March 31, 2010

လွဲချက်ကယ်မနာရအောင်..(ဒေါက်တာတင့်ဦး)

တချို့က စာကို အပြစ်ကင်းစင်အောင် အဓိပ္ပါယ်မကောက်တတ်ဘူး။ အနှစ် (sprit of law) ပါအောင်လည်း မကိုးကားတတ်ဘူး။ ဒါကြောင့် ကျမ်းသိလျက် ကျမ်းညှိခက် လို့ ပြောကြတယ်။

အခု ဦးကောဝိဒ (မြိတ်) ရဲ့ ဟောဒီနေရာက နောက်ဆုံးပေါ်တရားအားထုတ်နည်း အမေးပုစ္ဆာ ဆောင်းပါးမှာ တရား အားထုတ်နည်း အယောင်ဆောင်ထားတဲ့ တရုတ်ကွန်မြူနစ်ရဲ့ brain washဆန်ဆန်၊ auto-suggestion ဆန်ဆန် ကျင့်စဉ်အဆန်းကို ဝေဖန်ပြထားတယ်။ "ဘာမှမဟုတ်ဘူး၊ ဘာမှမဟုတ်ဘူး"လို့ ကိုယ့်ကိုယ်ကိုယ် အတင်းအမိန့်ပေးနေတာဟာ အရှိကို အရှိအတိုင်းသိရမယ်ဆိုတဲ့ ဘူတံဘူတတောပဿတိနဲ့ မညီတာ၊ မဟာသတိပဋ္ဌာနသုတ်တော်နဲ့ မကိုက်ညီတာ စတာတွေကို သူငှာသတ္တ၀ါ မမှားရအောင်၊ သံသယကင်းအောင် ဖြေကြားထားတဲ့ ဆောင်းပါးဖြစ်တယ်။ အဲဒါကို ကာကွယ်တဲ့အနေနဲ့ အဝေဖန်ခံရတဲ့ ဆရာတော်ရဲ့ တပည့်ဆိုသူက ဆရာကာကွယ်ရေး ဆောင်းပါးတစ်ပုဒ် ကို ပို့လိုက်တယ်။ ဆရာလုပ်သူကတော့ မှားတဲ့ကိစ္စကို မှားမှန်း သိကောင်းပါတယ်။ သိလို့လည်းပဲ ပြုပြင်ပါမယ်လို့ သံဃနာယကဆရာတော်များ အချို့ဒါယကာများ သံဃာတော်များထံမှာ ၀န်ခံထားရတာတွေ ရှိတယ်။

အခုကတော့ တပည့်ဆိုသူတွေက ဆရာက မှားတယ် ၀န်ခံထားတဲ့ အသံသွင်းစကားတွေ၊ စာတွေ၊ လက်မှတ်တွေကိုတောင် မသိကျိုးကျွံပြုပြီး မှန်တဲ့အနေနဲ့ တလွဲ ဆံပင်ကောင်းလုပ်နေလေတော့ ဆရာထက် တပည့်လက်စောင်းထက်တယ်လို့ ပြောရမလိုတောင် ဖြစ်နေတယ်။ ဆရာတပည့် စကားတွေဟာလည်း မကိုက်ညီတော့ဘူး။

သူ့စာကတော့ မိုးကုတ်ဆရာတော်ဘုရားကြီးရဲ့ ဘွဲ့နဲ့ တရားတော်များကို ထုတ်နုတ်ပြီး သူ့ဟာနဲ့မကိုက်ကိုက်အောင် ကိုးကားထားတာပါ။ သူ့စာကို ကြည့်ကြရအောင်...

Vipassana Meditation said...
ဆရာတော်ဦးကောဝိ(မြိတ်)သို့..

တစ်ခုခု အဖြစ် ရှိတာ ရှုနေလို့ရှိရင် ခိုင်တာမြဲတာ ရှုနေသာကြောင့် သဿတဒိဋ္ဌိ ဖြစ်တယ်၊(မှန်ပါ) မရှိတာ ရှုမှ သာလျှင် သဿတဒိဋ္ဌိက လွတ်တယ် (မှန်ပါဘုရား)

ဒါဖြင့် စိတ်ရှုရှု၊ ဝေဒနာရှုရှု၊ ရုပ်ရှုရှု၊ အပျက်ကို မြင်စေရမယ်လို့ ပြောတာ (မှန်ပါဘုရား) ဒါဟာဘုရားဟော အထောက်အထား ရှိလို့ပြောတာ (မှန်ပါ)

"သမုဒယ ဓမ္မာနုပဿီဝါ ၀ယဓမ္မာ နုပဿီဝါ စိတ္တသ္မိံ ၀ိဟရတိ" -တဲ့၊ မဟာသတိပဋ္ဌာန် ပါဠိတော်ကြီးမှာ ပါတယ်၊ မြတ်စွာဘုရား ဟောထားတာ (မှန်ပါ)

မဟာသတိပဋ္ဌာန် ပါဠိတော်ကြီးထဲမှာ ဘုရားရှင် ကိုယ်တော်မြတ်ကြီး က အတိအလင်း ဟောထားတာပဲ (မှန်ပါ) "သမုဒယ-၀ယ" မွေးလာပြီး သေသွားတာကို မြင်အောင် ကြည့်ရမယ် ဆိုတာလေ (မှန်ပါ) အဲဒီထိအောင် သွားရမှာ၊ အဲဒီကျတော့မှ ၀ိပဿနာဖြစ်တာ (မှန်ပါ)

ခုတော့ မဟုတ်ဘူး၊ ခင်ဗျားတို့က စာကို ရှေ့ပိုင်းတွင်ပဲဖတ်ပြီး ရှေ့ပိုင်းတွင်ပဲ ပြောနေကြတာ၊ ဒီနောက်ပိုင်း (သမုဒယဓမ္မာ နုပဿီဝါ - ၀ယဓမ္မာ နုပဿီဝါ) ထိအောင် လာရမှာ (မှန်ပါဘုရား )
..............................
မိုးကုတ် ဆရာတော် ဘုရားကြီး ကိုယ်တော်တိုင် ဟောပြောသော တရားတို့မှ ယူ၍ အကျဉ်းချူပ် ကောက်နုတ် ဖော်ပြပါမည်။ [မိုး(၂)နှာ-၄၅၆မှ။]
....................................
အသေးစိတ် သိရှိနိုင်ရန် အောက်ပါလင့်ရှိဆောင်းပါးများအား ဆက်လက်ဖတ်ရှုပါရန်

http://trueanswer.multiply.com/journal




ဘာပဲဖြစ်ဖြစ် ကျေးဇူးတော့ တင်ရမှာပေါ့လေ။

အဲဒီ စာကို ပြန်ဘို့ အတွက်က

၁)ပါဠိတော်ဆိုတာဘာလဲ
၂) ၀ိပဿနာဥာဏ်စဉ်ဆိုတာဘာလဲ
၃)မိုးကုတ်ဆရာတော်ဘုရားက ဘယ်ပရိသတ်ကိုဟောတာလဲ
၎)လေ့လာမှုဆိုတာဘာလဲ
၅)spirit of law and letter of law ဆိုတာဘာလဲ
၆)ကုသိုလ်နဲ့ အကုသိုလ်ရောထွေးခြင်းဆိုတာဘာလဲ

ဆိုတဲ့ အသိတွေကို အရင်ပြောရမယ်။

၁)ပါဠိတော်ဆိုတာ ဘာလဲ
ထေရ၀ါဒအစဉ်မှာပါဠိတော်ဆိုတဲ့ မြတ်ဘုရားရဲ့ နှုတ်ခပါတ်တော်သည် အခိုင်လုံဆုံး၊ အဋ္ဌကထာသည် ဒုတိယ၊ ဋ္ဋီကာသည် တတိယ၊ အာစရိယ၀ါဒသည် စတုတ္ထ ဒီလိုရှိတယ်။ ခုကိစ္စမှာ ဦးကောဝိဒ(မြိတ်)က ပါဠိတော်ဖြစ်သော မဟာသတိပဋ္ဌာနသုတ်ကို ကိုးကားလာတဲ့ အခါမှာ တဘက်လူအနေနဲ့ (မဟာသတိပဋ္ဌာန သုတ် နောက်ပိုင်းကို ကိုးကားတာ မှန်သော်လည်း ) မိုးကုတ်ဆရာတော်ဘုရားရဲ့  အာစရိယ၀ါဒကို ကိုးကားလာတာဟာ ကိုးကားမှုအလွဲဖြစ်နေပါတယ် ။

၂)၀ိပဿနာဥာဏ်စဉ်ဆိုတာဘာလဲ

ဒီနေရာမှာ တင်ပြထားတဲ့  ဘာမှမဟုတ်ဘူးဆိုတဲ့ စူနာမီဆရာတော်ရဲ့ နည်းကို မိုးကုတ်ဆရာတော်ဘုရားရဲ့  အပျက်ထိအောင် သွားရမယ်ဆိုတဲ့ ညွှန်ကြားချက်နဲ့ တန်းညှိလို့ မရပါ ။ ဆရာတော်ဘုရား ညွှန်ကြားနေတဲ့ ယောဂီတွေသည် ဥဒယဗ္ဗယဥာဏ် ရောက်နေသူတွေ ဖြစ်ပျက်မြင်နေသူတွေပါ ။ သူတို့ကို နောက်တဆင့် ဘင်္ဂဥာဏ်တက်ဘို့  ညွှန်ကြားနေတာကို စူနာမီဆရာတော်ရဲ့  ရုပ်နာမ်တောင် ဘာမှန်းမသိသေးသူတွေကို သွားပြောနေတဲ့  ပရမတ်ကြောင်စကားတွေနဲ့  တန်းညှိတာဟာ လွန်လှပါတယ်။ ဒါဟာ သိပ်အရေးကြီးပါတယ်။ ဘာမှမဟုတ်ဘူး ဟောတာကို ရိုးရိုးသားသား သဘောကျနေသူတွေက ဒါကို သတိမထားမိကြဘူး။

အမှန်ကတော့ ၀ိပဿနာဥာဏ် တို့ ရဲ့  သဘောသည် ခုန်ကျော်မရပါ။

(၁)နာမရူပပရိစ္ဆေဒက ပထမ
(၂)ပြီးမှ ပစ္စယပရိဂ္ဂဟ
(၃)သမ္မာသန
(၄)ဥဒယဗယ
(၅)ဘင်္ဂ
...

စသည်စသည်ဖြင့် အဲလို အဆင့်ဆင့်တက်ရပါတယ်။ ဒီနေရာမှာ မိုးကုတ်ဆရာတော်ဘုရားနဲ့  ပတ်သက်တာ နဲနဲလေး ရှင်းပရစေ

၃)မိုးကုတ်ဆရာတော်ဘုရားက ဘယ်ပရိသတ်ကိုဟောတာလဲ ။

ဒီလို ၀ိပဿနာဥာဏ်စဉ်အဆင့်ဆင့်ကို မိုးကုတ်ဆရာတော် မပစ်ခဲ့ပယ်ပါ။

ဖြစ်ပျက်မြင် (သမ္မာသန ၊ ဥဒ္ဒယဗ္ဗယ )
ဖြစ်ပျက်မုန်း ( ဘင်္ဂ၊ ဘယ၊ အာဒိန၀ )
ဖြစ်ပျက်ဆုံး ( မျဉ္စိတုကမျတာ ၊ပဋ္ဋိသင်္ခါ ၊ သင်္ခါရုပက္ခာ၊ အနုလောမ ၊ဂေါတြဘူ၊ မဂ် ) ဆိုပြီး အတိုချုံးပေးတာသာ ဖြစ်ပါတယ်။

ဒီနေရာမှာ မေးစရာ ရှိပါတယ်။ ခုစူနာမီကရော မိုးကုတ်ဆရာတော်ထက် တိုအောင်ချုံးတာ မဖြစ်နိုင်ဘူးလားလို့။ မိုးကုတ် ဆရာတော် ဘုရားသည် အဘိဓမ္မာပါရဂူ။ နှစ်ပေါင်းများစွာ စာသင်စာချလာခဲ့သူ။ ကိုယ်တိုင်လည်း နှစ်ပေါင်းများစွာ အားထုတ်လာခဲ့သူ။ ပရိသတ်ကိုလဲ မေတ္တာကြီးလှသူပါ။ ဒီထက်ချုံးရ ချုံးပေးတာ ကြာပေါ့ဗျာ။ ဒီထက်လျှော့ရ မြွေပုဝိုင်းကြီး ဖြစ်တော့မယ် ဆိုတာလိုဖြစ်နေလို့သာပါ။

