိုင်၊ ဌာနဆိုင်ရာပိုင်၊ အဖွဲ့ အစည်းပိုင်၊ သမ၀ါယမပိုင် ပစ္စည်းတွေကို ခိုးတာဟာလည်း ဂရုဓမ္မသီလ (မခိုးရ သိက္ခာပုဒ်) အရအခိုးမမြောက်ဘူး။(ဘုရား-စာအုပ်-စာ-၁၅၁)

***
ရှင်းလင်းချက်
အရှင်ဥာဏ၏ အထက်ပါ ဟောပြောချက်တို့ကို အဋ္ဌကထာဆရာတို့၏ အလိုနှင့် ညှိနှိုင်းတိုက်ဆိုင် ကြည့်သောအခါ................

သံယုတ်စသော အဌကထာတို့၌

“အဒိန္နဿ အာဒါနံ အဒိန္နဒါနံ။
ပရဿ ဟရဏံ ထေယျံ စောရိကာတိ ၀ုတ္တံ ဟောတိ။"
(သံယုတ် အဌကထာ-၂၊ ၁၃၄။
က္ကုတိဝုတ် အဌကထာ-၂၁၈။
မဇ္ဈိမ ပဏ္ဏာသ အဌကထာ-၁၊ ၂၀၂။
အဘိဓမ္မာ အဌကထာ-၁၊ ၁၄၁)

အရှင်သည် ကိုယ်နုတ်ဖြင့် မပေးအပ်သော သူတပါး ဥစ္စာကို ခိုးယူခြင်းသည် အဒိန္နဒါန မည်၏။
သူတပါး ဥစ္စာကို ဆောင်ခြင်း၊ ခိုးခြင်း၊ ၀ှက်ခြင်း ဟု ဆိုလိုခြင်းဖြစ်၏။“ ဟု ဖွင့်ဆိုထားသောကြောင့်
သူတပါး ဥစ္စာကို ခိုးယူခြင်းမှ ရှောင်ကြဉ်ပါ၏။“ ဟု ဆိုရာ၌ သူတပါးဟူသည်
မိမိမှ တပါး အခြားသော သူတို့ကို သူတပါးဟု ဆိုရပါသည်။

သံယုတ် အဌကထာ စသည်တို့၌-
“အဒိန္န န္တိ ပရပရိဂ္ဂဟိတံ၊ (သံယုတ် အဌကထာ-၂၊ ၁၃၄)
အဒိန္နံ ဆိုတာ သူပါးသိမ်းဆည်းအပ်သော ဥစ္စာတည်းဟု“ ဖွင့်သလို

ကခါင်္ဝိတရဏီ အဌကထာ စာမျက်နှာ ၁၁၅ ၌လည်း
“အဒိန္နံတိ အညဿ မနုဿ ဇာတိကဿ သန္တကံ။”
အဒိန္နံ ဆိုတာ မိမိမှ တစ်ပါး အခြားလူဇာတ် ရှိသူ၏ ဥစ္စာတည်း” ဟု ဖွင့်ဆိုထား၏။

ထို့ကြောင့် မိမိမှ တပါး အခြားသူ တစ်ဥိးတစ်ယောက်ပိုင် ပစ္စည်းဖြစ်စေ၊
နိုင်ငံတော်ပိုင် ပစ္စည်းဖြစ်စေ၊
ရပ်ကွက်ပိုင် ပစ္စည်း ဖြစ်စေ၊
အဖွဲ့စည်းပိုင် ပစ္စည်းဖြစ်စေ ခိုးယူပါက အဒိန္နဒါနပင် ဖြစ်ပါသည်။

အဒိန္နဒါန ကံ ၌.......
၁။ သူတပါး ဥစ္စာဖြစ်ခြင်း၊
၂။ သူတပါး ဥစ္စာဟုသိခြင်း၊
၃။ ခိုးယူလိုသော စိတ်ရှိခြင်း၊
၎။ ခိုးယူကြောင်းဖြစ်သော ကိုယ်မူ၊ နှုတ်မူ လုံးလ တစ်ခုခုကို ပြုခြင်း၊
၅။ ခိုးယူခြင်း၊
ဟူသော အင်္ဂါ (၅) ချက်နှင့်ပြည့်စုံလျှင် အဒိန္နဒါနကံ မြောက်ပါ၏။
(ခုဒ္ဒက အဌကထာ-၂၁၊
အဘိဓမ္မာ အဌကထာ-၁၊ ၁၄၁)

အရှင်ဥာဏ သည် “ပစ္စုပ္ပန်ကမ္မ၀ါဒ ဗုဒ္ဓဘာသာ“ ဟူ၍ နာမည်တပ်ကာ အဖွဲ့အစည်းကြီး တခု ဖွဲ့ထား၏။
ထိုအဖွဲ့အစည်းကြီး ၏ ခေါင်းဆောင်သည် အရှင်ဥာဏ ဖြစ်နေ၏။
အရှင်ဥာဏသည် သူ၏ အဖွဲ့ဝင် အားလုံးတို့အား
သတ်နည်း အမျိုးမျိုး၊
ခိုးနည်း အမျိုးမျိုး၊
လိမ်ညာနည်း အမျိုးမျိုး၊
မူးယစ်သေစာ သုံးစွဲနည်း အမျိုးမျိုးတို့ကို သင်ကြားပေးနေ၏။

တစ်နည်းပြောရလျှင်......
သီလ သာသနာ၊
သမာဓိ သာသနာ၊
ပညာသာသနာကို ဖျက်စီးနေပါသည်။

နောက်တမျိုးပြောရလျှင်...........
ပရိယတ်သာသနာ၊
ပရိပတ်သာသနာ၊
ပဋိဝေဓ သာသနာ ကို အုပ်စုဖွဲ့၍ ဖျက်စီးနေတယ်ဆိုတဲ့ အကြောင်း
ဗုဒ္ဓဘာသာဝင် သူတော်စင် သူတော်ကောင်း အပေါင်း သိစေရန်
နမူနာမျှ တင်ပြအပ်ပါသည်။

ပစ္စုပ္ပန်ဝါဒီတို့အလို ပါဏာတိပါတကံကို သုံးသပ်ချက်



ပစ္စုပ္ပန်ဝါဒီတို့၏ အလို။ ။

-လူသိများတာက ဘုရားဟာ သတ်မူက ရှောင်ရမယ် အသက်ကို အားလုံးရဲ့ အသက်အဖြစ် ဟောတာလို့ သိနေကြတယ်။ ဒီလို သိမှားတာကတော့ ဟိန္ဒူနဲ့နွယ်ပြီး သိမိလို့ပါပဲ။ ဟိန္ဒူက မသတ်ရတဲ့ဟာ အားလုံးရဲ့ အသက်ပါပဲ။ သစ်ပင်လောက်ပဲ ကျန်ပါတယ်။(ဘုရား၊ စာ-၁၃၁)

-ဒါတွေကြောင့် ဘုရားရဲ့ မသတ်ရမယ့် အချက်ရဲ့ အနက်ဟာ လူ့အသက်ပဲ ဖြစ်တယ် အခြားအကောင်ပလောင်တွေရဲ့ အသက် မဟုတ်ဘူး။(ဘုရား၊ စာ-၁၃၅)

-ဘုရားရဲ့ သမာတဲ့အပြုအမူထဲက အသက်ရှောင်မှုဆိုတာ လူအသက်သတ်တာ ရှောင်မှုလို့အဓိပ္ပါယ် ထင်ရှားတယ်။
ဘုရားဟောတဲ့ အသက်သတ်ရဲ့ အနက်ဟာ ရောဟိတသကို ဟောချက်လူမှုဆက်ဆံရေး နယ်ပယ်ဟောချက် ဒီအချက်တွေကြောင့် လူ့အသက်ပဲဟောတာဖြစ်တယ် လူကတခြားဖြစ်သူတွေရဲ့
အသက် မဟုတ်ပါဘူး။(ဘုရားစာအုပ်၊စာ-၁၃၀)

ဒါနဲ့စပ်လို့ တွေးစရာရှိပါတယ်။ ဘုရားဟော ဒီလိုမဟုတ်ဘူး ထင်တယ်လို့ပါပဲ။ လူသိများတာက ဘုရားဟာ သတ်မှုကရှောင်ရမယ်
အသက်ကို အားလုံးရဲ့အသက်အဖြစ်ဟောတာလို့ သိနေကြတယ် ဒီလိုသိမှားတာကတော့ ဟိန္ဒူနဲ့နွယ်ပြီး သိမိလို့ပါပဲ။ ဟိန္ဒူက မသတ်ရတဲ့အရာဟာ အားလုံးရဲ့အသက်ပါပဲ။ သစ်ပင်လောက်ပဲ ကျန်ပါတယ်။(ဘုရားစာအုပ်၊စာ-၁၃၁)

-ဒါတွေကြောင့်ဘုရားရဲ့ မသတ်ရမယ့်အချက်ရဲ့အနက်ဟာ လူ့အသက်ပဲဖြစ်တယ်။ အခြား အကောင်ပလောင် တွေရဲ့ အသက် မဟုတ်ဘူး။ (ဘုရား၊ စာ-၁၃၅)

-ဒါကြောင့် ဒီကနေ့ ဗုဒ္ဒဘာသာတွေ အသားစားရှောင်မှုဟာ ဘုရားနဲ့ လားလားမျှမဆိုင်ဘူး။ ဘုရားက အသားစားတာကို ခွင့်ပြုခဲ့တယ် ဒါကိုထောက်ရင် ရှောင်ရှားရမယ့် အသက်ဟာ အသက်အားလုံးမဟုတ်ဘူးလို့ ပေါ်လွင်တယ်။ စားတာဟာ သတ်တာ မဟုတ်ပေမယ့် သတ်တာကို သွယ်ဝိုက်အားပေးတာပဲ။ မသတ်သင့်ဘူးဆိုရင် မစားသင့်ဘူးလို့ ပညတ်တန်ရာတယ်။ မပညတ်တာကို ထောက်ရင် မသတ်ရမယ့် အသက်ဟာ အားလုံးမဟုတ်လို့ပဲ။အဲ့သည့်အချက်တွေအရ ဘုရားရဲ့သတ်မှုက ရှောင်ကြဉ်ရမယ့် အသက်ဟာ လူအသက်ပဲ ဆိုတာထင်ရှားတယ်။(ဘုရား၊ စာ-၁၃၉)

-ဒါကြောင့် ဓမ္မမှာဘုရားရဲ့ မသတ်ကောင်းတဲ့အသက် ဟောချက်ဟာ လူ့အသက်ဖြစ်တယ်။ ဒါကြောင့်ဘုရားဟောတဲ့ သီလမှာပါတဲ့ မသတ်ဘူးဆိုတဲ့ အသက်ဟာ လူ့အသက်ပဲဖြစ်တယ်။ အခြားအကောင်ပလောင်တွေရဲ့ အသက်တွေ အကျုံးမဝင်ပါဘူး။ လူမဟုတ်သူတွေရဲ့ အသက်သတ်ဖြတ်မှုဟာ ဓမ္မအရာမဝင်တဲ့ အမှုသာဖြစ်တယ်။ မပြောပလောက်တဲ့အမှုပေါ့။ သို့မဟုတ် အမှုမမြောက်တဲ့ အမှုဖြစ်တယ်။ (ဘုရား၊ စာ-၁၄၂)

-ဘုရားဟာ ဂရုဓမ္မသီလမှာပါတဲ့ အသက်သတ်ရှောင်ရှားမှု အဓိပ္ပါယ်ကို အလွန်အချက်ကျကျ ဟောပြောသူ ဖြစ်ပါတယ်။ ဒါကြောင့် ဒီဟောပြောချက်ဟာ လူ လက်လှမ်းမီပါတယ်။ လူမလိုက်နိုင်အောင် မကျယ်ဝန်းပါဘူး။ ပိုးသတ်ဆေး၊ သားစား တိရိစ္ဆာန် ဒါတွေဟာ လူနဲ့ မကင်းတာတွေပဲ။ ဒါတွေကို လူရှောင်ရှားရမယ် ဆိုရင် လူ ကဏ္ဍဟာ ကျဉ်းမြောင်းလာလိမ့်မယ်။ ဒါကြောင့် ဒါတွေဟာ လူလက်လှမ်းမမှီတာတွေပဲ။(ဘုရား၊ စာ-၁၄၂/၁၄၃)


***


ယင်းကောက်နုတ်ချက်များဟာ "ပါဏာတိပါတ" ပုဒ်အရ "မသတ်ရဘူးဆိုတာ လူအသက်ပဲဟောတာဖြစ်တယ်" ဟူသော မိုးပြာ ဂိုဏ်းခေါင်းဆောင် ရှင်ဥာဏ၏ ဟောပြောရေးသားချက်များ ဖြစ်ပါသည်။



ဗုဒ္ဓ၀ါဒီများနှင့် ဗုဒ္ဓ၀ါဒီဝင်များ အမှတ်မမှားအောင် အဲဒီ ဟောပြော ရေးသားချက်တွေကို ဖြေရှင်းပါမည်။

အရှင်ဉာဏ၏ အထက်ပါဟောပြောချက်သည် ပါဏာတိပါတအရ မသတ်ရဟူသည် လူ့အသက်ပင် ဖြစ်ကြောင်း ပြောဆိုထားသော ဟောပြောချက် ဖြစ်နေပါသည်။

ထေရဝါဒပိဋကတ် ကျမ်းစာတို့တွင် ပါဏာတိပါတအရ မသတ်ရဟူသည် လူသာမက ပိုးရွ၊ခြပုံး စသောသက်ရှိသတ္တဝါအားလုံးကို ဟောထားပါသည်။ ထေရဝါဒ ပိဋကတ်ကျမ်းစာတို့တွင် ပါဏာတိပါတဟူသော ပုဒ်ကို -

"ပါဏဿ အတိပါတော ပါဏာတိပါတော၊ ပါဏဝဓေါ ပါဏဃာတောတိဝုတ္တံ ဟောတိ ၊ ပါဏောတိစေတ္ထ
ဝေါဟာရတော သတ္တော ၊ ပရမတ္ထတော ဇီဝိတိန္ဒြိယံ ။

(သံယုတ်အဌကထာ၂၊၁၃၃။
မဇ္ဇျိမပဏ္ဏာသအဌကထာ၊၁၊၂၀၁။
ပဋိသံ၊အဌကထာ၊၁၊၂၀၃။)

"သတ္တဝါ ဇီဝိတိနြေ္ဒကိုလျင်စွာချခြင်းကြောင့် ပါဏာတိပါတ ဟုခေါ်၏။ ပါဏဟူသည် ဝေါဟာရ ပညတ်အားဖြင့် သတ္တဝါကိုရ၏။ ပရမတ်အားဖြင့် ရုပ်ဇီဝိတ၊နာမ်ဇီဝိတ နှစ်ပါးကိုရ၏။ "ဟုဖွင့်ဆိုကြ၏။

