November 5, 2021

မိုးပြာဝိနိစ္ဆယ ကောက်နှုတ်ချက်များ (၄)

သျှင်သာမိ - မုံရွာ | 2:56 PM | Be the first to comment!

ပြည်ထောင်စု သမ္မတ မြန်မာနိုင်ငံတော်


နိုင်ငံတော် သံဃမဟာနာယကအဖွဲ့က


ရွေးချယ်ဖွဲ့စည်းအပ်သော


နိုင်ငံတော် သီးခြား ဝိနည်းဓိုရ်အဖွဲ့


အမှတ်(၁၇/၂၀၁၁)-၏ ဆုံးဖြတ်ချက်



လုပ်ထုံးလုပ်နည်းများ အပိုဒ် (၅၇) (င)


၁၃၇၃-ခုနှစ်၊ ဝိနည်းဓမ္မကံမှုခင်းအမှတ် (၁၇/၂၀၁၁)



ဧရာဝတီတိုင်းဒေသကြီး၊ မြောင်းမြမြို့၊ ဘုရားချောင်းရပ်ကွက်၊ ချမ်းမြသာစည်ကျောင်းတိုက် -နေ စောဒက ဘဒ္ဒန္တအဂ္ဂဉာဏပါ (၆)ပါး နှင့်


မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကျီကုန်းရွာ၊ အနုပါဒါယဉ်ကျေးမှုမိုးပြာခြံ၌ သီတင်းသုံး-နေထိုင်သော စုဒိတကရှင်ဉာဏဦးဆောင်သော မိုးပြာဂိုဏ်းသားတို့ ဖြစ်ပွားသော မိုးပြာဂိုဏ်းသားတို့၏ ဟောပြောရေးသားချက်တို့နှင့် စပ်လျဉ်း၍ ဓမ္မ- အဓမ္မ အငြင်းပွား ဝိဝါဒါဓိကရုဏ်းမှုခင်းကို နိုင်ငံတော် သံဃမဟာနာယကအဖွဲ့က ရွေးချယ်ဖွဲ့စည်းအပ်သည့် ဝိနည်းဓိုရ်ဆရာတော်များ ပါဝင်သော နိုင်ငံတော် သီးခြား ဝိနည်းဓိုရ်အဖွဲ့ အမှတ်(၁၇/၂၀၁၁)-က ကိုယ်တိုင်လက်မှတ်ရေးထိုး၍ ဝိနည်းတရားတော်နှင့်အညီ ဆုံးဖြတ်ချက်ချမှတ်လိုက်သည်-။


ဆုံး ဖြတ် ချက်


စောဒကဆရာတော်(၆)ပါးတို့က အမှတ်(၁)စောဒနာလွှာမှ အမှတ်(၅၂)စောဒနာလွှာအထိ တင်ပြသော-


၁။ “မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကျီကုန်းရွာ၊ အနုပါဒါယဉ်ကျေးမှုမိုးပြာခြံ ရှင်ဉာဏဦးဆောင်သည့် မိုးပြာဂိုဏ်းသားတို့၏ ဟောပြောချက်၊ ရေးသားချက်များသည်- သင်္ဂါယနာခြောက်တန်တင် ထေရဝါဒ ပိဋကပါဠိတော်၊ အဋ္ဌကထာ၊ ဋီကာတို့နှင့် ဆန့်ကျင်သောကြောင့် အဓမ္မဝါဒ ဖြစ်သည်” ဟု လည်းကောင်း၊


၂။ “ထိုဝါဒတို့ကို ဟောပြောသူ၊ လက်ခံသူ၊ ပုံနှိပ်ဖြန့်ဝေသူတို့သည် အဓမ္မဝါဒီများ ဖြစ်ကြသည်” ဟု လည်းကောင်း၊


၃။ “ထိုဝါဒများကို အသံသွင်းထား- ပုံနှိပ်ထား- ရေးသားထား- အင်တာနက်တင်ထား- မှတ်တမ်းတင်ထားသော အရာဝတ္ထု အစုစုတို့သည် အဓမ္မ ဝတ္ထုများ ဖြစ်ကြသည်” ဟု လည်းကောင်း ဝိနည်းဓိုရ်ဆရာတော်ကြီးများက တညီတညွတ်တည်း ဆုံးဖြတ်တော်မူကြသည်။



သီးခြားဝိနည်းဓိုရ်ဆရာတော်ကြီးများ


စဉ် ဘွဲ့တော် သက်တော်/သိက္ခာ ကျောင်း/ကျောင်းတိုက်


၁။ ဘဒ္ဒန္တကဝိန္ဒာစာရ ၇၆/၅၇ ဓမ္မာလင်္ကာရရေအားလျှပ်စစ်ကျောင်းတိုက်၊ သာစည်မြို့။


၂။ ဘဒ္ဒန္တစန္ဒိမာဘိဝံသ ၆၄/၄၅ မင်းကျောင်းပဌမပြန်စာသင်တိုက်၊ သံလျင်မြို့။


၃။ ဘဒ္ဒန္တသောဘဏ ၆၃/၄၃ မဟာဝိသုတာရာမအလယ်တိုက်၊ ပခုက္ကူမြို့။


၄။ ဘဒ္ဒန္တဝိသုဒ္ဓါစာရာဘိဝံသ ၆၂/၄၂ သာသနဇောတာရုံကျောင်းတိုက်၊ မတ္တရာမြို့။


၅။ ဘဒ္ဒန္တဝါသေဋ္ဌာဘိဝံသ ၅၇/၃၇ ဓမ္မသမိဒ္ဓိကျောင်း၊ မစိုးရိမ်တိုက်သစ်၊ မန္တလေးမြို့။


စာအမှတ်.......... ရက်စွဲ၊ ၁၅- ၁၁- ၂၀၁၁-။


(မိုးပြာဝိနိစ္ဆယကျမ်း စာမျက်နှာ ၄၃၁)



အထူးသတိပြုဖွယ်ရာ


၁။ ဖော်ပြပါအတိုင်း “၂။ “ထိုဝါဒတို့ကို ဟောပြောသူ၊ လက်ခံသူ၊ ပုံနှိပ်ဖြန့်ဝေသူတို့သည် အဓမ္မဝါဒီများ ဖြစ်ကြသည်” ဟု ” ဆုံးဖြတ်တော်မူမြဲပင် ဖြစ်တော်မူကြသည်ကို တွေ့ရမြဲပင် ဖြစ်ပါသည်။


သို့ရာတွင်


၂။ ဖော်ပြပါအတိုင်း “အဓမ္မဝါဒအဟောင်းများကို ပြန်လည်ဟောပြောရေးသားထားခြင်း ဟုတ်/မဟုတ် စိစစ်ဆုံးဖြတ်ချက်= မိုးပြာအဖွဲ့ ခေါင်းဆောင် ဓမ္မဝိဟာရီ အရှင်ဉာဏသည် အဓမ္မဝါဒအဟောင်းများကို အသစ်တဖန် ပြန်လည်ဟောပြော ရေးသားထားပါကြောင်း စောဒနာ နောက်ဆက် တွဲအဖြစ် တင်ပြထားကြသည်။ စောဒကတို့ တင်ပြထားသော မိုးပြာအဖွဲ့ခေါင်းဆောင် ဓမ္မဝိဟာရီ အရှင်ဉာဏ၏ ဟောပြောရေးသားချက်တို့ကို စောဒကတို့ ညွှန်ပြထားသော ဝိနိစ္ဆယစာတမ်းများ၌ ပါဝင်ပြီးဖြစ်သော အဓမ္မဝါဒများ ဟုတ်/မဟုတ်သာ နိုင်ငံတော် သီးခြား ဝိနည်းဓိုရ် အဖွဲ့အမှတ် (၁၇/၂၀၁၁) အဖွဲ့ဝင် ဆရာတော်များက စိစစ်၍ ဆုံးဖြတ်ချက်ချပါအံ့” ဟု တွေ့ရပါသည်။


၃။ ဤဖော်ပြပါ (၁။ ၂) တို့တွင် “မည်သူကပင်ဖြစ်ဖြစ် အဓမ္မဝါဒအဟောင်းများကို ပြန်လည်ဟောပြောရေးသားထားခြင်း ဟုတ်မှန်နေကြောင်း တွေ့မြင်ရလျှင် ထိုသူ့အပေါ် ဥပဒေအရ အရေးယူမှုတို့ကို တစ်ခါတည်းပင် အတည်ပြု စီရင်ချက်ချမှတ်နိုင်မှသာလျှင် အဓမ္မဝါဒဟောင်းများကို ပြန်လည်ဟောပြောရေးသားခြင်းများ ကင်းရှင်းသွားမည်ဖြစ်ကြောင်း၊ သို့မှသာ နိုင်ငံတော် သီးခြားဝိနည်းဓိုရ်များ၏ ဆုံးဖြတ်ချက်များအပေါ် ဓမ္မဝါဒီ အဓမ္မဝါဒီ အားလုံးတို့က အလေးထား လာကြမည်ဖြစ်ကြောင်း၊ သို့မဟုတ်ပါက နိုင်ငံတော် သီးခြားဝိနည်းဓိုရ်များ၏ ဆုံးဖြတ်ချက်များ အပေါ် အဓမ္မဝါဒီတို့က အလေးထားခြင်း မရှိသည့်အတွက် မပြီးဆုံးနိုင်သော စောဒနာတင်မှု သောဓနာတင်မှု ဆုံးဖြတ်မှုတို့ဖြင့် အမှုအခင်းများ ရှုပ်ထွေးနေကြလျက် ဗုဒ္ဓဘာသာဝင်များအကြား အငြင်းပွားစရာများ တိုးပွားနေကြမည်ဖြစ်ကြောင်း” သတိပြုကာ တင်ပြအပ်ပါသတည်း။


၄။ “အဓမ္မဝါဒအဟောင်းများကို ပြန်လည်ဟောပြောရေးသားထားခြင်း ဟုတ်မှန်နေကြောင်း တွေ့မြင်ရလျှင် ထိုသူ့အပေါ် ဥပဒေအရ အရေးယူမှုတို့ကို တစ်ခါတည်းပင် အတည်ပြု စီရင်ချက်ချမှတ်နိုင်အောင် ပြည်သူ့လွှတ်တော်၊ အမျိုးသားလွှတ်တော်၊ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၊ နိုင်ငံတော်သမ္မတကြီး”တို့ထံသို့ တင်ပြ-တောင်းဆို-အတည်ပြုနိုင်အောင် ဆောင်ရွက်တော်မူကြရန် လိုအပ်နေပါပြီ။


(အားလုံး ဝိုင်းဝန်း စဉ်းစားကြည့်တော်မူကြပါရန် တင်ပြခြင်းမျှသာ ဖြစ်သည်။)

Read more ...

မိုးပြာဝိနိစ္ဆယ ကောက်နှုတ်ချက်များ (၃)

သျှင်သာမိ - မုံရွာ | 2:55 PM | Be the first to comment!

လူသေလူဖြစ် နောက်လိုက် မိုးပြာ


မိုးပြာရှင်ဉာဏသည်-


လူသေလူဖြစ်ဝါဒကို မျိုးစေ့ချပေးသွားသော ဦးဥက္ကဋ္ဌနှင့် သမ္မာဒိဋ္ဌိ သုတေသနဆိုသူတို့၏ “အဘိဓမ္မာကို ဘုရား မဟော”ဟု ပြောဆိုချက်များနောက် သံယောင်လိုက်ကာ “ပဋ္ဌာန်းအဘိဓမ္မာကို ဘုရား မဟော” ဟု ပြောဆိုရေးသားခြင်းသာ ဖြစ်သည်။


(မိုးပြာဝိနိစ္ဆယကျမ်း စာမျက်နှာ ၃၅၂)


ပစ္စုပ္ပန်ကမ္မဝါဒဟု နာမည်ပေးသော်လည်း


မိုးပြာဂိုဏ်းခေါင်းဆောင် အရှင်ဉာဏက ဘုရား၊ ၁၈၃-၌-


“ဘုရားက ပဟာသငရဲကျသူလဲ ရှိတယ်ဆိုတဲ့အကြောင်း ဖြေတယ်။ ဒီနေရာမှာ စာစောင်က မှားထားတာ ရှိတယ်။ ငရဲချည်းပဲ ကျသလိုမျိုးပေါ့။ သူတို့ရဲ့ အကအပေါ် မြင်တာနဲ့ ထပ်မိအောင် ဆောင်ထားတာပဲ” ဟူ၍ ဟောပြောရေးသားထားသည်။


အဆိုပါစကားသည် သင်္ဂါယနာတင် သံယုတ်ပါဠိတော်လာ စကားတို့ကို ယူ၍ ပြောဆိုရေးသား နေသည်ကို တွေ့မြင်ရသောကြောင့် ထေရဝါဒကို စွန့်လွှတ်ပြီး၊ ပစ္စုပ္ပန်ကမ္မဝါဒ ဗုဒ္ဓဘာသာကို ပြောင်းလဲယူလိုက်ပြီဟု နှုတ်ကပြော၊ စာဖြင့် ပို့နေသော်လည်း အကယ်စင်စစ် မိုးပြာဂိုဏ်းခေါင်းဆောင် အရှင်ဉာဏက ထေရဝါဒကျမ်းဂန်တို့ကို သုံးနှုန်း၍ မိမိကိုယ်ကို “ထေရဝါဒပါပဲ” လို့ ဝန်ခံလိုက်ရာရောက်ကြောင်း သုံးသပ်တော်မူကြသည်။


(မိုးပြာဝိနိစ္ဆယကျမ်း စာမျက်နှာ ၁၄၂)


အရှင်ဉာဏိန္ဒာလင်္ကာရကလဲ ဆရာမိုးပြာကဲ့သို့ပါပဲ


ဘုရားဟောပါဠိတော်ဖြစ်စေ၊ အဋ္ဌကထာဖြစ်စေ၊ ဋီကာဖြစ်စေ မိုးပြာအရှင်ဉာဏသည် မိမိအယူအဆနှင့် ကိုက်ညီလျှင် လိုလျှင် သုံး၏။ မိမိအယူ အဆနှင့် မကိုက်ညီလျှင် မလိုလျှင် မသုံး။ “တဏှာရှင်းတမ်း နှာ ၁၁- စသည်၌ “သဗ္ဗေ ဓမ္မာ အနတ္တာ” ဆိုထားတဲ့ ဓမ္မပဒက ဂါထာပိုဒ်ကို ကြည့်လိုက်မယ် ဆိုရင် (လ) နိဗ္ဗာန်မပါတဲ့ ဓမ္မအားလုံးကို ဆိုလိုတာလို့ သေသေချာချာ ဖွင့်ဆိုထားတာ တွေ့ရပါလိမ့်မယ်။ ဒါ အာဂမယုတ္တိပေါ့” ဟူ၍ သုံးထားသည်။ ဤစကားကို ကြည့်လိုက်လျှင်ပင် ပါဠိအဋ္ဌကထာကို လိုလျှင် သုံးကြောင်း သိနိုင်ပါ၏။ သို့ဖြစ်ပါ၍ အရှင်ဉာဏိန္ဒာလင်္ကာရ၏ အမှတ်(၅၂) စောဒနာလွှာပါ ဟောပြောရေးသားချက်များသည် အဋ္ဌကထာအပေါ် ပုတ်ခတ်စော်ကားချက်များ၊ ထေရဝါဒ ပိဋကတ်တော်လာ ကျမ်းဂန်များနှင့် ဆန့်ကျင်သော ဟောပြော ရေးသားချက်များ ဖြစ်ကုန်၏ဟု ဝိနည်းဓိုရ်ဆရာတော်များက သုံးသပ်တော်မူကြပါသည်။