နောက်ပြဿနာ တခုက မိုးကုတ်တရားတော်များပေါ် လူတွေ အထင်လွဲတတ်ကြတာပါ။ ဆရာတော်ဘုရားရဲ့  တရားတော်တွေက အပုဒ်ပေါင်း ၁၃၀၂ ပုဒ် တင်ခဲ့ ပါတယ် ။ ခုနေခါ အင်တာနက်မှာ ပြန့် နေတာ အပုဒ် ၈၀၀လောက် ရှိပါတယ် ။ ဒီနေရာမှာ အဲဒီတရားတော်တွေကို အနုအရင့်ခွဲထားတာ မရှိတော့ တပုဒ်တွေ့ တပုဒ်နာတဲ့  သူရှိသလို ခုဆရာလေးလို လိုချင်တဲ့  အပိုဒ်ဆွဲထုတ်လာပြီး ထင်ချင်ရာထင်တဲ့ သူလည်း မနဲပါ ။

အမှန်တော့ ဆရာတော်ဘုရား တရားတော်တွေဟာ အရေးကြီးတဲ့ မူမှာ မှန်ပါတယ် ။ ဒါပေမဲ့  ဟောချိန်မှာ အများပရိဿတ်ဟောတာ။ စခါစယောဂီဟောတာ။ ရင့်ပြီးယောဂီဟောတာ။ စာတတ်ပြီး အလုပ်မလုပ်သေးတဲ့  ပရိဿတ် ဟောတာဆိုပြီး ပရိဿတ် ပေါ်တည်ပြီး အနုအရင့်ကွဲပါတယ်။ ကိုယ်ကလည်း ခွဲထားပါလား၊ ကိုယ်နဲ့တူရဲ့လား ဒါကို သတိထားမယ်။ အဲဒါကို သတိမထားဘဲ တွေ့ ရာကောက်နာပြီး အဖျားစွတ် ထင်ရာပြောသူတွေဟာ ဆရာတော်ဘုရားကို စွပ်စွဲတာပါဘဲ။

၎)လေ့လာမှုဆိုတာ
မည်သည့် ပညာရပ်မဆို (တရားတော်မှမဟုတ်ပါ ) လေ့လာပြီဆို မိမိဖြစ်စေချင်တာကို ဘေးဖယ်ထားရပါတယ် ။ မိမိဖြစ်စေချင် တာကို အသေဆုတ်ထားပြီး အထောက်အထားကို မိမိအယူနဲ့ ကိုက်အောင်ညှိပါက ဖိနပ်နဲ့ တော်အောင် ဖနောင့်လှီးတဲ့ လေ့လာမှုသာဖြစ်ပါလိမ့်မယ် ။

၅)အနှစ်နဲ့အကာ( spirit of law and letter of law)

ရိုးသားတဲ့ သူ ဘယ်သူမဆို တရားတပုဒ်ကို ကိုးကားတော့မယ်ဆိုရင် အစကအဆုံးထိ ဖတ်ပြီး spirit of law ကို မပျက်အောင် တင်ပြရပါတယ်။ ခုလို လိုရာအပိုဒ်ကွက်ယူကာ letter of law ကိုယူတာဟာ မရိုးသားတာသာ ဖြစ်ပါတယ်။
ခုတင်ပြချက်မှာ ဦးကောဝိဒကို စောဒက တင်ချင်ဇောနဲ့  မိုးကုတ်ဆရာတော်ဘုရားရဲ့  တရားတော်ကို ပရိသတ်၊ ဟောရခြင်း အကြောင်း၊ ဟောစဉ်၊ ဆိုလိုရင်း တို့ ကို ဖျက်ပြီး အကြောင်းမဲ့ လာငြင်းတာမို့  မိုးကုတ် ဆရာတော်ဘုရားကိုရော တရားတော် မူလပိုင်ရှင် မြတ်ဘုရားကိုပါ စွပ်စွဲထားခြင်း ဖြစ်ပါတယ် ။

၆)ကုသိုလ်နဲ့ အကုသိုလ်ရောထွေးခြင်း

ဒီစာရိုက်နေတဲ့ အချိန်မှာ စာရေးသူအနေနဲ့  ရတနာ ၃ပါးအထူးသဖြင့် ကျေးဇူးတော်ရှင်များဖြစ်တဲ့ မူရင်းဆောင်းပါးရှင် ဦးကောဝိဒ(မြိတ်) နဲ့  မိုးကုတ်ဆရာတော်ဘုရားတို့ ရဲ့  ကျေးဇူးတော်နဲ့  တရားတော်တို့ ရဲ့ ဂုဏ်ကိုသတိရပြီးရေးတာဖြစ်လို့ ကုသိုလ်မှုဖြစ်သော်လဲ လာငြင်းသူဆရာလေးနဲ့  အပေါင်းပါတွေကို ဒါလောက်တုံးရလား (တုံးချက်ကယ် နာလှချည်းလား) ဆိုတဲ့ စိတ်လေးပါနေတာမို့  အကုသိုလ် စေတနာလေးလည်း ရောလျက်ပါ ။ ကုသိုလ်အဘို့  ဘာဂကိုရသလိုဘဲ အကုသိုလ်ကိုလဲ သံသရာတကွေ့ မှာ ပေးဆပ်ရမှာပါဘဲ။

အလားတူပါဘဲ ဆရာလွဲ အယူလွဲတစု ခမျာမှာလဲ အယူလွဲတာက တပြစ်၊ ဘုရားရှင်ရဲ့ တရားတော်နဲ့ အညီ ဆုံးမအပ်သော သံဃာကို အကြောင်းအကျိုးမမြင်သိဘဲ ကပ်ဖဲ့တိုက် ငြင်းတာက တပြစ်၊ မိုးကုတ် ဆရာတော် ဘုရားကိုရော တရားတော် မူလပိုင်ရှင် မြတ်ဘုရားကိုပါ စွပ်စွဲထားတာက တပြစ်ဖြစ်သော်လဲ ဒီစာလေးကို ဖတ်မိလို့ ဝိပဿနာစခန်းမှာ ဖြစ်စေ ။ မိုးကုတ်တရားတော် များမှာ ဖြစ်စေ မျက်စိလည်နေတဲ့ ယောဂီတယောက် အကျိုးရသွားရင် အဲကုသိုလ်ကို သူတို့လည်း ရမှာပါ ။

အကုသိုလ်မှုဖြစ်သော်လဲ ကုသိုလ်မှုဖြစ်ပါတယ် ။ ဒါကြောင့် အကုသိုလ် ၃ချက်အတွက် မဟာအ၀ီစိက သူတို့လွတ်တဲ့ အခါ သံသရာတကွေ့ မှာတော့ ဒီကုသိုလ်မှုလေးက အကျိုးပေးတန်ကောင်းပါရဲ့။


ဒေါက်တာတင့်ဦး

March 30, 2010

ဘာမှမဟုတ်ဘူးလို့မရှုနှင့်

ဗာဟိရာနိစ္စသုတ်

ရဟန်းတို့ အဆင်းတို့သည် မမြဲကုန်၊ မမြဲသော အဆင်းသည် ဆင်းရဲ၏၊ ဆင်းရဲသော အဆင်းသည်ကိုယ် 'အတ္တ' မဟုတ်၊ ကိုယ် 'အတ္တ' မဟုတ်သော အဆင်းကို ''ဤအဆင်းသည် ငါ့ဥစ္စာမဟုတ်၊ ဤအဆင်းသည် ငါ မဟုတ်၊ ဤအဆင်းသည် ငါ၏ကိုယ် 'အတ္တ' မဟုတ်'' ဟု ဤသို့ ဟုတ်တိုင်းမှန်စွာ မှန်ကန်သော ပညာဖြင့် ရှုရမည်။ အသံတို့သည်။ အနံ့တို့သည်။ အရသာတို့သည်။ အတွေ့အထိတို့သည်။ သဘောတရားတို့သည် မမြဲကုန်။ မမြဲသော သဘောတရားသည် ဆင်းရဲ၏၊ ဆင်းရဲသော သဘောတရားသည် ကိုယ် 'အတ္တ' မဟုတ်၊ ကိုယ် 'အတ္တ' မဟုတ်သော သဘောတရားကို ''ဤသဘော တရားသည် ငါ့ဥစ္စာ မဟုတ်၊ ဤသဘောတရားသည် ငါ မဟုတ်၊ ဤသဘောတရားသည် ငါ၏ ကိုယ်'အတ္တ' မဟုတ်'' ဟု ဤသို့ ဟုတ်တိုင်းမှန်စွာ မှန်ကန်သော ပညာဖြင့် ရှုရမည်။

ရဟန်းတို့ ဤသို့ ရှုသော အကြားအမြင်ရှိသော အရိယာတပည့်သည် အဆင်းတို့၌လည်း ငြီးငွေ့၏၊ အသံတို့၌လည်း ငြီးငွေ့၏၊ အနံ့တို့၌လည်း ငြီးငွေ့၏၊ အရသာတို့၌လည်း ငြီးငွေ့၏၊ အတွေ့အထိတို့၌လည်း ငြီးငွေ့၏၊ သဘောတရားတို့၌လည်း ငြီးငွေ့၏၊ ငြီးငွေ့သော် စွဲမက်မှု ကင်း၏၊ စွဲမက်မှုကင်းသော် ကိလေသာမှ လွတ်မြောက်၏၊ ကိလေသာမှ လွတ်မြောက်သော် ကိလေသာမှ ''လွတ်မြောက်ပြီ'' ဟု အသိဉာဏ် ဖြစ်ပေါ်၏၊ ''ပဋိသန္ဓေနေမှု ကုန်ပြီ၊ မြတ်သော အကျင့်ကို ကျင့်သုံးပြီးပြီ၊ မဂ်ကိစ္စကို ပြုပြီးပြီ၊ ဤမဂ်ကိစ္စအလို့ငှါ တစ်ပါးသော ပြုဖွယ် မရှိတော့ပြီ'' ဟု သိ၏ဟု မိန့်တော်မူ၏။4

၎ - ဗာဟိရာနိစ္စသုတ်၊ အနိစ္စဝဂ်၊ သဠာယတနဝဂ္ဂသံယုတ်ပါဠိတော်။

ဒုက္ခ အနတ္တလည်း အနိစ္စနည်းမှီ၍ သိပါလေ...

အဆင်း အသံ အနံ့ အရသာ အတွေ့အထိတို့သည်ကား မမြဲ၊ မမြဲခြင်းသည် ဆင်းရဲ၏၊
ဆင်းရဲသော ဤတရားတို့သည် ငါ၏ကိုယ် အတ္တမဟုတ်၊
ငါမဟုတ်၊ ငါ့ဥစ္စာမဟုတ်၊ ဤသို့ သင်တို့ မှန်စွာရှုရမည်၊
ဘာမှမဟုတ်ဖူး... ဘာမှမဟုတ်ဖူး... ဟု ရှုရမည် မဟုတ်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

credit to- http://www.lknt.org/

March 20, 2010

ဒုဿီလသို့သာ (မစိုးရိမ်စာသင်သား)




အကြားအမြင်ရတရားရှင်၏၀ိပဿနာဆွေးနွေးခန်းများ (မစိုးရိမ်စာသင်သား)

March 18, 2010

ဗုဒ္ဓသာသနာ

သာသနာဆိုသည်မှာ အဆုံးအမကိုခေါ်သည် ။ မြတ်စွာဘုရား၏ အဆုံးအမအတိုင်း လိုက်နာနေထိုင်

သူတို့ရှိရာ အိမ် ၊ ရပ်ရွာ ၊ မြို့ ၊ နိုင်ငံတို့သည် ဗုဒ္ဓသာသနာထွန်းကားသည်ဟု ဆိုရပေမည် ။ ကျောင်းကန်

ဘုရားများ ခံ့ညား ထည်ဝါစွာ တည်ဆောက်ထားသော်လည်း လူတွေက မြတ်စွာဘုရား၏ အဆုံးအမကို

မလိုက်နာ မကျင့်ကြံပဲ တောင်တောင်အီအီ တွေကို ဗုဒ္ဓတရားအမည်ခံပြီး လုပ်နေကြလျှင် ၊ ရဟန်းသံဃာ

များကလည်း ပရိယတ္တိ ၊ ပဋိပတ္တိကို အား ထုတ်ခြင်း မပြုဘဲ လာဘ်လာဘပေါများရေးနှင့် ပေါ်ပင်လုပ်ငန်း

တွေကိုသာ လုပ်နေကြလျှင် ၊ သာသနာ၏ အနာဂတ်မျိုးဆက်ဖြစ်သော လူငယ်နှင့်ကလေးသူငယ်များ

အား ဗုဒ္ဓအဆုံးအမကို ခြေခြေမြစ်မြစ် သင်ကြားလေ့ကျင့်ပေးခြင်း မရှိလျှင် ၊ ထိုဒေသတွင် ဗုဒ္ဓသာသနာ