သို့အတွက်ကြောင့် ပါဏာတိပါတအရ သူတပါးအသက် မသတ်ရဟုဆိုရာ၌ လူ၏ အသက်သာမက အသက်ရှိ သတ္တ၀ါများ ဖြစ်ကြသော ပိုးရွ၊ ခြပုံး၊ ကြမ်းပိုး၊ သန်းဥ၊ ခရု၊ ကျွဲ၊ နွားတိရိစ္ဆာန် စသည်တို့၏ အသက်ကိုလည်း မသတ်ရဟု မှတ်ယူရပါမည်။
သတ်လျှင် ပါဏာတိပါတ ဖြစ်ပါသည်။

ဤနေရာ၌ ပါဏာတိပါတကံ မြောက်သောတရားများကို မြန်မာလိုသာ ရေးသား ထုတ်ပြပါမည်။

ပါဏာတိပါတကံ ၌
၁။ အသက်ရှိသတ္တ၀ါဖြစ်ခြင်း၊
၂။ သတ္တ၀ါဟူသော အမှတ်လည်းရှိခြင်း။
၃။ သေစေလိုသော စိတ်ရှိခြင်း၊
၎။ သတ်အံသော လုံးလ ပယောဂရှိခြင်း၊
၅။ လုံးလပယောဂကြောင့် သေခြင်း ဟူသော အင်္ဂါ (၅)ပါးနှင့် ပြည့်စုံလျှင်
ပါဏာတိပါတကံထိုက်၏။

သို့ဖြစ်ပါ၍ အရှင်ဥာဏ၏ "ပါဏာတိပါတ အရ မသတ်ရဘူးဆိုတာ လူအသက်ပဲ ဟောတာဖြစ်တယ်" ဟူသော ဟောပြောရေးသားချက် များသည် အဓမ္မ၀ါဒ တရားများသာ ဖြစ်ကြောင်း ဗုဒ္ဓဘာသာဝင်များ သိစေရန် ဖော်ပြအပ်ပါသည်။


(အရှင်ဝရသာမိ ကောက်နုတ်ဖော်ပြသည်။)


မိစ္ဆာဝါဒ ကွင်းဆက်များ


နိုင်ငံတော် သီးခြားဝိနည်းဓိုရ်အဖွဲ့မှ အဓမ္မ၀ါဒအဖြစ် ၀ိနိစ္ဆယချ၊ ဆုံးဖြတ်ပြီးသော မိစ္ဆာဝါဒများကို လေ့လာကြည့်သောအခါ အချို့သော မိစ္ဆာဝါဒများသည် တစ်ခုနှင့်တစ်ခု ဆက်သွယ်မှုရှိနေသည်ကို တွေ့ရ၏။ ဥပမာ- ရှင်ဥက္ကဋ္ဌ-၏ မိစ္ဆာဝါဒအချို့နှင့် ရေတာရှည် ဦးမာလာဝရ၏ ၀ါဒ၊ ဦးပညာဝံသ၏ ဓမ္မနီတိဝါဒ-တို့မှ အချို့သော မိစ္ဆာဝါဒများ တူညီနေမှု။ တဖန် ယခုနောက်ပေါ် မိုးပြာဂိုဏ်း၏ ပစ္စုပ္ပန်ကမ္မ၀ါဒ-နှင့် ဦးအေးမောင်၏ ဗုဒ္ဓနှင့်ဗုဒ္ဓ၀ါဒစာအုပ်မှ ရေးသားချက်များသည် အထက်ပါ ရှင်ဥက္ကဋ္ဌစသော အဓမ္မ၀ါဒများနှင့် ထပ်တူနီးပါး တူညီနေသည်ကို တွေ့ရ၏။

မိုးပြာဂိုဏ်းသည် လျှို့ဝှက်သောနည်းဖြင့် စည်းရုံးဟောပြောမှု ဖြန့်ချိမှု ပြုသဖြင့် သာမန်လူထု သိပ်မသိ၊ သိသောအချိန်တွင်လည်း မိစ္ဆာဝါဒ-ဟု တပြိုင်နက် သိလိုက်ရ၏။ ဦးအေးမောင်၏ ဗုဒ္ဓနှင့်ဗုဒ္ဓ၀ါဒပါ အယူဝါဒများကို ကား တရားဝင်ဖြန့်ချိထားသော စာအုပ်ဖြစ်သဖြင့် မိစ္ဆာဝါဒများဟု မထင်ကြ။ ဟိုကဒီက ပြောကြသည့်တိုင် အနည်းအကျဉ်း လွဲချော်မှု-ဟု ထင်ကြ၏။ ထိုသို့ထင်သူများအတွက် ထိုစာအုပ်ပါ ၀ါဒများသည် အနည်းအကျဉ်း မှားယွင်းချွတ်ချော်မှုသက်သက် မဟုတ်ကြောင်း၊ မြန်မာပြည်ရှိ ဗုဒ္ဓ၀ါဒီ ပညာရှိများ နှစ်လုံးစိတ်ဝမ်း မအေးချမ်းနိုင်ဘဲ စိတ်ဆင်းရဲခဲ့ရ၊ အော့နှလုံးနာခဲ့ရသော မိစ္ဆာဝါဒများကို ပြန်လည်ဖော်ထုတ်ထားခြင်းဖြစ်ကြောင်း သိသာအောင် နှိုင်းယှဉ်ပြဖို့ လိုမည်ထင်ပါသည်။ လူသိများ ထင်ရှားသော ရှင်ဥက္ကဋ္ဌ၏ ၀ါဒနှင့် နှိုင်းယှဉ်ပြပါမည်။

(၁) လူသေလျှင်လူသာဖြစ်သည်ဟူသော ၀ါဒ

တောင်တွင်းကြီး ရှင်ဥက္ကဋ္ဌ-၏ လူသေလူဖြစ်စာအုပ်မှ-

(က) လူသားဆိုတဲ့ သတ္တ၀ါ သေဆုံးသွားပြီးတဲ့နောက် အကယ်စင်စစ် ဖြစ်ခွင့် ဖြစ်စရာ ဖြစ်ဖို့အလားအလာများ ရှိခဲ့သေးလျှင် လူမှတစ်ပါး အခြားဘာမှ ဖြစ်စရာ မရှိ။ (လူသေလူဖြစ်စာအုပ် - ၄)

(ခ) လက်ရှိကမ္ဘာလောကတွင် အထွတ်အထိပ်ဖြစ်သော အန္တိမအခြေအနေသို့ ရောက်၍နေသော လူသားသည် နောက်သို့ ပြန်ဆုတ်၍ ဖုတ်နှင့်ပြိတ္တာ၊ တစ္ဆေနှင့်မင်စာ၊ ငရဲကောင်နှင့် တိရစ္ဆာန်သတ္တ၀ါများ ဖြစ်ရန်အကြောင်း လုံးဝ မရှိတော့ချေ။ (လူသေလူဖြစ်- ၃၃၁)

ဦးအေးမောင်၏ ဗုဒ္ဓနှင့်ဗုဒ္ဓ၀ါဒ- စာအုပ်မှ--

(က) တိရစ္ဆာန်ဘုံသည် မကောင်းမှုပြုသော သူတို့၏ လားရာ အပါယ်ဘုံတစ်ခု ဖြစ်သည်ဟု ဗုဒ္ဓစာပေများ၌ ပြဆိုထားရကား ဗုဒ္ဓသည် ဘုရားမဖြစ်မီက ဘ၀ပေါင်းများစွာ တိရိစ္ဆာန်ဖြစ်ခဲ့သည် ဆိုခြင်းမှာ အကြောင်းယုတ္တိမရှိချေ။ ဤနေရာ၌ အောက်ပါ ဗုဒ္ဓဒေသနာကိုလည်း ကျွန်ုပ်တို့ ဆင်ခြင်သုံးသပ်ရန် လိုအပ်၏။

“ရဟန်းတို့၊ မဟာသမုဒ္ဒရာ၌ မျက်စိကန်းသော လိပ်တစ်ကောင်သည် ရှိ၏။ ထိုလိပ်ကန်းသည် အနှစ်တရာလွန်မှ တစ်ကြိမ်သာလျှင် ရေပေါ်သို့ ပေါ်တက်၏။ ထိုလိပ်ကန်းသည် လေတိုက်သောကြောင့် ထိုမှဤမှ လွင့်မျောနေသော ထမ်းပိုး၌ လည်ပင်းကို လျှင်မြန်စွာ စွပ်မိရာသေး၏။ အပါယ်ဘုံရှိ သတ္တ၀ါတို့သည် လူ၏အဖြစ်ကို ရခြင်းငှါ အလွန်ခဲယဉ်း၏။ အကြောင်းမူ အပါယ်ဘုံတို့၌ တရားကျင့်ခြင်း၊ ကုသိုလ်ကောင်းမှုပြုခြင်း တို့သည် မရှိကုန်။ တိရစ္ဆာန်တို့သည် အချင်းချင်း စားကြကုန်၏။ အားနည်းသော သတ္တ၀ါကို အားကြီးသော သတ္တ၀ါက စားလေ့ရှိ၏။” (မဇ္ဈိမနိကာယ်၊ ဗာလပဏ္ဍိတသုတ်)
ဤဒေသနာအရ တိရစ္ဆာန်သည် လူ့ဘ၀သို့ ကူးပြောင်းရန် ထိုမျှခဲယဉ်းပါက ဗုဒ္ဓသည် ဘ၀ပေါင်းများစွာ တိရစ္ဆာန်အဖြစ်ဖြင့် ပါရမီဖြည့်ခဲ့သည်ဆိုသော စကားမှာ အခြေအမြစ် မရှိလှချေ။ (စာ-၁၅၇-၈)

(ခ) စင်စစ် သေပြီးနောက် လူကတိရစ္ဆာန်အဖြစ်သို့သော်လည်းကောင်း၊ တိရစ္ဆာန်က လူအဖြစ်သို့သော် လည်းကောင်း ပြောင်းလဲသည်ဆိုခြင်းမှာ သဘာဝနိယာမနှင့် ဖီလာဖြစ်၏။ (စာ-၁၅၈)

(၂) အဘိဓမ္မာ ဘုရားဟောမဟုတ်

အဘိဓမ္မာကိုလည်း ဘုရားဟောမဟုတ်ကြောင်း ရှင်ဥက္ကဋ္ဌတို့ အဖွဲ့က အောက်ပါအတိုင်း ဆိုကြ၏။

(က) တစ်နည်းကြည့်ပြန်လျှင် ပထမသံဂါယနာတင်တွင် ဓမ္မနှင့်ဝိနယကို အာဂုံရွတ်ဆိုကြသည်။ ဒုတိယ တတိယတို့သည်လည်း အလားတူပင် အာဂုံရွတ်ဆိုကြသည်။ အဘိဓမ္မာ မပါဝင်သေးပေ၊ စတုတ္ထသံဂါယနာ တင်၏ နောက်ပိုင်းကျမှ အဘိဓမ္မာဟူ၍ ပေါ်လာခြင်းဖြစ်သည်။ (ဗုဒ္ဓ၀ါဒအခြေခံသင်တန်း၊ ၇၀)
(ခ) သီဟိုဠ်ခေတ် စောစောပိုင်းကပင် အဘိဓမ္မာပိဋကမှာ ထင်ရှားပြီးဖြစ်သည်။ ဤသို့ဖြင့် ထေရ၀ါဒီတို့၏ အဘိဓမ္မာစာပေစုသည် ပိဋကတစ်ဆူအဖြစ် စုစည်းတည်တန့်နေချိန်မှာ တတိယသံဂါယနာ တင်ချိန် (ဘီစီ-၂၄၄)ထက် နောက်မကျနိုင်ချေ၊ သို့စင်လျက် ရှင်မဟာဗုဒ္ဓဃောသမထေရ်သည် ဗုဒ္ဓဘုရားသခင် တာဝတိံသာနတ်ပြည်၌ ၀ါတွင်သုံးလတိုင် ဟောကြားခဲ့သော အဘိဓမ္မာ ၇-ကျမ်းကို (ဗုဒ္ဓမတညူ) ဘုရားဉာဏ်ဆောင်၍ ရေးသားသည်ဟု ယုံကြည်လက်ခံထားကြခြင်းမှာ ထားသူတို့၏ သက္ကာယအစွဲမျှသာ ဖြစ်ရချေမည်။ (၎င်းစာ- ၇၈)

(ဂ) ယင်းအဘိဓမ္မာ ၇-ကျမ်းကို ဗုဒ္ဓဘုရားသခင် တာဝတိံသာနတ်ပြည်၌ ဟောသည်ဟူသော အချက်မှာ အဋ္ဌကထာဆရာ ရှင်ဗုဒ္ဓဃောသ၏ ထွင်လုံးပုံပြင်မျှသာဖြစ်ကြောင်း ထင်ရှားလှပေသည်။

ဗုဒ္ဓနှင့်ဗုဒ္ဓ၀ါဒကျမ်းပြု ဦးအေးမောင်ကလည်း အောက်ပါအတိုင်း သံယောင်လိုက်ကာ ထောက်ခံရေးသားခဲ့၏။

(က) အဘိဓမ္မာကျမ်းများသည် ပိဋကတ်သမိုင်း၌ နောက်ဆုံးပေါ်ပေါက်လာသော ကျမ်းများဖြစ်ကြောင်း ယူဆရန်အထောက်အထားများ ရှိ၏။ ပထမနှစ်ကြိမ် သင်္ဂါယနာတင်သော ပါဠိတော်များတွင် အဘိဓမ္မာ ပါဝင်သည်ဟု ၀ိနည်းစူဠ၀ါနှင့် မဟာဝင်၊ ဒီပ၀င်ကျမ်းများ၌ ပြဆိုမထားချေ။ (ဗုဒ္ဓနှင့်ဗုဒ္ဓ၀ါဒ-နှာ-၁၉)