(မိုးပြာဝိနိစ္ဆယကျမ်း စာမျက်နှာ ၃၈၈)


ဝိနည်းဓိုရ်ဆရာတော်များ၏ စိစစ်ချက်


စောဒကဆရာတော်များက မိုးပြာကြီး၏ အမှားတွေကို များစွာ ထုတ်ပြတော်မမူကြ။ တစ်ခုမျှသာ ထုတ်ပြကြ၏။ မဟာသမုဒ္ဒရာ၏ ရေများကို အကုန်သောက်ကြည့်စရာ မလို။ တစ်စက်မျှသာ တို့ကြည့်ခြင်းအားဖြင့် မဟာသမုဒ္ဒရာရေအားလုံးသည် ငန်တူးစပ်ရှားသော အရသာအားဖြင့် အတူတူပင် ဟု သိရှိနိုင်သလို သဘောမနောဆိုး၍ အတွေးအခေါ်တိမ်းယိမ်းနေသော မိုးပြာကြီး၏ တစ်ခုသော ဘာသာပြန်ချက်ကို ကြည့်ခြင်းဖြင့် ကျန်သည့် ရေးသားပြန်ဆိုချက်များ သည်လည်း ဤနည်းတူ အပိုအလိုတွေ၊ မှားယွင်းတိမ်းယိမ်းနေသော အရာတွေသာဟု ပြဆိုလိုက်ခြင်းဖြစ်သည်ဟု သုံးသပ်ကြရပေသည်။


(မိုးပြာဝိနိစ္ဆယကျမ်း စာမျက်နှာ ၂၉၀)



နိဂမနကထာ နှင့် ဥယျောဇနကထာ


ဤသို့လျှင် ပြည်ထောင်စု သမ္မတ မြန်မာနိုင်ငံတော် မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကျီကုန်းရွာ၊ အနုပါဒါယဉ်ကျေးမှုမိုးပြာခြံ၌ သီတင်းသုံး- နေထိုင်သော ရှင်ဉာဏဦးဆောင်သည့် ပစ္စုပ္ပန်ကမ္မဝါဒ အမည်ခံ မိုးပြာဂိုဏ်းသားတို့သည် ထေရဝါဒဗုဒ္ဓသာသနာ တော်အား အခြေခံမှ စ၍ စော်ကားပုတ်ခတ်သည့် စာအုပ်စာတန်းများ ထုတ်ဝေခြင်း၊ ဟောပြောပြသခြင်း၊ သင်တန်းများ ဖွင့်လှစ်၍ ပို့ချခြင်း၊ အင်တာနက်သို့ တင်၍ ကမ္ဘာအရပ်ရပ်သို့ ဖြန့်လွှင့်ခြင်းများ ပြုလုပ်နေသဖြင့် ယင်းအဖွဲ့၏ ဆောင်ရွက်ချက်များနှင့် ပတ်သက်၍ ဓမ္မ- အဓမ္မ စိစစ်ပေးရန် စောဒကဆရာတော် များက စောဒနာလွှာ တင်သွင်းခဲ့ကြသည်။


စုဒိတကအဖွဲ့က သောဓနာလွှာ တင်သွင်းခြင်း မပြုခဲ့ပေ။


ထိုသို့စုဒိတကအဖွဲ့က သောဓနာလွှာ မတင်သွင်းသော်လည်း စောဒကဆရာတော်များ တင်ပြထားသည့် ဝိမုတ္တိဒေသနာ စသော မိုးပြာဂိုဏ်းဝါဒ စာအုပ်များကို ကြည့်ရှုသုံးသပ်တော်မူကြပြီး ယင်းမိုးပြာဂိုဏ်း၏ ဝါဒတို့ကို မြတ်စွာဘုရား ဟောကြားတော်မူအပ်သော ပါဠိတော်များကို အခြေခံပဓာန ထား၍ အဋ္ဌကထာဋီကာအဆိုများကို သင့်လျော်ရုံမျှသာ အကိုးသာဓကပြုကာ စိစစ်သုံးသပ်ပြီး…


“မိုးပြာဂိုဏ်း၏ ဟောပြောရေးသားချက်များအားလုံးတို့ကို အဓမ္မဝါဒအဖြစ် ဓမ္မဝိနယနှင့်အညီ ဆုံးဖြတ်”၍ ပြီးပေပြီ။


(မိုးပြာဝိနိစ္ဆယကျမ်း စာမျက်နှာ ၄၁၃)


ဝိနည်းဓိုရ်ဆရာတော်များ၏ စိစစ်သုံးသပ်ချက်


အထက်ပါ စောဒနာစကားရပ်တို့တွင် “ဝဋ်ဆိုတာ ကျုပ်တို့ ပေးတာက ကောင်းမှုပဲ။ ပေးတာဟာ ကုသိုလ်ကောင်းမှုပဲ။ (ပ) ဒါလေး ပြောရမယ်ဗျာ” ဟူသောစကားဖြင့် အကြောင်း ကုသိုလ်ကံကို ပယ်ရမည်ဟု ပြောလိုရင်း ဖြစ်သည်ကို တွေ့ရှိရသည်။ “ဝိပါက်ဆိုတဲ့ဟာကဖြင့်ရင် (ပ) သူခိုးဖြစ်ပြီပေါ့။ ဒါ ဝိပါက်ပေါ့” ဟူသောစကားဖြင့် အကျိုးဝိပါက်ကို ပယ်ရမည်ဟု ပြောလိုရင်း ဖြစ်သည်ကို တွေ့ရှိရသည်။


“အယူဝါဒကို ဗုဒ္ဓဘာသာဟု အမည်ပေးထားသော်လည်း”


ဤသို့အကြောင်းအကျိုး နှစ်မျိုးကို ပယ်သည်ကို တွေ့ရှိရသောကြောင့် အရှင်ဉာဏ ဦးဆောင်သည့် ပစ္စုပ္ပန်ကမ္မဝါဒ ဗုဒ္ဓဘာသာ အမည်ခံယူသော သူတို့သည် နတ္ထိကဒိဋ္ဌိ၊ အကိရိယဒိဋ္ဌိ၊ အဟေတုကဒိဋ္ဌိ ဟူသော ဒိဋ္ဌိသုံးမျိုးသို့ သက်ရောက်၍ နေပေတော့သည်။ ဤဒိဋ္ဌိသုံးမျိုးတို့တွင် နတ္ထိကဒိဋ္ဌိသည် အကျိုးဝိပါက်ကို ပယ်သည်။ အကိရိယဒိဋ္ဌိသည် အကြောင်းကံကို ပယ်သည်။ အဟေတုကဒိဋ္ဌိသည် အကြောင်းအကျိး နှစ်မျိုးလုံးကို ပယ်။ ထိုနှစ်မျိုးတို့တွင် အကြောင်းကံကို ပယ်သဖြင့် အကျိုးဝိပါက်ကိုလည်း ပယ်သည်မည်၏။ အကျိုးဝိပါက်ကို ပယ်သဖြင့်လည်း အကြောင်းကံကို ပယ်သည်မည်၏။ ဤသို့သောအကြောင်းကြောင့် အကြောင်းအကျိုး နှစ်ပါးစုံကို ပယ်တတ်ကုန်သော အလုံးစုံသော သူတို့သည် အနက်သဘောအားဖြင့် နတ္ထိကဝါဒရှိသူတို့ သည်လည်းကောင်း၊ အကိရိယဝါဒရှိသူတို့သည်လည်းကောင်း၊ အဟေတုကဝါဒရှိသူတို့သည် လည်းကောင်း ဖြစ်ကုန်၏။ (မ၊ ဋ္ဌ၊ ၂၊ ၈၅။)


(မိုးပြာဝိနိစ္ဆယကျမ်း စာမျက်နှာ ၅၄-၅၅)



အဓမ္မဝါဒအဟောင်းများကို ပြန်လည်ဟောပြောရေးသားထားခြင်း


ဟုတ်/မဟုတ် စိစစ် ဆုံးဖြတ်ချက် ( ၂၅ )


မိုးပြာအဖွဲ့ခေါင်းဆောင် ဓမ္မဝိဟာရီ အရှင်ဉာဏသည် အဓမ္မဝါဒအဟောင်းများကို အသစ်တဖန် ပြန်လည်ဟောပြောရေးသားထားပါကြောင်း စောဒနာ နောက်ဆက်တွဲအဖြစ် တင်ပြထားကြသည်။ စောဒကတို့ တင်ပြထားသော မိုးပြာအဖွဲ့ခေါင်းဆောင် ဓမ္မဝိဟာရီ အရှင်ဉာဏ၏ ဟောပြောရေး သားချက်တို့ကို စောဒကတို့ ညွှန်ပြထားသော ဝိနိစ္ဆယစာတမ်းများ၌ ပါဝင်ပြီးဖြစ်သော အဓမ္မဝါဒများ ဟုတ်/မဟုတ်သာ နိုင်ငံတော် သီးခြား ဝိနည်းဓိုရ် အဖွဲ့အမှတ် (၁၇/၂၀၁၁) အဖွဲ့ဝင် ဆရာတော်များက စိစစ်၍ ဆုံးဖြတ်ချက်ချပါအံ့-။


(မိုးပြာဝိနိစ္ဆယကျမ်း စာမျက်နှာ ၃၈၉)



ပြည်ထောင်စု သမ္မတ မြန်မာနိုင်ငံတော် အစိုးရအား တိုက်တွန်းခြင်း


ဤသို့အားဖြင့် ဓမ္မ- အဓမ္မ အငြင်းပွားမှုကို နိုင်ငံတော်သီးခြားဝိနည်းဓိုရ်အဖွဲ့ အမှတ်(၀၇/၂၀၁၁) ဝိနည်းဓိုရ်ဆရာတော်များသည် စောဒနာလွှာ များကို သေချာစွာ လေ့လာကြည့်ရှုကြပြီး ပါဠိ အဋ္ဌကထာ ဋီကာ အဖြာဖြာတို့နှင့် ညှိနှိုင်းလျက် ဖြစ်သင့်သည့်အတိုင်း ဆုံးဖြတ်ထားကြသော အဆုံးအဖြတ် ဖြစ်သည်။ ဤဝိနိစ္ဆယချမှတ်ပြီးသည့်အခါ အကောင်အထည် ဖော်ရာ၌ ချောမွေ့စေရေး ဝိနိစ္ဆယတည်ရှိရေး သာသနာတော်၏ ဆန့်ကျင်ဘက်အကျင့်တို့ကို ဆက်လက်မကျင့်စေရေးတို့သည် “ရာဇာ ပဓာနံ = မင်း ပြဋ္ဌာန်း၏” ဆိုသည့်အတိုင်း အာဏာစက် လိုက်ပါဆောင်ရွက်မှသာ ဖြစ်ပေမည်။ ထို့ကြောင့် ပထမသင်္ဂါယနာ တင်စဉ်အခါ၌ အဇာတသတ်မင်းကြီးသည်-


“သာဓု ဘန္တေ ဝိဿတ္ထာ ကရောထ၊ မယှံ အာဏာစက္ကံ၊ တုမှာကံ ဓမ္မစက္ကံ ဟောတု။ အာဏာပေထ ဘန္တေ ကိံ ကရောမိ။” (ဝိ၊ ဋ္ဌ၊ ၁၊ ၉။ ဒီ၊ ဋ္ဌ၊ ၁၊ ၉)


“အရှင်ဘုရားတို့ ကောင်းပါပြီ ရွံရှာခြင်းကင်းသော စိတ်နှလုံးရှိသည်ဖြစ်၍ ဆောင်ရွက်တော်မူကြပါ။ တပည့်တော်၏ အာဏာစက် ဖြစ်ပါစေ။ အရှင်ဘုရားတို့၏ ဓမ္မစက် ဖြစ်ပါစေ။ အရှင်ဘုရားတို့ စေခိုင်းတော်မူကြပါ။ အဘယ်ကို ပြုရပါမည်နည်း” ဟု လျှောက်ထားသကဲ့သို့-


ပြည်ထောင်စုသမ္မတမြန်မာနိုင်ငံတော်အစိုးရအနေဖြင့်လည်း-


အဓမ္မဝိနိစ္ဆယ= ဓမ္မစက်၏နောက်က အာဏာစက် လိုက်ပါဆောင်ရွက်ပေးပါရန် အထူးအားဖြင့် မေတ္တာရပ်ခံ တိုက်တွန်းအပ်ပါသည်။


အမှတ်(၁၇/၂၀၁၁) နိုင်ငံတော်သီးခြားဝိနည်းဓိုရ်အဖွဲ့


(မိုးပြာဝိနိစ္ဆယကျမ်း စာမျက်နှာ ၄၂၉)

Read more ...

မိုးပြာဝိနိစ္ဆယ ကောက်နှုတ်ချက်များ (၂)

သျှင်သာမိ - မုံရွာ | 2:53 PM | Be the first to comment!