ကွယ်လေ တော့သည် ။ ကွယ်ခဲ့တာတွေလည်းများပြီ ။

၁၉၅၁ ခုနှစ်က ထုတ်သော စာအုပ်တစ်အုပ်ထဲတွင် ထိုစဉ် ဗုဒ္ဓဘာသာဝင်တွေသည် ကမ္ဘာ့လူဦးရေ

၏ သုံးပုံတစ်ပုံရှိသည် ဟု တွေ့ရ၏ ။ ယခု ဘယ်လောက် ကျန်တော့သနည်း ။ ယနေ့ကမ္ဘာတွင် ---

ခရစ်ယာန် - သန်း ၂၀၀၀

မွတ်ဆလင် - သန်း ၁၂၀၀

ဟိန္ဒူ - သန်း ၁၀၀၀

ဗုဒ္ဓဘာသာ - သန်း ၃၅၀ ရှိသည်ဟု သိရသည် ။ ဘာသာကြီးလေးရပ်အနက် ဗုဒ္ဓဘာသာသည်

အနည်းဆုံး ဖြစ်သွားလေပြီ ။ ထိုကဲ့သို့ ဖြစ်ရခြင်းမှာ အထက်ဖော်ပြပါအကြောင်းများကြောင့်ပင် ဖြစ်သည် ။

အမှန်တရားသည် တစ်ခါတစ်ရံ ခါးသီးတတ်လေသည် ။ သို့သော် မိမိ၏ ကျန်းမာရေးအတွက်

ဆေးခါးကြီးကို သောက်ရသလိုပင် အမှန်တရားကိုလည်း ရင်ဆိုင်ရဲရပေမည် ။ ဗုဒ္ဓတရားကို နှစ်နှစ်ကာကာ

ယုံကြည်သူတိုင်း ၊ ဗုဒ္ဓသာသနာတော်၏ အဆုံးအမကို လိုက်နာသူတိုင်း ၊ ဗုဒ္ဓယဉ်ကျေးမှုကို မြတ်နိုးတန်ဖိုး

ထားသူတိုင်း လေးလေးနက်နက် စဉ်းစားကြရန် လိုနေလေပြီ ။

ဗုဒ္ဓမြတ်စွာဘုရားသည် မိမိဟောကြားသော တရားအတိုင်း လိုက်နာနေထိုင် ကျင့်ကြံ ခြင်းကိုသာ

လိုလားတော်မူသည် ။ ၀က္ကလိ ရဟန်းကြီးအား ဟောကြားချက် ၊ ပရိနိဗ္ဗာန်စံဝင် တော်မမူမီ အာနန္ဒာအား

မှာကြားချက်တို့က ဤအချက်ကို ထင်ရှားစေသည် ။ မြတ်စွာဘုရားအား ပစ္စည်းဝတ္ထုဖြင့် ပူဇော်ခြင်းနှင့်

(ဘုရားဆုံးမသည့်အတိုင်း လိုက်နာသော ) အကျင့်ဖြင့် ပူဇော်ခြင်း ဟူ၍ ပူဇော်ခြင်း နှစ်မျိုး ရှိသည့်အနက်

မြတ်စွာဘုရားက အကျင့်ဖြင့် ပူဇော်ခြင်းကို ပို၍ လိုလားတော်မူလေသည် ။

အင်ဒိုနီးရှားနိုင်ငံရှိ ဗောရောဗုဓောဘုရားကြီးသည် လည်းကောင်း ၊ အာဖဂန်နစ္စတန် နိုင်ငံ

ဘာမီယန်အရပ်ရှိ ကျောက်တောင်ကို ထွင်းထားသော ဆင်းတုတော်များသည် လည်းကောင်း ၊

အိန္ဒိယနိုင်ငံနှင့်နီပေါနိုင်ငံရှိ မြတ်စွာဘုရား၏ အထိမ်းအမှတ်ဌာနများသည် လည်းကောင်း ကမ္ဘာ့အံ့ဖွယ်များ

ဖြစ်ကြသလို ၊ ဗုဒ္ဓဘာသာဝင်တို့ အထွတ်အမြတ်ထားရာများ ဖြစ်ကြ၏ ။ သို့သော်လည်း ထိုနိုင်ငံရှိ

လူများကား ဗုဒ္ဓဘာသာဝင်တွေ မဟုတ်ကြပြီ ။



ကျမ်းညွှန်း -

ဦးသန်းထွန်း (ရွှေဘို)

နှစ်ဆယ့်တစ်ရာစုနှင့်ဗုဒ္ဓတရားတော်

/

March 14, 2010

မိုးပြာအထူးသတင်း


ပစ္စုပ္ပန်ကမ္မ၀ါဒမိုးပြာဂိုဏ်းချုပ် ဦးဥာဏနှင့် အပေါင်းအပါ (5)ဦးအား ဖေဖော်ဝါရီလ 12 ရက်(ပြည်ထောင်စုနေ့)က မန္တလေးတိုင်း ရန်ကင်း တောင်ခြေရှိ ပစ္စုပ္ပန်ကမ္မ၀ါဒ(မိုးပြာခြံ) အဆောက်အအုံတွင် သက်ဆိုင်ရာမှ ဖမ်းဆီးခဲ့ပြီး နောက် ပုသိမ်ကြီးမြို့နယ်တရားရုံးတွင်ရုံးတင်စစ်ဆေးခဲ့ရာ ယခုလ(မတ်လ) 11 ရက်နေ့တွင် ပုသိမ်ကြီးမြို့နယ်တ ရားရုံးမှပင် သာသနာညှိုးနွမ်းစေမှု ဥပဒေပုဒ်မ ၂၉၅(က)အရ ထောင်ဒဏ်လေးနှစ်ကျခံစေရန် အမိန့်ချမှတ်ခဲ့ ကြောင်းသတင်းရရှိပါသည်။ အခြားအရေးပါသည့် မိုးပြာဂိုဏ်းဝင်များအားလည်း ဆက်လက် စစ်ဆေးမှုများ ပြုလုပ် နေကြောင်းသိရှိရပါသည်။

လင်းအောင်ပြည့်

ဓမ္မဥပဒေ ပြန့်ပွါးရေးအသင်းချုပ်၏ ရည်ရွက်ချက်နှင့် ဝေဖန်သူများသို့ဖြေရှင်းချက်

လောကဥပေဒ၊ ဓမ္မဥပဒေ ဟူ၍ ဥပဒေ နှစ်မျိုးရှိသည်။
လောကဥပဒေ-ဆိုသည်မှာ
လောကသားတို့ လိုက်နာရန်အတွက် သက်ဆိုင်ရာက ချမှတ်ထားသော စည်းကမ်း၊ ဘောင်၊ ကလနား- များ
ဖြစ်၍၊ ဓမ္မဥပဒေ ဆိုသည်မှာ ဘုရားသားတော်တို့ လိုက်နာရမည့် ဗုဒ္ဓကိုယ်တော်တိုင် မိန့်မြွက်တော်မူခဲ့သည့်
စည်းကမ်းနည်းလမ်းများ ဖြစ်သည်။

ထို ဥပဒေ နှစ်မျိုးသည် များသောအားဖြင့် အနုရောဓ- လိုက်လျောညီထွေမှု့ရှိတတ်သော်လည်း
တစ်ခါတစ်ရံ၌မူ ၀ိရောဓိ ဆန့်ကျင်ဘက် သဘောမျိုး သက်ရောက်နေသည်လည်း
ရှိတတ်ပါသည်။
ဥပမာ-
သာသနာတော်၌ အဓမ္မ၀ါဒီ တဦးပေါ်ပေါက်လာခဲ့လျှင် ဓမ္မဥပဒေ က မျက်နှာမပြ၀ံ့အောင်၊
ခေါင်းမဖော်ဝံ့အောင် နာမည်တပ်၍ နှိပ်ကွပ်ခွင့် ရှိပါသည်။
သို့သော်- လောကဥပဒေ အရ အဓမ္မ၀ါဒီကို နာမည်တပ်၍ တိုက်ရိုက်သုံးစွဲခွင့်
တိုက်ရိုက်နှိပ်ကွပ်ခွင့် မရှိပါ။ ထိုအခါမျိုး၌ ဘုရားသားတော်တို့ မျက်စိမိတ်၍ ရွေးချယ်ရတတ်ပါသည်။

ဓမ္မဥပဒေသဘောတရား တရားအရ ဥပမာဖြင့် ထင်စွာ ပြရလျှင်
အဒိန္နာဒါန သိက္ခာပုဒ် အရ ပိုင်ရှင်မပေးသော သူတပါး၏ ဥစ္စာကို ခိုးယူသော
သူသည် ခိုးယူဆဲခဏပင် ခိုးမူ့မြောက်၍ သိက္ခာပုဒ်ပျက်ဆီးက သူခိုးအဖြစ်သို့ ရောက်၏။
ထိုနည်းတူ ရဟန်းတော်တို့ စောင့်ထိန်းအပ်သော ၀ိနည်းသိက္ခာပုဒ်တွင် ဒုတိယပါရာဇိက သိက္ခာပုဒ်အရ
ရဟန်းတစ်ပါးသည် တစ်မတ်ထက် အဖိုးထိုက်တန်သော
ပိုင်ရှင်မပေးသော သူတပါး၏ ဥစ္စာကို ခိုးယူမည်ဟူသော စိတ်အကြံအစည်ဖြင့်
ခိုးမည့် အရာဝတ္ထု ပစ္စည်းကိုကိုင်လိုက်သော အခါ
ထိုပစ္စည်း နေရာမှ လက်တစ်ဆစ်ခန့် ရွေ့သွားလျှင်ပင် ခိုးမူ့မြောက်၍
ဒုတိယပါရာဇိက သိက္ခာပုဒ် အရ ပါရာဇိက ကျကာ ရဟန်းဘ၀ပျက်ဆီး ဆုံးရှုံးရပါ၏။

အထက်ပါ အချက်လက်တို့ကို ကြည့်လျင်
တခြားသူ တစုံတစ်ယောက် ဆုံးဖြတ်ချက်ချပေးမှာသာလျင် ထိုအပြစ်သည် သက်ရောက်သည် မဟုတ်
ကာယရှင် ကိုယ်တိုင်က ခိုးမူ့ကျူးလွန်ဆဲ အခိုက်တန့်မှာပင်
အပြစ်သက်ရောက်သည်မှာ ဓမ္မနည်းလမ်းကြောင်းအရ ကြည့်လျင် ထင်ရှားပါသည်

ထိုနည်းတူစွာပင် ဓမ္မစေတီ ဥိးကောသလ္လ နှင့် အခြားသော အဓမ္မ၀ါဒီများအားနာမည်တပ်၍
အဓမ္မ၀ါဒီ ဟု ဆိုခြင်းသည် သက်ဆိုင်ရာမှ ဆုံးဖြတ်ချက်မချရသေးသော်လည်း
သူတို့ ဟောသော တရားများကို သုံးသတ်၍ အဓမ္မ၀ါဒီ ဖြစ်သည်ဟု ဆုံးဖြတ်ချက် ချရပေမည်။

အခိုင်မာ ဖြစ်စေရန် အင်္ဂုတ္ထိုလ်လာ ဘုရားဟော တရားတော်များဖြင့် ထုတ်ပြရလျှင်

“ယေတေ ဘိက္ခဝေ ဘိက္ခူ အဓမ္မံ ဓမ္မောတိ ဒီပေန္တိ၊ တေ ဘိက္ခဝေ ဘိက္ခူ ဗဟုဇန အဟိတာယ ပဋိပန္နာ
ဗဟုဇန အသုခါယ ဗဟုနော ဇနဿ အနတ္တာယ အဟိတာယ ဒုက္ခာယ ဒေ၀မနုဿာနံ။
ဗဟုဉ္ဖ တေ ဘိက္ခဝေ ဘိက္ခူ အပုညံ အသ၀န္တိ၊ တေစိမံ သဒ္ဓမံ အန္တရ ဒါပေန္တီ တိ။
(အင်္ဂုတ္ထိုလ်၊ ၁၊ ၁၈-၁၉)
ရဟန်းတို့ အကြင်ရဟန်းတို့သည် တရားစစ်တရားမှန် မဟုတ်သော အဓမ္မကို
တရားစစ်တရားမှန်ဖြစ်သော ဓမ္မဟုလည်းကောင်း၊
တရားစစ်တရားမှန် ဖြစ်သော ဓမ္မကို တရားစစ်တရားမှန်မဟုတ်သော အဓမ္မဟုလည်းကောင်း၊
ဝိနည်းစစ် ၀ိနည်းမှန် မဟုတ်သော အ၀ိနယ ကို ၀ိနည်းစစ် ၀ိနည်းမှန်ဖြစ်သော ၀ိနယ ဟုလည်းကောင်း၊
ဝိနည်းစစ် ၀ိနည်းမှန် ဖြစ်သော ၀ိနယ ကို ၀ိနည်းစစ် ၀ိနည်းမှနမဟုတ်သော အ၀ိနယ ဟုလည်းကောင်း၊
မြတ်စွာဘုရား ဟောအပ် ပြောအပ်သည်ကို မြတ်စွာဘုရား မဟောအပ် မပြောအပ်ဟု လည်းကောင်း၊
မြတ်စွာဘုရား မဟောအပ် မပြောအပ်သည်ကို မြတ်စွာဘုရား ဟောအပ် ပြောအပ်ဟု လည်းကောင်း၊
မြတ်စွာဘုရား အလေ့အကျင့် မပြုအပ်သည်ကို မြတ်စွာဘုရား အလေ့အကျင့် ပြုအပ်၏ ဟုလည်းကောင်း၊
မြတ်စွာဘုရား အလေ့အကျင့် ပြုအပ်သည်ကို မြတ်စွာဘုရား အလေ့အကျင့် မပြုအပ် ဟုလည်းကောင်း၊
မြတ်စွာဘုရား မပညတ်အပ်သည်ကို မြတ်စွာဘုရား ပညတ်အပ်၏ ဟုလည်းကောင်း၊
မြတ်စွာဘုရား ပညတ်အပ်သည်ကို မြတ်စွာဘုရား မပညတ်အပ် ဟုလည်းကောင်း ပြုကြကုန်၏
ရဟန်းတို့ ထိုရဟန်းတို့သည် လူအများစီးပွါးချမ်းသာမဲ့ခြင်း၊ အကျိုးမဲ့ခြင်း၊
နတ်လူတို့ အစီးပွါးမဲ့ခြင်း၊ ဆင်ရဲခြင်းငှါကျင့်သည် မည်ကုန်၏။
ရဟန်းတို့ ထိုရဟန်းတို့သည် များစွာသော အကုသိုလ်ကို ဖြစ်ပွါးစေသည်
မည်ကုန်၏ ဟု ဟောတော်မူအပ်ပါသည်။