(ခ) အချို့သောပါဠိတော်တို့၌ အဘိဓမ္မာဟူသော ပုဒ်ကို တွေ့ရ၏။ သို့ရာတွင် သုတ္တန်ပိဋကတ်၌လာသော ထို“အဘိဓမ္မာ”သည် လက်ရှိအဘိဓမ္မာ ခုနစ်ကျမ်းကို မရည်ညွှန်းဘဲ သုတ္တန်ဒေသနာ များမှ နက်နဲသော တရားကို ဆိုလိုဟန်ရှိ၏။ ဗုဒ္ဓဒေသနာများကို သုတ္တ-ဂေယျ-ဂါထာ-ဇာတက စသည်ဖြင့် အင်္ဂုတ္တရနိကာယ်၌ ကိုးမျိုးခွဲခြားထားရာ ဥပမာ- ဇာတကသည် လက်ရှိ ၅၅၀- ဇာတ်နိပါတ်ကို ဆိုလိုခြင်း မဟုတ်ဘဲ နိကာယ်များမှ အချို့ဝတ္ထုများကို ရည်ညွှန်း၏။ ထိုနည်းအတူ သုတ္တန်ပိဋကတ်၌ တွေ့ရသော အဘိဓမ္မာ သည် သုတ္တန်ဒေသနာတော်များကို အမျိုးအစားခွဲခြားရန် သုံးစွဲသော စကားဖြစ်ပေလိမ့်မည်။ (နှာ-၁၉)
(ဥပမာ- ဇာတကသည် လက်ရှိ ၅၅၀- ဇာတ်နိပါတ်ကို ဆိုလိုခြင်း မဟုတ်ဘဲ နိကာယ်များမှ အချို့ဝတ္ထုများကို ရည်ညွှန်း၏။-ဟု ဘယ်ပထွေးက ပြောသည်မသိ၊ “အပဏ္ဏကဇာတကာဒီနိ ပညာသာဓိကာနိ ပဉ္စဇာတကသတာနိ `ဇာတက`န္တိ ဝေဒိတဗ္ဗံ။ -“အပဏ္ဏဇာတ်အစရှိကုန်သော ငါးဆယ်အလွန်ရှိကုန်သော ငါးရာသောဇာတ်တော်တို့ကို ဇာတက-ဟူ၍ သိအပ်၏။”ဟု အဋ္ဌကထာတွင် ဆို၏။ ဥပမာပေးတာတောင် တလွဲ)
ဤသို့လျှင် ဦးအေးမောင်၏ ဗုဒ္ဓနှင့်ဗုဒ္ဓ၀ါဒစာအုပ်သည် ရှင်ဥက္ကဋ္ဌ၏ ၀ါဒများနှင့် တူညီနေပုံ၊ လူသေလူဖြစ်ဝါဒကို ပြန်လည်ဖော်ထုတ်နေပုံကို မှန်းဆနိုင်လောက်ပါပြီ။ ဆက်လက်နှိုင်းယှဉ်ပြပါဦးမည်--

(၃) သံဂါယနာခြောက်တန်ကို ပေါ့တန်သေးသိမ်စေမှု

မိမိတို့ ထေရ၀ါဒဗုဒ္ဓဘာသာသမိုင်းတွင် သံဂါယနာ- တင်ခြင်းကိစ္စသည် အထူးအရေးပါလှ၏။ သံဂါယနာ များမရှိခဲ့လျှင် ထေရ၀ါဒ-ဟူ၍လည်း ရှိမည်မဟုတ်ပါ။ မှန်၏၊ ထေရ၀ါဒဟူသည် ပထမသံဂါယနာ တင်တော်မူသော အရှင်မဟာကဿပ-စသော မထေရ်ကြီးများ၏ လက်ခံသတ်မှတ်အတည်ပြု ထားသည့်အတိုင်း မဖြုတ်မနှုတ် မဖြည့်မစွက်ဘဲ လိုက်နာကျင့်သုံးသော ၀ါဒဖြစ်၏။

သို့ရာတွင် ရှင်ဥက္ကဋ္ဌ၊ ဦးအေးမောင်-စသော မိစ္ဆာဝါဒီတို့သည် သူတို့၏ ၀ါဒနှင့် ထေရ၀ါဒပိဋကတ်သည် ကျောချင်းကပ် ဖြောင့်ဖြောင့်ဆန့်ကျင်နေရကား ထေရ၀ါဒပိဋကတ်သည် ပထမသံဂါယနာတင်စဉ်ကအတိုင်း မပြုမပြင် စင်စင်ကြယ်ကြယ်ရှိသည်ဟု လက်မခံနိုင်ကြဘဲ ဗုဒ္ဓဓမ္မကို ထိခိုက်စေနိုင်သော မိစ္ဆာဝါဒများ အနှောက်အယှက်များ ပေါ်ပေါက်လာတိုင်း ဗုဒ္ဓဓမ္မကို ကာကွယ်ရန် သံဂါယနာတင်တော်မူကြသော အရိယာမထေရ်ကြီးများကိုမှ အားမနာဘဲ မိုက်ရိုင်းသူများပီပီ သံဂါယနာ-ဟူသည် ဘာမျှအရေးမပါလေဟန် အောက်ပါအတိုင်း လုပ်ကြံရေးသားကြကုန်၏။

(က) တတိယသံဂါယနာတင်ပွဲ၌ ပိဋကတ်သုံးပုံဟူ၍ ဖြစ်လာသည်မှာ ရှင်မောဂ္ဂလိပုတ္တတိဿမထေရ် သည် သူရေးသားသော ကထာဝတ္ထုကျမ်းကို ထည့်လို၍ အဘိဓမ္မာ ၇-ကျမ်းဟု တင်သွင်း သံဂါယနာတင်ခဲ့ကြဟန် ရှိလေသည်။

ဤတတိယသံဂါယနာ၌ အပြိုင်ဟူ၍ ထင်ရှားတင်ရန်အကြောင်း မပေါ်ပေါက်တော့ချေ၊ အဘယ်ကြောင့် ဆိုသော် အသောကမင်းကြီးက အကွဲကွဲသော သံဃာများ၏ အလိုသို့လိုက်၍ အများကြိုက်ဖြစ်စေရန် စုပေါင်းပြီး တင်လိုက်သောကြောင့် ဖြစ်သည်။ ပိဋကတ်မှာ ဤသံဂါယနာမှစ၍ ဗြဟ္မဏဟောနှင့် ဗုဒ္ဓဟောတို့ အတိအလင်း တရားဝင် ရောထွေးလာတော့၏။ ထေရ၀ါဒီဂိုဏ်းတို့က မကျေနပ်သော်လည်း မင်း၏အာဏာကို မဆန့်ကျင်လိုသဖြင့် လိုက်လျောခဲ့ရ၏။ ဤအမှား၏ ဒဏ်ကို အစဉ်အဆက် သာသနာသမိုင်းတစ်လျောက် အမွေခံခဲ့ရ၏။ (နိကာယ်၏ နိကာယ်သမိုင်းကျောက်တိုင်မှ)

ဦးအေးမောင်၏ ပရမ်းပတာ ရေးသားချက်များကိုလည်း ရှုပါဦး။

(က) သုတ္တန်နှင့် ၀ိနည်းပိဋကတ်များသည် မြန်မာနိုင်ငံသို့ မရောက်မီက လေးကြိမ်တိတိ သင်္ဂါယနာတင်ပြီး ဖြစ်သည်မှန်၏။ သို့ဖြစ်စေကာမူ ထေရ၀ါဒသမိုင်း၌ ထင်ရှားသော သင်္ဂါယနာလေးခုသည် ပါဠိပိဋကတ်ကို လေ့လာစိစစ်သော သုတေသီပညာရှင်တို့၏ အမြင်အားဖြင့် များစွာအရေးပါလှသည် မဟုတ်ချေ။

(ခ) အခြားစဉ်းစားရန်ရှိသည်ကား သင်္ဂါယနာတင်သော ပုဂ္ဂိုလ်တို့သည် ရဟန်းသံဃာ တစ်စုတစ်ဖွဲ့မျှသာဖြစ်၍ သူတို့အတည်ပြုသော ဗုဒ္ဓဒေသနာများကို အခြားရဟန်းသံဃာတို့က မည်မျှလက်ခံ အသိအမှတ်ပြုပါသနည်းဟူသော အချက်ဖြစ်၏။

(ဂ) ထို့အပြင် သင်္ဂါယနာတင်သော ရဟန်းသံဃာသည် ဒေသနာများကို စုပေါင်းရွတ်ဆိုရုံမှတစ်ပါး စေ့ငုသေချာစွာ လေ့လာဆန်းစစ်မှု၊ ဝေဖန်သုံးသပ်မှုပြုသော လက္ခဏာမရှိချေ။ သို့ဖြစ်၍ အနောက်နိုင်ငံ ပါဠိသုတေသီပညာရှင်တို့က ယခုလက်ရှိ ပါဠိပိဋကတ်၏ တစ်စိတ်တစ်ဒေသမျှသာ ပထမသင်္ဂါယနာ၌ အတည်ပြုသော ပါဠိတော်များ ဖြစ်တန်ရာသည်။ ထိုတစ်စိတ်တစ်ဒေသသည်ပင် ထိုသင်္ဂါယနာတင် ပါဠိတော်များနှင့် ထပ်တူဖြစ်သည်ဟုဆိုရန် ခိုင်မာလုံလောက်သော အထောက်အထားမရှိဟု ယူဆကြ၏။ (ဗုဒ္ဓနှင့်ဗုဒ္ဓ၀ါဒ- ၂၂-၂၃)

(၄) ဗုဒ္ဓမြတ်စွာ၏ သဗ္ဗညုတဉာဏ်တော်ကို မယုံကြည်မှု

ရှင်ဥက္ကဋ္ဌနှင့် အပေါင်းအပါတစ်စုသည် မြတ်ဗုဒ္ဓသည် သိစရာမှန်သမျှ တစ်စမကျန် သယမ္ဘူဉာဏ်ဖြင့် အမှန်အတိုင်း သိတော်မူသည်ဟု လက်မခံနိုင်ကြ။ သာမန်ဉာဏ်ကြီးရှင်တစ်ယောက်အဖြစ်သာ လက်ခံလိုကြ၏။ သာဝကတို့နှင့် ခေါင်းဆောင်နှင့်နောက်လိုက်အနေအထားမျိုးသာ ဖြစ်၏။ ထို့ထက်မပို-ဟု ဆိုကြ၏။ သူတို့၏ ရေးသားချက်အချို့ကို ကြည့်ပါဦး။

(က) အဋ္ဌကထာဆရာတို့သည် ဗုဒ္ဓ၏ ဂုဏ်အကြောင်းအရာများကို ချီးမြှောက်ရေးသားရာ၌ ထိုသဗ္ဗညုတဉာဏ် ရရှိသည်ဆိုသော တိတ္ထိဆရာကြီးတို့ကို အညံ့မခံလိုသည်ကတစ်ကြောင်း၊ ဗုဒ္ဓကို အခြားအရိယာပုဂ္ဂိုလ်တို့နှင့် ခွဲခြားထားလိုသောကြောင့် ဗုဒ္ဓသည် ဘာမဆို အကြားအမြင် အသိရှိသော သဗ္ဗညုတဉာဏ် ရရှိသည်ဟု ပြဆိုကြဟန်တူ၏။

(ခ) ၀ိဇ္ဇာသုံးပါးသည် ရဟန္တာတိုင်း ရရှိသော အသိဉာဏ် ဖြစ်၏။ ဤသို့ ဆိုပါမူ ဗုဒ္ဓနှင့် ရဟန္တာပုဂ္ဂိုလ် တို့သည် မည်သို့ ခြားနားပါသနည်း။ (အမှန်တရား သုတေသန အမှတ် (၁) စာစောင်)

ဦးအေးမောင်ကလည်း အလားတူ ယူဆ၏။ သူ၏ ရေးသားချက်များကိုလည်း ရှုပါဦး။

(က) အဋ္ဌကထာ၌ အထူးပြဆိုထားသော ဗုဒ္ဓဂုဏ်တော်မှာ သဗ္ဗညုတဉာဏ်ဖြစ်၏။ သံယုတ္တနိကာယ်၌ ကောသလမင်းက မေးလျှောက်၍ ဗုဒ္ဓက မိမိ၌ သဗ္ဗညုတဉာဏ်ရှိသည်ဟု မိန့်ကြား၏။ သို့ရာတွင် ထိုသဗ္ဗညုတဉာဏ်သည် မည်သို့သော ဉာဏ်မျိုးဖြစ်ကြောင်း ရှင်းပြတော်မမူချေ။ အဋ္ဌကထာဆရာတို့ကမူ အမြဲထာဝရ ဘာမဆို ကြားမြင်သိရှိသော ဉာဏ်မျိုးဖြစ်သည် ဆို၏။ (ဗုဒ္ဓနှင့်ဗုဒ္ဓ၀ါဒ-၃၃၁)

(ခ) ဤဗုဒ္ဓဒေသနာအရ သဗ္ဗညုတဉာဏ်မှာ သိသင့်သိအပ်သော တရားအားလုံးကို ထိုးထွင်းသိမြင်မှု၊ (၀ါ) ၀ိဇ္ဇာသုံးပါးကို ထိုးထွင်းသိသော ဉာဏ်အမြင်ဖြစ်ကြောင်း ထင်ရှား၏။ ၀ိဇ္ဇာသုံးပါးသည် ရဟန္တာပုဂ္ဂိုလ်တိုင်း ရရှိသော ဉာဏ်ဖြစ်၏။ အဋ္ဌကထာဆရာတို့သည် ဗုဒ္ဓကို ရဟန္တာပုဂ္ဂိုလ်တို့နှင့် ခွဲခြားလိုသောကြောင့် ဗုဒ္ဓ၏ သဗ္ဗညုတဉာဏ်ကို ထာဝရ အကြားအမြင်အဖြစ်ဖြင့် ဖွင့်ဆိုရေးသားခဲ့ကြခြင်း ဖြစ်ပေမည်။ (စာ- ၃၃၂)

(ဂ) ဤသို့ဖြင့် ဗုဒ္ဓနှင့် ရဟန္တာတို့တွင် ဆရာနှင့်တပည့်၊ (၀ါ) ခေါင်းဆောင်နှင့် နောက်လိုက်တို့၏ နေရာကဏ္ဍ ခြားနားမှုမျိုးမှတစ်ပါး အခြားခြားနားမှုများ ရှိကြောင်း ယူဆရန် ဒေသနာအထောက်အထား မရှိချေ။ (စာ-၃၃၃)

(၅) စေတီရုပ်ပွား ကိုးကွယ်မှု
ဗုဒ္ဓဘာသာဝင်ဟု ခေါ်ဆိုစရာ အမှတ်လက္ခဏာ မကျန်တော့လောက်အောင် ပရမ်းပတာ ပြောဆိုချက်များကို ရှုပါဦး။

