August 15, 2011

အစ

ကဲပါလေ ဘယနားကစရမှန်းမသိရင်လဲ စေတီက စရအောင် ။
ဦးသီရိန် တို့ ဦးဝါသေဌတို့ ဘုရား ။
ဟောဒါက ဦးကောသလရွှီးတဲ့  စေတီ အကြောင်း
http://khunmyahlaing.blogspot.com/2007/07/blog-post_16.html

ဟောဒါက ဆရာတိုက်စိုးရဲ့  စေတီအထိမ်းအမှတ်များ သုတေသနစာတန်း ။
http://www.myanmarebooks.net/archives/3739
ဘယ်ဟာမှန်လဲ ဘုရား ။ ထောက်ကြပါ ။
အထူးသဖြင့်ဒီစာလေး

၁၁. ထီးတော် (၇) ဆင့်သည် အထက်ဖိုလ် ခုနှစ်ပါးကို ပြဆိုခြင်း(ဦးကောသလ )
အထက်ပါ အချက်များနဲ့ မပြည့်စုံသော စေတီဖြစ်ပါက ဓာတ်ရိုက် ဓာတ် ဆင်၊ ယတြာ၊ အထက်လမ်း၊ အစီအရင်များနဲ့ တည်ထားသော စေတီ မျှသာ ဖြစ်ကြောင်း သိရှိ နိုင်ပါသည်။ (ဦးကောသလ )
ကဲ စကြပါဘုရား ။


August 14, 2011

ထောက်ကြသဘ်ဆိုရာဝယ်

အလွဲထောက်ရာမှာ ဟောတဲ့ သူကို ပါစင်နယ် နာစေ မထောက်ပါ ။
အယူလွဲကိုသာထောက်ပါတယ် ။
အယူလွဲကို အမှားထောက် အမှန်ပြပြီးသာ ချေဖျက်နိုင်ပါတယ် ။
ပါစင်နယ်ထိခိုက်အောင်လုပ်ပြီး အယူလွဲ ကိုချေမရပါ။
ဥပမာ လူသေလူဖြစ် ကိုဘဲကြည့်ပါ ။
မူလဆရာကြီးသေလို့ ဘဲ အရိုးတောင်မြေသြဇာဖြစ်ပေါ့ ။ အယူလွဲက မသိနားမလည်သူတွေကြားပြန့် ပွားဆဲပါ ။
ဒီမှာ စာနဲ့  သေချာထောက်ထားတဲ့  သူတွေကို ပါစင်နယ်အချက်အလက် တခုမှ မပါပါ။ မယုံက စာတိုင်းကို အသေအချာကြည့်ပါ ။
သူတို့ ရဲ့ ဟောပြောချက်တွေကိုသာထောက်ပါတယ်
ဒီနေရာမှာ တချက်လေး ပြောစရာရှိပါတယ်
ဆရာပါရဂူနဲ့  ဆရာဦးအေားမောင်။
သူတို့ စာတွေဟာ ဘာသာပြန်စာတွေပါ ။
(ဆရာပါရဂူရဲ့  လူသေလူဖြစ်ဆရာကို အလွန်မတန်ချီးမြှောက်ထားတဲ့  ဟောပြောချက်ကလွဲရင် )
သူတို့ ပြသနာက မူရင်းရေးသူအာဘော်လား သူတို့ ကိုယ်ပိုင်အာလော်လား ရှင်းအောင်မလုပ်ခဲ့တဲ့  ပြသနာပါ ။ ဒါကြောင့် ခုတိုင်အောင် ရှုပ်နေတာပါ ။
ယှဉ်စဉ်းစားသင့်တာက ဆရာမြသန်းတင့်ပါ ။
ဆရာဟာ တော်လစတွိုင်းရဲ့  စစ်နဲ့ ငြိမ်းချမ်းရေးကို ဘာသာပြန်စဉ်က အဲအချိန်မှာကားလ်မာ့စ်ရုပ်ဝါဒီဖြစ်တဲ့  သူ လက်မခံနိုင်တဲ့  တော်လစတီုင်းရဲ့ အယူကို အမှာစာရေးပြီး ရှင်းအောင်ပြုခဲ့ပါတယ် ။
နောက်တဦး ကတော့ " ဒေါက်တာ" ချစ်ငယ် ( လန်ဒန်) ပါဘဲ ။
သူ့ ဟောတရားတွေကို တော့အသေးစိတ်စီစစ်မပြခဲ့ ပါ ။
မလိုအပ်လို့ ပါ ။
မရှိတဲ့ ယ .ူနီက မရတဲ့ ဘွဲ့ ကြီး လူရှေ့ အတင်းကောက်တပ်လာမှတော့ ရှေ့ ဆက်စရာကိုမရှိလို့ ပါ ။
ပြန်ချုပ်ပါ့မယ် ။
အမှားထောက်ရာမှာ ပါစင်နယ်မပါပါ။ အယူလွဲကိုသာထောက်ပါတယ် ။ အထောက်ခံရသူများ ကိလေသာတရားနဲ့ မကင်းလို့  ဒေါသမာနနဲ့  တုန့် ပြန်တာတော့မတတ်နိုင်ပါ ။