ပြည်ထောင်စုမြန်မာနိုင်ငံတော်

နိုင်ငံတော်သံဃမဟာနာယကအဖွဲ့

နိုင်ငံတော်သီးခြားသံဃဝိနိစ္ဆယအဖွဲ့ အဖွဲ့အမှတ် (၁၇/၂၀၁၁) ၏

ပစ္စုပ္ပန္နကမ္မဝါဒ ဗုဒ္ဓဘာသာ အမည်ခံ မိုးပြာရှင်ဉာဏ ဦးဆောင်သော


မိုးပြာဝါဒဝိနိစ္ဆယ

-------------------------------------------------------------------


နိဒါန်း

ပြည်ထောင်စု မြန်မာနိုင်ငံတော် မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကျီကုန်းရွာ၊ အနုပါဒါယဉ်ကျေးမှုမိုးပြာခြံ၌ သီတင်းသုံး- နေထိုင်သော ရှင်ဉာဏဦးဆောင်သည့်ပစ္စုပ္ပန်ကမ္မဝါဒ ဗုဒ္ဓဘာသာ အမည်ခံ မိုးပြာဂိုဏ်းသားတို့သည် ထေရဝါဒဗုဒ္ဓသာသနာတော်အား အခြေခံမှ စ၍ စော်ကားပုတ်ခတ်သည့် စာအုပ် စာတန်းများ ထုတ်ဝေခြင်း၊ ဟောပြောပြသခြင်း၊ သင်တန်းများ ဖွင့်လှစ်၍ ပို့ချခြင်း၊ အင်တာနက်သို့ တင်၍ ကမ္ဘာအရပ်ရပ်သို့ ဖြန့်လွှင့် ခြင်းများ ပြုလုပ်နေသဖြင့် ယင်းအဖွဲ့၏ ဆောင်ရွက်ချက်များနှင့် ပတ်သက်၍ ဓမ္မ- အဓမ္မ စိစစ်ပြီး အဓမ္မအဖြစ် ဆုံးဖြတ်ပေးပါရန်-

၁။ ဘဒ္ဒန္တအဂ္ဂဉာဏ၊ ချမ်းမြေ့သာစည်ကျောင်းတိုက်၊ ဘုရားချောင်းရပ်ကွက်၊ မြောင်းမြမြို့။

၂။ ဘဒ္ဒန္တတိက္ခိန္ဒြိယာဘိဝံသ၊ ဓမ္မဂါရဝကျောင်း၊ မစိုးရိမ်တိုက်သစ်၊ မန္တလေးမြို့။

၃။ ဘဒ္ဒန္တနာရဒ၊ ထေရဝါဒဗုဒ္ဓသာသနာပြုကျောင်း၊ ဟိုပင်မြို့။

၄။ ဘဒ္ဒန္တဣန္ဒာစက္ကာဘိဝံသ၊ နိရုတ္တိနယူပဒေသကျောင်း၊ မစိုးရိမ်တိုက်၊ မန္တလေးမြို့။

၅။ ဘဒ္ဒန္တနန္ဒာဘိဝံသ၊ ဓမ္မပါကဋကျောင်း၊ မစိုးရိမ်တိုက်သစ်၊ မန္တလေးမြို့။

၆။ ဘဒ္ဒန္တဣန္ဒာစရိယာဘိဝံသ၊ သာသနပါရဂူကျောင်းတိုက်၊ ကမာရွတ်မြို့နယ်၊ ရန်ကုန်မြို့- တို့က ၂၀၀၉-ခုနှစ်၊ ဇွန်လ ၈- ရက်၊ တနင်္လာနေ့တွင် နိုင်ငံတော် သံဃမဟာနာယက -အဖွဲ့ထံသို့ စောဒနာလွှာ တင်သွင်းခဲ့ကြပေသည်။

ထိုစောဒနာလွှာအရ- မန္တလေးတိုင်းဒေသကြီး၊ ပုသိမ်ကြီးမြို့နယ်၊ ရှင်ဉာဏဦးဆောင်သော ပစ္စုပ္ပန်ကမ္မဝါဒ ဗုဒ္ဓဘာသာ အမည်ခံ မိုးပြာဂိုဏ်းသားတို့ထံသို့ နိုင်ငံတော် သံဃမဟာနာယကအဖွဲ့ အနေဖြင့် ၃-၉-၂၀၀၉- ရက်စွဲဖြင့် သောဓနာလွှာ တင်သွင်းရန် တောင်းခံခဲ့ပေသည်။ ထိုသို့တောင်းခံခဲ့သော် လည်း မန္တလေးတိုင်းဒေသကြီး၊ ပုသိမ်ကြီးမြို့နယ်၊ ရှင်ဉာဏဦးဆောင်သော ပစ္စုပ္ပန်ကမ္မဝါဒ ဗုဒ္ဓဘာသာ အမည်ခံ မိုးပြာဂိုဏ်းသားတို့ထံမှ “သူတို့အဖွဲ့သည် ထေရဝါဒဗုဒ္ဓဘာသာအဖြစ်မှ နှုတ်ထွက်ပြီး၊ ပစ္စုပ္ပန်ကမ္မဝါဒ ဗုဒ္ဓဘာသာအဖြစ်သို့ ပြောင်းလဲပြီးဖြစ်၍ သောဓနာလွှာ တင်သွင်းရန် မလိုကြောင်း” ၂၄- ၉- ၂၀၀၉- ရက်စွဲပါစာဖြင့် တင်သွင်းလာခဲ့ပေသည်။


ထို့ကြောင့်-

နိုင်ငံတော်သံဃမဟာနာယကအဖွဲ့က-

ဝိနည်းဓမ္မကံ လုပ်ထုံးလုပ်နည်းများ၊ အခန်း (၇)၊ အပိုဒ် (၅၇)၊ အပိုဒ်ခွဲ (င) နှင့်

ဝိနိစ္ဆယလက်စွဲ၊ အခန်း (၁၃)၊ အပိုဒ် (၃၂)၊ အပိုဒ်ခွဲ (ခ) တို့ အရ- နိုင်ငံတော် သီးခြား ဝိနည်းဓိုရ်အဖွဲ့ဖြင့် စစ်ဆေးဆုံးဖြတ်နိုင်ရန် နိုင်ငံတော် သီးခြားသံဃဝိနိစ္ဆယအဖွဲ့၊ အဖွဲ့အမှတ် (၁၇/၂၀၁၁)ကို-


၁၃၇၂-ခုနှစ်၊ ပြာသိုလ်လပြည့်ကျော် ၉-ရက်၊ ( ၂၈- ၁- ၂၀၁၁) သောကြာနေ့တွင် ဖွဲ့စည်း၍ အောက်ပါ ဝိနည်းဓိုရ်ဆရာတော်များကို တာဝန်ပေးအပ်ခဲ့ပေသည်။


သီးခြားဝိနည်းဓိုရ်ဆရာတော်ကြီးများ

စဉ် ဘွဲ့တော် သက်တော်/သိက္ခာ ကျောင်း/ကျောင်းတိုက်

၁။ ဘဒ္ဒန္တကဝိန္ဒာစာရ ၇၆/၅၇ ဓမ္မာလင်္ကာရရေအားလျှပ်စစ်ကျောင်းတိုက်၊ သာစည်မြို့။

၂။ ဘဒ္ဒန္တစန္ဒိမာဘိဝံသ ၆၄/၄၅ မင်းကျောင်းပဌမပြန်စာသင်တိုက်၊ သံလျင်မြို့။

၃။ ဘဒ္ဒန္တသောဘဏ ၆၃/၄၃ မဟာဝိသုတာရာမအလယ်တိုက်၊ ပခုက္ကူမြို့။

၄။ ဘဒ္ဒန္တဝိသုဒ္ဓါစာရာဘိဝံသ ၆၂/၄၂ သာသနဇောတာရုံကျောင်းတိုက်၊ မတ္တရာမြို့။

၅။ ဘဒ္ဒန္တဝါသေဋ္ဌာဘိဝံသ ၅၇/၃၇ ဓမ္မသမိဒ္ဓိကျောင်း၊ မစိုးရိမ်တိုက်သစ်၊ မန္တလေးမြို့။


ဝိနည်းဓိုရ်ဆရာတော်ကြီးများသည်-


၁။ နိုင်ငံတော် သံဃမဟာနာယကအဖွဲ့၏ လုပ်ထုံးလုပ်နည်းများနှင့်အညီ ပေးအပ်လာသည့် တာဝန်ကို ကျေပွန်အောင် ဆောင်ရွက်ရန်


၂။ တင်ပြလာသော စောဒနာလွှာများကို ဗုဒ္ဓသာသနာတော်နှင့် ညီ/မညီ သေချာစွာ လေ့လာစိစစ်ကြပြီး ဆုံးဖြတ်ချက်ချရန် သဘောထားကြသည်။


အဓမ္မဝါဒရှင်းလင်းသုတ်သင်ရန်


နိုင်ငံတော်သံဃမဟာနာယကအဖွဲ့၏ လွှဲအပ်ချက်ကို နိုင်ငံတော်သီးခြားသံဃဝိနိစ္ဆယအဖွဲ့ အဖွဲ့အမှတ် (၁၇/၂၀၁၁) ဝိနည်းဓိုရ်ဆရာတော်ကြီး များက လက်ခံတော်မူကြပြီး ပစ္စုပ္ပန်ကမ္မဝါဒ ဗုဒ္ဓဘာသာ အမည်ခံ မိုးပြာဂိုဏ်းသားတို့၏ အဓမ္မဝါဒဟူသော ကျောက်တောင်ကြီးကို ပိဋကသုံးသွယ် နိကာယ်ငါးရပ် ပါဠိ အဋ္ဌကထာ ဋီကာတည်းဟူသော ဝဇီရစိန် (=ဝရဇိန်) လက်နက်ဖြင့် ဖြိုခွဲဖျက်ဆီးလျက် သုဓ်သင်ရှင်းလင်းရမည်-။


(မိုးပြာဝိနိစ္ဆယကျမ်း စာမျက်နှာ ၁၅- ၁၆- ၁၈)


= အဓမ္မ အဝိနယ ဝါဒီများကား အမြဲတမ်း အကွက်အချက် ရခိုက် ခေါင်းထောင်လာကြပြန်သည်။ ယင်းတို့ကား လူသေလူဖြစ်၊ ကျောက်သင်္ဘော စသည် စသည်အားဖြင့် ဖြစ်ပေါ်လာကြသော အဓမ္မဝါဒများပေတည်း။


= ထေရဝါဒ ဓမ္မဝိနယများကို လှုပ်ယိုင်နှဲ့နှုတ်ရန် ခေတ်ပေါ်အဓမ္မဝါဒီများ ကြိုးစားနေကြသော်လည်း ဘေးအမျိုးမျိုးမှ ကာကွယ်ရန် ဝန်းရံစောင့်ကြပ် နေကြသော ပုဂ္ဂိုလ်များရှိ၍ နေကြပြီ။ ၎င်းပုဂ္ဂိုလ်များကား မြန်မာသက္ကရာဇ် ၁၃၄၂-ခုနှစ်တွင် စတင်ပေါ်ထွန်းလာသော ဂိုဏ်းပေါင်းစုံ သံဃာ့အဖွဲ့အစည်း ကြီးပင် ဖြစ်သတည်း။


= “မြတ်ဗုဒ္ဓ၏ ဓမ္မဝိနယ ကျောက်တိုင်တော်ကြီးကို နှုတ်ပစ်ဖို့ မဆိုထားနှင့်။ လှုပ်ယိုင်ရန်အတွက်ပင် မချဉ်းကပ်လာကြလေနှင့်” ဟု ဆိုသကဲ့သို့ပင် ရှိနေတော့သည်။ ထို့ကြောင့်ပင် ၁၃၄၂-ခုနှစ်မှ စ၍ အဓမ္မဝါဒီများကို စိစစ်ဖယ်ရှားခဲ့သည်မှာ (၁၇) မျိုးပင် ရှိနေပြီ။


(မိုးပြာဝိနိစ္ဆယကျမ်း စာမျက်နှာ ၄၂၅)


ဓမ္မနှင့်မညီ၊ ဆန့်ကျင်သည်ကို၊ ရုံးတည်သုံးသပ်၊ ဆုံးဖြတ်ပြီးရာ၊

အာဏာမလိုက်၊ ပြစ်မထိုက်ရင်၊ လူမိုက်အများ၊ အငြင်းပွားလိမ့်။

ဤကားဓမ္မ၊ အဓမ္မနှင့်၊

လုံးဝမပြီး၊ အချီးနှီးပင်၊ အထင်အရှား၊ အငြင်းပွားခဲ့။

စဉ်းစားကြပါ၊ အဖြေရှာကြ၊ ရှေ့မှာထင်ရှား၊ နောက်ထင်ရှားထိ၊ ထင်ရှားဖြေပြ၊ ဆိုထားကြပြီ။ 

ကြားကြပါစေ- ကြားပါစေ၊

မြင်ကြပါစေ- မြင်ပါစေ၊

တွေ့ကြပါစေ- တွေ့ပါစေ။

Read more ...

မိုးပြာဝိနိစ္ဆယ ကောက်နုတ်ချက်များ ( ၁ )

သျှင်သာမိ - မုံရွာ | 2:50 PM | Be the first to comment!

ပြည်ထောင်စု သမ္မတ မြန်မာနိုင်ငံတော်/ 

နိုင်ငံတော် သီးခြား ဝိနည်းဓိုရ်အဖွဲ့ / 

အမှတ် (၁၇/၂၀၁၁)က ဆုံးဖြတ်တော်မူသည်


မိုးပြာဝိနိစ္ဆယ ကောက်နုတ်ချက်များ ( ၁ )


မိုးပြာအရှင်ဉာဏသည်-

= “၁၉၇၄- ခုနှစ် အခြေခံဥပဒေ တည်ဆဲကာလဖြစ်တဲ့ ၁၉၈၃-ခုနှစ် ဖေဖော်ဝါရီလ ၁၀- ရက်နေ့မှာ ထေရဝါဒနှင့် ထေရဝါဒရဟန်းသမဏ အဖြစ်ကို စွန့်လွှတ်ပြီး ပစ္စုပ္ပန်ကမ္မဝါဒ ဗုဒ္ဓဘာသာနဲ့ ဓမ္မဝိဟာရီအဖြစ် ကြေညာရပ်တည်ခဲ့သူ ဖြစ်ပါတယ်” ဟု လည်းကောင်း၊

= “ထေရဝါဒနှင့် မဟာယာနတို့သည် တစ်ဂိုဏ်းနှင့်တစ်ဂိုဏ်း ကွဲပြားကြသော်လည်း ထိုနှစ်ဂိုဏ်းသည် ရှေ့ဘဝနောက်ဘ၀ ခံယူမှု တူညီကြသည်။ ပစ္စုပ္ပန်ကမ္မဝါဒ ဗုဒ္ဓဘာသာသည် ဤခံယူမှု၌ ဤဂိုဏ်းများနဲ့ မတူသောကြောင့် ဝိသေသဗုဒ္ဓဘာသာ ဖြစ်လေသည်” ဟု လည်းကောင်း၊

= “ထေရဝါဒဗုဒ္ဓဘာသာဟာ ပရမတ်ကို သစ္စာခံတဲ့ ဗုဒ္ဓဘာသာ ဖြစ်တယ်။ ပစ္စုပ္ပန်ကမ္မဝါဒ ဗုဒ္ဓဘာသာဟာ ကံကို သစ္စာခံတဲ့ ဗုဒ္ဓဘာသာ ဖြစ်တယ်။ ဒီ ဗုဒ္ဓဘာသာ ၂- ရပ်ဟာ မိုးနဲ့မြေပမာ အလွန်ဝေးကွာတဲ့ ဘာသာ ၂- ရပ် ဖြစ်တာ သိကြရမှာပေါ့” ဟု လည်းကောင်း ဆိုထားသည်။

= ထိုကြောင့် (ထိုသို့ဆိုထားသောစကား ထင်ရှားရှိနေခြင်းကြောင့်) မိုးပြာဝါဒသည် မဟာယာန မဟုတ်။