(က) ၀တ်ထည်ဖျင်ခင်းကို သင်္ကန်းဟူ၍ မခွဲခြားတော့ဘဲ အ၀တ်ဟူ၍ တသားတည်း မြင်ကြလေပြီ၊ သူတော်ကောင်းတို့ရဲ့ ဆံပင်တည်းဟူသော အမွေးသည် မြင်းမြီးထက်ပို၍ အနာရောဂါကို ပျောက်စေနိုင်သည်ဟူသော ဥပါဒါန်ကိုလည်း ယခုခေတ်၌ တော်လှန်ကြလေပြီ၊ ယခုအခါ၌ မြင့်မြတ်သော ဓာတ်တော် မွေတော်-စသည်တို့ကို ဘာသာရေးအမှိုက်သရိုက်များ ဖြစ်သည်ဟု ကျွန်ုပ်တို့ သေချာထင်ထင် သိမြင်ကြကုန်ပြီ။ (လူသေလူဖြစ်-၈၁)

(ခ) ဆီမီးအခိုးတိုင် ထွန်းညှိခြင်း၊ ပူဇော်ခြင်း၊ ဒူးထောက်ရိုကျိုး ရှိခိုးခြင်း၊ ကြေးစည်ခေါင်းလောင်း ထိုးခြင်း၊ ဓမ္မသီချင်း ကျူးရင့်ခြင်း၊ ဂုဏ်တော် ရွတ်ဖတ်ခြင်း၊ ဥပုသ်စောင့်ခြင်း၊ ဆုတောင်း ပတ္ထနာပြုခြင်းဖြင့် ချဉ်းကပ်ရသော နတ်တို့ ဘုရားတို့ကို ကျွန်ုပ်တို့ ယုံကြည်ရန် မဖြစ်နိုင်တော့ချေ။ (လူသေလူဖြစ်-၁၂၇)

(က) မဟာပရိနိဗ္ဗာနသုတ်၌ ဗုဒ္ဓဓာတ်တော်များကို စေတီတည်ထိုက်ကြောင်း ၊ ဗုဒ္ဓဖွားရာ၊ ဘုရားဖြစ်ရာနှင့် ပရိနိဗ္ဗာန်ပြုရာဌာနများသို့ ဘုရားဖူးသွားသော သူတို့သည် နတ်ပြည်သို့ ရောက်မည်ဖြစ်ကြောင်း ဖော်ပြထား၏။ ဤစကားမှာ မိမိအား ပုဂ္ဂိုလ်စွဲကြည်ညိုမှုကို ဆန့်ကျင်သော ဗုဒ္ဓ၏စကား သို့မဟုတ် သင်္ဂါယနာတင် ရဟန်းသံဃာ၏ စကားမဖြစ်နိုင်ချေ။ ဗုဒ္ဓပရိနိဗ္ဗာန်ပြုပြီးနောက် နှစ်ပေါင်းနှစ်ရာကျော်လောက်မှ သုတ္တန်ပိဋကတ်ကို ပြင်ဆင်တည်းဖြတ်သော ဆရာတို့၏ စကားဖြစ်ရပေမည်။ (ဗုဒ္ဓနှင့်ဗုဒ္ဓ၀ါဒ- ၃၃၄)

(ခ) ယနေ့ မြန်မာဗုဒ္ဓ၀ါဒီ လူထု၏ ဘာသာရေးနယ်ပယ်၌ အကျူံးဝင်သော သရဏဂုံသုံးပါး၊ ဂါထာပရိတ် ရွတ်ဖတ်မှု၊ နှစ်ကျိပ်ရှစ်ဆူ ပူဇော်မှု၊ ဘုရားစေတီ မွမ်းမံပြင်ဆင်မှု စသည်တို့သည် မူလဗုဒ္ဓ၀ါဒနှင့် အံမ၀င်ဘဲ မဟာယာန၀ါဒနှင့် ပိုမိုနီးစပ်ကြောင်း သတိပြုသင့်ပေသည်။ (စာ- ၃၆၇)

ဤမျှဆိုလျှင်ပင် ဦးအေးမောင်၏ ဗုဒ္ဓနှင့်ဗုဒ္ဓ၀ါဒ-စာအုပ်ကြီးသည် အဓမ္မ၀ါဒများကို ပြန်လည်ဖော်ထုတ်ထားသော စာအုပ်ကြီးဖြစ်ကြောင်း ပေါ်လွင်လောက်ပြီဟု ယူဆပါသည်။

(သူတို့၏ ရေးသားချက်များ မဟုတ်မမှန်ကြောင်း၊ ဘက်လိုက်သော အမြင်များ၊ အလျင်စလို ကောက်ချက်ချမှုများသာဖြစ်ကြောင်း သိလိုပါက “လူသေလူဖြစ် ၀ါဒါနုဝါဒ၀ိနိစ္ဆယ- (ထေရ၀ါဒစွယ်စုံကျမ်း)” စာအုပ်ကြီးကို ဖတ်ရှုပါဟု ညွှန်းလိုပါသည်။)

“ရဟန်းတို့၊ သူတစ်ပါးတို့သည် ငါ၏ အပြစ်ကိုဖြစ်စေ၊ တရား၏ အပြစ်ကိုဖြစ်စေ၊ သံဃာ၏ အပြစ်ကိုဖြစ်စေ ပြောကြရာ၌

“ဤစကားသည် ဤအကြောင်းကြောင့်လည်း မဟုတ်၊ ဤအကြောင်းကြောင့်လည်း မမှန်၊ စင်စစ်အားဖြင့် ဤအပြစ်သည် ငါတို့၌ ထင်ရှားမရှိ” ဟု မဟုတ်သည်ကို မဟုတ်သည့်အတိုင်း သင်တို့ ဖြေရှင်းရမည်။” (ဒီ။ မြန်၊ ၁။၁၁။)

အရှင်ကောဝိဒ (ယော)

December 5, 2009

မိုးပြာဂိုဏ်း၏ ဟောပြောချက်အချို့ နှင့် သူတို့၏ ထုတ်ဝေပြီးသော စာအုပ်များ


မိုးပြာဂိုဏ်း၏ ဟောပြောချက်အချို့
(၁) ကောင်းတာပဲဖြစ်ဖြစ်၊ မကောင်းတာပဲဖြစ်ဖြစ် တစ်ခါလုပ်မိရင် ထပ်ထပ်လုပ်ချင်တယ်။ ဒီကံကြီးက ကိုယ့်ကို ရစ်ပတ်နေပြီ။ ဒီလူမလွတ်လပ်တော့ဘူး။

(၂) ဘုရားရဲ့ နတ်အရကောက်ဟာ မိုးပေါ်ကသူတွေ မဟုတ်ဘူးဆိုတာ ပေါ်လွင်တယ်။

(၃) ဒီလောက်တန်ဖိုးများ ဒါနကြီးအတွက် ဘုရားဟောတဲ့ တစ်ဂါထာတည်းမှာ နတ်ပြည်လည်း မပါဘူး။ လူ့ ပြည်လည်း မပါဘူး။ ငရဲလည်း မပါဘူး။ နောင်ဘ၀လည်း မပါဘူး။ ဒါနအကျိုးကို ဘုရားက နတ်ပြည်လို့ မဟောဘူး။

(၄) ဘုရားက လူကိုသတ်မှ ပါဏာတိပါတလို့ ဟောတယ်။ တိရစ္ဆာန်သတ်ရင် ကံမထိုက်ပါဘူး။ အစိုးရပစ္စည်းဟာ လူ့ပစ္စည်းမဟုတ်ပါဘူး။ အဲဒါကို ခိုးလို့ ကံမထိုက်ဘူး။ ကာမဂုဏ်မှားယွင်းကျက်စားမှုဟာ ကိုယ့်ကာမပိုင်မဟုတ်သူကို မေထုန်ပြုမှုလို့ အဓိပ္ပာယ်ရမှာ မဟုတ်ဘူး။ ကိုယ့်ဘ၀မဟုတ်တဲ့အရာတွေကို မမှန်တာပြောလည်း လိမ်ရာမကျဘူး။ မုသာဝါဒမဖြစ်ဘူး။ လိမ်ကောင်းတယ်။ မူးအောင်မသောက်ရင် အရက်သောက်တာက မိတ်ဆွေပေါလို့ စီးပွားဖြစ်တော့ အကျိုးတောင် ရှိပါသေးတယ်။ ဒီလိုသောက်တာကို ဘုရားက သုရာမေရယလို့ ဟောတာမဟုတ်ဘူး။

(၅) နတ်ပြည်ရဲ့ တည်ရာက မြင်းမိုရ်တောင်ပဲ။ သည်တောင်ဟာ ကမ္ဘာ့ပထ၀ီမှာ တကယ်မရှိတဲ့တောင်ပဲ။ ဒါ့ကြောင့် သည်လောက် ယုတ္တိမဲ့တဲ့အရာလို့ပဲ ပြောပါရစေ။

(၆) ဘယ်တရားမှ မရချင်နေ။ ရှေ့ဘ၀၊ နောက်ဘ၀ကိုတော့ မတွေးရဘူး။ ရှေးဘ၀၊ နောက်ဘ၀ တွေးတဲ့သူဆိုရင် မိစ္ဆာဒိဋ္ဌိလို့ ဆိုပြီးသကာလ ကျုပ်တို့နဲ့ ပဋိပက္ခအရာမှာ ရှိတယ်။

(၇) ဆဋ္ဌသံဂါယနာတင်ပွဲဟာ ဦးနုနဲ့ ဖဆပလအဖွဲ့တို့၊ ဦးဝိစိတ္တတို့၊ မဟာစည်တို့၊ ညောင်ရမ်းတို့ ဂုဏ်သိက္ခာတွေရတာကလွဲလို့ တခြားအကျိုးကတော့ မပြောလောက်ပဲ ဖြစ်တယ်။

(၈) အရဟံဆိုပါတော့။ အေး သည်စာတွေက သိပ်မြင့်တယ်။ တို့လူတွေနဲ့ မတန်ဘူး။ မတန်မရာတွေကို တို့လူတွေက ရွတ်ဆိုနေမိကြတာပဲ။ သည်စာတွေဟာ စိတ္တဇအပြစ်ဖြစ်တယ်။ ဘုရားကို အထင်ရောက်သွားတော့ စိတ္တဇအပြစ်ဖြစ်စေတယ်။ အပြစ်ကကြီးတယ်။ ဗုဒ္ဓဘာသာမဟုတ်တော့ဘူးလို့ ဖြစ်တယ်။

(၉) တရားဓမ္မဆွေးနွေးတဲ့အခါ ပရမတ်တွေအကြောင်း မပြောစေချင်ပါဘူး။ ပရမတ်တွေဟာ တရားမဟုတ်လို့ပါပဲ။

(၁၀) သည်လိုဆိုရင် သည်စာသင်တိုက်ကြီးတွေက တလွဲဖြစ်ထွန်းနေတာမို့ ဗုဒ္ဓဘာသာတရားဓမ္မအရ လိုလားစရာမဟုတ်ဘူး။

(၁၁) လူသားလျှောက်ရမည့်လမ်းဟူသည် ဘုရားသခင်၏ အစေအပါးအဖြစ် ကိုယ့်ကိုယ်ကို ယဇ်ပူဇော်ခြင်းမဟုတ်။ မိမိကိုယ်ကို မိမိကပင် ဘုရားသခင်အဖြစ် ခန့်အပ်လိုက်ခြင်းပင်ဖြစ်သည်။

(၁၂) လေးသင်္ချေ၊ ကမ္ဘာတစ်သိန်း ပါရမီဖြည့်ကျင့်ပြီးမှ ပေါ်ထွန်းလာသော ဗုဒ္ဓသည် မှားယွင်းသောကြောင့် မိစ္ဆာသမ္မာသမ္ဗုဒ္ဓဖြစ်သည်။ လက်ရှိ ပစ္စုပ္ပန်ဘ၀တစ်ခုတည်း၌ ဉာဏ်ဖြင့် ဖောက်ထွင်းသိမြင်သော ဗုဒ္ဓသာလျှင် သမ္မာသမ္ဗုဒ္ဓဖြစ်သည်။ ဘ၀သံသရာဟူသည်မရှိ။ ပစ္စုပ္ပန်ဘ၀တစ်ခုသာ ရှိသည်။

(၁၃) ဂေါတမဘုရားရှင်သည် ဆွမ်းဘုဉ်းပေးခြင်း၊ ရေဘုဉ်းပေးခြင်းကြောင့် ကိလေသာမကုန်သေး။ လောဘ။ တဏှာ၊ ကိလေသာရှိသေးသည်။

(၁၄) ဗုဒ္ဓသည် မာရ်နတ်၏ သမီး နတ်သမီးသုံးယောက်နှင့် ပျော်ပါးစံစားရန် စိတ်ကူးမိကြောင်း ဖော်ပြထားသဖြင့် ကိလေသာ မကုန်သေးဟု ဆိုရမည်။

(၁၅) ပါဏာတိပါတသိက္ခာပုဒ်အရ လူ့အသက်သတ်မှ အပြစ်ရှိသည်။ တိရစ္ဆာန်များအသက်ကိုသတ်လျှင် ငရဲမကြီးချေ။ အကြောင်းမူ ဗုဒ္ဓသည် အသားစားခြင်းကို ခွင့်ပြုထားသောကြောင့် သတ္တ၀ါ၏ အသက်သတ်ခြင်းကိုလည်း ခွင့်ပြုရာ ရောက်သည်။

(၁၆) ပုဂ္ဂလိကတစ်ဦးတည်းပိုင် ပစ္စည်းကို ခိုးယူလုယက်ခြင်းသည် အပြစ်ရှိသည်။ အများပိုင်ပစ္စည်းကို ခိုးယူလျှင် ပိုင်ရှင်ဖြစ်သူများမှာ ထိခိုက်နစ်နာမှုမရှိသောကြောင့် အပြစ်မရှိ။

(၁၇) ကာမပိုင်အမျိုးသမီးကို သဘောတူပျော်ပါးရာ၌ အပြစ်မရှိ။ ဆန္ဒကို ဖြည့်စွမ်းပေးသောကြောင့် ကုသိုလ်ပင်ဖြစ်နိုင်သည်။

(၁၈) မိမိတစ်ဦးတစ်ယောက် အကျိုးအတွက် လိမ်လည်ပြောလျှင် အကုသိုလ်ဖြစ်သည်။ အများကောင်းကျိုးအတွက် လိမ်လည်လျှင် အပြစ်မရှိ။

မိုးပြာဂိုဏ်းမှ တရားမ၀င် ထုတ်ဝေဖြန့်ချိထားသည့် စာအုပ်ပေါင်းမှာ ၆၀ ကျော်ရှိပြီး ၎င်းတို့မှ အချို့မှာ -