တရားစစ်တရားမှန် မဟုတ်သော အဓမ္မကို တရားစစ်တရားမှန်ဖြစ်သော ဓမ္မဟုလည်းကောင်း၊
တရားစစ်တရားမှန် ဖြစ်သော ဓမ္မကို တရားစစ်တရားမှန်မဟုတ်သော အဓမ္မဟုလည်းကောင်း၊
မြတ်စွာဘုရား ဟောအပ် ပြောအပ်သည်ကို မြတ်စွာဘုရား မဟောအပ် မပြောအပ်ဟု လည်းကောင်း၊
မြတ်စွာဘုရား မဟောအပ် မပြောအပ်သည်ကို မြတ်စွာဘုရား ဟောအပ် ပြောအပ်ဟူသော အချက်များ အရ
ယခု ဓမ္မစေတီ ဦးကောသလ္လ နှင့် အခြားသော အဓမ္မ၀ါဒီ အဖွဲ့များ
ဟောပြောနေသော တရားများသည် အဓမ္မ ကို ဓမ္မ ဟုပြခြင်းစသည်ဖြင့် လူအများစီးပွါးချမ်းသာမဲ့ခြင်း၊
အကျိုးမဲ့ခြင်း၊ နတ်လူတို့ အစီးပွါးမဲ့ခြင်း၊ ဆင်းရဲခြင်းငှါ ဟောပြောနေ၍ များစွာသော
အကုသိုလ်တို့ကို ဖြစ်ပွါးစေကာသာသာနာတော်ကြီး ကွယ်ပျောက်အောင် ပြုလုပ်နေသည်မှာ ဆိုအပ်ခဲ့ပြီးသော အထောက်ထားများဖြင့်ထင်ရှားနေပါသည်။

နိုင်ငံတော်သီးခြားဝိနည်းဓိုရ်အဖွဲ့က အဓမ္မ၀ါဒ အဖြစ်ဆုံးဖြတ်ပြီးသော
ဆူးလေဦးမြင့်သိန်း ၏ အဓမ္မတရား ဘုရားဟောမဟုတ်သော မဟုတ်မမှန်တရားများကို
ဓမ္မစေတီ ဦးကောသလ္လ က ပြန်လည်ဟောပြောနေခြင်းမှာ
ညွန်ကြားလွာ အမှတ် ၅၀ နှင့် ၉၄ အထောက်များအရ ခိုင်မာသော သက်သေဖြစ်တယ်ဆိုတာလည်း
ထင်ရှားပါသည်။
ထို့ပြင် အဓမ္မ၀ါဒ အဖြစ်ဆုံးဖြတ်ပြီးသော စာအုပ်စာတန်းများကို မိတ္ထူကူး၍
ဖြန့်ချီနေသည်မှာလည်း ကြားသိတွေ့မြင်နေရ၏။

သံဃာ့အဖွဲ့အစည်း အခြေခံစည်းမျဉ်း အတိုင်း ထုတ်ဖော်ပြရအုံးမည် ဆိုလျှင်

စာမျက်နှာ (၂၀) အခန်း (၁)၊ အပိုဒ် (၂)၊ အပိုဒ်ခွဲ (က) ၌
“သာသာနာ ဆိုသည်မှာ ဗုဒ္ဓမြတ်စွာဘုရား၏ အဆုံးမတော်ကို ဆိုသည်” ဟု လည်းကောင်း၊

အပိုဒ်ခွဲ (င) ၌
“ထေရ၀ါဒ ဆိုသည်မှာ ပထမသင်္ဂါယနာမှ ဆဌသင်္ဂါယနာ အထိ သင်္ဂါယနာခြောက်တန် တင်ထားသော
ပါဠိတော်၊ အဌကထာ၊ ဋီကာ အစရှိသော ပိဋကတ်ကို ဆိုလိုသည်” ဟု လည်းကောင်း

အခြေခံစည်းမျဉ်း အခန်း (၂)၊ အပိုဒ် (၁၂)၊ အပိုဒ်ခွဲ (ဂ) ၌
ပရိယတ္တိသာသနာတော်ကို တိုးတက်စည်ပင် ပြန့်ပွါးစေရန်နှင့် ပိဋကတ်တော်နှင့် မညီသော ရေးသေားခြင်း၊ ဟောပြောခြင်း၊ ပြသခြင်း၊ ပြုလုပ်ခြင်းများကို
တားဆီးကာကွယ်ရန် ဖြစ်သည်ဟုလည်းကောင်း ပြဆိုထားပါသည်။
ဤ ပြဆိုချက်များအရ မြတ်စွာဘုရား၏ အဆုံးမသာသနာတော်ဖြစ်သော ပထမသင်္ဂါယနာ မှ ဆဌသင်္ဂါယနာ အထိ သင်္ဂါယနာခြောက်တန် တင်ထားသော
ထေရ၀ါဒ ပါဠိတော်၊ အဌကထာ၊ ဋီကာ အစရှိသော ပိဋကတ်တော်နှင့် မညီသော ရေးသားခြင်း၊ ဟောပြောခြင်း၊ ပြသခြင်း၊ ပြုလုပ်ခြင်းများကို
အရေးယူ တားဆီးကာကွယ်နိုင်သည် ဟု ပါရှိပါသည်။

ထို့ကြောင့် မသိနားမလည်ကုန်သော ဗုဒ္ဓဘာသာဝင်များအား
မဟုတ်မမှန်တရားများကို လိင်လည်လုပ်ကြံ၍ဟောပြောနေသော
ဓမ္မစေတီ ဦးကောသလ္လ
ဆူနာမီ ဦးဥတ္တမသာရ၊
ကျော်ဟိန်း၊
ချစ်ငယ်၊
ဦးအေးမောင်၊
ပါရဂူ စသော
ပုဂ္ဂိုလ်များကို အဓမ္မ၀ါဒ အဖြင့် သက်ဆိုင်ရာမှ ဆုံးဖြတ်ချက် မချသေးသော်လည်း အဓမ္မ၀ါ ဖြစ်သည် ဟု
ဓမ္မဥပဒေ ပြန့်ပွါးရေး အသင်းချုပ်မှ အခိုင်အမာ ဆိုခဲ့ပေသည်။

ဆက်၍ ဆိုဦးအံ့.........
သာသနာတော်၌ အဓမ္မ၀ါဒ အ၀ိနယ၀ါဒီများ ပေါ်ပေါက်လာခဲ့ပြီ ဆိုလျှင်
အနုနည်းနှင့် ဖြေရှင်းရသည်လည်းရှိသည်၊ အကြမ်းနည်းဖြင့် ဖြေရှင်းရသည်လည်း ရှိသည်၊
တစ်ပါးတည်း ဖြေရှင်းရသည်လည်း ရှိသည်၊ အုပ်စုဖွဲ့၍ အင်းအားသုံးပြီး ဖြေရှင်းရသည်လည်း ရှိသည်။
ဤ ဓမ္မဥပဒေ ပြန့်ပွါးရေး အသင်းချုပ် သည် သာသနာတော်၌ ပေါ်ပေါက်လာသော
အဓမ္မ၀ါဒ အ၀ိနယ၀ါဒီများကို ဖြေရှင်းနိုင်ရန်အတွက် ဖွဲ့စည်း တည်ထောင်ခဲ့ခြင်း ဖြစ်ပေ၏။

အခါတစ်ပါး၌ မြတ်စွာဘုရားသည် သံဃာ့ပရိသတ်နှင့် တကွ ဥပုသ်ပြုရန် ဥပုသ်အိမ်ထဲ၌
သီတင်းသုံးတော်မူလျက်ရှိပါသည်။
ထိုအခါ သံဃာ့ပရိသတ်ထဲတွင် ဒုဿီလ-သီလမဲ့ ရဟန်းတပါးပါဝင်နေ၍ မြတ်စွာဘုရားက
ဥပုသ်ပြုတော်မမူဘဲ ထိုင်လျက်သာ သီတင်းသုံးတော်မူပါသည်။
ဤသို့ ညဉ့်သုံးယာမ်ပတ်လုံး ကုန်ဆုံးသွားသည့် အခါ အရှင်မောဂ္ဂလာန်က အဘိညာဉ် တန်ခိုးဖြင့်
ကြည့်တော်မူသော အခါ ဒုဿီလရဟန်းတပါးကို တွေ့မြင်၍ သုံးကြိမ်တိုင် အပြင်ထွက်ဖို့
တောင်းပန်ရှာပါသည်။ သုံးကြိမ်တောင်းပန်လျက် မရသော အခါ အရှင်မောဂ္ဂလာန်သည်
ဒုဿီလပုဂ္ဂိုလ်ကို လက်မောင်ကိုကိုင်၍ အပြင်သို့ ဆွဲထုတ်ခဲ့ပေသည်။
(ဥပေါသထသုတ်၊ အံ၊ ၃၊ ၄၄/၅)

ဤ၀တ္ထုကို ထောက်လျှင် သာသနာတော်၏ ခလုတ်ဆူးညောင့်များ အင်အားမကောင်းပါက
တစ်ပါးတည်းဖြင့် သုတ်သင် ရှင်းလင်းသည့် အစဉ်လာရှိခဲ့သည်ကို တွေ့မြင်ရပေမည်။

သို့တည်းမဟုတ် သာသနာ့ရန်ဆူးရန်ငြောင့်ကို အုပ်စုဖွဲ့၍ မိုက်တွင်းနက်နေပါလျှင်
အင်အားသုံး၍ ချေမှုန်းရန် ဘဘုရားရှင်ကိုယ်တော်တိုင် ခွင့်ပြုခဲ့သည်ကို တွေ့ရှိရပေသည်။

အခါတစ်ပါး၌ ကီဋာဂီရိဂိုဏ်းသာ ရဟန်းများသည် ကုလဒူသကအနေသန မျိုးစုံဖြင့်
သာသနာကို ဖျက်စီးလျက်ရှိရာ မြတ်စွာဘုရားက အရှင်သာရိပုတြာနှင့် အရှင်မောဂ္ဂလာန် တို့ကိုခေါ်၍

“ချစ်သားတို့၊ ကီဋာဂီရိဇနပုဒ်ကို သွားကြ၊

သာသနာ့ရန်ဆူးရန်ငြောင့်တို့ကိုမောင်းထုတ်ကြ”
ဟု

စေခိုင်းတော် မူပါသည်။
ထိုအခါ အရှင်သာရိပုတြာက “စဏ္ဍာ တေ ဘိက္ခူ ဖရုသာ- မြတ်စွာဘုရား၊ အဲဒီရဟန်းတွေဟာ
ခက်ထန်ကြမ်းကြုတ်လှပါတယ်ဘုရား၊ ဘယ်လိုပုံမျိုးဖြင့် နှင်ထုတ်ရပါမလဲ ဘုရား” ဟု
လျှောက်တော်မူပါသည်။