August 12, 2011

ကြောက်လို့ သာ လုပ်နေပါသည်

ဘာသာတရားမှာ အမှားထောက်တဲ့  စာတွေ ရေးနေပြီဆိုရင် ပြဿနာ ရှိလာမယ်ဆိုတာ မသိမဟုတ် စောထဲက သိပြီးဖြစ်ပါတယ် ။
ဘာသာတရားလိုက်စားသူတွေကို ခွဲခြားလိုက်ရင်
၁) မူလကပင် ဆရာကောင်း နဲ့ တွေ့  လေ့လာမှုကလဲမှန်လို့ လမ်းဖြောင့်ပြီးသူများ ။။ ထိုလူစုအနေနဲ့  အမှားထောက်သောစာများကို လာလဲ မဖတ်တတ်ကြသလို စိတ်လဲ မ၀င်စားကြ။
၂) မူလကပင် ဆရာမှား၌ စွဲမြဲပြီးသူများ ။ ထိုလူစုမှာကား မိမိတို့ မပြောလေနှင့် သိကြားမင်း ဆင်းဟောတောင် သိကြားကိုဆဲမည့်သူများပင် ။
၃) ရောယောင်နောက်လိုက် ဝေလေလေများ ။ ဒီလိုလူများကတော့ ရေးထားသောစာကိုပင် အမြီးအမောက်တည့်အောင်မဖတ်တတ်ကြလေ ( ရီစရာ ထည့်ရေးရရင် မြန်မာသက္ကရာဇ် ၁၃၄၀လောက်မှာသေတဲ့ အယူလွဲ ဦးဥက္ကဌ နဲ့  မြန်မာသက္ကရာဇ် ၈၀၀ကျော်မှာ ပျံလွန်တော်မူရှာသော တောလားများအရေးများသည့် ပေလေးပင် ရှင်လေးပါးအ၀င် ရှင်ဥတ္တမကျော်ကိုတောင်ခွဲမသိသောသူများပါပေ ။ )
၎) အလွန်နဲလှစွာသော လူနဲစုလေးမှာ မူလအခံမညံ့ ၊ သဒ္ဓါတရားလဲရှိပါသော်လည်း ကံအလှည့်မသင့်သဖြင့် အဓမ္မ၀ါဒီများ၏ ညှို့ ချက်တွင် မိနေသောသူများပါပေ။ ထိုနဲလှစွာသော လူစုသာ ထောက်စာကို ဖတ်မိသောကြာင့် မိမိဆည်းကပ်မိသော တောင်ပို့ ၏ ဖွတ်ထွက်သော အဖြစ်ကို သိနိုင်ပေသည် ။
ထိုသောအခါမေးစရာကား ထို နဲလှစွာသော လူစုလေးအတွက် အဓမ္မ၀ါဒိအများ၏ ဆဲဆိုခြင်းကို ခံပြီး ဒီအလုပ်ကို ဆက်လုပ်နေသင့်သလောဟုပင် ။
မိမိတဦးအတွက် အဖြေကား ကြောက်လို့ ပင်လုပ်နေပါသည် ဟုသာ ။
ဘာကိုကြေ့ာက်သနည်းဟူမူ
သွေးဝမ်းသွန်သော ဝေဒနာကြီး နှင့် ပရိနိဗ္ဗာန် ပြု အံ့ဆဲဆဲတွင် အရှင် သုဘဒ်၏ အယူလွဲကို တည့်ပေးခဲ့ သောမြတ်စွာဘုရား
သွေးအန်သော ဝေဒနာကြီးနှင့် ပရိနိဗ္ဗာန်ပြုအံ့ဆဲဆဲတွင် မယ်တော်ကြီး၏ အယူလွဲကို တည့်ပေးခဲ့ သော အရှင်သာရိပုတြာ
၁၃ပါးသော ဓုတင်ဆောင်လျက်က မိမိ၏ ကြီးရင့်လှသော ခန္ဓာဝန်ကိုမထောက်ဘဲ ပထမသံဂါယနာကို တင်တော်မူခဲ့သော အရှင်မဟာကဿပမှ စပြီး
ဦးဥက္ကဋ္ဌ၏ အဓမ္မ၀ါဒကို ရိုက်ချိုးခဲ့ သော ၀ိနိစ္ဆယခုံရုံး အမှတ် ၂ တွင် ဥိးဆောင်ခဲ့ ပြီး ခုခါ ခန္ဓာဝန်ချခဲ့ ပြီးဖြစ်သည့် မကွေးဆရာတော်နှင့် မြောင်းမြဆရာတော်အလည် ။
ယခုတိုင် သာသနာရန်ဆူးရန်ညှောင့်တို့ ကို တတ်အားသမျှ ရှင်းလင်းပေးတော်မူနေကြသော သံဃမဟာနာယက ဆရာတော်များ အမှူးရှိသော သံဃာတော်အရှ့င် သူမြတ်တို့ အဆုံးထိ တို့ ၏ ကျေးဇူးသစ္စာတော်ကို မျက်ကွယ်ပြုရမည်ကို အလွန်ကြောက်ပါသည် ။
ထို့ ကြောင့် အလွန်နည်းလှစွာသော အစုအဖွဲ့ လေးတခုသာ ကျေးဇူးရှိမည်ကို၎င်း ။ အင်အားမသေးလှသော အဓမ္မ၀ါဒီများ၏ ဆဲဆိုရန်မူခြင်းကို ခံရမည်ကို၎င်း သိသိကြီးနှင့်ပင် ထေရ၀ါဒသာသနာအတွင်း အလွဲ အမှား အဓမ္မ၀ါဒီများ ပေါ်နေသမျှ ဖေါ်ထုတ်နေမည်သာ