၁။ ၀ိမုတ္တိဒေသနာ ခေါ် လွတ်လပ်ရေးဒေသနာ (စာမျက်နှာ ၁၁၀၊ ထုတ်ဝေနှစ် ၂၀၀၆)၊

၂။ ဘုရား(စာမျက်နှာ ၂၂၈)၊

၃။ ဘာသာတရားများအကြောင်း ယေဘူယျနှိုင်းယှဉ်ချက် (စာမျက်နှာ ၅)၊

၎။ ဓမ္မပူဇာ (စာမျက်နှာ ၂၄၇)၊

၅။ စိတ်စိတ်ဖြာဖြာ ဥပါဒါနက္ခန္ဓာ (စာမျက်နှာ ၁၆၃)၊

၆။ ဓမ္မ (စာမျက်နှာ ၃၉၀၊ ထုတ်ဝေနှစ် ၂၀၀၃၊ ဖေဖော်ဝါရီလ ၁၀ ရက်။ အထိမ်းအမှတ်စာအုပ်)၊

၇။ မိုးပြာကျောင်းမှ ပေးစာများ-၁(မိုးပေါက်ကျချောင်) (စာမျက်နှာ ၄၄၉၊ ထုတ်ဝေနှစ် ၁၃၅၂)၊

၈။ ဘာသာတရားကပေးသော ဆုလာဘ်
(စာမျက်နှာ ၄၆၊ ထုတ်ဝေနှစ် ၂၀၀၃၊ ဖေဖော်ဝါရီလ ၁၀ ရက်။ အထိမ်းအမှတ် စာအုပ်)၊

၉။ တဏှာရှင်းတမ်း (စာမျက်နှာ ၄၀၀၊ ထုတ်ဝေနှစ် ၁၉၉၆)၊

၁၀။ ဓမ္မကထာ (စာမျက်နှာ ၂၃၂၊ ထုတ်ဝေနှစ် ၂၀၀၅)၊

၁၁။ ဓမ္မ၀ိဟာရီငွေရတုပူဇာ (စာမျက်နှာ ၂၂၄၊ ထုတ်ဝေနှစ် ၂၀၀၈၊ ဖေဖော်ဝါရီလ ၁၀ ရက်။ အထိမ်းအမှတ်)

၁၂။ လွတ်လပ်တဲ့သူ (စာမျက်နှာ ၃၉၉၊ ထုတ်ဝေနှစ် ၂၀၀၆)၊

၁၃။ ဉာဏကထာ (ပထမအုပ်) (စာမျက်နှာ ၃၅၆)၊

၁၄။ မဟာပေါဋ္ဌက (ပထမတွဲ) (စာမျက်နှာ ၃၉၄/၂၀၄/၃၀၂= စုစုပေါင်း = ၁၁၀၀)၊

၁၅။ အရိယဝေါဟာရ ဉေယျဓမ္မတ္ထကထာ (စာမျက်နှာ ၁၁၁၊ ထုတ်ဝေနှစ် ၂၀၀၆)၊

၁၆။ နိဗ္ဗာန်ကိုသွား နောက်ဆုံးရထား (စာမျက်နှာ ၉၉၊ ထုတ်ဝေနှစ် ၂၀၀၅)၊

၁၇။ ဗုဒ္ဓဘုရားသာသနာနှင့်မြန်မာပြည် (စာမျက်နှာ ၇၁၊ ထုတ်ဝေနှစ် ၂၀၀၆)၊

၁၈။ အရိယသစ္စကထာ (စာမျက်နှာ ၂၇၉၊ ထုတ်ဝေနှစ် ၂၀၀၅)၊

၁၉။ ဥတ္တရိမနုဿဓမ္မဒဿစာစဉ်-၁ (စာမျက်နှာ ၇၀၊ ထုတ်ဝေနှစ် ၁၃၆၄၊ သက္ကာယမိစ္ဆာဒိဋ္ဌိမှ သမ္မာဒိဋ္ဌိသို့-မိစ္ဆာဒိဋ္ဌိနှင့် သမ္မာဒိဋ္ဌိ-ဗုဒ္ဓဘုရားရဲ့ လောကအမြင်မိတ်ဆက် - သုံးမျိုးစု)၊

၂၀။ ဥတ္တရိမနုဿဓမ္မဒဿန စာစဉ်-၂ (စာမျက်နှာ ၇၁၊ ထုတ်ဝေနှစ် ၂၀၀၃၊ ဗုဒ္ဓဘာသာက မယူသော မိစ္ဆာဒိဋ္ဌိများ- ကမ္မဿကတာသမ္မာဒိဋ္ဌိဉာဏ်-ရှေ့ဘ၀နောက်ဘ၀- ဦးနှောက်၏ ချွတ်ယွင်းဖောက်ပြန်မှုများ - လေးမျိုးစု)၊

၂၁။ သဒ္ဓမ္မသုံးဖြာ (ပထမတွဲ) (စာမျက်နှာ ၂၀၆၊ ထုတ်ဝေနှစ် ၂၀၀၂)၊

၂၂။ သဒ္ဓမ္မသုံးဖြာ (ဒုတိယတွဲ) (စာမျက်နှာ ၂၀၇ မှ ၃၄၇၊ ထုတ်ဝေနှစ် ၂၀၀၂)၊

၂၃။ ငြိမ်းချမ်းရေးသစ္စာ ဓမ္မစကြာဒေသနာ (စာမျက်နှာ ၃၉၆၊ ထုတ်ဝေနှစ် ၁၃၅၆)၊

၂၄။ ပစ္စုပ္ပန်ကမ္မ၀ါဒ ဗုဒ္ဓဘာသာလမ်းညွှန် (စာမျက်နှာ ၁၂၉၊ ထုတ်ဝေနှစ် ၂၀၀၂)၊

၂၅။ တောစကားတောင်စကား (စာမျက်နှာ ၃၉)၊

၂၆။ အရိယသစ္စဓမ္မပေတံ (စာမျက်နှာ ၂၅၅၊ ထုတ်ဝေနှစ် ၂၀၀၇)၊

၂၇။ သက္ကာယဒိဋ္ဌိရှင်းတမ်း (စာမျက်နှာ ၂၈၊ ထုတ်ဝေနှစ် ၂၀၀၈)၊

၂၈။ ဘာသာတရားဆိုတာ ဘာလဲနှင့် လွန်ကျူးမှုကို ဘယ်လိုနားလည်ရမလဲ (စာမျက်နှာ ၇၂၊ ထုတ်ဝေနှစ် ၂၀၀၂)၊

၂၉။ နိဗ္ဗာန်နှင့် သက္ကာယမိစ္ဆာဒိဋ္ဌိ (စာမျက်နှာ ၈၆၊ ထုတ်ဝေနှစ် ၂၀၀၀)၊

၃၀။ ဓမ္မစကြာညွှန်ပြချက် (စာမျက်နှာ ၁၇၂၊ ထုတ်ဝေနှစ် ၂၀၀၃)၊

၃၁။ လူသားလျှောက်ရမည့်လမ်း (စာမျက်နှာ ၆၀)၊

၃၂။ လူသားမှန်သမျှ ကျင့်ပွားဖွယ်ရာ ပုညကြိယာဝတ္ထုဆယ်ဖြာ (စာမျက်နှာ ၁၂၊ ထုတ်ဝေနှစ် ၂၀၀၆)၊

၃၃။ ဓမ္မ၀ိဟာရာရာမမိုးပြာခြံမှ ပေးစာနှစ်စောင်တွဲ (စာမျက်နှာ ၃၂၊ ထုတ်ဝေနှစ် ၂၀၀၇-၂၀၀၈)၊

၃၄။ ဓမ္မ၀ိဟာရီသို့ ဦးခိုက်ခြင်း (စာမျက်နှာ ၁၆)၊

၃၅။ မိလိန္ဒပဉှာဝတ္ထုဘယ်လဲ (စာမျက်နှာ ၃၁၂၊ ပြန်လည်ကူးယူထုတ်ဝေနှစ် ၁၃၆၄)၊

၃၆။ ၀ိသုဒ္ဓိမဂ်ဘယ်လဲ (စာမျက်နှာ ၄၀၈၊ ပြန်လည်ကူးယူထုတ်ဝေနှစ် ၁၃၆၄)၊

၃၇။ နိဗ္ဗာနဒီပနီဘယ်လဲ (စာမျက်နှာ ၂၃၀၊ ပြန်လည်ကူးယူထုတ်ဝေနှစ် ၁၃၆၄)တို့ ဖြစ်ပါသည်။

ဦးဉာဏ၏ စာရေးသားသည့် အမည်ခွဲများမှာ

- သျှင်မိုးပြာ (ခ)ရှင်မိုးပြာ
(ခ) အရှင်ဉာဏ (ခ) ရှင်ဉာဏ (ခ)ဉာဏ
(ခ)ဓမ္မ၀ိဟာရီ (ခ) ဓမ္မ၀ိဟာရီအရှင်ဉာဏ (ဂ) ဓမ္မ၀ိဟာရီရှင်ဉာဏ (ခ) ဓမ္မ၀ိဟာရီဉာဏ (ခ) ဓမ္မ၀ိဟာရီ ရှင်မိုးပြာ (ခ)
ဘကြီးဝိဟာရီ ( www.forums.myanmarcommunity.com )
(ခ) အနုပါဒါ (ခ) ဗောဓိဉာဏ (ခ) မောင်ဉာဏ်ထက် (ခ) ပစ္စုပ္ပန်ကမ္မ၀ါဒဗုဒ္ဓဘာသာပုရုသျှ (ဘုရား)
(ခ) ခေါင်းဆောင်ကြီးတို့ ဖြစ်ကြပါသည်။

သာသနာကို ဖျက်စီးမည့် အဓမ္မ၀ါဒီတို့၏ လှုပ်ရှားပုံနှင့် ၄င်းတို့၏ အမည်နာမများ

ပစ္စုပ္ပန်ကမ္မ၀ါဒီ တို့၏ လှုပ်ရှားပုံ နှင့် ပစ္စုပ္ပန်ကမ္မ၀ါဒီ ဘက်မှ နာမည်ကြီး ပုဂ္ဂိုလ် များကို သိစေရန် အလို့ငှာ တင်ပြပါအုံးမည်
ပစ္စုပ္ပန်ကမ္မ၀ါဒီ အဖွဲ့သည် ဗုဒ္ဓဘာသာစာပေနှင့် အသင့်အတင့် ရင်းနှီး ကျွမ်းဝင်သူများ ဖြစ်လျှင်
ဗုဒ္ဓစာပေ နှင့် မဆန့်ကျင်အောင် ဟောပြော၍ သိမ်းသွင်းကာ
ဗုဒ္ဓစာပေ ကို လုံးဝ မသိသူဖြစ်လျှင် ဗုဒ္ဓကို လုံးဝ ဆန့်ကျင်သွားအောင်
ဟောပြော၍ သ်ိမ်းသွင်းကြသည်ဟု သိရပါသည်
ထိုအဖွဲ၏ လှုပ်ရှားပုံမှာ သိုသိပ်ကြပါသည်။
မြန်မာနိုင်ငံတွင် ပြန့်ပွါးနေသော မြို့ကြိးများမှာ

ရန်ကုန်၊ မန္တလေး၊ ကချင်ပြည်နယ်၊ မြစ်ကြီးနား၊ မိုးညင်း၊ မိုးကောင်း
ပဲခူတိုင်း တောင်ငူ၊ ပြည် စသည်တို့တွင် အများအပြား ပြန့်နှံ့ နေပါသည်

ပစ္စုပ္ပန်ကမ္မ၀ါဒီ ဘက် အဓိက ဂိုဏ်းခေါင်းဆောင်

၁။ ပစ္စုပ္ပန်ကမ္မ၀ါဒ ဗုဒ္ဓဘာသာပုရုသျှ (ဘုရား)၊
ခေါင်ဆောင်ကြိး (ခ)သျှင်မိုးပြာ (ခ) ရှင်မိုးပြာ (ခ) အရှင်ဥာဏ (ခ) ရှင်ဥာဏ (ခ) ဥာဏ (ခ) ဓမ္မ၀ိဟာရီ (ခ) ဓမ္မ၀ိဟာရီ အရှင်ဥာဏ
(ခ) ဓမ္မ၀ိဟာရီ ရှင်ဥာဏ (ခ) ဓမ္မ၀ိဟာရီ ဥာဏ (ခ) ဓမ္မ၀ိဟာရီ ရှင်မိုးပြာ (ခ) ဘကြိး ၀ိဟာရီ (www.forums.myanmarcommunity.com)
(ခ) အနုပါဒါ (ခ) ဗောဓိဥာဏ (ခ)မောင်ဥာဏ်ထက်

၎င်း အမည်များသည် ဂိုဏ်းခေါင်းဆောင်ကြီး တဥိးတည်းသာ ဖြစ်ပါသည်။

-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။


၂။ ဓမ္မ၀ိဟာရီ ရှင်ဂုဏ
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။

၃။ ဓမ္မ၀ိဟာရီ ရှင်ဇဋိလ
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။

၎။ ဓမ္မ၀ိဟာရီ ရှင်နာဂ
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။

၅။ဓမ္မ၀ိဟာရီ ဒေါ်သီလနန္ဒီ
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။
-မန္တလေး၊ ရန်ကင်းတောင်ခြေ၊ အနုပါဒါယဉ်ကျေးမူတရားဌာန၊ ပစ္စုပ္ပန်ကမ္မ၀ါဒ ဗုဒ္ဓဘာသာ၊ မိုးပြာခြံ၊
-မန္တလေး၊ အရှေ့ ရိုးမအခြေ၊ မိုးပေါက်ကျချောင်၊ မိုးပြာကျောင်း။

(ဤငါးဥိးသား တို့သည် မူလဖြစ်သူများ၊ ဂိုဏ်းထောင်သူများ ဖြစ်ကြပါသည်)

၁။အရှင်ဥာဏိန္ဒာလင်္ကာရ (သင်္ကန်းဝတ်ဘက်က ဒုတိယခေါင်းဆောင်ကြီး)
စည်ပင်ဂိုဏ်းအုပ်ကျောင်း၊ တောင်ငူမြို့၊ ပဲခူးတိုင်း။(အနောက်ခြမ်း)
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။

၂။အရှင်ဝိစိတ္တသာရာဘိဝံသ ((သင်္ကန်းဝတ်ဘက်က တတိယခေါင်းဆောင်ကြီး)
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။


ဦးခေမိန္ဒ(မိုးညှင်းမြို့သတိပဌာန်ရိပ်သာဆရာတော်)နှင့် ဦးဝိစိတ္တသာရာဘိဝံသ(မြစ်ကြီးနားမြို့ကျောင်းထိုင်ဘုန်းကြီးသင်တန်းကျောင်းဆရာတော်) တို့၏ဝါဒကို အဓမ္မဝါဒဟု ဝိနိစ္ဆယချမှတ်တော်မူသည်။(၂၀၀၈)