ထိုအခါ မြတ်စွာဘုရားက

“တေန ဟိ တုမှေ သာရိပုတြာ ဗဟုကေဟိ ဘိက္ခူဟိ သဒ္ဓိံ ဂစ္ဆထ-

ဒါဆိုရင် ရဟန်းများစွာ ခေါ်သွား အင်အားသုံးပြီး နှင်ထုတ်ကြ” ဟု

နည်းပေးခွင့်ပြုတော်မူခဲ့ပါသည်။
အဂ္ဂသာဝက နှစ်ပါးလည်း ရဟန်းများစွာ ခေါ်သွားကာ သာသနာ့ရန်ဆူးရန်ငြောင့်တို့ကို
အပြီးတိုင် ခုတ်ထွင်ရှင်းလင်း သုတ်သင်တော်မူခဲ့ပေသည်။

ဤ၀တ္ထုကို သာဓက ပြုလျှင် အဓမ္မ၀ါဒီတို့ အားကောင်းပါက အင်အားသုံး၍ ချေမှုန်းသည့် အစဉ်လာသည်
မြတ်စွာဘုရားလက်ထက်ကတည်းက ရှိခဲ့သည်ဆိုတာကို သဘောပေါက်ရပေမည်။

ဆက်၍ ဆိုဦအံ့
မြတ်စွာဘုရား၏ သာသနာတော်မည်သည်ကား ခိုင်ခံ့သော ဥပဒေဖြင့် တည်ဆောက်ထားသည့်
ဓမ္မ၀ိနယ နိုင်ငံတော်ဖြစ်သည်။ သို့ဖြစ်၍ ခရီးသွားဟန်လွဲသဘောမျိုးဖြင့် သွားရင်းလာရင်း
သင့်ရောက်လေ့ရှိသော အပြစ်များဆိုလျှင် တစ်ပါးနှင့်တပါး အပြန်အလှန် တောင်းပန်ခြင်းဖြင့်
ကုစားရသည်။ ထို့ထက်ကြီးမားသော ပြစ်မှု့ကို ကျူးလွန်မိလျှင် သံဃာတော်များ ခွင့်လွတ်နိုင်
သည်အထိ ပရိဝါသ်ဆောက်တည်ပြီး ကုစားရသည်။
အကြီးမားဆုံး ဥပဒေကို မျက်ကွယ်ပြုလာလျှင်မူကား လူဝတ်လဲတန် လဲ၍လည်းကောင်း၊
လူချွတ်တန် ချွတ်၍လည်းကောင်း အပြစ်ပေး နှိပ်ကွပ်ရပေသည်။

ဤကား ၀ိနည်းဥပဒေကို ချိုးဖောက်လာပါက

နှိပ်ကွပ်ပုံ နှိပ်ကွပ်နည်းကို ပြဆိုခြင်း ဖြစ်ပါ၏။


ဓမ္မဥပဒေကို ချိုးဖောက်လာပါက ရောက်ရာအရပ်၊ ကြားရာအရပ်မှ မရပ်မနားပဲ
အပြေးသွား၍ ဆုံးမရသည်။
ဆုံးမမရက နှိပ်ကွပ်ရသည်။ အရှက်ရအောင် မျက်နှာမဖော်နိုင်အောင်
ခေါင်းမထောင်နိုင်အောင် ၀ိုင်းဝန်းနှိမ်နှင်းရသည်။
နောင်အခါ ဤကဲ့သို့ အဓမ္မ၀ါဒီများ မပေါ်ပေါက်ရအောင် ချက်ခြင်းလက်ငင်း
ဦးချိုးနှိပ်ကွပ်ရသည်။

မြတ်စွာဘုရားသည် ဥပဒေဖြင့် တည်ဆောက်ထားသော ဓမ္မနိုင်ငံတော်၌ ဓမ္မဥပဒေ ကို
ချိုးဖောက်သူကို တွေ့ရှိလာလျှင် ကိုယ်တော်တိုင်နှိပ်ကွပ်ရုံသာမက သူ၏ သာဝကများ
ကိုလည်း နှိပ်ကွပ်စေခဲ့သည်။ ယုတ်စွအဆုံး အနာထပိဏ်သူဌေးကြီးက တိတ္ထိဂိုဏ်းဆရာ
ကြီးများနှင့် တရားဆွေးနွေးရင်း တိတ္ထိဂိုဏ်းဆရာကြီးများ မဖြေနိုင်အောင် ပြဿနာများ
မေး၍ နှိပ်ကွပ်သည်ကိုပင် ၀မ်းမြောက်ဝမ်းသာ သာဓုခေါ်တော်မူခဲ့ပေသည်။

ထို့ကြောင့် အသင်းနှင့် ပတ်သက်၍ ဝေဖန်သူများသို့ ပြောကြားလိုပါသည်။
လောကဥပဒေကိုသာ နားလည်ပြီး ဓမ္မဥပဒေကို နားမလည်ဘဲ ဆရာကြီးလေသံမျိုးဖြင့်
အရှက်မရှိ စီဘောက်မှာ လာရောက်ပြောဆိုမနေပါနဲ့ ဝေဖန်နိုင်စွမ်းရှိလျှင် ပို့စ်ရဲ့ အောက်မှာ
နာမည်တပ်၍ တရားဝင်ဆွေးနွေးနိုင်သည်။
တခုတော့ သိထားရပေမည် လောက ဘက်မှ ရပ်တည်၍ ဓမ္မကို မျက်ကွယ်ပြုသူများ
မဖြစ်ဖို့ အရေးကြိးပေသည်။
လောက ဘက်မှ ရပ်တည်၍ ဓမ္မကို မျက်ကွယ်ပြုသူများဆိုသည်မှာ အရှက်မရှိသူ၊ သိက္ခာမဲ့သူ၊
အတ္တဆန်သူ၊ ဓမ္မကို တန်ဖိုးမထားသူ၊ တစ်ဘ၀ တစ်နပ်စာကိုသာ မက်မောသူ၊ မျိုးမစစ်သူ၊
အများမျက်နှာသာကြည့်၍ ဘုရားမျက်နှာ မကြည့်သူများကို ဆိုလိုပါသည်။

ကျမ်းကိုး ကျမ်းကားနှင့် အထောက်ထားပြကာ လက်ခံနိုင်အောင်
ဆွေးနွေးမယ်ဆိုရင် အချိန်မရွေး ဖိတ်ခေါ်သည်။
ဤ ဓမ္မဥပဒေ ပြန်ပွါးရေး အသင်းချုပ် သည် မြတ်ဗုဒ္ဓ သာဓုခေါ်မည့် အလုပ်မျိုးကို
လုပ်နေမည့် ဘုရားရှင်၏ တပည့်သား သံဃာများ နှင့် ဥပသကာ များဖြစ်၏။
မြတ်စွာဘုရားသက်တော်ထင်ရှား ရှိစဉ်က ဓမ္မစေတီ ဦးကောသလ္လ ဆူနာမီ စသည်တို့ကဲ့
အဓမ္မ၀ါဒီမျိုးများ ပေါပေါက်ခဲ့ဘူးပေသည်။
ထိုကဲ့သို့ အဓမ္မ၀ါဒီမျိုးပေါ်ပေါက်လာလျှင် မြတ်စွာဘုရားကိုယ်တော်တိုင် ခေါင်းမဖော်နိုင်အောင်
မျက်နှာမပြ၀ံ့လောက်အောင်၊ အရှက်ရအောင် နှိပ်ကွပ်တော်မူခဲ့ပေသည်။
ကေ၀ဋ္ဋ၏သား သာတိရဟန်းကို ဤနည်းဖြင့် နှိပ်ကွပ်ပြလိုက်ခြင်းမှာ
“ချစ်သားတို့၊ အနာဂတ် သာသနာ၌ ဒီလို မိစ္ဆာကောင်တွေ

ပေါ်ပေါက်လာလျှင်


ဒီလို ပြောင်ပြောင်တင်းတင်း နှိမ်နှင်းကြ” ဟု
လမ်းဖွင့်ပေးခဲ့ခြင်းပင် ဖြစ်၏။

မိစ္ဆာဝါဒီ နောက်လိုက် လက်ပါးစေတပည့်များသို့ အတိအလင်း ကျေညာလိုက်မည်
ပြောင်ပြောင်တင်းတင်း နာမည်တပ်၍ အရေးမခံချင်လျှင်
မြတ်စွာဘုရား သာသနာကို ပြောင်ပြောင်တင်းတင်း မစော်ကားကြနဲ့.......................


အရှင်ဝရသာမိ
ဓမ္မဥပဒေ ပြန့်ပွါးရေး အသင်းချုပ်

March 11, 2010

အိန္ဒိယပြည်မှာ ဗုဒ္ဓဘာသာ ဘာကြောင့်ကွယ်ခဲ့သလဲ


အိန္ဒိယပြည်မှာဗုဒ္ဓဘာသာဘာကြောင့်ကွယ်သွားရတာလဲ
ဆိုတာ ဘုန်းကြီးတို့ လေ့လာလို့
ရသလောက် ပြောရရင် အခြေခံအကြောင်း ၃-ခုကို တွေ့ရပါတယ်။

၁။ ဇာတ်ဝါဒ အလွန်ပြင်းထန်ခြင်း၊ (လူတန်းစား ခွဲခြားမှု့)

၂။ အတ္တ၀ါဒ အလွန်ပြင်းထန်ခြင်း၊ (အစွဲကြီးမှု့)

၃။ သဒ္ဓါတရားနည်းပါးခြင်းတို့ကြောင့် အိန္ဒိယပြည်မှာ ဗုဒ္ဓသာသနာ ကွယ်ခဲ့ရပါတယ်။

အပြည်အစုံအကျယ်ကို သိရှိလိုလျှင်
အနှစ်ကိုးပါးတရားတော် (သီတဂူဆရာတော်) -စာအုပ်ကို ၀ယ်ယူ၍ ဖတ်ရှူကြလေကုန်......


နောက်တခု သာသနာကွယ်ခြင်းရဲ့ အကြောင်းက ဘာလဲဆိုရင် လူတွေရဲ့ နှလုံးသားထဲမှာ
သဒ္ဓါတရား ခေါင်းပါးလာမှု့ပါပဲ။
ဘာသာခြားတွေက သဒ္ဓါတရား ခေါင်းပါးတော့ လုပ်ချင်ရာ လုပ်တော့တာပဲ။ အရာရာမှာ
ကိုယ့်ဘာသာ ရှေ့တန်းက နေရာရဖို့၊ အသာစီးရဖို့၊ ခေါင်းတစ်လုံးသာဖို့ ဆိုတဲ့ မကောင်းတဲ့
စိတ်တွေ ဖြစ်လာတယ်။ သူများဘာသာက ကိုယ့်ဘာသာထက် သာသွားမှာကို မလိုလားဘူး။

ဗုဒ္ဓဘာသာ အရှိန်အ၀ါ ကောင်းမှာကို မလိုလားဘူး။ ဒီတော့ မနာလိုစိတ်တွေ ပြင်းထန်လာတယ်။
ဒါကြောင့် ဘာသာခြားများက ဗုဒ္ဓသာသနိက အဆောင်အဦ တွေကို ဖျက်ဆီးတယ်။

သမိုင်းမှတ်တမ်းများ ဖတ်ရှူ့လိုလျှင်
http://dhammaanalysis.multiply.com/market/item/8


သတိမူရင် မြူကို မြင်တယ်

နာလန္ဒာ ဗုဒ္ဓတက္ကသိုလ် ကြီးဆိုရင် တချိန်တုံးက သိပ်အောင်မြင်ခဲ့တာပဲ။ ဒီလိုအောင်မြင်တာကို
မလိုလားတဲ့ ဘာသာခြားတွေက တက္ကသိုလ်ကြီးကို မီးရှိူ့ပြီး ဖျက်ဆီးတယ်။
သံဃာတွေကို ညှင်းပန်း နှိပ်စက်တယ်။
သတိမူရင် မြူကို မြင်တယ်။ သတိမမူရင်တော့ ဂူကိုတောင် မြင်မှာ မဟုတ်ဘူး ဒီလို မမြင်ခဲ့ကြလို့
မြန်မာနိုင်ငံ နယ်စပ်ဒေသတွေမှာ ဘာသာခြားအဆောက်အဦးတွေ မင်းမူနေတာကို
တွေ့ရတယ်။

ပြီးတော့ ရှိသေးတယ်။ ဗောဓိပင်ကြီးနဲ့ မဟာဗောဓိစေတီတော်ကြီးကို `မဟန့်´ ဆိုတဲ့
ဟိန္ဒူဘုန်းကြီးက အင်မတန်ကြီးမားတဲ့ အဆောက်အဦတွေကို မကြည့်နိုင်တဲ့ အတွက်ကြောင့်
`ဒါတွေပျောက်အောင် ငါလုပ်လေမှပဲ´ ဆိုပြီး လုပ်လိုက်တာ ပျောက်လုမတတ် ဖြစ်သွားတယ်။

ဗောဓိပင်သမိုင်းမှတ်တမ်း ဖတ်ရှူ့လိုလျှင်
http://dhammaanalysis.multiply.com/journal/item/8