August 5, 2011

အလွဲသံသရာ

တပည့်တော်တို့  ပြဿနာက အယူလွဲတွေပြန်ပြန်ပေါ်နေတာကို ရှင်းမနိုင်ဖြစ်နေတာဘုရား ။
အဲမှာတပည့်တော် လိုက်လို့ ရသလောက် ဖြစ်နေပုံက အယူလွဲတွေက ပေါင်းမြက်နဲ့  တူနေပြီး အယူလွဲတွေကို အားပေးနေတဲ့  လှူဒါန်းထောက်ပံ့နေတဲ့  လူတွေက မြေခံရေခံနဲ့ တူနေတာ သတိထားမိပါဘုရား ။
အဲဒီပြဿနာကို တပည့်တော်လိုက်ကြည့်တော့ တပည့်တော်တို့  ပညာရေးနဲ့  လူနေမှုစနစ်ဟာ အခြေခံတခုဖြစ်နေတာ သတိပြုမိပါဘုရား ။
တပည့်တော်တို့  ပညာသင်ကြားမှုကို ကြည့်ရင် ကုန်းဘောင်ခေတ် ကနေဘဲ စကြည့်ပါဘုရား ။ မိန်းကလေးတွေက သေစာရှင်စာတတ်ပြီးရောပေါ့ ဆိုပြီး ကျောင်းလွှတ်တာ မရှိသလောက်ပါဘုရား
ယောက်ျားလေးတွေကြည့်တော့ ၃စုကွဲသွားတာတွေ့ ရပါ့ဘုရား
ပထမများရာစု ( ၇၀ %) လောက်က ၇နှစ် ၈နှစ်သားလောက် ကျောင်းရောက် သင်ပုံးကြီးမင်္ဂလသုတ် ကုန်၊ သေခိယ ကျက် ၊ ၁၀နှစ်သားလောက် ကိုရင် တ၀ါလောက်ဝတ် ၊ လိင်ပြန်တာနဲ့  မိဘအလုပ်လယ်ထဲချောင်းထဲ တန်းဆင်းတော့တာပါဘဲဘုရား ။ သူတို့ အဘို့ က ကျောင်းက သင်တဲ့ စာဟာ ကျောင်းပြန်ရောက်ပြီး ဘာသာ တရားဆိုတာ ငယ်ဆရာ ရွာဦးကျောင်းဆရာတော် ခိုင်းတာ လုပ်ပြီးတာဘဲ လို့  သဘောထားပါ ဘုရား ။
ဒုတိယ အစု ( အနဲဆုံးအစု) ကတော့ ကိုရင်ဘ၀မှာ သဒ္ဒါ၊သင်္ဂြိုဟ်တက် ၊ ဆန်းသင် ၊ အဘိဓမ္မာလိုက် ပင်ကိုယ်ကလဲဥာဏ်ကောင်း ပါရမီလဲပါ။ မိဘကလဲ တတ်နိုင် (တတ်နိုင်ဆိုရာမှာ ပစ္စည်းလေးပါးထောက်ပံ့နိုင်ရုံမက ဒီသားတယောက်ရဲ့ လုပ်အားကို အဆုံးခံနိုင် ) ။ လို့  ရဟန်းဘောင်တက် ။ စာတတ်အကျော်အမော်ဖြစ်လာ။ ဒါပေမဲ့  ဒီရဟန်းတော်အကျော်အမော်များရဲ့ ဥာဏ်ကျက်စားရာဟာ နိဿယများ ကျမ်းကြီးများ ( စွယ်စုံကျော်ထင် အဖြေကျမ်းလို ) သာ ဖြစ်နေပြီး သာမန် လူထုနဲ့  အလှမ်းကွာနေပါဘုရား