(မိုးပြာဝိနိစ္ဆယကျမ်း စာမျက်နှာ ၁၁)

မိုးပြာအရှင်ဉာဏသည်-


= ထေရဝါဒလမ်းကြောင်းအတွင်းမှ ထေရဝါဒကို ဖျက်ဆီးနေသော-မိမိအတွက် သက်သာရာသက်သာခွင့်ကို ရှာနေသူ သာသနာမှီခို ကြည်ညိုနေသူတို့၏ သဒ္ဓါစစ်သဒ္ဓါမှန်ကို ဖျက်ဆီးနေသူ သာသနာ့အတွင်းရန်သူ ဖြစ်သည်။

ထိုကြောင့် မိုးပြာဝါဒသည် ထေရဝါဒပင် ဖြစ်နေသည်။ ထေရဝါဒမှ မလွတ်ကင်းသေးဘဲ ရှိနေသည်။


(မိုးပြာဝိနိစ္ဆယကျမ်း စာမျက်နှာ ၁၂)


= ၁၃၄၁- ခုနှစ်၊ တပို့တွဲလပြည့်ကျော် ၁- ရက်၊ ၁၉၈၀-ပြည့်နှစ်၊ ဖေဖော်ဝါရီလ ၁- ရက်နေ့တွင်-


“ယင်းနေ့မတိုင်မီ တည်ရှိခဲ့သော ဂိုဏ်းကြီး ၉- ဂိုဏ်းကို ပြည်ထဲရေးနှင့် သာသနာရေး ဝန်ကြီးဌာနက တည်ရှိခွင့် ပြုခဲ့သည်။ နောက် ထပ်မံ၍ ဂိုဏ်းသစ်တည်ထောင်မှုကို ပိတ်ပင် တားမြစ်ခဲ့ သည်” ဟူ၍ အတည်ပြုထားပါသည်။


= သံဃာ့အဖွဲ့အစည်း အခြေခံစည်းမျဉ်း၊ အခန်း ၂-၊ အပိုဒ် ၄- တွင်-


“ပြည်ထောင်စု မြန်မာနိုင်ငံတော်အတွင်း၌ ဤစည်းမျဉ်းအရ သတ်မှတ်ထားသည့် ဂိုဏ်းပေါင်းစုံပါဝင်သော သံဃာ့အဖွဲ့အစည်း တစ်ခုတည်းသာ ရှိရမည်” ဟူ၍ အတည်ပြုထားပါသည်။


= ဥပဒေကဲ့သို့ ထပ်တူ အာဏာသက်ရောက်သော အထက်ဖော်ပြပါ သံဃာ့အဖွဲ့အစည်း အခြေခံစည်းမျဉ်း၊ အခန်း ၂-၊ အပိုဒ် ၄- အရ ယင်းဥပဒေကို အတည်ပြုပြီးချိန် ၁၃၄၁- ခုနှစ်၊ တပို့တွဲလပြည့်ကျော် ၁- ရက်၊ ၁၉၈၀-ပြည့်နှစ်၊ ဖေဖော်ဝါရီလ ၁- ရက်နေ့၏ နောက်ပိုင်း၌ ဗုဒ္ဓဘာသာဂိုဏ်းသစ် ထပ်မံ ထူထောင်ခွင့် မရှိသောကြောင့် မြန်မာနိုင်ငံတွင် ၁၃၄၁- ခုနှစ်၊ တပို့တွဲလပြည့်ကျော် ၁- ရက်၊ ၁၉၈၀-ပြည့်နှစ်၊ ဖေဖော်ဝါရီလ ၁-ရက်နေ့ မတိုင်မီ တည်ရှိပြီး ဂိုဏ်းကြီး ၉- ဂိုဏ်းမှ တပါး အခြားဂိုဏ်းသစ်ကို တည်ထောင်ခွင့် မရှိ။


(မိုးပြာဝိနိစ္ဆယကျမ်း စာမျက်နှာ ၁၂)


နိုင်ငံတော် သံဃမဟာနာယကအဖွဲ့သည်-


၁။ သံဃာထုချည်းသက်သက် သံဃဆန္ဒဖြင့်ချည်း ဖွဲ့စည်းတည်ထောင်ထားသော အဖွဲ့အစည်း မဟုတ်- နိုင်ငံတော် အစိုးရ၏ လျှောက်ထားချက်၊ သံဃာထု၏ သဘောတူညီချက်တို့ဖြင့် နိုင်ငံတော် အစိုးရ သာသနာရေးဝန်ကြီးဌာန ဝန်ကြီးရုံးနှင့် တွဲဖက်၍ ဖွဲ့စည်းထားသော အဖွဲ့အစည်းဖြစ်သောကြောင့်လည်းကောင်း၊


၂။ ပြည်ထောင်စု သမ္မတ မြန်မာနိုင်ငံတော် နိုင်ငံတော် သံဃမဟာနာယကအဖွဲ့ ညွှန်ကြားလွှာများ ကျမ်းစာအုပ်၊ စာမျက်နှာ ၄၃- တွင်-


“ဝိနိစ္ဆယဥပဒေကို လွှတ်တော်က အတည်ပြုပေးလိုက်တဲ့ နောက်မှာ ဝိနိစ္ဆယ လုပ်ထုံးလုပ်နည်းရော၊ သံဃာ့အဖွဲ့အစည်း အခြေခံစည်းမျဉ်းနှင့် သူ့ရဲ့လုပ်ထုံးလုပ်နည်းတွေပါ ဆက်သွယ်ပြီး အကျိုးသက်ရောက်သွားတယ်။ အားလုံး ဥပဒေထဲ အကျုံးဝင်သွားတယ်။ ဒါ့ကြောင့် သံဃာ့အဖွဲ့အစည်း အခြေခံစည်းမျဉ်းကို သာမန်အများစု ဆုံးဖြတ်ချက်လောက် မယူဆရဘူး။ အားလုံး ဥပဒေအကျိုး သက်ရောက်သွားတယ်” ဟု ဆိုထားသည် ဖြစ်၍ ဝိနိစ္ဆယလုပ်ထုံးလုပ်နည်း၊ သံဃာ့အဖွဲ့အစည်း အခြေခံစည်းမျဉ်းနှင့် သူ့ရဲ့လုပ်ထုံးလုပ်နည်းတို့သည် နိုင်ငံတော် ဥပဒေနှင့် အလားတူ အာဏာသက်ရောက်သောကြောင့်လည်းကောင်း နိုင်ငံတော် သံဃမဟာနာယကအဖွဲ့သည် N.G.O မဟုတ်ပါ။


(မိုးပြာဝိနိစ္ဆယကျမ်း စာမျက်နှာ ၁၃)

= နောက်ဆုံး ခြုံငုံဆိုရလျှင် “ပစ္စုပ္ပန်ကမ္မဝါဒ ဗုဒ္ဓဘာသာသည် ဤခံယူမှု၌ ဤဂိုဏ်းများနှင့် မတူသောကြောင့် ဝိသေသဗုဒ္ဓဘာသာ ဖြစ်လေသည်” ဟု စွဲမြဲစွာ ဆိုပါလျှင် “ဂိုဏ်းသစ်တည်ထောင်သည် ဖြစ်သောကြောင့်” ၁၃၄၁- ခုနှစ်၊ တပို့တွဲလပြည့်ကျော် ၁- ရက်၊ ၁၉၈၀- ပြည့်နှစ်၊ ဖေဖော်ဝါရီလ ၁- ရက်နေ့တွင် အတည်ပြုပြဋ္ဌာန်းခဲ့သော သံဃာ့အဖွဲ့အစည်း အခြေခံစည်းမျဉ်း၊ အခန်း ၂-၊ အပိုဒ် ၄-ကို လွန်ကျူးသူ ဖြစ်သည်။

သို့ဖြစ်ပါ၍ “မိုးပြာဂိုဏ်းကို တည်ထောင်သူနှင့် ယင်းဂိုဏ်းဝင်ပုဂ္ဂိုလ်များသည် နိုင်ငံတော် ဥပဒေကို ချိုးဖောက်သူများဖြစ်၍ တည်ဆဲဥပဒေအတိုင်း ဆက်လက်ဆောင်ရွက်ထိုက်သော ပုဂ္ဂိုလ်များ ဖြစ်ကြပါသည်” ။


(မိုးပြာဝိနိစ္ဆယကျမ်း စာမျက်နှာ ၁၃ - ၁၄)


တနည်းအားဖြင့်--

၁။ ၎င်းတို့ကိုယ်တိုင်းလည်း မဟာယာနဟု ဝန်ခံမှု ပြောဆိုမှု မရှိ၊ ၎င်းတို့ ဟောပြောရေးသားချက်တို့တွင် မဟာယာနဂိုဏ်း လက္ခဏာ တစ်စုံတစ်ခုကိုမျှ မတွေ့ရ၍ မဟာယာနဂိုဏ်းဝင် မဟုတ်သောကြောင့်လည်းကောင်း၊


၂။ ၎င်းတို့၏ ဟောပြောရေးသားချက်တို့သည် ထေရဝါဒပိဋကတ် ပါဠိတော်အဋ္ဌကထာတို့ကိုသာ မှီကပ်၍ ကြံဆဟောပြော ရေးသားသည်မှာ ထင်ရှားသောကြောင့်လည်းကောင်း၊


၃။ ထေရဝါဒ၌ပင် အတွင်းဝင်သောဝါဒဖြစ်၍ ယင်းတို့၏ ဟောပြောရေးသားချက်များ၏ ဓမ္မ-အဓမ္မ၏အဖြစ်ကို ထေရဝါဒ ပိဋကတ် ပါဠိအဋ္ဌကထာတို့နှင့် ကိုက်ညီမှု ရှိ-မရှိဖြင့်သာ စိစစ်ဆုံးဖြတ်ထိုက်သောဝါဒ ဖြစ်ပါသောကြောင့်လည်းကောင်း၊


၄။ နိုင်ငံတော် သံဃမဟာနာယကအဖွဲ့သည် ပြည်ထောင်စု သမ္မတ မြန်မာနိုင်ငံတော်ရှိ အမြင့်ဆုံးတရားဝင် သံဃာ့အဖွဲ့အစည်း ဖြစ်သောကြောင့်လည်းကောင်း- ယင်း(နိုင်ငံတော် သံဃမဟာနာယက)အဖွဲ့အစည်း၏ အဆုံးအဖြတ်ကို ခံယူရမည်သာ ဖြစ်ပါသည်။


(မိုးပြာဝိနိစ္ဆယကျမ်း စာမျက်နှာ ၁၄)


= “သူတစ်ပြန် ကိုယ်တစ်ပြန် အပြန်ပြန် အလှန်လှန် စွပ်စွဲနေကြခြင်းဖြင့်လည်း ဝိဝါဒဟူသည် ငြိမ်းရိုးထုံးစံ မရှိ- အပြန်ပြန် အလှန်လှန် စွပ်စွဲလိုက် စစ်ဆေးလိုက် လုပ်နေတာ ကြာလာလျှင် ဝိနည်းဓိုရ်များပင် စုဒိတကဘ၀ ရောက်လာနိုင်သည်။

= သာသနာတော်အတွက် အကျိုးစီးပွား မဖြစ်နိုင်။ သာသနာမှီခိုသူများအတွက်လည်း အကျိုးစီးပွား မဖြစ်နိုင်။

(မိုးပြာဝိနိစ္ဆယကျမ်း စာမျက်နှာ ၄၂၇)


“ဓမ္မနှင့်မညီ၊ ဆန့်ကျင်သည်ကို၊ ရုံးတည်သုံးသပ်၊ ဆုံးဖြတ်ပြီးရာ၊

အာဏာမလိုက်၊ ပြစ်မထိုက်ရင်၊ လူမိုက်အများ၊ အငြင်းပွားလိမ့်။

ဤကားဓမ္မ၊ အဓမ္မနှင့်၊ လုံးဝမပြီး၊ အချီးနှီးပင်၊ အထင်အရှား၊ အငြင်းပွားခဲ့။စဉ်းစားကြပါ၊ အဖြေရှာကြ၊ ရှေ့မှာထင်ရှား၊ နောက်ထင်ရှားထိ၊ ထင်ရှားဖြေပြ၊ ဆိုထားကြပြီ။ 

ကြားကြပါစေ- ကြားပါစေ၊

မြင်ကြပါစေ- မြင်ပါစေ၊

တွေ့ကြပါစေ- တွေ့ပါစေ။

Read more ...

December 6, 2011

သာသနာဖျက် မိုးပြာဂိုဏ်း၏ နိဂုံး

သျှင်သာမိ - မုံရွာ | 11:43 PM | Be the first to comment!
ပြည်ထောင်စုသမ္မတ မြန်မာနိုင်ငံတော်၊ နိုင်ငံတော် သံဃမဟာနာယက အဖွဲ့မှ ဖွဲ့စည်းပေးအပ်သော 
နိုင်ငံတော် သီးခြား ဝိနည်းဓိုရ် အဖွဲ့ အမှတ် (၁၇။ ၂၀၁၁) မှ 
ဦးဉာဏ ဦးဆောင်သော မိုးပြာဂိုဏ်းသားတို့၏ 
အယူဝါဒအပေါ် အဓမ္မဝါဒများအဖြစ် ဆုံးဖြတ်ကြေညာခဲ့ပါသည်။ 

နိုဝင်ဘာလ ၁၅ ရက်နေ့ မွန်းလွဲ ၁ နာရီ တွင် ရန်ကုန်မြို့ ကမ္ဘာအေးကုန်းမြေ၊ နိုင်ငံတော် ဝိနိစ္ဆယအဖွဲ့ရုံးတွင် မိုးပြာ ဂိုဏ်းသားတို့၏ အယူဝါဒအပေါ် ဓမ္မ-အဓမ္မ အငြင်းပွားခြင်းကို ဆွေးနွေး ဆုံးဖြတ်ခဲ့ကြသည်။ 

ထေရဝါဒဗုဒ္ဓဒေသနာတော် အဆုံးအမများကိုမလိုက်နာဘဲ အတိတ်ဘဝ၊ အနာဂတ်ဘဝ၊ ၃၁ ဘုံနှင့် သံသရာမရှိ ဟူသော ရုပ်ဝါဒအယူ ကိုယူကာ ပိဋကတ်တော်သုံးရပ်နှင့် အဋ္ဌကထာ၊ ဋီကာတို့ကို ဆန့်ကျင်ဝေဖန်ပြီး ပစ္စုပ္ပန်ကမ္မဝါဒကို တီထွင်ဟောကြားသော ဓမ္မ ဝိဟာရီ အမည်ခံ ဦးဉာဏ၏ ဟောပြောချက်များ၊ ရေးသားချက်များ၊ အင်တာနက်ပေါ်တွင် တင်ပြချက်များသည် အဓမ္မဝါဒများဖြစ်ကြောင်း နိုင်ငံတော် ဝိနည်းဓိုရ် ဆရာတော်ကြီးများက ဆုံးဖြတ်ခဲ့ကြသည်။ 

ထိုသို့ဆုံးဖြတ်တော်မူရာတွင် စောဒက ဆရာတော်များက တင်ပြထားသော စောဒကလွှာ ၅၂ ချက်နှင့်တကွ ဆုံးဖြတ်ပြီးအဓမ္မဝါဒ အဟောင်းများ ဖြစ်ကြသော သျှင်ဥက္ကဋ္ဌ၏ လူသေလူဖြစ်ဝါဒါနု ဝါဒဝိနိစ္ဆယ၊ ဓမ္မနီတိဝါဒဝိနိစ္ဆယ၊ မြစ်ကြီးနား ဝိစိတ္တသာရဝါဒဝိ နိစ္ဆယ၊ မိုးညှင်း ဦးခေမိန္ဒနှင့် ဦးဝိစိတ္တသာရဝါဒ ဝိနိစ္ဆယ၊ အနုဝါဒါမိကရုဏ်း ဝိနိစ္ဆယနှင့် ကျောက်သင်္ဘောဝါဒဝိနိစ္ဆယ အဓမ္မဝါဒ ဆုံးဖြတ် ချက်များ စာအုပ်များပါ အဓမ္မဝါဒများနှင့် ထပ်တူဖြစ်သော အချက် ၂၅ ချက်ကိုလည်း အဓမ္မဝါဒများအဖြစ် စိစစ်ကြေညာခဲ့ကြပါသည်။

 
Read more ...