မင်းတုန်းမင်းကြီးရဲ့ ဇရပ်ကို ဖျက်ပြီးတော့ သူ့ကျောင်းဆောက်ထားတာကို ကြည့်ပါ။
ဗောဓိစေတီကြီးထဲမှာ သူတို့ရဲ့ ရုပ်ပုံတွေကို သွင်းထားတာကိုလည်း ကြည့်ပါဦး။
ဘယ်လောက်ထိ ရက်စက်သလဲဆိုတာ ထင်ရှားလှပါတယ်။

အဲဒါ အချိန်မီ ထိန်းသိမ်းထားနိုင်လို့သာ။ မထိန်းသိမ်းနိုင်ရင် ဒီနေရာ ဗုဒ္ဓစေတီ လို့ မပြောဘဲနဲ့
ဟိန္ဒူတို့ရဲ့ ဘုရားကျောင်းကြီး ဖြစ်မှာ။ ဘာသာခြားတို့ရဲ့ ဖျက်ဆီးခြင်းဟာလည်း သာသနာ
ကွယ်ခြင်းရဲ့ အကြောင်းတခုပါပဲ။ အဲဒါ သဒ္ဓါတရား ခေါင်းပါးလာလို့ပါပဲ။

မြေမျိုလို့ လူမျိုးမပျောက်၊ လူမျိုမှ လူမျိုးပျောက်မည်

ဒါကြောင့် သာသနာကို ချစ်မြတ်နိုးကြတဲ့ သူများဟာ ကိုယ့်ဘာသာကို နှောင့်ယှက်တဲ့သူများကို
ခုခံကာကွယ်ဖို့ လိုပါတယ်။ အလျှော့ပေးလို့ မဖြစ်ဘူး။
အလျှော့ပေးရင် ကန်းတက်ပြီး ပိုပြီးတော့ စော်ကားလာလိမ့်မယ်။
ရခိုင်ပြည်နယ်က ဘင်္ဂလားနယ်စပ်ဒေသမှာ ဆိုရင် ဘာသာခြား အဆောက်အဦးတွေကို
မြောက်မြားစွာ တွေ့ရတယ်။ မြန်မာလူမျိုးဆိုတာ အတော်ကို ရှာကြည့်ရတယ်။

မြန်မာနိုင်ငံဖြစ်ပြီးတော့ မြန်မာလူမျိုးပျောက်နေတာဟာ နိုင်ငံနှင့်သာသနာအတွက်
အန္တရာယ် သိပ်များတယ်။
မြေမျိုလို့ လူမျိုးမပျောက်၊ လူမျိုမှ လူမျိုးပျောက်မည်´ တဲ့ သတိ ၀ိရိယ ရှိဖို့ လိုပါတယ်။

ကိုယ့်အမျိုး ဘာသာ သာသနာကို ကာကွယ်ပိုင်ခွင့် ရှိတယ်။ အခြားသော ဘာသာများကို
သတိထားရမယ်။ ` သူတို့ ဘာလုပ်နေကြသလဲ´ ဆိုတာကို မျက်ခြေမပြတ် ကြည့်ဖို့
လိုပါတယ်။
`ညောင်သီးလည်း စား၊ လေးသံလည်း နားထောင်ပါ´

အနှစ်ကိုးပါးတရားတော် (သီတဂူ ဆရာတော်)

March 9, 2010

မိစ္ဆာဒိဋ္ဌိ-နှင့် ဆက်စပ်သော


အင်္ဂုတ္တရနိကာယ်မှ မိစ္ဆာဒိဋ္ဌိနှင့် ဆက်စပ်သော ဟောကြားချက်များကို ထုတ်နှုတ်ပြဆို လိုက်ပါသည်။ ဖတ်ရှုဆင်ခြင်၍ မိစ္ဆာဒိဋ္ဌိတောအုပ်မှ ထွက်မြောက်နိုင်ကြပါစေ။
ဧကကနိပါတ်မှ--
၁၃၀။ ရဟန်းတို့ အကြင် ရဟန်းတို့သည် အဓမ္မကို `ဓမ္မ´ ဟု ပြကုန်၏၊ ရဟန်းတို့ ထိုရဟန်းတို့သည် လူအများ၏ အစီးအပွါးမဲ့ခြင်းငှါ လူအများ၏ ချမ်းသာမဲ့ခြင်းငှါ လူအများ၏ အကျိုးမဲ့ခြင်းငှါ နတ်လူတို့၏ အစီးအပွါးမဲ့ခြင်းငှါ ဆင်းရဲခြင်းငှါ ကျင့်သည် မည်ကုန်၏။ ရဟန်းတို့ ထိုရဟန်းတို့သည် များစွာသော အကုသိုလ်ကိုလည်း ဖြစ်ပွါးစေသည် မည်ကုန်၏၊ ထို ရဟန်းတို့သည် ဤသာသနာတော်ကိုလည်း ကွယ်ပျောက်စေသည် မည်ကုန်၏ဟု (မိန့်တော်မူ၏)။

၂၉၈။ ရဟန်းတို့ ဤမှားသော မြင်ခြင်း `မိစ္ဆာဒိဋ္ဌိ´ တရားသည် မဖြစ်ပေါ်သေးသော အကုသိုလ်တရားတို့၏လည်း ဖြစ်ပေါ်ကြောင်း ဖြစ်ပေါ်ပြီးသော အကုသိုလ်တရားတို့၏လည်း အဖန်ဖန် ပြန့်ပြောစွာဖြစ်ကြောင်း ဖြစ်သကဲ့သို့၊ ဤအတူ မဖြစ်ပေါ်သေးသော အကုသိုလ် တရားတို့၏လည်း ဖြစ်ပေါ်ကြောင်း ဖြစ်ပေါ်ပြီးသော အကုသိုလ်တရားတို့၏လည်း အဖန်ဖန် ပြန့်ပြောစွာ ဖြစ်ကြောင်းဖြစ်သော အခြားတစ်ခုသော တရားကိုမျှလည်း ငါမမြင်။ ရဟန်းတို့ မှားသော မြင်ခြင်း `မိစ္ဆာဒိဋ္ဌိ´ အယူရှိသော သူအား မဖြစ်ပေါ် သေးသော အကုသိုလ် တရားတို့သည်လည်း ဖြစ်ပေါ်ကုန်၏၊ ဖြစ်ပေါ်ပြီးသော အကုသိုလ်တရားတို့ သည်လည်း အဖန်ဖန် ပြန့်ပြောစွာ ဖြစ်ခြင်းငှါ ဖြစ်ကုန်၏ဟု (မိန့်တော်မူ၏)။

၃၀၀။ ရဟန်းတို့ ဤမှားသောမြင်ခြင်း `မိစ္ဆာဒိဋ္ဌိ´တရားသည် မဖြစ်ပေါ်သေးသော ကုသိုလ်တရားတို့၏လည်း မဖြစ်ပေါ်ကြောင်း ဖြစ်ပေါ်ပြီးသော ကုသိုလ်တရားတို့၏လည်း ဆုတ်ယုတ်ကြောင်းဖြစ်သကဲ့သို့၊ ဤအတူ မဖြစ်ပေါ်သေးသော ကုသိုလ်တရားတို့၏လည်း မဖြစ်ပေါ်ကြောင်း ဖြစ်ပေါ်ပြီးသော ကုသိုလ်တရားတို့၏လည်း ဆုတ်ယုတ်ကြောင်းဖြစ်သော အခြားတစ်ခုသော တရားကိုမျှလည်း ငါမမြင်။ ရဟန်းတို့ မှားသော မြင်ခြင်း `မိစ္ဆာဒိဋ္ဌိ´ အယူရှိသော သူအား မဖြစ်ပေါ်သေးသော ကုသိုလ်တရား တို့သည်လည်း မဖြစ်ပေါ်ကုန်၊ ဖြစ်ပေါ်ပြီးသော ကုသိုလ်တရားတို့သည်လည်း ဆုတ်ယုတ်ကုန်၏ဟု (မိန့်တော်မူ၏)။ (၃)

၃၀၂။ ရဟန်းတို့ ဤမသင့်လျော်သော အကြောင်းအားဖြင့် နှလုံးသွင်းခြင်း `အယောနိသော မနသိကာရ´ တရားသည် မဖြစ်ပေါ်သေးသော မိစ္ဆာဒိဋ္ဌိတရား၏လည်း ဖြစ်ပေါ်ကြောင်း ဖြစ်ပေါ်ပြီးသော မိစ္ဆာဒိဋ္ဌိတရား၏လည်း တိုးပွါးကြောင်း ဖြစ်သကဲ့သို့၊ ဤအတူ မဖြစ်ပေါ်သေးသော မိစ္ဆာဒိဋ္ဌိတရား၏လည်း ဖြစ်ပေါ်ကြောင်း ဖြစ်ပေါ်ပြီးသော မိစ္ဆာဒိဋ္ဌိတရား၏လည်း တိုးပွါးကြောင်းဖြစ်သော အခြားတစ်ခုသော တရားကိုမျှလည်း ငါမမြင်။ ရဟန်းတို့ မသင့်လျော်သော အကြောင်းအားဖြင့် နှလုံးသွင်းသော သူအား မဖြစ်ပေါ်သေးသော မိစ္ဆာဒိဋ္ဌိတရားသည်လည်း ဖြစ်ပေါ်၏၊ ဖြစ်ပေါ်ပြီးသော မိစ္ဆာဒိဋ္ဌိတရားသည်လည်း တိုးပွါး၏ဟု (မိန့်တော်မူ၏)။ (၅)

၃၀၄။ ရဟန်းတို့ ဤမှားသောမြင်ခြင်း `မိစ္ဆာဒိဋ္ဌိ´တရားသည် သတ္တ၀ါတို့ ကိုယ်ခန္ဓာ ပျက်စီး၍ သေပြီးသည်မှ နောက်၌ ချမ်းသာကင်းသော မကောင်းသော လားရာ ပျက်စီး၍ ကျရောက်ရာ ငရဲသို့ ရောက်ကြောင်း ဖြစ်သကဲ့သို့၊ ဤအတူ သတ္တ၀ါတို့ ငရဲသို့ ရောက်ကြောင်း ဖြစ်သော အခြားတစ်ခုသော တရားကိုမျှလည်း ငါ မမြင်။ ရဟန်းတို့ မှားသော မြင်ခြင်း `မိစ္ဆာဒိဋ္ဌိ´ အယူရှိကုန်သော သတ္တ၀ါတို့သည် ကိုယ်ခန္ဓာပျက်စီး၍ သေပြီးသည်မှ နောက်၌ ချမ်းသာကင်းသော မကောင်းသောလားရာ ပျက်စီး၍ ကျရောက်ရာ ငရဲသို့ ရောက်ရကုန်၏ဟု (မိန့်တော်မူ၏)။ (၇)

၃၀၆။ ရဟန်းတို့ မှားသော မြင်ခြင်း `မိစ္ဆာဒိဋ္ဌိ´ အယူရှိသော ပုဂ္ဂိုလ်အား အယူအားလျော်စွာ အပြည့်အစုံ ဆောက်တည်အပ်သော ကိုယ်ဖြင့်ပြုအပ်သော အကြင် ကာယကံသည်လည်းကောင်း၊ နှုတ်ဖြင့် ပြောဆိုအပ်သော အကြင်ဝစီကံသည် လည်းကောင်း ။ပ။ အယူအားလျော်စွာ အပြည့်အစုံဆောက်တည်အပ်သော စိတ်ဖြင့် ကြံစည်အပ်သော အကြင် မနောကံသည် လည်းကောင်း၊ အကြင်စေ့ဆော်ခြင်း `စေတနာ´သည် လည်းကောင်း၊ အကြင် တောင့်တခြင်း `ပတ္ထနာ´သည် လည်းကောင်း၊ အကြင် စိတ်ကို ဆောက်တည်ခြင်း `ပဏိဓိ´သည် လည်းကောင်း အကြင် ပြုပြင်ခြင်း `သင်္ခါရ´ တို့သည်လည်းကောင်း ရှိကုန်၏၊ အလုံးစုံသော ထိုတရား တို့သည် မလိုလားခြင်းငှါ မနှစ်သက်ခြင်းငှါ နှလုံးကို မပွါးစေခြင်းငှါ အစီးအပွါးမဲ့ခြင်းငှါ ဆင်းရဲခြင်းငှါ ဖြစ်ကုန်၏။ ထိုသို့ဖြစ်ခြင်းသည် အဘယ့်ကြောင့်နည်းဟူမူ- ရဟန်းတို့ ထိုသူ၏ မိစ္ဆာဒိဋ္ဌိအယူသည် ယုတ်ညံ့သည်သာ ဖြစ်သောကြောင့်တည်း။ ရဟန်းတို့ ဥပမာ သော်ကား စိုစွတ်သော မြေ၌ စိုက်ပျိုးအပ်သော တမာမျိုးစေ့သည်လည်းကောင်း၊ သပွတ်ခါးမျိုးစေ့သည် လည်းကောင်း၊ ဘူးခါးမျိုးစေ့သည် လည်းကောင်း အကြင် မြေသြဇာကိုလည်း ယူ၏၊ အကြင်ရေသြဇာကိုလည်း ယူ၏၊ ထို အလုံးစုံသော မြေသြဇာ ရေသြဇာသည် ခါးခြင်း သက်ခြင်း မချိုခြင်းငှါ ဖြစ်၏။ ထိုသို့ဖြစ်ခြင်းသည် အဘယ့်ကြောင့်နည်း ဟူမူ- ရဟန်းတို့ မျိုးစေ့သည် ယုတ်ညံ့သည်သာဖြစ်သောကြောင့်တည်း။ (၉)