ပြည်ထောင်စု မြန်မာနိုင်ငံတော် နိုင်ငံတော်သံဃမဟာနာယက အဖွဲ့ က ရွေးချယ်ဖွဲ့စည်းအပ်သော
နိုင်ငံတော် သီခြားဝိနည်းဓိုလ် အဖွဲ့အမှတ် (၁၆/၂၀၀၈)၏ ဆုံးဖြတ်ချက်
ဦးဝိစိတ္တသာရာဘိဝံသ
မြစ်ကြီးနားမြို့၊ ကျောင်းထိုင်ဘုန်းကြိး သင်တန်းကျောင်း၊
ဦးဝိစိတ္တသာရာဘိဝံသ ၏(မိုးပြာဝါဒနှင့်နွယ်သော)ဝါဒကို အဓမ္မဝါဒဟု ဝိနိစ္ဆယချမှတ်တော်မူသည်။

ဆုံးဖြတ်ချက် ချမှတ်သည့်နေ့- ၁၃၇၀- ပြည့်နှစ်၊ တပိုတွဲ လပြည့်ကျော် ၈-ရက်(17.2.2009) အင်္ဂါနေ့

ယခုအခါ ထို ဆရာတော်ကို ဖမ်းဝရမ်းထုတ်ထားပါသည်
ထွက်ပြေးတိန်းရှောင်နေသည် ဟု သိရပါသည်

၃။အရှင်ကုမာရာလင်္ကာရ (kumara@rollerboys.com)
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။


သင်္ကန်းဝတ်ဘက်မှ ၁၅ ပါးရှိသည့်အနက် အဓိက အကျဆုံးပုဂ္ဂိုလ်များသာ ဖော်ပြလိုက်ပါသည်။


၁။ ဆရာဦးစိုးအောင်
(ဓမ္မနာယက+စာစုဂေါပက+ လူပုဂ္ဂိုလ် ဘက်က ပထမခေါင်းဆောင်ကြီး၊
အမှတ် ၈၅၊ ၃-လမ်း၊ မာလာမြိုင်၊ ၁၆-ရပ်ကွက်၊ အုပ်ကျင်း၊ လှိုင်မြို့နယ်၊ ရန်ကုန်မြို့။
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။


၂။ဆရာကြီးဦးရန်အောင်
(ဓမ္မဆရာ+စာစုဂေါပက+ လူပုဂ္ဂိုလ် ဘက်က ဒုတိယခေါင်းဆောင်ကြီး၊
အမှတ် ၂၈၄၊ ဇင်္ဂမလမ်း၊ ၆-ရပ်ကွက်၊ သာကေတမြို့နယ်၊ ရန်ကုန်မြို့၊
(ဖုံးနံပါတ်- ၀၁-၅၄၀၉၆၀၊ 09-80-25444)
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။

၃။ ဦးမြင့်ဝင်းမောင် (ရှင်မိုးပြာ စာအုပ်များကို ထုတ်ဝေရန် ပုံနှိပ်သည့် မူပိုင်စာပုံနှိပ်တိုက်)
အေဇက်စာပေအိမ်၊ ၃၄-လမ်း၊ အလယ်ဘလောက်၊ ကျောက်တံတားမြို့နယ်၊ ရန်ကုန်မြို့။
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။

၎။ဦးရင်စိန် (ဓမ္မဆရာ) (အင်းဝဘဏ်လီမီတက်)
-ရန်ကုန်မြို့ ၊ မြောက်ဥက္ကလာပ၊ (ဌ) ရပ်ကွက်၊ သစ္စာပန်းလမ်း၊ အမှတ် (၂၀)၊ မိုးပြာခြံ။
(အရိယ ဘဏ္ဍာငွေ၊ ငွေစာရင်းအမှတ်-၈၂-၂၃၇၀၉၊ အင်းဝဘဏ်လီမီတက်၊ ရန်ကုန်မြို့။
အမှတ် - ၅၅၄/၅၅၆၊ ကုန်သည်လမ်း၊ ကျောက်တံတားမြို့နယ်၊ ရန်ကုန်မြီု့။ ပေးစာအမှတ်(၅/၂၀၀၈။ ၁၃၇၀- ခုနှစ်၊
ကဆုန်လပြည့်နေ့၊ ထုတ်ဝေသည့် စာစောင်ငယ်မှာ ကြည့်)


ထိုပုဂ္ဂိုလ်များသည် မိုးပြာဂိုဏ်း ၂၅-နှစ်ပြည့် ငွေရတုပူဇာ စာအုပ်ထဲမှ
မိုးပြာဂိုဏ်း၏ မြောက်မြားစွာသော ပုဂ္ဂိုလ် များထဲမှ ထုတ်နုတ် တင်ပြအပ်ပါသည်။

December 2, 2009

မိုးပြာဂိုဏ်းကိုတည်ထောင်သူ ရှင်ဥာဏ၏သမိုင်းနောက်ခံ




လွန်ခဲ့သည့်ကာလ (၂၅) နှစ်က ရှင်ဥာဏ(ခ) ရှင်မိုးပြာသည် စစ်ကိုင်းတိုင်း မင်းကွန်း ရွှေမြင်တင်တောင်မှာ နေထိုင်သူဖြစ်ပါသည်။
ဈာန်ရပုဂ္ဂိုလ်၊ ပဋိသမ္ဘီဒါရ ရဟန္တာ စသည်ဖြင့် ကြွားဝါကာ တရားဟောခဲ့သူဖြစ်ပါသည်။
ထိုအကြောင်းကို ကြားသိကြသဖြင့် နိုင်ငံတော် သံဃနာယကအဖွဲ့ကြီးကပင် စစ်ကိုင်းတိုင်း သာသနာရေးမူး ဥိးစိုးမြင့် က
စွဲဆို၍ စစ်ကိုင်းမြို့နယ် သံဃနာယက သို့ တင်ခဲ့သည်။
ရှင်ဥာဏ နှင့် ရှင်ဂုဏ တို့နှစ်ပါး ရှုံးခဲ့ကြပါသည်။ တစ်ဖန် သူတို့ကပင် တိုင်းသို့တက်ခဲ့ကြသည်။
တိုင်းမှာလဲ သူတို့ပင် ရှုံးကြပြန်သည်။ တစ်ဖန် ဗဟိုဌာန ဟု ဆိုရမည်ဖြစ်သော နိုင်ငံတော်သံဃမဟာနာယက ထံသို့ သူတို့ကပင် စောဒနာ
တင်ကြလျက် “သာသနာရေး လျှောက်ထားတောင်းဆိုလွာ” အမည်ဖြင့် စတင်၍ မြို့နယ်နှင့်တိုင်းတို့က ဆုံးဖြတ်ချက်ကို ပြင်ဆင်ပေးရန်
တောင်းဆိုခဲ့ကြသည်။ နိုင်ငံတော်မှာလဲ သူတို့ပင် ရှုံခဲ့၍ ထောင် သုံးနှစ်ကြခဲ့ပါသည်။
နိုင်ငံတော် သံဃနာယကဆရာတော် ဘဒ္ဒန္တမာနိတသီရိဘိဝံသထေရ် ၏ မိန့်ကြားချက်အရ သိရသည်မှာ
(၁၉၈၃-၁၉၈၆ ခုနှစ်က ၀ိနည်းဓမ္မကံ (၉/၁၁)ဖြင့် တရားစွဲခံရပြီးကတည်းက ပြတ်ပြတ်သားသား အရေးယူဖို့
စီရင်ခဲ့ရာတွင် တိပိဋကဓရ မင်းကွန်းဆရာတော်ကြီးက မေတ္တာရပ်ခံမူကြောင့် ထောင်သုံးနှစ်မျှဖြင့်
ပြီးသွားရခြင်းပင်) ဟူ၍ ဖြစ်ပါသည်။
၁၉၉၁-၁၉၉၈ ခုနှစ်တွင် ထေရ၀ါဒအတွင်းမှ ဂိုဏ်းသီးသန့်ထောင်မူဖြင့် ထောင် (၁၀) နှစ်ကျခဲ့ပါသည်။
ထောင်နှစ်ကျခံပြီး ထွက်လာပြီးနောက်တွင် ပစ္စုပ္ပန်ကမ္မ၀ါဒ ဗုဒ္ဓဘာသာ အမည်ခံလျက်ဂိုဏ်းထူးထောင်ပြီး
မိလိန္ဒပဥှာဝတ္တု စသည်တို့ကိုပါ ပြန်လည်ကူးယူဖြန့်ဝေကြောင်းတွေ့ရပြီး (၂၀၀၂-၂၀၀၈)တို့မှာ
အကြီးအကျယ် အင်အားကြီးဂိုဏ်းဖြစ်လာကြောင်း တွေ့ရပါသည်။

၁၉၉၁ ခုနှစ်တွင် ထေရ၀ါဒသာသနာတော်ကြီး စော်ကားခံခဲ့ကြရပြီးဖြစ်ပါသည်။

တစ်ဖန် ၁၉၉၈ ခုနှစ်မှ စ၍ ယခုတိုင်အောင် ဆက်တိုက်ပင် ထေရ၀ါဒသာသနာတော်ကြီးကို ဖျက်စီးခံနေရပါပြီ။

ပစ္စုပ္ပန်ကမ္မ၀ါဒ ဗုဒ္ဓဘာသာ အမည်ခံဂိုဏ်းကြိးသည် ပညာရှင်အင်အား ဘာသာဝင်အင်အား ငွေကြေးအင်အား
ပုံနှိပ်ထုတ်ဝေဖြန့်ချီအင်အား အခိုင်မာဆုံး အဓမ္မ၀ါဒီဂိုဏ်းကြီးဖြစ်ပါသည်။
ငွေရတု ပူဇာ စာအုပ်ကို လေ့လာကြည့်လျှင် အလွန်ပင် ထင်ရှားမည်ဖြစ်ပါသည်။
ပညာတတ် အမည်ခံ အရှင်ဥာဏိန္ဒာလင်္ကာရ အရှင်ဝိစိတ္တသာရာဘိဝံသ (မြစ်ကြီးနား) စသူများ၊
ဥိးစိုးအောင် (သ.စ.အ- ဓမ္မာစရိယ၊သုတေသန) စသည်များ အပြင် စာရေးတတ်သူ ဟောပြောတတ်သူ
အများအပြားရှိနေကြပါသည်။
အခြေခံသင်တန်းများရော ဓမ္မ၀ိဟာရီ သင်တန်းများပါရှိကြကြောင်း သိရပါသည်။
ဓမ္မ၀ိဟာရီ သင်တန်းတို့တွင် အာသ၀က္ခယ၀ိဟာရီစာတမ်းပြုစုရကြောင်းလဲ သိရပါသည်။

ဓမ္မဆရာ ဥိးရန်အောင်၏ ဟောပြောချက်များအရ သြဠာရိကသုခုမ ဆေးပညာရှင်များအုပ်စုလိုက်ကြီးပင်
ထိုပစ္စုပ္ပန်ကမ္မ၀ါဒဂိုဏ်းသားများဖြစ်သွားကြောင်း ကြားသိရပါသည်။

အင်းဝဘဏ်သူဌေး ဦးရင်စိန် တို့လို သူဌေးများကြောင့်လည်းကောင်း၊
ဦးဝင်းမြင့်မောင် လို ပုံနှိပ်တိုက်ကျွမ်းကျင်သူများကြောင့်လည်းကောင်း၊

အရှင်ဝိစိတ္တသာရာဘိဝံသ (မြစ်ကြီးနား) လို သိန်းပေါင်း ထောင်သောင်းချီချမ်းသာသူများကြောင့်လည်းကောင်း၊
စာအုပ်များ အများအပြား ထုတ်ဝေနိုင်ကြောင်းလည်း သိရပါသည်။

အရှင်ဝိစိတ္တသာရာဘိဝံသ (မြစ်ကြီးနား) သည် စာအုပ်များစွာကို ကိုယ်တိုင်ရေးပြီး
ကိုယ်တိုင်ထုတ်ဝေလျက် ကိုယ်တိုင်ပင် နေရာများစွာသို့ လိုက်လံသွားလာကာ ပေးဝေစည်းရုံးနေကြောင်း
သိရပါသည်။

ထိုင်နိုင်ငံတွင် ပညာသင်ကျောင်းသား အဖြစ်ဖြင့်နေထိုင်လျက် ၀ါဒဖြန့်နေသူ အရှင်ကုမာရာလင်္ကာရ လို(kumara@rollerboys.com) နိုင်ငံတကာ
ဆက်သွယ်ရေးကွန်ယက်များကို ဖန်တီးနိုင်ခြင်းကြောင့်လည်းကောင်း၊
ဓမ္မ၀ီဟာရီ ရှင်ဥာဏ ကိုယ်တိုင်ပင် ၀ိဟာရီ အမည်ခံလျက် အင်တာနက် အသုံးပြု
ဟောပြောချက် ဆွေးနွေးချက်တို့ကိုပြုလုပ်နေခြင်းကြောင့်လည်းကောင်း၊(www.forums.myanmarcommunity.com)
ထိုင်းနိုင်ငံတွင်လည်း တစ်ဘ၀သာရှိသည့် ပဋိစ္စသမုပ္ပါဒ်ဝါဒီ ရှင်ဗုဒ္ဓဒတ္ထ လို ထိုင်းဘုန်းကြီးများ
ရှိနေခြင်းကြောင့်လည်းကောင်း၊
အင်တာနက်အားဖြစ်လည်း ကမ္ဘာသို့တိုင်အောင် ပေါက်ရောက်ကျယ်ပြန့်လျက်ရှိနေကြောင်း
သိရပါသည်။

စင်္ကာပူဗုဒ္ဓဘာသာလူငယ်များ အကြားတွင် အလွန်ရေပန်းစားသော ဂိုဏ်းဖြစ်၍ စင်္ကာပူနေ မြန်မာူဗုဒ္ဓဘာသာလူက
မှာယူသဖြင့် ပေးပို့ရောင်းချရသည့် စာအုပ်များ များပြားကြောင်းလည်း သိရပါသည်။

အရိယဘဏ္ဍာရန်ပုံငွေကဲ့သို့သော ရန်ပုံငွေများလည်း အလှူခံလေ့ရှိခြင်းကြောင့် အလွန်တိုးတက် ကြီးထွားနေကြောင်း
သိရပါသည်။ ထို့ပြင် လစဉ်ထုတ် ပေးစာများကို ရောင်းချသည့် သွင်းငွေများနှင့် အခွန်လွတ်ထုတ်ဝေထားသည့်
စာအုပ်ကြီးတို့ကို တအုပ်လျင် (၃၀၀၀) ကျပ်နုံးဖြင့် ရောင်းချသည့်အတွက် အသင်းဝင်များထံမှ
ရောင်းရငွေများကြောင့် အလွန်ပင် တိုးတက်စည်ကားနေကြောင်းလည်း သိရပါသည်။
မိုးပြာဂိုဏ်းမှ ထုတ်ဝေဖြန့်ချီနေသော စာအုပ်များမှာ သိရသလောက်တော့
လေးဆယ်ကျော် ရှိပါသည်။ နောင်သီးသန့် တင်ပြပေးပါမည်။