September 11, 2011

တိတ္ထိဂိုဏ်းဆရာ မိုးပြာဦးဉာဏအား ထောင်ချတာ မှန်ကန်သောလုပ်ရပ်တခုသာဖြစ်၏ - ၃ -

သျှင်သာမိ - မုံရွာ | 2:00 AM | Be the first to comment!


သာသနာတော်၌ အဓမ္မဝါဒီ အဝိနယဝါဒီများ ပေါ်ပေါက်လာခဲ့ပြီဆိုလျှင် အနုနည်းဖြင့် ဖြေရှင်းရသည်လည်း ရှိသည်။ အကြမ်းနည်းဖြင့် ဖြေရှင်းရသည်လည်း ရှိသည်။ တစ်ပါးတည်း ဖြေရှင်းရသည်လည်းရှိသည်။ အုပ်စုဖွဲ့၍ ဖြေရှင်းရသည်လည်း ရှိသည်။ 

အခါတစ်ပါး၌ မြတ်စွာဘုရားသည် သံဃာ့ပရိသတ်နှင့်တကွ ဥပုသ်ပြုရန် ဥပုသ်အိမ်ထဲ၌ သီတင်းသုံးတော်မူလျှက်ရှိပါသည်။ ထိုအခါ သံဃာ့ပရိသတ်ထဲတွင် ဒုဿီလ - သီလမဲ့ ရဟန်းတပါး ပါဝင်နေ၍ မြတ်စွာဘုရားက ဥပုသ်ပြုတော်မမူဘဲ ထိုင်လျှက်သာ သီတင်းသုံး နေတော်မူပါသည်။ ဤသို့နှင့် ညဉ့်သုံးယာမ်ပတ်လုံး ကုန်ဆုံး သွားသည့်အခါ အရှင်မဟာမောဂ္ဂလာန်က အဘိညာဉ်တန်ခိုးဖြင့် ကြည့်တော်မူသောအခါ ဒုဿီလရဟန်း တစ်ပါးကိုတွေ့မြင်၍ သုံးကြိမ်တိုင်တိုင် အပြင်ထွက်ဖို့ တောင်းပန်ရှာပါသည်။ သုံးကြိမ်တောင်းပန်လျှက် မရသောအခါ ဒုဿီလရဟန်းကို လက်မောင်းကိုကိုင်လျက် အပြင်သို့ ဆွဲထုတ်ခေါ်ယူသွားခဲ့ပါသည်။ 

အထခေါ အာယသ္မာ မဟာမောဂ္ဂလာနော တံ ပုဂ္ဂလံ ဗာဟာယံ ဂဟေတွာ ဗဟိဒွါရကောဌကာ နိက္ခာမေတွာ…….။ (ဥပေါသထသုတ်) (အံ၊ ၃။ ၄၄/၅) 

ဤဝတ္ထုကိုထောက်လျှင် သာသနာတော်၏ ခလုတ်ဆူးငြောင့်များ အင်အားမကောင်းပါက တစ်ပါးတည်းဖြင့် သုတ်သင်ရှင်းလင်းသည့် အစဉ်အလာ ရှိခဲ့သည်ကို တွေ့မြင်ရပေမည်။ သို့တည်းမဟုတ် သာသနာ့ရန်ဆူးရန်ငြောင့်တို့ အုပ်စုဖွဲ့၍ မိုက်တွင်းနက်နေပါလျှင် အင်အားသုံး၍ ချေမှုန်းရန် ဘဘုရားကိုယ်တိုင် ခွင့်ပြုတော်မူခဲ့သည်ကို တွေ့ရှိရပါသည်။ အခါတစ်ပါး၌ ကီဋာဂီရိဂိုဏ်းသားရဟန်းများသည် ကုလဒူသကအနေသနမျိုးစုံဖြင့် သာသနာကို ဖျက်ဆီးလျှက်ရှိရာ မြတ်စွာဘုရားက အရှင်သာရိပုတြာ နှင့် အရှင်မဟာမောဂ္ဂလာန် တို့ကိုခေါ်၍ “ ချစ်သားတို့ ကီဋာဂီရိဇနပုဒ်ကို သွားကြ၊ သာသနာ့ ရန်ဆူးရန်ငြောင့်တို့ကို မောင်းထုတ်ကြ ” ဟု စေခိုင်းတော်မူပါသည်။ 

ထိုအခါ အရှင်သာရိပုတြာက “ စဏ္ဍာ တေ ဘိက္ခူ ဖရုသာ - မြတ်စွာဘုရား၊ အဲဒီရဟန်းတွေဟာ ခက်ထန်ကြမ်းကြုတ်လှပါတယ်ဘုရား။ ဘယ်လိုပုံမျိုးဖြင့် နှင်ထုတ်ရပါမလဲဘုရား ” ဟု လျှောက်တော်မူပါသည်။ ထိုအခါ မြတ်စွာဘုရားက….. “ တေနဟိ တုမှေ သာရိပုတ္တာ ဗဟုကေဟိ ဘိက္ခူဟိ သဒ္ဓိ ံ ကစ ္ဆထ - ဒါဆိုရင် ရဟန်းများစွာ ခေါ်သွား အင်အားသုံးပြီး နှင်ထုတ်ကြ ” ဟု နည်းပေးခွင့်ပြုတော်မူခဲ့ပါသည်။ အဂ္ဂသာဝကနှစ်ပါးလည်း ရဟန်းများစွာခေါ်သွားကာ သာသနာ့ရန်ဆူး ရန်ငြောင့်တို့ကို အပြီးတိုင် ခုတ်ထွင်ရှင်းလင်း သုတ်သင်တော်မူခဲ့ပါသည်။ (ပါရာဇိကဏ်ပါဠိတော်၊ ကုလဒူသကသိက္ခာပုဒ်နိဒါန်း) ဤဝတ္ထုကို သာဓကပြုလျှင် အဓမ္မဝါဒီတို့ အားကောင်းပါက အင်အားသုံး၍ ချေမှုန်းသည့် အစဉ်အလာသည် မြတ်စွာဘုရားလက်ထက်ကတည်းက ရှိခဲ့သည် ဆိုတာကို သဘောပေါက်ရပေမည်။ 

ဆိုအပ်ခဲ့ပြီးသော သာဓကတို့ဖြင့် မိုးပြာခေါင်းဆောင် ဦးဉာဏ ကို သံဃမဟာနာယက နှင့် အာဏာပိုင်များမှ ထောင်ချခြင်းသည် ဘုရားရှင်၏ အဆုံးအမနှင့် လျော်ညီစွာ ထိုက်တန်သော အပြစ်ဒဏ်ခတ်ခြင်းသာ ဖြစ်ပါ၏။ ဤအကြောင်းကို ထင်ရှားစေဖို့ မိုးပြာဦးဉာဏ၏ သမိုင်းကြောင်းနှင့် သူ၏လုပ်ရပ်တို့ အကျဉ်းချုပ်မျှ တင်ပြရပေမည်။ လွန်ခဲ့သည့်ကာလ (၂၇) နှစ်က ဦးဉာဏသည် စစ်ကိုင်းတိုင်း မင်းကွန်း ရွှေမြင်တင်တောင်မှာ နေထိုင်သူဖြစ်ပါသည်။ ဈာန်ရပုဂ္ဂိုလ်၊ ပဋိသမ္ဘီဒါရ ရဟန္တာ စသည်ဖြင့် ကြွားဝါကာ တရားဟောခဲ့သူဖြစ်ပါသည်။ ထိုအကြောင်းကို ကြားသိကြသဖြင့် နိုင်ငံတော် သံဃနာယက အဖွဲ့ကြီးကပင် စစ်ကိုင်းတိုင်း သာသနာရေးမူး ဥိးစိုးမြင့် က စွဲဆို၍ စစ်ကိုင်းမြို့နယ် သံဃနာယက သို့ တင်ခဲ့သည်။ ရှင်ဉာဏ နှင့် ရှင်ဂုဏ တို့နှစ်ပါး ရှုံးခဲ့ကြပါသည်။ တစ်ဖန် သူတို့ကပင် တိုင်းသို့တက်ခဲ့ကြသည်။ တိုင်းမှာလဲ သူတို့ပင် ရှုံးကြပြန်သည်။ တစ်ဖန် ဗဟိုဌာန ဟု ဆိုရမည်ဖြစ်သော နိုင်ငံတော်သံဃမဟာနာယက ထံသို့ သူတို့ကပင် စောဒနာ တင်ကြလျက် “သာသနာရေး လျှောက်ထားတောင်းဆိုလွာ” အမည်ဖြင့် စတင်၍ မြို့နယ်နှင့်တိုင်းတို့က ဆုံးဖြတ်ချက်ကို ပြင်ဆင်ပေးရန် တောင်းဆိုခဲ့ကြသည်။ နိုင်ငံတော်မှာလဲ သူတို့ပင် ရှုံခဲ့၍ ထောင် သုံးနှစ်ကြခဲ့ပါသည်။ နိုင်ငံတော် သံဃနာယကဆရာတော် ဘဒ္ဒန္တမာနိတသီရိဘိဝံသထေရ် ၏ မိန့်ကြားချက်အရ သိရသည်မှာ (၁၉၈၃-၁၉၈၆ ခုနှစ်က ဝိနည်းဓမ္မကံ (၉/၁၁)ဖြင့် တရားစွဲခံရပြီးကတည်းက ပြတ်ပြတ်သားသား အရေးယူဖို့ စီရင်ခဲ့ရာတွင် တိပိဋကဓရ မင်းကွန်းဆရာတော်ကြီးက မေတ္တာရပ်ခံမူကြောင့် ထောင်သုံးနှစ်မျှဖြင့် ပြီးသွားရခြင်းပင်) ဟူ၍ ဖြစ်ပါသည်။ ၁၉၉၁-၁၉၉၈ ခုနှစ်တွင် ထေရဝါဒအတွင်းမှ ဂိုဏ်းသီးသန့်ထောင်မူဖြင့် ထောင် (၁၀) နှစ်ကျခဲ့ပါသည်။ ထောင်ကျခံပြီး ထွက်လာပြီးနောက်တွင် ပစ္စုပ္ပန်ကမ္မဝါဒ ဗုဒ္ဓဘာသာ အမည်ခံလျက် ဂိုဏ်းထူးထောင်ပြီး မိလိန္ဒပဥှာဝတ္တု စသည်တို့ကိုပါ ပြန်လည်ကူးယူဖြန့်ဝေကြောင်းတွေ့ရပြီး (၂၀၀၂-၂၀၀၈)တို့မှာ အကြီးအကျယ် အင်အားကြီးဂိုဏ်းဖြစ်လာကြောင်း တွေ့ရပေသည်။ ဒုတိယအကြိမ် ထောင်မှ ထွက်လာပြီးကတည်းက ထေရဝါဒ သာသနာကို ရစရာမရှိအောင် ဖျက်ဆီး၊ ထေရဝါဒ ပိဋကတ်သုံးပုံကိုဖျက်ဆီးကာ ဘုရားဟောမဟုတ်သည်ကို ဘုရားဟော လုပ်၊ ဘုရားရှင်ကို အမျိုးမျိုးစွပ်စွဲပုတ်ခတ်ကာ ဝါဒသစ်ထူထောင်ခြင်းသည် ခိုင်လုံသော အကြောင်းတရားဖြစ်ပေ၏။ 

ပိဋကတ်ကျမ်းစာတို့ကို ဖျက်ဆီးထားသည်များကို ပြည့်ပြည့် စုံစုံသိလိုပါက စာရေးသူ၏ http://www.dhammaanalysis.multiply.com/ တွင် လေ့လာနိုင် ပါသည်။ ထို့အပြင် မြန်မာအင်ဂျင်နီယာ ဖိုရမ် တွင်လည်း လေ့လာနိုင်သည်။ ဦးဉာဏသည် ထေရဝါဒဗုဒ္ဓဘာဝင်တို့ လိုက်နာရမည့် အနိမ့်ဆုံးဖြစ်သော ငါးပါးသီလကိုပင် ရစရာမရှိအောင် ဖျက်ဆီးထားပေသည်။ 