၃၀၈။ ရဟန်းတို့ တစ်ယောက်သော ပုဂ္ဂိုလ်သည် လောက၌ ဖြစ်ပေါ်လာသော် လူအများ၏ အစီးအပွါးမဲ့ခြင်းငှါ လူအများ၏ ချမ်းသာမဲ့ခြင်းငှါ လူအများ၏ အကျိုးမဲ့ခြင်းငှါ နတ်လူတို့၏ အစီးအပွါးမဲ့ခြင်းငှါ ဆင်းရဲခြင်းငှါ ဖြစ်ပေါ်လာ၏။ ထို တစ်ယောက်သော ပုဂ္ဂိုလ်ဟူသည် အဘယ်နည်းဟူမူ-- ဖောက်ပြန်သောအားဖြင့် မြင်တတ်သော မိစ္ဆာဒိဋ္ဌိ အယူရှိသော ပုဂ္ဂိုလ်တည်း၊ ထို ပုဂ္ဂိုလ်သည် လူအများကို သူတော်ကောင်းတရားမှ ကင်းကွာစေ၍ မသူတော်တရား၌ တည်စေ၏။ ရဟန်းတို့ မိစ္ဆာဒိဋ္ဌိအယူရှိသော ဤပုဂ္ဂိုလ် တစ်ယောက် လောက၌ ဖြစ်ပေါ်လာသော် လူအများ၏ အစီးအပွါးမဲ့ခြင်းငှါ လူအများ၏ ချမ်းသာမဲ့ခြင်းငှါ လူအများ၏ အကျိုးမဲ့ခြင်းငှါ နတ်လူတို့၏ အစီးအပွါးမဲ့ခြင်းငှါ ဆင်းရဲခြင်းငှါ ဖြစ်၏ဟု (မိန့်တော်မူ၏)။ (၁)

၃၁၀။ ရဟန်းတို့ ဤမှားသောမြင်ခြင်း `မိစ္ဆာဒိဋ္ဌိ´သည် ကြီးလေးသော အပြစ်ရှိသကဲ့သို့၊ ဤအတူ ကြီးလေးသော အပြစ်ရှိသော အခြားတစ်ခုသော တရားကိုမျှလည်း ငါမမြင်။ ရဟန်းတို့ ကြီးလေးသော အပြစ်ရှိသော အကုသိုလ်ကံတို့သည် မိစ္ဆာဒိဋ္ဌိသာလျှင် လွန်ကဲခြင်းရှိကုန်၏ဟု (မိန့်တော်မူ၏)။ (၃)

ဒုကနိပါတ်မှ--
၂၈။ ရဟန်းတို့ မကောင်းသော မြင်ခြင်း `မိစ္ဆာဒိဋ္ဌိအယူ´ ရှိသောသူအား ငရဲဘုံ `နိရယဂတိ´၎င်း၊ တိရစ္ဆာန်မျိုး `တိရစ္ဆာနဂတိ´၎င်း ဤလားရာ `ဂတိ´ နှစ်မျိုးတို့တွင် တမျိုးမျိုးသော လားရာ `ဂတိ´ ကို မချွတ်ရလိမ့်မည် ဟု မြှော်လင့်အပ်၏ ဟု (မိန့်တော်မူ၏)။ (၇)
၆၄။ ရဟန်းတို့ အကြင် အဓိကရုဏ်း၌ နှစ်ဦးနှစ်ဖက်တို့တွင် အပြန်အလှန် ဆဲရေးပုတ်ခတ်ခြင်း `၀စီသံသာရ´သည် လည်းကောင်း၊ မိစ္ဆာဒိဋ္ဌိကို မှီ၍ ဖြစ်သော အနိုင်အထက် ပြုလိုခြင်း `ဒိဋ္ဌိပဠာသ´သည်လည်းကောင်း၊ စိတ်ထိခိုက်ခြင်း `စေတောအာဃာတ´သည် လည်းကောင်း၊ မကျေနပ်ခြင်း `အပ္ပစ္စယ´သည် လည်းကောင်း၊ မနှစ်မြို့ခြင်း `အနဘိရဒ္ဓိ´သည် လည်းကောင်း မိမိ၏စိတ် (မိမိပရိသတ်၏စိတ်) ၌ မငြိမ်းအေး မပြေပျောက်သည် ဖြစ်အံ့၊ ရဟန်းတို့ ထိုအဓိကရုဏ်း၌ ရှည်မြင့်စွာ တည်ခြင်းငှါ နှုတ်ဖြင့် ကြမ်းတမ်းစွာ ပြောဆိုခြင်းငှါ တုတ်လက်နက် စသည်ဖြင့် ရိုင်းပြစွာ ပြုမူခြင်းငှါ ဖြစ်လတ္တံ့၊ ရဟန်းတို့သည်လည်း ချမ်းသာစွာ မနေရကုန် လတ္တံ့ ဟူသော အပြစ်ကို (မချွတ်ရလိမ့်မည်) ဟု မျှော်လင့်အပ်၏။
ရဟန်းတို့ အကြင် အဓိကရုဏ်း၌ကား နှစ်ဦးနှစ်ဖက်တို့တွင် အပြန်အလှန် ဆဲရေးပုတ်ခတ်ခြင်း `၀စီသံသာရ´သည် လည်းကောင်း၊ မိစ္ဆာဒိဋ္ဌိကို မှီ၍ ဖြစ်သော အနိုင်အထက် ပြုလိုခြင်း `ဒိဋ္ဌိပဠာသ´ သည်လည်းကောင်း၊ စိတ်ထိခိုက်ခြင်း `စေတောအာဃာတ´သည် လည်းကောင်း၊ မကျေနပ်ခြင်း `အပ္ပစ္စယ´သည် လည်းကောင်း၊ မနှစ်မြို့ခြင်း `အနဘိရဒ္ဓိ´သည် လည်းကောင်း မိမိ၏စိတ် (မိမိပရိသတ်၏စိတ်) ၌ ငြိမ်းအေး ပြေပျောက်သည် ဖြစ်အံ့။ ရဟန်းတို့ ထိုအဓိကရုဏ်း၌ ရှည်မြင့်စွာ တည်ခြင်းငှါ နှုတ်ဖြင့် ကြမ်းတမ်းစွာ ပြောဆိုခြင်းငှါ တုတ်လက်နက်စသည်ဖြင့် ရိုင်းပြစွာ ပြုမူခြင်းငှါ မဖြစ်လတ္တံ့၊ ရဟန်းတို့သည်လည်း ချမ်းသာစွာ နေရကုန်လတ္တံ့ ဟူသော ဤအကျိုးကို (မချွတ် ရလိမ့်မည်) ဟု မျှော်လင့်အပ်၏ ဟု (မိန့်တော်မူ၏)။ (၁၂)

၁၂၆။ ရဟန်းတို့ မိစ္ဆာဒိဋ္ဌိ ဖြစ်ပေါ်ရန် အကြောင်းတို့သည် ဤနှစ်မျိုးတို့တည်း။ အဘယ်နှစ်မျိုးတို့နည်း ဟူမူ- တစ်ပါးသူထံမှ မသူတော် တရားသံကို ကြားနာရခြင်း လည်းကောင်း၊ မသင့်လျော်သော အကြောင်းအားဖြင့် နှလုံးသွင်းခြင်း လည်းကောင်း တို့တည်း။ ရဟန်းတို့ မိစ္ဆာဒိဋ္ဌိ ဖြစ်ပေါ်ရန် အကြောင်းတို့သည် ဤနှစ်မျိုး တို့ပေတည်း ဟု (မိန့်တော်မူ၏)။ (၈)

ပဉ္စကနိပါတ်မှ--
၈ - မိစ္ဆာဒိဋ္ဌိကသုတ်
၁၁၈။ ရဟန်းတို့ တရားငါးမျိုးတို့နှင့် ပြည့်စုံသော ရဟန်းမိန်းမသည် ဆောင်ယူ၍ ချထားအပ်သကဲ့သို့ ထို့အတူ ငရဲ၌ ဖြစ်ရ၏။
အဘယ် ငါးမျိုး တို့နည်း ဟူမူ -
(ဉာဏ်ဖြင့်) မစိစစ် မသက်ဝင်မူ၍ မချီးမွမ်းထိုက်သူ၏ ဂုဏ်ကျေးဇူးကို ချီးမွမ်းပြောဆို၏။
(ဉာဏ်ဖြင့်) မစိစစ် မသက်ဝင်မူ၍ ချီးမွမ်းထိုက်သူ၏ ကျေးဇူးမဲ့ကို ကဲ့ရဲ့ပြောဆို၏။
မှားယွင်းသော အယူလည်း ရှိ၏။
မှားယွင်းသော အကြံအစည်လည်း ရှိ၏။
သဒ္ဓါတရားဖြင့် လှူအပ်သော ပစ္စည်းကို ဖျက်ဆီး၏။
ရဟန်းတို့ ဤတရားငါးမျိုးတို့နှင့် ပြည့်စုံသော ရဟန်းမိန်းမသည် ဆောင်ယူ၍ ချထားအပ်သကဲ့သို့ ထို့အတူ ငရဲ၌ ဖြစ်ရ၏။

ဆက္ကနိပါတ်မှ--
၆ - အဿာဒသုတ်
၁၁၂။ ရဟန်းတို့ တရားတို့သည် ဤသုံးမျိုးတို့တည်း။
အဘယ် သုံးမျိုးတို့နည်းဟူမူ သာယာအပ်သည်၏ အစွမ်းဖြင့် ဖြစ်သော `အဿာဒ´ ဒိဋ္ဌိ။
အတ္တဘောသို့ အစဉ်လိုက်၍ ဖြစ်သော `သက္ကာယ´ ဒိဋ္ဌိ။
မှားသောအားဖြင့် မြင်မှုဟု ဆိုအပ်သော (ခြောက်ဆယ့်နှစ်ပါးသော) မိစ္ဆာဒိဋ္ဌိတို့တည်း။
ရဟန်းတို့ တရားတို့သည် ဤသုံးမျိုးတို့တည်း။
ရဟန်းတို့ ဤသုံးမျိုးသော တရားတို့ကို ပယ်ရန် တရားသုံးမျိုးတို့ကို ပွါးများ အပ်ကုန်၏။
အဘယ်သုံးမျိုးတို့နည်းဟူမူ-
`အဿာဒ´ ဒိဋ္ဌိကို ပယ်ရန် အနိစ္စသညာကို ပွါးများအပ်၏။
သက္ကာယဒိဋ္ဌိကို ပယ်ရန် အနတ္တသညာကို ပွါးများအပ်၏။
မိစ္ဆာဒိဋ္ဌိကို ပယ်ရန် သမ္မာဒိဋ္ဌိကို ပွါးများအပ်၏။
ရဟန်းတို့ ဤသုံးမျိုးသော တရားတို့ကို ပယ်ရန် ဤတရားသုံးမျိုးတို့ကို ပွါးများ အပ်ကုန်၏ ဟု (မိန့်တော်မူ၏)။