ဆိုခဲ့အပ်ပြီးသော အဓမ္မ၀ါဒီဂိုဏ်းကြီးသည် ၂၅ နှစ်သက်တမ်း ကာလအတွင်း အကြီးအကျယ်
ထွန်းကားပြန့်ပွားနေပါသည်။

ဦးဇင်း မမွေးခင်ကတည်းက တည်ထောင်လာတဲ့ အဓမ္မ၀ါဒီဂိုဏ်းကြီး
၂၇ နှစ်ထဲကို ၀င်ရောက်လာပါပြီ။

ထေရ၀ါဒ ဗုဒ္ဓဘာသာသာသနာတော်မြတ်ကြီးအား အတိုက်စားဆုံး အစော်ကားဆုံး အဖျက်စီးဆုံး
အန္တရာယ်ကြီး ဖြစ်နေပါသဖြင့် ပြန့်ပွါးမလာအောင်
ထေရ၀ါဒ သာသာသနာတော်အတွက် ကာကွယ်နိုင်ရန် ဗုဒ္ဓဘာသာဝင်
သူတော်စင် သူတော်ကောင်းတို့အား တင်ပြအပ်ပါသည်။

December 1, 2009

ဆူးလေဦးမြင့်သိန်း၏ထေရဝါဒအမည်ခံနှင့်ပါတ်သက်၍ ညွှန်ကြားလွှာအမှတ် (၅ဝ)

ညွှန်ကြားလွှာအမှတ် (၅ဝ)
ဆူးလေဦးမြင့်သိန်း၏ ထေရဝါဒအမည်ခံ တရားဓမ္မများနှင့် ပတ်သက်၍
လိုက်နာဆောင်ရွက်ရန် ညွှန်ကြားခြင်း

(၂၂၊ ၂၊ ၈၃) (၁ဝ၊ ၁၁၊ ၄၄)

၁။ ဆူးလေဦးမြင့်သိန်း၏ ထေရဝါဒအမည်ခံ တရားဓမ္မများသည် ဝိနည်းဓမ္မကံ လုပ်ထုံးလုပ်နည်းများ အခန်း(၇) အပိုဒ်(၅၇) အရ နိုင်ငံတော် ဗဟိုသံဃာ့ဝန်ဆောင် ဆရာတော်များသာ ပါဝင်သော နိုင်ငံတော် သီးခြား ဝိနည်းဓိုရ် အဖွဲ့ဖြင့် စိစစ်၍ ဆုံးဖြတ်ပေးသင့်သော တရားဓမ္မများ ဖြစ်ပါသည်။

သို့ရာတွင် အကြောင်းအမျိုးမျိုးကြောင့် စုဒိတကများ မရှိတော့၍ နိုင်ငံတော် သီးခြားဝိနည်းဓိုရ် အဖွဲ့ဖြင့် မစိစစ်တော့ဘဲ သံဃာ့အဖွဲ့ အစည်းအခြေခံ စည်းမျဉ်း အခန်း(၁၃) အပိုဒ်(၈၉)နှင့် သံဃာ့အဖွဲ့အစည်းလုပ်ထုံးလုပ်နည်းများ အခန်း(၁၆) အပိုဒ်(၁၃၁)၊ (ဆ) (ဈ) (ည) (ဋ)တို့အရ ဆူးလေဦးမြင့်သိန်း၏ ထေရဝါဒအမည်ခံ တရားဓမ္မများကို ပထမအကြိမ် နိုင်ငံတော် သံဃမဟာနာယကအဖွဲ့ (၄၅)ပါးစုံညီ ဒသမအစည်းအဝေးက ဆွေးနွေးစိစစ်၍ အဓမ္မဝါဒ၊ အဝိနယဝါဒများအဖြစ် ဆုံးဖြတ်သတ်မှတ်ပြီး ယင်းအဓမ္မဝါဒများကို နိုင်ငံတစ်ဝန်းလုံး၌ တားမြစ်ပိတ်ပင်စေရေးအတွက် မြို့နယ် သံဃနာယက အဖွဲ့များသို့ ညွှန်ကြားရန်နှင့် ထေရဝါဒဟူသော အမည်ကို ဖြုတ်ပယ်စေရန် ဆုံးဖြတ်ခဲ့ပါသည်။

၂။ သို့ဖြစ်ပါ၍ မြို့နယ်သံဃနာယကအဖွဲ့များသည် မိမိတို့မြို့နယ်အတွင်း၌ ဆူးလေဦးမြင့်သိန်း၏ ထေရဝါဒ အမည်ခံတရားဓမ္မများကို ဟောပြောခွင့်၊ ဖြန့်ချိခွင့် မပြုကြရန်နှင့် ထိုတရားဓမ္မများ၌ သက်ဝင်ယုံကြည်ကြသော ရဟန်း၊ သာမဏေများနှင့် လူပုဂ္ဂိုလ်များ ရှိပါက ထိုပုဂ္ဂိုလ်များကို မြို့နယ် သံဃနာယက အဖွဲ့တည်ရာဌာနသို့ ပင့်ဆောင် ခေါ်ယူ၍ အောက်ပါအတိုင်း ဆောင်ရွက်ရန် ညွှန်ကြားလိုက်ပါသည်။

(က) ဆူးလေဦးမြင့်သိန်း၏ ထေရဝါဒအမည်ခံ တရားဓမ္မတို့ကို အဓမ္မဝါဒ၊ အဝိနယဝါဒအဖြစ် နိုင်ငံတော် သံဃမဟာနာယက အဖွဲ့ ၄၅-ပါးစုံညီ ဒသမအစည်းအဝေးက ဆုံးဖြတ်ထားသည့်အတိုင်း လိုက်နာ၍ ထိုဝါဒကို စွန့်လွှတ်ပါကြောင်း၊

(ခ) ယခုအချိန်မှစ၍ နောင်အနာဂတ်ကာလ၌လည်း ထိုအဓမ္မဝါဒ၊ အဝိနယဝါဒများကို ဟောပြောခြင်း၊ ရေးသားခြင်း၊ ဆွေးနွေးခြင်း၊ တိက်ခွေဖွင့်ခြင်း၊ သင်တန်းပေးခြင်း-စသည်တို့ကို မိမိတို့ကိုယ်တိုင်လည်း ပြုလုပ်ကြမည် မဟုတ်သည့်အပြင် မိမိတို့နှင့်ပတ်သက်သူများကိုလည်း ပြုလုပ်စေကြမည် မဟုတ်ပါကြောင်း၊

(ဂ) ဆူးလေဦးမြင့်သိန်း၏ ထေရဝါဒအမည်ခံ တရားဓမ္မဆိုင်ရာ စာအုပ်စာတမ်းများ၊ တိတ်ခွေများ၊ အထိမ်းအမှတ်များ- စသည်တို့ကို မိမိတို့ဆိုင်ရာ သံဃနာယကအဖွဲ့သို့ အပ်နှံမည်ဖြစ်ပါကြောင်း၊

(ဃ) ကျိုက္ကစံ ထေရဝါဒ သာသနရက္ခိတ သံဃာ့အဖွဲ့ချုပ် ဆိုင်းဘုတ်နှင့် ဆိုင်ရာအဖွဲ့ခွဲ ဆိုင်းဘုတ်များမှ ထေရဝါဒဟူသော ဝေါဟာရကို ဖြုတ်ပယ်မည်ဖြစ်ပါကြောင်း၊

(င) ထိုဝါဒနှင့်ပတ်သက်၍ ဖွဲ့စည်းခဲ့သော အသင်းအဖွဲ့များ ရှိပါက ထိုအသင်းအဖွဲ့များကို ဖျက်သိမ်းကြမည် ဖြစ်ပါကြောင်း၊

မှတ်ချက်။ ။(၁) အထက်ပါအတိုင်း လိုက်နာဆောင်ရွက်မည်ဖြစ်ပါကြောင်း ဆိုင်ရာအဓမ္မဝါဒီ၊ အဝိနယဝါဒီ ပုဂ္ဂိုလ်များအား မြို့နယ် သံဃနာယက အဖွဲ့ရှေ့မှောက်၌ ကိုယ်တိုင် ပဋိညာဉ်ပြု လက်မှတ်ရေးထိုးစေရမည် ဖြစ်ပါသည်။

အကယ်၍ ထိုဝါဒ၌ သက်ဝင်ယုံကြည်သူအဖြစ် စာရွက်စာတမ်း သက်သေခံ အထောက်အထားအရ မထင်ရှား၍ ''မိမိတို့သည် ထိုဝါဒ၌ သက်ဝင်ယုံကြည်သူများ မဟုတ်ကြပါ''ဟု ငြင်းဆိုနေပါက ထိုဝါဒ၌ သက်ဝင်ယုံကြည်သူ မဟုတ်ကြောင်း လက်မှတ်ရေးထိုးစေရမည် ဖြစ်ပါသည်။

သို့သော် မူလကပင် ဆူးလေဦးမြင့်သိန်းဝါဒ၌ သက်ဝင်ယုံကြည်သူအဖြစ် စာရွက်စာတမ်း သက်သေခံ အထောက်အထားအရ ထင်ရှားပါလျက် လက်မှတ်ထိုးရမည်ကို ကြောက်၍ ယခုမှ ငြင်းဆိုသူများကိုမူ ဤ ညွှန်ကြားချက်အတိုင်း လက်မှတ်ထိုးစေရမည်သာ ဖြစ်ပါသည်။

(၂) ထိုသို့ဆောင်ရွက်ရာတွင် အခက်အခဲရှိပါက သက်ဆိုင်ရာ မြို့နယ်ပြည်သူ့ကောင်စီနှင့် ညှိနှိုင်း၍ ဆောင်ရွက်ရန် ဖြစ်ပါသည်။

၃။ မိမိတို့မြို့နယ်အတွင်းတွင် ဆူးလေဦးမြင့်သိန်း၏ ထေရဝါဒအမည်ခံ တရားဓမ္မများ၌ သက်ဝင်ယုံကြည်ကြသော ရဟန်းရှင်လူတို့ ရှိကြသဖြင့် ဤညွှန်ကြားလွှာအတိုင်း ဆောင်ရွက်ပြီးပါက ဆောင်ရွက်ပြီးဖြစ်ကြောင်း နိုင်ငံတော် သံဃမဟာနာယကအဖွဲ့သို့ တင်ပြလျှောက်ထားပြီး မိမိတို့ဆိုင်ရာ ပြည်နယ်/တိုင်း သံဃနာယကအဖွဲ့သို့ မိတ္တူပေးပို့ရန် ထပ်မံညွှန်ကြားလိုက်ပါသည်။

ဘဒ္ဒန္တဣန္ဒာစာရ ဘဒ္ဒန္တတေဇောဘာသာဘိဝံသ
(အဘိဓဇမဟာရဋ္ဌဂုရု)
ဥက္ကဋ္ဌဆရာတော် တွဲဖက်အကျိုးတော်ဆောင်ဆရာတော်


***************

အထက်ပါညွှန်ကြားလွှာတို့တွင် အချုပ်ကိုကြည့်လျှင်

၁။ ဆူးလေဦးမြင့်သိန်း၏ ထေရဝါဒအမည်ခံတရားဓမ္မများကို အဓမ္မဝါဒ၊ အဝိနယဝါဒများအဖြစ် ဆုံးဖြတ်- သတ်မှတ်ထားပြီး ဖြစ်သည်ဟု တွေ့မြင်ကြရပါသည်။

၂။ ယင်းအဓမ္မဝါဒ၊ အဝိနယဝါဒများကို နိုင်ငံတစ်ဝန်းလုံး၌ တားမြစ်ပိတ်ပင်ထားပြီး ဖြစ်သည်ဟု တွေ့မြင်ကြရပါသည်။

၃။ ဆူးလေဦးမြင့်သိန်း၏ ထေရဝါဒအမည်ခံတရားဓမ္မများကို ဟောပြောခွင့်၊ ဖြန့်ချိခွင့်၊ မပြုကြရဟု တွေ့မြင်ကြရပါသည်။

၎။ ယင်းအဓမ္မဝါဒ၊ အဝိနယဝါဒများကို ဟောပြောခြင်း၊ ရေးသားခြင်း၊ ဆွေးနွေးခြင်း၊ တိတ်ခွေဖွင့်ခြင်း၊ သင်တန်းပေးခြင်း စသည်တို့ကို ကိုယ်တိုင်လည်း မပြုကြရ။ ပတ်သက်သူများကိုလည်း မပြုလုပ်စေရဟု တွေ့မြင်ကြရပါသည်။

ဆောင်ရွက်တော်မူခဲ့ကြသော ဆရာတော်ကြီး (ဦးစန္ဒိမာ၊ ဦးပညာသီဟ၊ ဥိးဝိသုဒ္ဓ၊ ဦးပညာသာမိ)တို့ မြင်တွေ့ကြရလျှင် အဘယ်သို့လျှင် အကျိုးရှိကြောင်း ဝန်ခံနိုင် တော့အံ့နည်း။

...အဓမ္မဝါဒဖြစ်ကြောင်း ဝန်ခံပြီးသောအခါ နိုင်ငံတော် သံဃမဟာနာယက ဆရာတော်ကြီးများ၏ တံဆိပ်တော်ဖြင့် ခွင့်ပြုခံရသော သတင်းဆောင်းပါးများကို စာနယ်ဇင်းတို့မှာ ထည့်သွင်းဖေါ်ပြနိုင်သည်အထိ လည်းကောင်း၊ နောင်ကာလမှာ နာမည်ဟောင်းဖြင့်ဖြစ်စေ နာမည်သစ်ဖြင့်ဖြစ်စေ ပြန်ထလာလျှင်လည်း အမှုဟောင်း အမှုသစ်တွဲလျက် တင်ပြနိုင်သည်အထိ လည်းကောင်း ဆောင်ရွက်ဖွယ်ရာ ရှိပါသည်''ဟူ၍ ရေးသားတင်ပြခဲ့ကြပြီး ဖြစ်ပါသည်။