ပါဏာတိပါတာ - တိရိစ ္ဆာန်အားလုံး၏ အသက်ကို သတ်ကောင်း၏၊ အဒိန္နာဒါနာ - အဖွဲ့အစည်းပိုင်၊ အများပိုင်၊ အစိုးရပိုင် ပစ္စည်းခိုးကောင်း၏။ ကာမေသု - အမျိုးသမီးကျေနပ်က ကုသိုလ်တောင်ရ၊ မုသာ - လိမ်ပြောကောင်း။ သုရာ - လူမှန်းသူမှန်းမသိ မူးကွဲနေအောင် မသောက်ရင်ပြီးရော အရက်သောက်ကောင်း၏။ ဤအချက်ငါးချက်ဖြင့်ပင် ပိဋကတ်ကိုဖျက်ဆီးသော ပြစ်မှု့ဖြင့် ထောင်ချ၍ ရနိုင်သောအကြောင်း တရားထင်ရှားပေသည်။ ဒါကိုပင် ဝင့်ထန်း နှင့် နိုင်ငံရေးအကျဉ်းသားဟောင်းဖြစ်သော ဆရာတော် ဦးဇဝန တို့ မသိခြင်းကြောင့် သံဃနာယကကို အနိုင်ကျင့်သည်ဟု ဆိုလေသလော၊ ဦးဉာဏကို ထောင်ချခြင်းသည် သံဃမဟာနာယက၏ အပြစ်လည်းမဟုတ် အာဏာပိုင်များ၏ အပြစ်လည်း မဟုတ်ချေ၊ ဗာလော ဒဏ္ဍေန ဒမ္မတေ - လူမိုက်ကို ဒုတ်ကြီးကြီးဖြင့် ဆုံးမအပ်သည် ဟူသော အဆုံးအမနှင့် အညီ တတိယအကြိမ် ထောင်ဒဏ် အပြစ်ပေး၍ ဆုံးမခြင်းသာ ဖြစ်သည်။ ယခုအချိန်ထိ တရားခံအစစ် အကြောင်းတရားအစစ်ကို မသိရှိကြသေး သောကြောင့် ဝင့်ထန်း နှင့် ဦးဇဝနတို့က အနိုင်ကျင့်သည်ဟု အထင်ရောက်ချေသည်။ တိတ္ထိဝါဒနှင့် ဗုဒ္ဓဝါဒ ကွာခြားသည်မှာလည်း ဤသို့ပင်ဖြစ်၏ တိတ္ထိတို့ဝါဒသည် အကြောင်းတရားကို မပယ်၊ မူလအရင်းခံရေသောက်မြစ်ကို မပယ်ဘဲ အကျိုးတရားကိုသာ ပယ်သတ်တတ်ပေ၏။ ထိုကဲ့သို့ တရားခံအစစ် အကြောင်းတရားအစစ်ကို မသိသေးသမျှ ကာလပတ်လုံး........ သုဝါနဝုတ္တိနော ပန တိတ္ထိယာ။ (ဝိသုဒ္ဓိ၊ ၂။ ၁၃၈။ ပဋိသံ၊ ဌ၊ ၁။ ၁၄၇) ခဲဖြင့် ပစ်သူကို အရေးမစိုက် ခဲကိုသာ လိုက်ကိုက်တတ်သော ခွေးမိုက်ကဲ့သို့ ဖြစ်နေပေလိမ့်မည်။ ဥပမာအားဖြင့် အိမ်ဦးခန်း၌ မစင်တက်စွန့်သော ခွေးကို အိမ်ရှင်က ရိုက်ရာတွင်အိမ်ရှင်၏ အပြစ်မဟုတ်။ ရိုင်းပျသော ခွေး၏ အပြစ်သာ ဖြစ်၏။ ပြစ်မူကျူးလွန်သူကို ထိုက်တန်သည့် ဒဏ်ချရာ၌ တရားစီရင်သူ၏ အပြစ်မဟုတ်၊ ဒုစရိုက်ကောင်၏ အပြစ်သာ ဖြစ်၏။ ထိုနည်းတူစွာပင် ဓမ္မကို စော်ကားလာသူကို သုတ်သင်ရာ၌ သုတ်သင်သူ၏ အပြစ်မဟုတ်၊ စော်ကားသူ၏ အပြစ်သာ ဖြစ်၏။ ဗုဒ္ဓကို စွပ်စွဲလာ၍ ဒဏ်ခတ်ရာ၌ ဒဏ်ခတ်သူ၏ အပြစ်မဟုတ်၊ စွပ်စွဲသူ၏ အပြစ်သာ ဖြစ်၏။ ထို့ကြောင့် ဒဏ်ခတ် မခံချင်လျှင် အစကတည်းက ဗုဒ္ဓကို မစွပ်စွဲသင့်ချေ၊ ဓမ္မကို မစော်ကားသင့်ချေ၊ သာသနာကို မဖျက်စီးသင့်ချေ၊ 


အရှင်ဝရသာမိ 
Read more ...

September 7, 2011

တိတ္ထိဂိုဏ်းဆရာ မိုးပြာဦးဉာဏအား ထောင်ချတာ မှန်ကန်သောလုပ်ရပ်တခုသာဖြစ်၏ - ၂ -

သျှင်သာမိ - မုံရွာ | 12:57 AM | Be the first to comment!


သာသနာကို ဖျက်စီးဖို့ကြိုးစားလာလျှင်၊ သာသနာကို စော်ကားဖို့ကြိုးစားလာလျှင် ဘုရားအစ ရှိသောသူတော်ကောင်းများ လက်ပိုက်ကြည့်မနေဘူးဆိုတာ အပိုင်း - ၁ - မှ သာဓကဖြစ်စဉ် များကိုကြည့်ပါက ထင်ထင်ရှားရှားသိမြင်နိုင်ပေသည်။ အခြားသောသာဓကများကိုလည်း ဤအပိုင်းတွင် ထပ်မံ၍ တင်ပါဦးမည်။ 

သာသနာတော်၌ အဓမ္မဝါဒီမိစ္ဆာတစ်ယောက် ပေါ်ပေါက်လာလျှင် ဘုရားအစရှိသော သူတော်ကောင်းများ အဘယ်သို့ စိတ်နှလုံးတုန်လှုပ်ခြောက်ခြားအောင် ထိတ်လန့်တုန်လှုပ်စွာ ခံစားကြရသည်ကို ရှေးဦးစွာ သိထားဖို့ လိုအပ်ပေသည်။ မြတ်စွာဘုရားရှင်တို့သည် ဓမ္မဥပဒေကို ချိုးဖောက်သူ၊ ဓမ္မကို စော်ကားလာသူများကိုလည်း ခေါင်းမဖော်ဝံ့အောင် နှိပ်ကွပ်တော်မူမြဲပင်ဖြစ်၏။ 

မြတ်စွာဘုရားရှင်လက်ထက်က တံငါသည်သား သာတိ မည်သော ရဟန်းတစ်ပါး ရှိခဲ့ဘူးသည်။ ထိုရဟန်းကား ဗဟုသုတနည်းပါးသည့်အလျှောက် သဿတဒိဌိ ရှိသူဖြစ်၏။ ထိုရဟန်း ယူဆပုံက “ခန္ဓာငါးပါးအနက် ရုပ်၊ ဝေဒနာ၊ သညာ၊ သင်္ခ ါရတို့သည် ဖြစ်လေရာ ဘဝမှာပင် ချုပ်ပျောက်ခဲ့လေသည်၊ ဝိညာဉ်သည်ကား ဤဘဝမှ ထိုဘဝသို့လည်းကောင်း၊ ထိုဘဝမှ ဤဘဝသို့ လည်းကောင်း ကျင်လည်ကျက်စားကူးသွား၏ ” ဟူ၍ ဖြစ်၏။ 

ဝိညာဉ်သည် မြဲ၏ဟူသော သဿတဒိဌိအယူပင် ဖြစ်၏။ အမှားတွေကို အမှန်လုပ်ပြီး လိုက်လံဟောပြော ပြသနေ၏။ မတရားတွေကို တရားလုပ်ပြီး လိုက်လံဟောပြောပြသနေ၏။ ဘုရားဟော မဟုတ်ပါဘဲ ဘုရားဟောဟု ဟောပြောပြသနေ၏။ ထိုသာတိရဟန်းအား ရဟန်းကောင်းတို့က ဝိုင်းဝန်းကဲ့ရဲ့ကြပြီး မြတ်စွာဘုရားထံ အပ်နှံကြပေသည်။ ထိုအခါ မြတ်စွာဘုရားက သာတိရဟန်းအား မောဃပုရိသဘွဲ့တံဆိပ်များကို ပလူပျံအောင် ချီးမြင့်ပြီး ခေါင်းမဖော်ဝံ့အောင် နှိပ်ကွပ်တော်မူပုံကို အောက်ပါအတိုင်း သိရှိနိုင်ပေသည်။

 “မဂ်ဖိုလ်မှ အချည်းနှီးဖြစ်သောယောကျာၤး(အလကားကောင်)- အဘယ်မည်သောသူအား ငါ ဤသို့ဟောအပ်သည်ကို သင် သိသနည်း၊ မောဃပုရိသ - (အလကားကောင်) ငါသည် “ဝိညာဉ်သည် အကြောင်းကိုစွဲ၍ ဖြစ်၏။ အကြောင်းကိုကြဉ်၍ ဝိဉာဏ်ဖြစ်ခြင်းမည်သည် မရှိ” ဟု များစွာသောအကြောင်းဖြင့် ဟောကြားသည် မဟုတ်လော။ မောဃပုရိသ - (အလကားကောင်)၊ ထိုသို့ဟောထားပါလျှက် သင်သည် မိမိအမှားကို ယူဆခြင်းဖြင့် ငါတို့ကိုလည်း စွပ်စွဲ၏။ မိမိကိုယ်ကိုလည်း ဖြိုဖျက်၏။ များစွာသော မကောင်းမူ့ကိုလည်း ဖြစ်ပွါးစေ၏၊ မောဃပုရိသ - (အလကားကောင်)၊ ထိုအမှားကို ယူဆခြင်းသည် သင့်အားရှည်ကြာမြင့်စွာသော ကာလပတ်လုံး အစီးအပွါးမဲ့ခြင်း၊ ဆင်းရဲခြင်းငှါ ဖြစ်လတ္တံ့“ ဟု မိန့်တော်မူ၏။ တံငါသည်သား သာတိရဟန်းသည် နှုတ်ဆိတ်၍ မျက်နှာမသာဘဲ လည်ပင်းငိုက်ဆိုက်ဖြစ်ခါ မျက်နှာအောက်ချပြီး မှိုင်တွေလိုက် ထိုင်နေရလေ၏။ ဤကား မြတ်စွာဘုရားကိုယ်တိုင် အဓမ္မဝါဒီ မိစ္ဆာရဟန်းကို ပရိသတ် အလည်၌ ပြင်းပြင်းထန်ထန် ချိုးနှိမ်နှိပ်ကွပ်ပုံဖြစ်၏။ 
(မဟာတဏှာသင်္ခယသုတ်) (မ၊ ၁၊ ၃၂၃။ မြန်မာပြန်-၃၃၂) 

ဤကဲ့သို့ သာသနာတော်၌ မိစ္ဆာကောင် တစ်ယောက် ပေါ်ပေါက်လာလျှင် ကြည်ညိုသူအပေါင်း ဆင်းရဲကြောင်းသာဖြစ်သောကြောင့် မိစ္ဆာကောင်သည် သာသနာတော်၌ မဟာစောရ(ဗုဒ္ဓကို ပုန်ကန်သည့် မဟာသူပုန်ကြီး) ဟု အမည်ပေးရပေသည်။ မြတ်စွာဘုရား၏ သာဝကတို့သည် မြတ်စွာဘုရားနည်းတူ ဓမ္မကိုစော်ကားလာသူများအား ရံဖန်ရံခါ၌ ဓမ္မဘက်မှ ဒဏ်ခတ်သည့် ဖြစ်ရပ်တခုကို ဆက်၍ပြပါဦးမည်။ မြတ်စွာဘုရားလက်ထက်က သာဋိမတ္ထိယ အမည်ရသော မထေရ်တစ်ပါး ရှိခဲ့ဘူးသည်။ ထို မထေရ်သည် ဈာန်အဘိဉာဉ်ရဆဠာဘိည ရဟန္တာတစ်ပါးဖြစ်၏။ ထိုမထေရ်ကို ကြည်ညို ကုန်သော ဒကာ ဒကာမများအနက် ရုပ်ရည်ရူပကာ ချောမောလှပ၍ ရှူ့ချင်စဖွယ်အမျိုးသမီးငယ် တစ်ယောက်သည် မထေရ် အား အမြဲတန်းရိုသေစွာ ဆွမ်းဆက်ကပ် လောင်းလှူသူဖြစ်၏။ ထိုအကြောင်းကို သိရှိသော မာရ်နတ်ကြီးက “ဒီရဟန်း မကောင်းသတင်းထွက်အောင် ငါလုပ်မည်၊ ဒီရဟန်း ထောက်တည်ရာမရအောင် ငါလုပ်မည်” ဟုကြံစည်ကာ သာဋိမတ္ထိယမထေရ် အယောင်ဆောင်၍ ဆွမ်းခံကြွရင်း အမျိုးသမီးလက်ကို ဆွဲကိုင်လိုက်ပါသည်။ ထိုအခြင်းအရာကို သိမြင်သော အိမ်သူအိမ်သားအပေါင်းတို့က ထိုမထေရ်ကို အကြည်ညိုပျက်ခါ မရိုသေ မလေးစားကြတော့ပေ။ မထေရ်ကလည်း အိမ်ရှင်တို့၏ အရိုအသေမဲ့သော အမူအရာကို မြင်၍ ဆင်ခြင်ကြည့်တော်မူသောအခါ မာရ်နတ်၏လက်ချက် ဖြစ်နေသည်ကို တွေ့ရှိလိုက်ပေသည်။ ထိုသို့ သိရှိလိုက်သည်နှင့် တပြိုင်နက် မာရ်နတ်ကို ဒဏ်ခတ်သောအားဖြင့် “မာရ်နတ်၏ လည်ပင်း၌ ခွေးသေပုတ်ကြီး စွပ်စေသတည်း” ဟု အဓိဌာန်လိုက်၏။ ဤပြဿနာကို မာရ်နတ်ကိုယ်တိုင် ပြန်လည်ဖြေရှင်းပေးပြီးမှ ခွေးသေပုတ်ကို ရုပ်သိမ်း လိုက်တော့ပေသည်။ (ထေရ၊ ဌ၊ ၁၊ ၄၆၁ ) 