သတ္တကနိပါတ်မှ--
၁ - အဗျာကတသုတ်
၅၄။ ထိုအခါ ရဟန်းတစ်ပါးသည် မြတ်စွာဘုရားထံသို့ ချဉ်းကပ်ပြီးလျှင် မြတ်စွာဘုရားကို ရိုသေစွာရှိခိုး၍ တစ်ခုသော နေရာ၌ ထိုင်လျက် မြတ်စွာဘုရားအား ဤစကားကို လျှောက်၏-
`အသျှင်ဘုရား အကြားအမြင်ရှိသော အရိယာတပည့်အား မဖြေဆိုအပ်သည့် အရာ `အဗျာကတ၀တ္ထု´ တို့၌ မဝေခွဲနိုင်မှု `၀ိစိကိစ္ဆာ´ မဖြစ်ခြင်း၏ အကြောင်းကား အဘယ်ပါနည်း၊ အထောက်အပံ့ကား အဘယ်ပါနည်း´ ဟု (လျှောက်၏)။
ရဟန်း အကြားအမြင် ရှိသော အရိယာတပည့်အား မိစ္ဆာဒိဋ္ဌိ ချုပ်ငြိမ်းခြင်းကြောင့် အဗျာကတ၀တ္ထုတို့၌ မဝေခွဲနိုင်မှု `၀ိစိကိစ္ဆာ´ မဖြစ်၊ ရဟန်း `သတ္တ၀ါသည် သေပြီးသည်မှ နောက်၌ ဖြစ်၏´ ဟူသော ဤအယူသည် မှားသော `မိစ္ဆာ´ အယူပင်တည်း။ ရဟန်း `သတ္တ၀ါ သည် သေပြီးသည်မှ နောက်၌ မဖြစ်´ဟူသော ဤအယူသည် မှားသော `မိစ္ဆာ´ အယူပင်တည်း၊ ရဟန်း `သတ္တ၀ါသည် သေပြီးသည်မှ နောက်၌ ဖြစ်သည်လည်း ဟုတ်၏၊ မဖြစ်သည်လည်း ဟုတ်၏´ ဟူသော ဤအယူသည် မှားသော `မိစ္ဆာ´အယူပင်တည်း။ ရဟန်း `သတ္တ၀ါသည် သေပြီးသည်မှ နောက်၌ ဖြစ်သည်လည်း မဟုတ်၊ မဖြစ်သည်လည်း မဟုတ်´ ဟူသော ဤအယူသည် မှားသော `မိစ္ဆာ´ အယူပင်တည်း။
ရဟန်း အကြားအမြင် မရှိသော ပုထုဇဉ်သည် မိစ္ဆာဒိဋ္ဌိကို မသိ၊ မိစ္ဆာဒိဋ္ဌိ ဖြစ်ကြောင်းကို မသိ၊ မိစ္ဆာဒိဋ္ဌိ ချုပ်ငြိမ်းမှုကို မသိ၊ မိစ္ဆာဒိဋ္ဌိ ချုပ်ငြိမ်းရာသို့ ရောက်ကြောင်း အကျင့်ကို မသိ။ ထိုပုထုဇဉ် ပုဂ္ဂိုလ်အား ထိုမှားသော `မိစ္ဆာ´ အယူသည် တိုးပွါး၏၊ ထိုမိစ္ဆာဒိဋ္ဌိ တိုးပွါးသော ပုထုဇဉ်ပုဂ္ဂိုလ်သည် ပဋိသန္ဓေနေခြင်း အိုခြင်း သေခြင်း ပူဆွေးခြင်း ငိုကြွေးခြင်း ဆင်းရဲခြင်း နှလုံးမသာယာခြင်း ပြင်းစွာပင်ပန်းခြင်းတို့မှ မလွတ်၊ ဆင်းရဲအပေါင်းမှ မလွတ်ဟူ၍ ငါဆို၏။ (ပ)========

ဒသကနိပါတ်မှ--
၁၇၄။ ရဟန်းတို့ မှားယွင်းသော အယူ `မိစ္ဆာဒိဋ္ဌိ´ ကိုလည်း လောဘ အကြောင်းခံ၊ ဒေါသ အကြောင်းခံ၊ မောဟ အကြောင်းခံ ရှိ၏ဟု သုံးမျိုး ငါဟော၏။

March 5, 2010

ဝမ်းသာမိပါသည် ဆူနာမီ... ပို့စ် ပြန်တင်ခြင်း...( ဒဿန ခရီးစဉ်)

ဝမ်းသာမိပါသည် ဆူနာမီ... ပို့စ် ပြန်တင်ခြင်း...

ဘယ်ကယူလာမှန်း မသိတော့တဲ့ပုံပါ

တပည့်တော်ရေ...

တပည့်တော် အသိပေးမှုကြောင့် ခဏ ပိတ်ထားတဲ့ပို့စ်

ဘာသာခြားတွေ အထင်သေးမှာစိုးရတာထက်

ဗုဒ္ဓဘာသာဝင်တွေ အသိလွဲမှာ စိုးလို့ ပြန်ဖွင့်ပေးထားလိုက်ပါတယ်...

စိတ်ချမ်းသာပါစေ...



သစ္စာ ရေ...

သစ္စာက ဖြေရှင်းချက်ဆိုလို့ ပိတ်ထားတဲ့ ပို့စ်အဟောင်း ပြန်ဖွင့်ပေးလိုက်ပါတယ်...


အရင်ကတော့ နားမလို့ပါပဲကွယ်

ဘာသာခြားတွေထက် ထေရ၀ါဒဗုဒ္ဓဘာသာဝင်တွေ အမြင်အသိမှန်ဖို့ ၇-ရက်နေ့မှာ


စာတစ်စောင်တော့ ထပ်ရေးပေးပါဦးမယ်...


ဇွတ်ငြင်းနေတာထက် အေးချမ်းစွာ လမ်းမှန်ရောက်စေချင်ကြတာပါ...

မှန်တယ်ဆိုရင်လည်း ရှိပါစေတော့လေ...

တပည့်တော်ရေ...

တပည့်တော် အသိပေးမှုကြောင့် ခဏ ပိတ်ထားတဲ့ပို့စ်
ဘာသာခြားတွေ အထင်သေးမှာစိုးရတာထက်
ဗုဒ္ဓဘာသာဝင်တွေ အသိလွဲမှာ စိုးလို့ ပြန်ဖွင့်ပေးထားလိုက်ပါတယ်...
စိတ်ချမ်းသာပါစေ...




ဆူနာမီ ဆရာတော် ဦးဥတ္တမသာရ
အရှင်ဘုရားကို စင်တစ်ခုနဲ့ အပူဇော်ခံရတော့ ၀မ်းသာမိပါတယ်ဘုရား




ဒါပေမဲ့ ကြာရင် ဘုရားစင်နဲ့ အပြိုင် ဖြစ်လာမှာတော့ စိုးရိမ်သား
စိုးရိမ်တာ အပြစ်မမြင်ပါနဲ့ဘုရား
စိုးရိမ်စရာတွေက တစ်ခုပြီးတစ်ခု ဆိုတာလို ထွက်လာနေလို့ပါ



ဒီပုံလေး စမြင်ရတော့
အော် ဒီဘာသာရေးဆိုက်က ဒကာတွေ မတင်သင့်တာတွေ တင်နေတာပဲ
ဒီလိုသဘောနဲ့ ကြည့်မိပါတယ်...

အောက်ကို ဆက်ကြည့်လိုက်တော့
ဒုက္ခပါပဲလား ဒါမျိုးက သူငယ်ချင်းတွေ အပျော်ရိုက်ထားရင်လည်း
သိမ်းထားသင့်တာပေါ့လို့ တွေးမိပြန်ပါတယ်




အောက်ကပုံကတော့
မြတ်ဗုဒ္ဓရဲ့ လေးသင်္ချေနဲ့ ကမ္ဘာတစ်သိန်းမျှ အပင်ပန်းခံ ရှာဖွေဖေါ်ထုတ်ခဲ့ရတဲ့ ဒေသနာတော်ကို
ပညတ်ပါကွာဆိုပြီ အရှင်ဘုရား ဖျက်ဆီးလိုက်တယ်လို့ ခံစားရပါတယ်ဘုရား။



ဒီပုံကိုတွေ့ရတော့ တပည့်တော်ရင်ထဲ မချိပါဘူးဘုရား
ဒါ့ကြောင့် ပုံပေါ်မှာ စာတွေ ရေးလိုက်ပါတယ်
စာထဲမှာပါတဲ့ ကိုယ်တော်ချောဆိုတာက ဗုဒ္ဓဘာသာကို ဆဲဆို
ဘုရားပုံတော် ကြက်ချေခတ် ဘုန်းကြီးပုံတွေ ကြက်ချေခတ်နေတဲ့ ဘာသာခြားသူပါ
ခု ဘုရားသားတော်တစ်ပါးရဲ့ တရားစခန်း မြင်လိုက်ရတော့
ကိုယ်တော်ချောထက် အရှင်ဘုရားက ပိုဆိုးသွားပါပြီ
တပည့်တော် အရမ်းအံ့သြမိပါတယ်။

အရှင်ဘုရားရဲ့ အဖြစ်အပျက်တွေ ကြည့်ပြီးနောက်

တပည့်တော်ကို မြတ်ဗုဒ္ဓရဲ့ထေရ၀ါဒစစ်စစ် နှစ်သက်အောင် ပြုပေးခဲ့သူ ကျေးဇူးရှင်အားလုံးကို
ဒီနေရာနေ ကျေးဇူးအထူးတင်ကြောင်း ပြောပါတယ်။

တပည့်တော် သူတော်ကောင်း မထေရ်ကြီးများရဲ့ ထေရ၀ါဒကို မြတ်နိုးသူ ဖြစ်ပါတယ် ဘုရား။





ဒါနဲ့ပါတ်သက်ပြီး ဒကာလေးတစ်ယောက်က မေးလျှောက်တော့
အရှင်ဘုရားက ဖြေကြားပေးခဲ့ပါတယ်
အဖြေရတော့မှ ပိုပြီး စိတ်ဆင်းရဲရပါတယ်ဘုရား...


ပဋိစ္စသမုပ္ပါဒ်စက်ဝိုင်းပုံတော်ကို ပုံနှိပ်စက်က ပျက်ဆီးနေလို့ အရှင်ဘုရားကို လာလှူရင်တောင်
အရှင်ဘုရားအနေနဲ့ ဒီလိုတရားထိုင်နေသူများအတွက် ခင်းပြီး မသုံးသင့်ပါဘူးဘုရား...
ဒီလောက်ကလေးတော့ အရှင်ဘုရား အသိဉာဏ်ရှိသင့်တယ်လို့ ထင်မိပါတယ်...
အရှင်ဘုရားကပြောသေးတယ် ယောဂီတွေ တရားအားထုတ်တာ ပိုအရေးကြီးတယ်
ဒါ (ပဋိစ္စသမုပ္ပါဒ်စက်ဝိုင်းပုံတော်) သတ်မှတ်ချက်ပဲလေတဲ့
အရှင်ဘုရားပါးစပ်က ထွက်လာသမျှ ရွံရှာဖွယ်ရာ အံ့သြစရာတွေချည့်ပါပဲဘုရား...
ဒကာဒကာမတို့ အမေးအဖြေ အသံလေးသာ နားထောင်ပါတော့ ၁ မိနစ်နဲ့ ၄၆ စက္ကန့်ထဲပါ
http://www.nartha.org/audios/UOttamasara2010-02-22_b(00-06_00-08).mp3

[ငြိမ်းချမ်းပါစေ...]


အရှင်ဘုရား ပညတ်ကို အတော်ပယ်ချင်နေတယ်
ဘုရားပုံတော် ဆင်းတုတော် သာသနာ့အလံ စသည်များ ပျက်ဆီးနေခဲ့သော်
ပုံပျက်အောင် ဖျက်ဆီးပြီး စွန့်ပြစ်ဖို့ ဆရာတော်ကြီးများက ညွှန်ကြားထားပါတယ်ဘုရား
ခုတော့ အရှင်ဘုရား လုပ်လိုက်ပုံက
တရားကျင့်လိုတဲ့သူတွေ မတရားဖြစ်အောင် ဖျက်ဆီးလိုက်သလိုပါပဲ
ဒီဘုန်းကြီးနဲ့ ဒီမယ်သီလ ဒီယောဂီတွေ ဘာတရားထူးရမယ် ထင်နေပါသလဲ
ပဋိစ္စသမုပ္ပါဒ်စက်ဝိုင်း ပုံတော်ပေါ် တရားထိုင်မှတော့
ဘာတရားမှ အရထူးမှာ မဟုတ်ပါဘူး တပည့်တော်ပြောပါတယ်။
ဒီလုပ်ငန်းစဉ်ကို လက္ခံခဲ့ ကျင့်သုံးခဲ့တဲ့ အရှင်ဘုရားမှာလည်း ဒီအချိန်ထိတော့ မထင်။







ပြောစရာတွေ ကျန်သေးတယ်ဘုရား
ခုတော့ စိတ်ပျက်တယ်
စိတ်ပျက်တယ်ဆိုတော့ အနာဂါမ်မဖြစ်သေးတာ သေချာသွားပါပြီ။


ဒီဒကာမဆိုကြည့်စမ်း အ၀ိဇ္ဇာနဲ့တဏှာပေါ် တက်ထိုင်နေတယ်






အရှင်ဘုရား မျက်စိလေးဖွင့်ပြီး ဆွမ်းဒကာ ဒကာမတွေ တချက်ကလေး ငဲ့ကြည့်ပေးပါဘုရား။

အားလုံးငြိမ်းချမ်းစွာနဲ့ အလယ်လမ်းမှန်ပေါ် ရောက်နိုင်ကြပါစေ...

(credit to ဒဿနခရီးစဉ်)

by အရှင်လောကနာထ