အသိပေးချက်အမှတ်စဉ် (၃)
အထက်ပါတင်ပြချက်တို့ကို ၁၃၆၉-ခုနှစ်၊ နယုန်လပြည့်ကျော်(၄)ရက် (၃.၆.၂ဝဝ၇) တနင်္ဂနွေနေ့မှစ၍ စီစဉ်ရေးသားပြီး မကြာမီအတွင်းမှာပင် နိုင်ငံတော် သံဃမဟာနာယက ဆရာတော်ကြီးများနှင့် သက်ဆိုင်ရာ သာသနာရေး အရာရှိများထံသို့ အသိပေးတင်ပြခဲ့ကြပြီး ဖြစ်ခြင်းကြောင့် မဟာနာယက ဆရာတော်ကြီးများကလည်း အရေးတယူ ရှိတော်မူကြလျက် သက်ဆိုင်ရာ အစိုးရအကြီးအကဲတို့ကလည်း ဂရုပြုခဲ့ကြပါသည်။ ထို့ကြောင့်ပင် ဥက္ကဋ္ဌဆရာတော်ကြီးက (၂)ကြိမ်တိုင်တိုင် သြဝါဒပေးပြီး ချီးမြှင့်ခဲ့ပါသည်။ သာသနာရေးဝန်ကြီးကလည်း ဆရာတော်ကြီး၏ သြဝါဒတော်အား လျှော်သော လျှောက်ထားချက်များဖြင့် ဖြစ်လာမည့်ကိစ္စတို့ကို အကောင်းဆုံးဖြစ်အောင် ဆောင်ရွက်ပေးလိုကြောင်း လျှောက်ထားပြီး ဖြစ်ပါသည်။ ဆရာတော်ကြီး၏ ဒုတိယအကြိမ် ပေးအပ်ချီးမြှင့်ထားသည့် သြဝါဒတော်များကို သတင်းစာမှ ကူးယူ၍ ဆက်လက်လျှောက်ထားတင်ပြလိုပါသေးသည်။ ဝန်ကြီး၏ လျှောက်ထားချက်တို့ကိုလည်း အသိအမှတ်ပြုကာ မှတ်တမ်း တင်ထားလိုပါသေးသည်။
ညွှန်ကြားလွှာတို့တွင် အချုပ်ကိုကြည့်လျှင်

၁။ ဆူးလေဦးမြင့်သိန်း၏ ထေရဝါဒအမည်ခံ တရားဓမ္မများကို အဓမ္မဝါဒ၊ အဝိနယဝါဒများအဖြစ် ဆုံးဖြတ် သတ်မှတ်ထားပြီး ဖြစ်သည်ဟု တွေ့မြင်ကြရပါသည်။
၂။ ယင်းအဓမ္မဝါဒ၊ အဝိနယဝါဒများကို နိုင်ငံတစ်ဝန်းလုံး၌ တားမြစ်ပိတ်ပင်ထားပြီး ဖြစ်သည်ဟု တွေ့မြင်ကြရပါသည်။
၃။ ဆူးလေဦးမြင့်သိန်း၏ ထေရဝါဒအမည်ခံတရားဓမ္မများကို ဟောပြောခွင့်၊ ဖြန့်ချိခွင့်၊ မပြုကြရဟု တွေ့မြင်ကြရပါသည်။
၎။ ယင်းအဓမ္မဝါဒ၊ အဝိနယဝါဒများကို ဟောပြောခြင်း၊ ရေးသားခြင်း၊ ဆွေးနွေးခြင်း၊ တိတ်ခွေဖွင့်ခြင်း၊ သင်တန်းပေးခြင်း စသည်တို့ကို ကိုယ်တိုင်လည်း မပြုကြရ။ ပတ်သက်သူများကိုလည်း မပြုလုပ်စေရဟု တွေ့မြင်ကြရပါသည်။
၅။ ထိုဝါဒနှင့်ပတ်သက်သော အသင်းအဖွဲ့များကို ဖျက်သိမ်းကြရမည်ဟု တွေ့မြင်ကြရပါသည်။
၆။ အထက်ပါတို့ကို ဆောင်ရွက်ရာတွင် အခက်အခဲရှိနေပါက သက်ဆိုင်ရာ ကောင်စီနှင့် တိုင်ပင်၍ အရေးယူ ဆောင်ရွက်ကြရမည်ဟု တွေ့မြင်ကြရပါသည်။

ထိုစဉ်က ထိုသို့ပင် နိုင်ငံတစ်ဝန်းလုံးမှာ တားမြစ်ပိတ်ပင်ထားခြင်းကို ခံကြရပါသော်လည်း ဟောပြောခြင်း ရေးသားခြင်း ဆွေးနွေးခြင်း တိတ်ခွေဖွင့်ခြင်း သင်တန်းပေးခြင်း စသည်တို့ကို မပြုလုပ်ကြရပါသော်လည်း- ထိုဝါဒနှင့် ပတ်သက်သော အသင်းအဖွဲ့များကို ဖျက်သိမ်းခဲ့ကြသဖြင့် ပျက်စီးခဲ့ကြရပါသော်လည်း - ထိုဝါဒနှင့်ပတ်သက်သော အသင်းအဖွဲ့များသည် အမှန်အားဖြင့် မပျက်ခဲ့ကြကြောင်းကိုလည်း သိမြင်ကြရပြီ ဖြစ်ပါသည်။ ထိုသို့ဟောပြောခြင်း စသည်များ ဆက်လက်ရှိနေခဲ့ကြေကြောင်းကိုလည်း သိမြင်ကြရပြီ ဖြစ်ပါသည်။ နိုင်ငံတစ်ဝန်းလုံး၌ ပြန့်နှံ့နေရုံမျှမက အခြားနိုင်ငံများသို့ပင် ပြန့်နှံ့နေကြပြီဖြစ်၍ ကမ္ဘာသို့တိုင်အောင်ပင် ပြန့်နှံ့နေကြပြီဖြစ်ကြောင်းကိုလည်း သိမြင်ကြရပြီ ဖြစ်ပါသည်။

သို့ဖြစ်ပါ၍
၁၃၄၄-ခုနှစ်က အဓမ္မဝါဒဖြစ်ကြောင်း ဆုံးဖြတ်ချက် ချမှတ်ထားပြီးသော ယခုအခါတွင် ပစ္စုပ္ပန်ကမ္မဝါဒ ဗုဒ္ဓဘာသာအမည်ဖြင့် ပြန်လည်ထွန်းကား စော်ကားလျက်ရှိသော အဓမ္မဝါဒီဂိုဏ်းကြီးကို စောဒနာမှုပြုနိုင်ရန် နှိုးဆော်လွှာ ရေးသားစဉ်ကပင်--

''ဤကဲ့သို့သော သာသနာဖျက်မည့် အဓမ္မဝါဒများကို ဖေါ်ထုတ်နိုင်ဖို့ အလွန်အရေးကြီးပါသည်။

နိုင်ငံတော်သံဃမဟာနာယကဆရာတော်ကြီးများထံ သိခွင့်ရအောင် တင်ပြပေးဖို့ အရေးတကြီး လိုအပ်နေပါပြီ။ သို့မှသာ ဆရာတော်ကြီးများက ဓမ္မ/အဓမ္မ ဆုံးဖြတ်နိုင်ကြမည် မဟုတ်ပါလော။ ထို့ပြင် ယခုအခါ အကြီးအကျယ် ဖြန့်ဝေလျက်ရှိသည့် တောင်တွင်းကြီးရှင်ဥက္ကဋ္ဌဝါဒများလည်း ရှိပါသေးသည်။ ဆူးလေဓမ္မကထိကကြီးဦးမြင့်သိန်း၏ အဓမ္မဝါဒများလည်း နာမည်အသစ်ဖြင့် ခေတ်စားလာလျက် ရှိနေပါသည်။ အခြားအခြားသော အဓမ္မဝါဒဟောင်းများလည်း ခေါင်းပြူလာလျက် ရှိနေကြပါသည်။ တစ်ခေတ်တစ်ခါဆီက အဓမ္မဝါဒဖြစ်ကြောင်း နိုင်ငံတော်သံဃမဟာ နာယကဆရာတော်ကြီးများက ဆုံးမပြီး သူတို့ကိုယ်တိုင်က ဝန်ခံပြီး ဖြစ်ပါလျက် ပြန်ပေါ်လာကြပါသေးသည်။

ထိုစဉ်က တာဝန်ထမ်းဆောင်တော်မူခဲ့ကြသည့် ဆရာတော်ကြီးများအတွက် ပင်ပန်းရကျိုး အထင်လေစွတကား။ စောဒနာလွှာ ပြုစုတင်ပြပေးခဲ့ကြသည့် သာသနာ့သားကောင်း စောဒကများအတွက်လည်း အကျိုးမရှိ ဖြစ်ရလေစွတကား။
ဗုဒ္ဓဘာသာဝင် ဒကာဒကာများအတွက် အန္တရာယ်ကျရောက်မြဲ ကျရောက်နေလေစွ တကား။

''ဤကဲ့သို့ အဓမ္မ ဝါဒဟောင်းများ ပြန်ထလာလျှင်ဖြစ်စေ - အဓမ္မဝါဒအသစ်များ ဖြစ်ပေါ်လာလျှင်ဖြစ်စေ အချိန်မီဖေါ်ထုတ်နိုင်ဖို့ အဓမ္မဝါဒ ဖေါ်ထုတ်တားဆီး ဖယ်ရှားရေးအဖွဲ့တစ်ခုခု ရှိသင့်နေပါပြီ။ သို့ဖြစ်ပါ၍ သာသနာတော်၌ ကျရောက်လာမည့် ဘေးတို့ကို ကာကွယ်နိုင်ရန် (စာရေးသူတို့နှင့်တကွ) သာသနာ့ဝန်ထမ်း ရဟန်းတော်တို့မှာ တာဝန်ကြီးတစ်ရပ် ဖြစ်ပေါ်လာပြီဖြစ်ကြောင်း သတိပြုမိဖွယ်ရာ ရှိပါသည်။ ဤတာဝန်ကြီးကို စဉ်ဆက်မပြတ် ထမ်းဆောင်သွားနိုင်ရန် တစ်ပါးကောင်း - တစ်ပါးလုပ်-အနေဖြင့် မည်သူမျှ မဖြစ်နိုင်ကောင်းပါ။

ထို့ကြောင့် စွမ်းဆောင်နိုင်သူရဟန်းတော်များ၏ ပါဝင်မှု အဆက်အသွယ် ပြုမှုများကို မဖြစ်မနေ လိုအပ်လျက် ရှိနေပါသည်။ သာသနာတော်၌ ရှင်ဥက္ကဋ္ဌ၏ အဓမ္မဝါဒ ကျရောက်ခဲ့ဖူးပြီ။ အမြစ်ပြတ်အောင် သုတ်သင်ရန် ခက်ခဲလှသည်။ သာသနာတော်၌ ရှင်ဥပဂုတ္တပူဇော်ခြင်းဝါဒ ပြန့်ပွါးခဲ့ဖူးပြီ။ အမှားကိုအမှန်ပြင်ရန် ခက်ခဲလှသည်။ သာသနာတော်၌ သမ္ဗုဒ္ဓရာဇာဆိုသည့် ပုဂ္ဂိုလ်ကြောင့် သမ္ဗုဒ္ဓရာဇာအဓမ္မဝါဒ ပေါ်ထွန်းခဲ့ဖူးပြီ။ အမြစ်ပြတ်သွားခဲ့ပြီ။ ဤသို့လျှင် သက်တမ်းရှည်အဓမ္မဝါဒ၊ သက်တမ်းတိုအဓမ္မဝါဒဟူ၍ နှစ်မျိုးရှိကြောင်း သိရပါသည်။ အကြောင်းမှာ ဖေါ်ထုတ်နိုင်မှုသည်မြန်လျှင် ဝါဒီဦးရေ မများသေးခြင်းကြောင့် အားသေး၍ အမြစ်ပြတ်သွားပါသည်။ အချိန်ကြာမှသာ ဖေါ်ထုတ်နိုင်ပါက ဝါဒီဦးရေများပြီ ဖြစ်၍ အားကြီးနေခြင်းကြောင့် နောင်တစ်ခေတ်မှာ ပြန်ဖြစ်လာတတ်ပါသည်။ အားယူ၍ပြန်ထလာတတ်ပါသည်။

မှန်၏။ ယခုအခါတွင် ရှင်ဥက္ကဋ္ဌဝါဒဖြန့် စာအုပ်များကို ပန်းဆိုးတန်း အရောင်းဆိုင်များမှာရော မန္တလေးမြို့ ညဈေးတန်းနှင့် နာမည်ကြီးစာအုပ် ဟောင်း-အရောင်းဆိုင်များမှာပါ ဝယ်ယူ၍ ရရှိခြင်းသည်ပင် သက်သေဖြစ်ပါတော့သည်။ ဤဖြန့်ဝေနေသည့် မြင်ကွင်းများကို ၁၃၄၃(၁၉၈၁)ခုနှစ်က ရှင်ဥက္ကဋ္ဌဝါဒ အဓမ္မဖြစ်ကြောင်း ဆုံးဖြတ်ချက် ချမှတ်တော်မူခဲ့ကြသည့် ဆရာတော်ကြီး (ဘဒ္ဒန္တဃောသိတာဘိဝံသ၊ ဘဒ္ဒန္တဇဝနာဘိဝံသ၊ ဘဒ္ဒန္တဓမ္မာဘိဝရ၊ ဘဒ္ဒန္တ ကုမာရာဘိဝံသ၊ ဘဒ္ဒန္တဉာဏိက)တို့ မြင်တွေ့ကြရလျှင် အဘယ်သို့ ရှိတော်မူကြမည်နည်း။

ထိုစဉ်က စောဒကအဖြစ် ဆောင်ရွက်တော်မူခဲ့ကြသော
ဆရာတော်ကြီး (ဦးစန္ဒိမာ၊ဦးပညာသီဟ၊ ဥိးဝိသုဒ္ဓ၊ ဦးပညာသာမိ)တို့ မြင်တွေ့ကြရလျှင် အဘယ်သို့လျှင် အကျိုးရှိကြောင်း ဝန်ခံနိုင် တော့အံ့နည်း။

အဓမ္မဝါဒဖြစ်ကြောင်း ဝန်ခံပြီးသောအခါ နိုင်ငံတော် သံဃမဟာနာယက ဆရာတော်ကြီးများ၏ တံဆိပ်တော်ဖြင့် ခွင့်ပြုခံရသော သတင်းဆောင်းပါးများကို စာနယ်ဇင်းတို့မှာ ထည့်သွင်းဖေါ်ပြနိုင်သည်အထိ လည်းကောင်း၊ နောင်ကာလမှာ နာမည်ဟောင်းဖြင့်ဖြစ်စေ နာမည်သစ်ဖြင့်ဖြစ်စေ ပြန်ထလာလျှင်လည်း အမှုဟောင်း အမှုသစ်တွဲလျက် တင်ပြနိုင်သည်အထိလည်းကောင်းဆောင်ရွက်ဖွယ်ရာ ရှိပါသည်'' ဟူ၍ ရေးသားတင်ပြခဲ့ကြပြီး ဖြစ်ပါသည်။