ဤသာဓက ဖြစ်စဉ်ကိုကြည့်ပါက မြတ်စွာဘုရား၏ သာဝကတို့သည် ဓမ္မဝိနယကို စော်ကားလာပါက လက်ပိုက်ကြည့်မနေဘဲ မာရ်နတ်ကြီးကိုပင် ဒဏ်ခတ်ပြီး နှိမ်နှင်းသည်ကို တွေ့ရှိရမည် ဖြစ်ပေသည်။ ထိုသာဓကများကိုကြည့်၍ တိတ္ထိဂိုဏ်းဆရာမိုးပြာဦးဉာဏ အား သံဃမဟာနာကမှ စိစစ်သုံသပ်၍ အာဏာပိုင်များမှ ထောင်ချလိုက်ခြင်းသည် မှန်ကန်သော လုပ်ရပ်တခု ဖြစ်ကြောင်း ရှေ့တွင် တင်ပြသွားပါမည်။ တဖက်မှ ဆောင်းပါးရှင်ဝင့်ထန်းက မိုးပြာဝါဒ နဲ့ပတ်သက်၍ မြန်မာအင်ဂျင်နီယာဖိုရမ် မှ အင်ဂျင်နီယာများက မိုးပြာဝါဒအကြောင်းကို ဆွေးနွေးထားသည် ဟု တင်ပြထားပါသည်။ ဝင့်ထန်း ၏ တင်ပြပုံမှာ မိုးပြာဦးဉာဏ၏ ဝါဒကို စိတ်ဝင်စား၍ သဘောကျ၍ ဆွေးနွေးထားသလိုမျိုး ထင်အောင် ရေးထားပေသည်။ မှန်ပေ၏ မြန်မာအင်ဂျင်နီယာဖိုရမ် တွင် မိုးပြာဝါဒ အကြောင်းကို အကျယ်တဝင့်ဆွေးနွေးထားတာကို တွေ့ရပါသည်။ ထိုဆွေးနွေးချက်များသည် မိုးပြာဝါဒကိုကြိုက်၍ ဆွေးနွေးထားသော ဆွေးနွေးချက်များမဟုတ်ပေ။ သာသနာကို ဖျက်စီးနေသည့် မိုးပြာဝါဒ ဟု ပို့စ်ပိုင်ရှင် ကိုနိုဗယ်မန်း မှ စတင်၍ ဆွေးနွေးထားသော ဆွေးနွေးချက်တခုဖြစ်ကြောင်း တွေ့ရှိရပေသည်။ ဝိုင်းဝန်းဆွေးနွေးသူ ကိုယ်ဟယ်ရီလွင်၊ အအောင်၊ ကိုတာတေ၊ ကိုကျော် 81 နဲ့ ဓမ္မမိတ်ဆွေ အများစုက မိုးပြာဝါဒကို ရှေ့တွင် ဆိုအပ်ခဲ့သော အနာထပိဏ်သူဌေးကြီးမှ မိစ္ဆာဒိဌိတွေကို နှိပ်ကွပ်သလို နှိပ်ကွပ်ဆုံးမထားသော ဆွေးနွေးချက်များကို တွေ့ရပါသည်။ ထိုအကြောင်းကို သက်ဆိုင်ရာဖိုရမ်သို့ စာဖတ်သူကိုယ်တိုင် သွားရောက်လေ့လာပါက သိရှိနိုင်ပေ၏။ မြန်မာအင်ဂျင်နီယာ ဖိုရမ် တွင်မကသေး မြန်မာကျူးပစ်ဖိုရမ် မှာလည်း ရှိပါသေး သည်။ ထိုဖိုရမ်တွင်လည်း ကိုတေဇဟိန်း နှင့် သာသနပါလအဖွဲ့သား ဓမ္မမိတ်ဆွေ များက သာသနာကို ဖျက်ဆီးနေသည့် ဝါဒတခုအဖြစ် ရှူ့မြင်သုံးသပ်၍ ဆွေးနွေးထားသည်ကို တွေ့ရပါသေးသည်။ တိုးတက်လာသော ဂလိုဘယ်လိုက်ဇေးရှင်းခေတ်မှာ သာသနာကို မီဒီယာ ကဏ္ဍဖြင့် ဘုရားရှင်နှင့်သူတော်ကောင်းတို့၏ အဆုံးမကို နာခံ၍ ကာကွယ်စောင့်ရှောက်နေသည်ကို တွေ့ရမည် ဖြစ်ပေ၏။ 

အရှင်ဝရသာမိ
Read more ...

တိတ္ထိဂိုဏ်းဆရာ မိုးပြာဦးဉာဏအား ထောင်ချတာ မှန်ကန်သောလုပ်ရပ်တခုသာဖြစ်၏ - ၁ -

သျှင်သာမိ - မုံရွာ | 12:46 AM | Be the first to comment!
မိုးပြာဦးဉာဏကို ထောင်ချတာ အနိုင်ကျင့်တာလားဆိုတဲ့ အမေးကို စာရေးသူက ပြတ်ပြတ်သားသား အဖြေပေးချင်လို့ ဒီခေါင်းစဉ်ကိုပေးပြီး ဒီပို့စ်ကို ရေးဖို့ဖြစ်လာပါတယ်။ တဖက်မှဆောင်းပါးရှင် ဝင့်ထန်း ရဲ့ အဆိုပြုချက်ကို ခိုင်လုံသော အထောက်ထားပြဆိုပြီးတော့မိုးပြာဦးဉာဏကို ထောင်ချလိုက်တာဟာ ထေရဝါဒ ဗုဒ္ဓသာသနာအတွက် မှန်ကန်သော လုပ်ရပ်တခုဖြစ်ကြောင်း သက်သေပြဖို့အတွက် အပိုင်းခွဲပြီး တင်ပြသွားပါမယ်၊ 

ဆောင်းပါးရှင် ဝင့်ထန်းက ဗုဒ္ဓဝါဒ ဟာ အစဉ်အလာထုံစံအားဖြင့် အကြမ်းဖက်မှု့ကို ဆန့်ကျင်ပြီး ငြိမ်းချမ်းရေးကို လျှောက်လှမ်းတဲ့ ဘာသာတခုဖြစ်ကြောင်း ဆိုလာပါတယ်။ မှန်ပါတယ် ဒါဟာလုံး၀ မှန်ကန်သော စကားပါပဲ။ ဗုဒ္ဓဝါဒဟာ ဘာသာအယူဝါဒ မတူသူများအပေါ်ကို အနိုင်ကျင့်ပြီး ဗုဒ္ဓအယူဝါဒ ကို လက်ခံလာအောင် ဘယ်တုန်းကမှ မလုပ်ခဲ့ပါဘူး ဒါကို ကမ္ဘာတဝန်းလုံးက ဘာသာတရားကို စိတ်ဝင်စားတဲ့ လူတွေ အားလုံးသိပါတယ်။ မြတ်ဗုဒ္ဓ၏ တရားဂုဏ်တော် (၆) ပါးတို့တွင် ဧဟိပဿိက ဂုဏ်တော်ပါဝင်တယ်။ ဧဟိပဿိက ဆိုတာ အစမ်းသပ် ခံရဲခြင်းပါပဲ။ လာလှည့် ရှူ့လှည့်စမ်းသပ်လှည့် ဟု ဖိတ်ခေါ်ရဲခြင်းပဲ။ ထိုသို့ ဖိတ်ခေါ်ရဲခြင်း မှာလည်း “သွာက္ခာတော ဘဂဝတာ ဓမ္မော” မြတ်ဗုဒ္ဓကိုယ်တော်တိုင် ဟောကြားထား ခြင်းကြောင့်ဖြစ်၏။ ကောင်းခြင်း သုံးဖြာနှင့် ပြည့်စုံသောကြောင့် ဖြစ်၏။ သန္ဒိဌိကော-တကယ်ရှူ့လျင်တကယ်မြင် တကယ်သိ သောကြောင့် ဖြစ်၏။ အကာလိကော- အချိန်မရွေး အကျိုးပေးခြင်း၊ ချက်ခြင်းလက်ငင်းအကျိုးပေးခြင်းကြောင့် ဖြစ်၏။ ဒီအချက်ကြည့်ပါက ထင်ထင်ရှားရှား သိနိုင်ပါတယ် တခြားသောဘာသာဝင်တွေကိုလည်း လာလှည့် ရှူ့လှည့် ဆိုပြီး ရဲရဲတင်းတင်း ဖိတ်ခေါ်ရဲတဲ့ ဘာသာတခုပါ၊ အစမ်းသပ်ခံရဲတဲ့ ဘာသာတခု ဘာသာအယူဝါဒ မတူသူတွေလိုက်ခံတိုက်ခိုက်နေတာမျိုး မရှိသလို၊ အတင်းအကျပ် ဗုဒ္ဓဘာသာထဲဝင်ရန် ဆွဲခေါ်နေတာမျိုးလည်း မရှိခဲ့ပါဘူး၊ သို့သော်လည်း ဗုဒ္ဓအယူဝါဒကို တိုက်ခိုက်လာမယ်ဆိုရင် ဘုရားရှင် ကိုယ်တော်တိုင် လက်ပိုက်ကြည့်မနေခဲ့တဲ့ အစဉ်အလာတော့ ထင်ရှားစွာ ရှိပါတယ်။ သာသနာတော်မှာ အန ္တရာယ်ကျရောက်လာပြီဆိုရင် မြတ်စွာဘုရားတောင်မှ ကောသလမင်းတောင်မှ သိကြားမင်းတောင်မှ အငြိမ်မနေ လက်ပိုက်ပြီးကြည့်မနေခဲ့ဘူးဆိုတာ အစဉ်အလာရှိခဲ့ပါတယ်။ ဇိနတ္ထပကာသနီ ကိုအကျဉ်းချုပ်လောက်မျှ ဖတ်ကြည့်လျှင် စာဖတ်သူ သိပါလိမ့်မယ်။ ပုရာဏကဿကြီး ဦးဆောင်တဲ့ ဒိဌိတွေက မြတ်စွာဘုရားနဲ့ တန်ခိုးပြိုင်မယ် လို့ပြောတဲ့အခါ မြတ်စွာဘုရားက တကယ်တန်ခိုးပြိုင်ခဲ့ပါတယ်။ အဲဒီလို တန်ခိုးပြိုင်တဲ့အခါမှာ တန်ခိုးပြပြီး မိစ ္ဆာဒိဌိတွေကို နှိမ်နှင်းခဲ့ပါတယ်။ ကိုယ့်သာသနာကို စော်ကားလာတဲ့သူကို တန်ခိုးနဲ့ နှိမ်နှင်းတယ်၊ အဲဒီလို တန်ခိုးနဲ့ နှိမ်နှင်းတဲ့အခါမှာ ကောသလမင်းကလည်း အစွမ်းကုန်ကူညီပါတယ်၊ ပရိတ်သတ်တွေ လူတွေ စုပေးတယ်၊ စည်တီးလှည့်လှည်ပြီးတော့ ကြေညာတယ် လာကြဟေ့ တိတ္ထိတွေကို မြတ်စွာဘုရားက တန်ခိုး ပြပြီး နှိမ်နှင်းတော့မယ် ကြည့်ကြ တန်ခိုးပြပွဲကို သာဝတ္ထိပြည် တပြည်လုံး မကြည့်မနေရ ပုံစံမျိုးနဲ့ စည်တီး လှည့်လှည်ပြီးတော့ ကြေညာမောင်းခပ်ပါတယ်။ နောက် သိကြားမင်းကလည်း ဘုရားသာသနာကို ဘာအရည် အချင်းမှ မရှိတဲ့ကောင်တွေက ဘုရားကို အန်တုတယ် သေပေစေ့ဆိုပြီး အဲဒီတိတ္ထိတွေကို ရေရယ် လေရယ် နေရယ် ပေါင်းပြီးတိုက်ခိုက်ပါတယ်။ သာသနာ့အန ္တရာယ်ကျရောက်လာတဲ့အခါ သိကြားမင်းလည်း အငြိမ်မနေပါဘူး။ နောက်တစ်ခါ ကရဏီဆိုတဲ့ ဥပါသိကာမလေးကလည်း ကောင်းကင်ပေါ်တက်ပြီး မြတ်စွာဘုရားကို လျှောက်တယ် မြတ်စွာဘုရားကိုယ်တိုင် မနှိမ်နှင်းပါနဲ့ တပည့်တော် ဒီကောင်တွေကို နှိမ်နှင်းမယ်ဆိုပြီး လျှောက် တယ် - နောက် ခုနှစ်နှစ်သားကိုရင်လေးကလည်း ဒီလိုပဲ အနာထပိဏ်သူဌေး နဲ့ ရှင်မဟာမောဂ္ဂလာန်၊ ဥပ္ပလ ဝဏ်ထေရီ တို့ကလည်း မြတ်စွာဘုရားကို ကိုယ်တိုင်မနှိမ်နှင်းပါနဲ့ တပည့်တော်တို့ကိုယ်တိုင် နှိမ်နှင်းပါမယ်ဆိုပြီး ကျရောက်လာတဲ့ သာသနာ့အန ္တရာယ်ကို အပြိုင်အဆိုင် နှိမ်နှင်းကြပါတယ်။ နောက်ဆုံးတော့ ပုရာဏကဿပ တိတ္ထိဂိုဏ်းဆရာကြီး ဘုရားကိုအန်တုလို့မရလို့ အရှက်ကွဲပြီး ရေထဲငုံ့ပြီး သေသွားရရှာပါတယ်။ ဒါကိုကြည့်မယ် ဆိုရင် ဒီကောင်တွေကို မြတ်စွာဘုရားက တန်ခိုးပြစရာမလိုဘူး အဘိဉာဉ်ရတဲ့ ခုနှစ်နှစ်သားကိုရင်လေးကို ဆုံမခိုင်းရင်ကိုရတယ် ဒါပေမယ့် မြတ်စွာဘုရားက ကိုယ်တိုင်ကို ဆုံးမတယ် နှိပ်ကွပ်တယ်၊ ဒါကိုကြည့်သော အားဖြင့် သူတည်ထောင်ထားတဲ့ သာသနာတော်ကြီးကို ဖျက်လို့ဖျက်ဆီးလုပ်လာရင် ဘုရားရှင်ကိုယ်တော်တိုင် ခန ္တီမနေဘူး လက်ပိုက်ကြည့်မနေဘူး ကြောင့်ကြမဲ့မနေဘူး ဆိုတာကို သိနိုင်ပါတယ်။ မြတ်စွာဘုရားဟာ ဝါသနာ နဲ့တကွ ကိလေသာအားလုံးကို အကုန်ပယ်ထားပါတယ်။ သို့သော်လည်း ပုရာဏကဿပကြီးကို သူ တန်ခိုးပြဋိယာ ပြလိုက်လို့ရှိရင် သေမယ်ဆိုတာကိုလည်း သိထားတာပါပဲ၊ ဒါပေမယ့် ထည့်မတွက်နိုင်ဘူး သေစေလိုတဲ့စိတ်တော့မရှိဘူး၊ သို့သော်လည်း နှိမ်နှင်းမယ်ဆိုတဲ့ စိတ်ကတော့ရှိနေတယ် သာသနာတော်ကို စော်ကားလာရင် ဒီပုံဒီနည်းနဲ့ နှိပ်ကွပ်ကြဆိုပြီး မြတ်စွာဘုရားက နှုတ်တော်က ထုတ်ဖော်မပြောရုံတမယ်ပဲ ရှေ့ကနေလုပ်ပြသွားတဲ့ အစဉ်လာသာဓက ထင်ရှားရှိပါတယ်။ ဒါဟာ လူမင်းဘက်က ကောသလမင်း၊ နတ်မင်းဘက်က သိကြားမင်း၊ ရဟန်းဘက်က ဘုရား သုံးဦးပေါင်းပြီး သာသနာမှာကျရောက်လာတဲ့ အန ္တရာယ်ကို ကာကွယ်နှိမ်နှင်းခဲ့တာပါပဲ၊ မြတ်စွာဘုရားဟာ ကိုယ်တော်တိုင် ရှေ့ကနေ လုပ်ပြသွားခဲ့သလို နှုတ်တော်က ထုတ်ဖော်ပြီး ပြောကြားသွားတဲ့ သုတ္တန်တခု ရှိပါသေးတယ်၊ 

အဲဒီသုတ္တန်က ကိ ံဒိဌိက သုတ်(မင်းဘာအယူရှိ သလဲဆိုတဲ့ အဓိပ္ပါယ်ပါပဲ) အဂုၤတ္ထရနိကယ်၊ ဒဿကနိပါတ်၊ ဥပါလိဝဂ်မှာ ပါရှိပါတယ်။ အခါတစ်ပါးမှာ အနာထပိဏ်သူဌေးက တိတ္ထိတွေရဲ့ကျောင်းကိုသွားပြီးတော့ အယူဝါဒ စစ်ထိုးတယ်၊ တိတ္ထိတွေက သင်ဘာအယူရှိသလဲ လို့မေးတယ် အနာထပိဏ်သူဌေးက ငါ မြတ်စွာဘုရားရဲ့အယူဝါဒအားလုံး ကိုမသိဘူးတဲ့ အဲဒါဆိုရင် ရဟန်းတွေကကော ဘာအယူရှိသလဲတဲ့ ရဟန်းတွေရဲ့အယူ အကုန်လုံးကို ငါမသိဘူး တဲ့ အဲဒါဆိုရင် သင်ကကော တဲ့ အဲဒီမှာ အနာထိပိဏ်သူဌေးက ပြန်ပြောပါတယ် ငါ့အယူကိုသိချင်ရင် မင်းတို့ အယူကိုအရင်ပြောပေါ့ အဲဒီတော့ ဒိဌိတွေက သူတို့အယူဖြစ်တဲ့ သဿတ ဥစ္ဆေဒ တို့ကို အကုန်ပြောပါတယ်။ အနာထိပိဏ်သူဌေးကြီးကလည်း အေးအေးဆေးဆေး ထိုင်နားထောင်လို့လည်းပြီးရော တလုံးချင်းခေါင်းငုံ့ပြီး နေရအောင် အရှက်ရလောက်အောင် မျက်နှာမသာမယာဖြစ်အောင် တခွန်းတလေမှ ပြန်မပြောနိုင်အောင် ခေါင်းမထောင်နိုင်အောင် ပြန်နှိပ်ကွပ်တယ်၊ တိတ္ထိတွေရဲ့အယူ ဘာကြောင့်ဖြစ်ပေါ်လာရသလဲဆိုတာကို ပြော ဆိုပြီး နှိပ်ကွပ်တယ်၊ အဲဒီမှာ တိတ္ထိတွေ အရှုံးကြီးရှုံးပြီး သူဌေးကြီးကိုဘာမှပြန်မပြောနိုင်တော့ သူဌေးကြီးလည်း တိတ္ထိတွေရဲ့ကျောင်းမှ ပြန်၍ မြတ်စွာဘုရားထံကိုသွားပြီးတော့ အကြောင်းစုံကို မြတ်စွာဘုရားအား ဝမ်းသာ အားရလျှောက်ပြပါတယ်။ အဲဒီမှာ မြတ်စွာဘုရားက သာဓု ခေါ်ပါတယ်၊ နောင်မလုပ်ပါနဲ့ကွာ သူတို့ဘာသာသူတို့ အယူမှားတာ နေပါစေ ကမ္မသကာပေါ့ဆိုတဲ့ စကားမျိုးကို ဘုရားမသုံးပါဘူး “သာဓု သာဓု ဂဟပတိ - သူဌေးကြီး ကောင်းတယ် ကောင်းတယ်” “ဧဝံ ဟောတေ မောဃပုရိသာ ကာလေန ကာလံ သဟဓမ္မေန သုနိဂ္ဂဟိတံ နိဂ္ဂဟေတဗ္ဗာ - ဒီလိုပဲ ဒီအလကားကောင်တွေကို၊ နိဂ္ဂဟေတဗ္ဗာ - နှိပ်ကွပ်ရမယ် ဘယ်လို နှိပ်ကွပ်ရမလဲဆိုရင် သုနိဂ္ဂဟိတံ - ကောင်းကောင်းကို နှိပ်ကွပ်ဆုံးမရမယ် တဲ့ ဒါပေမယ့် အသားလွတ်ကြီး လားဆိုတော့ မဟုတ်ပါဘူး - သဟဓမ္မေန - ယုတ္တိယုတ္တန်ပြပြီးတော့ ဆုံးမကွ” ဆိုပြီး ဘုရားက သေချာသင် ပေးခဲ့ပါတယ်။ တစ်ခါတရံပဲလားဆိုတော့ မဟုတ်သေးပါဘူး၊ ကာလေန ကာလံ - ရံဖန် ရံခါ အခါခွင့် သင့်ရင် သင့်သလို အခွင့်အရေးရရင် ရသလို ကြုံရင် ကြုံသလို နှိပ်သာနှိပ်ကွပ်ကွာဆိုပြီး ဆုံးမခဲ့တာပါပဲ၊ အနာထပိဏ် သူဌေးကြီးကိုလည်း ချီးမွမ်းတော်မူပါတယ်။ သူဌေးကြီး ပြန်သွားတဲ့အခါမှာ မြတ်စွာဘုရားက ရဟန်းပရိသတ် ကို မိန့်တယ် “ယောသိတော ဘိက္ခေ၀ ဘိက္ခူ ဣမသ္မိ ံဝဿသရူပ သပနေ ္တာ ဣမသ္မိ ံ ဓမ္မဝိနယေ - ချစ်သား တို့ ငါဘုရားရဲ့သာသနာတော်မှာ အသက်တစ်ရာ ဝါတစ်ရာ့နှစ်ဆယ်ရတဲ့ပုဂ္ဂိုလ် ဖြစ်စေကာမူ၊ သောဟိ ဧ၀ မေဝံ အညတိတ္ထိယေ ပရိဗ္ဗာဇကေ သုနိဂ္ဂဟိတံ နိဂ္ဂဏေယျ - ဝါ တစ်ရာရလို့ အသက်တစ်ရာ့နှစ်ဆယ်ရတဲ့ မထေရ်ကြီးဖြစ်စေ ထိုင်မနေရဘူး သာသနာပဖြစ်တဲ့ တခြားသော တိတ္ထိတွေကို ဒီပုံဒီနည်းနဲ့ ကောင်းကောင်း နှိပ်ကွပ်ဆုံးမရမယ် - ဘယ်လိုလဲဆိုတော့ ယထာတံ အနာထပိဏ္ဍိကေန ဂဟပတိနာ နိဂ္ဂဟိတာ - သူဌေးကြီး ဆုံးမသလိုမျိုး ဆုံးမရမယ်” လို့ မိန့်တော်မူပါတယ်။ ဒါဟာ ဘုရားရှင် သက်တော်ထင်ရှားရှိစဉ်က သာဓက ပါ။ နောက်တခု ရှိပါသေးတယ် ဘုရားရှင် ပရိနိဗ္ဗာန်စံပြီး တတိယသံဃာယနာတင်တဲ့အချိန်က ရှင်မဟာမောဂ္ဂလိပုတ္တတိဿမထေရ် ဟာ အာဏာပိုင်မင်းတစ်ပါးဖြစ်တဲ့ သိရိဓမ္မာသောက မင်းကြီးနဲ့ပေါင်းပြီး သံဃာယနာမတင်ခင်မှာ တိတ္ထိတွေကို နှိမ်နှင်းခဲ့ပါတယ်။ အဲဒီ တတိယသံဃာယနာ ဘာကြောင့်တင်သလဲ ဆိုရင် ဘုရားရှင်၏ သာသနာမှာ သာသနာ့အန္တရာယ်တွေ ကျရောက်နေခဲ့လို့ပါပဲ၊ အဲဒီအချိန်တုန်းက အိန္ဒိယပြည်မှာ ရဟန်းသံဃာပေါင်း ၆ သန်း(သိန်း - ၆၀) ရှိပါတယ်၊ သိလဝန္တရဟန်းတွေပါပဲ၊ အဲဒီ သိန်းခြောက်ဆယ်ရှိတဲ့ ရဟန်းသံဃာတွေထဲမှာ ၆ သောင်းရှိတဲ့ ဒုဿီလရဟန်းတွေ မည်သူမှ ရဟန်းခံသင်္ကန်းဝတ်ပေးခြင်း မရှိဘဲနဲ့ ကိုယ်တိုင်သင်္ကန်းကောက်ဝတ်ပြီး သာသနာတော်ကို ဖျက်ဆီးဖို့ကြိုးစားတော့တာပါပဲ။ အဲဒီအချိန်မှာ ရဟန်းတု ဒုဿီလရဟန်းတွေ နဲ့ ရဟန်းစစ်တွေကိုခွဲခြားဖို့အတွက် အသောကမင်းကြီးကိုယ်တိုင် ရှင်မဟာ မောဂ္ဂလိပုတ္တတိဿမထေရ်ထံမှာ ခုနှစ်ရက်တိုင်တိုင် ဗုဒ္ဓအယူဝါဒတွေကိုသင်ယူပြီး မင်းကြီးကိုယ်တိုင် စစ်ဆေး မေးမြန်းပြီး အဲဒီတိတ္ထိတွေကို လူဝတ်လဲပြီး တိုင်းပြည်ကနှင်ထုတ်ခဲ့ပါတယ်၊ နောက် တတိယသံဃာယနာ တင်ခဲ့တယ် တတိယသံဃာယနာတင်တယ်ဆိုတာက တိတ္ထိတွေရဲ့တရားနဲ့ ဗုဒ္ဓရဲ့ တရားမရောနှောအောင် လုပ်လိုက် တာပါပဲ ကထာဝတ္ထုကျမ်းကို လေ့လာမယ်ဆိုရင် ဒီအကြောင်းတွေကို အကုန်သိနိုင်ပါတယ်။ 

အရှင်ဝရသာမိ 
Read more ...
Twitter Delicious Facebook Digg Stumbleupon Favorites More

Search

သြဝါဒါစရိယဆရာတော်များ

-ေဒါက္တာအရွင္ပညိႆရ(ဓမၼဒူတ)

-အရွင္ဇနိႏၵသာရ(မုံရြာေနဇာ)

Blogroll

-အရွင္အဂၢဥာဏ(ေျမာင္းျမ)
-အရွင္တိကၡိၿႏၵိယာဘိ၀ံသ (မစုိးရိမ္တုိက္သစ္)၊
-အရွင္နာဒရ (ဟုိပင္)၊
-အရွင္ဣႏၵာစကၠာဘိ၀ံသ(မစုိးရိမ္ေက်ာင္းတုိက္)၊
-အရွင္နႏၵာဘိ၀ံသ (မစုိးရိမ္တုိက္သစ္)၊
-အရွင္ပညာသိရီ (ဗဟန္း)၊
-အရွင္ဣႏၵာစရိယာဘိ၀ံသ(မစုိးရိမ္စာသင္သား)
-အရွင္ေကာ၀ိဒ (ေယာ)
အရှင်တိက္ခဉာဏာလင်္ကာရ၏ သီရိလင်္ကာနှင့် ဘာသာရေးအမွေ အခန်းဆက်ဆောင်းပါးကို pdf အနေဖြင့် ဒေါင်းလုပ်ချနိုင်ပြီ ဖြစ်သည်။ click here သီရိလင်္ကာနိုင်ငံတွင် မျိုးဆက်သစ်များကို ဘာသာသွေးများ မွေးမြူ ပျိုးထောင်ပေးနေပုံများကို လေ့လာထားသော ရည်ရွယ်ချက်ကောင်းမွန် အမြော်အမြင်ကြီးသည့် ဆောင်းပါးရှည် ဖြစ်သည်။

Popular Posts

Categories

မစုိးရိမ္စာသင္သား အဓမၼ၀ါဒမုိးျပာ အဓမၼ၀ါဒဓမၼေစတီ အျခားကေလာင္ရွင္မ်ား ဆူနာမီ အဓမ္မဝါဒ မိုးပြာ သုတ အရွင္ေကာ၀ိဒ(ေယာ) ညြန္ၾကားလြာ သီရိလကၤာႏွင့္ဘာသာေရးအေမြ အရွင္တိကၡဥာဏာလကၤာရ မွ်ေ၀ခံစား အသင်းအကြောင်း ခ်စ္ငယ္ဒႆန မိစၦာဒိဌိမ်ား လူေသလူျဖစ္ ဝိနိစၧယေကာက္ႏႈတ္ခ်က္မ်ား ေဆာင္းပါး ေ၀ဖန္ေရး ၀ိနိစၧယ Dhammasadi ဓမၼမိတ္ေဆြ လူေသလူျဖစ္ အဓမၼ၀ါဒကြင္းဆက္ အမွားႏွင့္အမွန္ အရွင္ေကာ၀ိဒ (ေယာ) ဥပသကာ ဦးေကာ၀ိဒ(ျမိတ္) ေတာင္သာေအာင္ ေဒါက္တာတင့္ဦး E-books ခ်မ္းေျမ့ဆရာေတာ္ စ်င္ဘာသာ ဆုံးျဖတ္ခ်က္ ခ်ျပီးသား အဓမၼ၀ါဒမ်ား ညွန်ကြားလွှာ ညႊန္ၾကားလႊာမ်ား ထက္စုႏွင္းဆီ ဒုႆီသုိ႔သာ ဓမၼကဗ်ာ ဓမၼဓူတအရွင္ပညာေဇာတ ဗာဟိရာနိစၥသုတ္ ဗုဒၶသာသနာ ဗုဒၶႏွင့္ဗုဒၶ၀ါဒ ဘာမွမဟုတ္ဘူးလုိ႔မရႈႏွင့္ ဘာသာျပန္အလြဲမ်ား မက်က္တက်က္အႏၲရာယ္ မင္းတုန္းမင္း မစုိးရိမ္ စာသင္သား မဟာ္စည္ဆရာေတာ္ လြဲခ်က္ကယ္မနာရေအာင္ သတင္းစာ သတၱ၀ါတို႔၏ ၃၁- ဘံု သန္႔ရွင္းသာသနာေဆာင္ရြက္စရာ သမၼဳတိရသံဃာ့အဖြဲ႔ သီတဂူဆရာေတာ္ အခ်က္သုံးခ်က္ အခ်ိန္မေႏွာင္းခင္ ျပင္ေစခ်င္ အတိတ္အနာဂါတ္ကုိသိျမင္ျခင္းရဲ႕ စြမ္းရည္ အနာဂတ္ေဘး အရွင္ေဃာသိတ အရွင္ေလာကနာထ အရွင္၀ရသာမိ အလဇၨဓမၼအမိန္႔ေတာ္ျပန္တမ္း အလွတရား အာဏာစက္ဓမၼစက္ အေမး+အေျဖ ဥာဏ္၀င္း(ပင္လယ္ဘူး) ဦးေအးေမာင္ ဥဳံအမွန္တရား ေက်ာက္သေဘာၤ၀ါဒ ေဂ်ဂ်ဴ၀ုိင္ ေနာက္ဆုံးေပၚတရား ေမတၱာရွင္(ေရႊျပည္သာ) ၀ရဇိန္ ၀ိပႆနာအတုလုပ္ေရာင္းခ်သူမ်ား ၀ိဘဇၨ၀ါဒီ
Powered by Blogger.

Categories