တတိယအစုကတော့ မိဘကတတ်နိုင် ၊ လူလေးတွေကလဲ ထက် ၊ ကိုရင်ဘ၀ထဲက ဆေးကျမ်းဓါတ်ကျမ်းကစလို့  ဆင်မြင်းအတတ်ထိ လိုက်စားလာ ။လိင်ပြန်တော့ တခါ မြို့ စား ရွာစား မင်းပါးစိုးခွင် ၀င်ထွက် ပညာတွေတက်ရာက မင်းမှုဆက်ထမ်းလာပါဘုရား။ ဒီလူတွေဟာ ထက်မြက်တယ် ။ လောကီပညာစုံတယ် ဆိုသော်လဲ လောကုတ္တရာဗဟုသုတကျ ထင်သလောက်မပေါက်ပါဘုရား ။ သို့ သော် သူတို့  ဂုဏ်ကြောင့် လောကမှာတော့ ပြောသမျှ တင့်တယ်သယောင်ပါဘုရား.။
ဒီလိုရှိနေသော်လဲ ဆရာတော်များသြဇာကြီးနေတဲ့  လူ့ ပါတ်ဝန်းကျင်မှာ ဘာသာရေးပြဿနာ အကြီးကြီးမပေါ်ပါဘုရား ။
သို့ သော် ကိုလိုနီခေတ် ရောက်လာတော့ ပြဿနာ ကြီးလာပါဘုရား
ဒီမှာ ပထမအစုနဲ့  ဒုတိယအစု က အများကြီးမပြောင်းပါဘုရား ။ ဒုံရင်းဒုံရင်းပါဘဲဘုရား
တတိယအစုကျတော့ အရင်က ပွဲကျောင်းတက် ၊ မြို့ ဝန်ထံခစားဆိုတဲ့  ပညာရေးကနေ လောကဓါတ်ကျောင်းတက် ၊ ကောလိပ်ရောက် ဆိုတဲ့  ခေတ်ပညာရေးကို ကူးလာပါဘုရား ။ ဒါနဲ့ တပြိုင်ထဲဘဲ ကိုလိုနီခေတ်လူနေမှုသဘောကြောင့် ဆရာတော် သံဃာတော်များသြဇာကျလာတာနဲ့ ကြုံပါဘုရား ။
လောကဓါတ်ကျောင်းများရဲ့ သင်ကြားမှုဟာ ဗုဒ္ဓဘာသာ ဘုန်းတော်ကြီးကျောင်းများနဲ့ ဝေးသထက်ဝေးလာပြီး လောကဓါတ်ကျောင်းထွက်တွေရဲ့  ဘာသာရေးဗဟုသုတရော ဆရာတော်သံဃာတော်များကို လေးမြတ်မှုပါ လျော့သထက်လျော့လာပါဘုရား ။
တချိန်ထဲမှာဘဲ ပထမအစု ဘုန်းတော်ကြီးကျောင်းကနေ လယ်ထဲ ချောင်းထဲရောက်တဲ့  အစုကလဲ နည်းသထက် နည်းလာပြီး လောကဓါတ်ကျောင်း တက်လာတဲ့  လူစုက ပိုများလာပါဘုရား ။
ဒီတင် ဗုဒ္ဓဘာသာရဲ့ အခြေခံလောက်တောင် သိမှတ်မိတဲ့  လူနည်းသထက်နည်းလာပြီး အမည်ခံရုံ ဗုဒ္ဓဘာသာတွေ ပေါများလာပါဘုရား ။ ဘာသာတရားကိုယ်ခံနဲတဲ့ အခါကျတော့ အလွဲ အမှားဟောတဲ့  ဆရာနဲ့  တွေ့ ရင် အမှန်အမှားခွဲခြားနိုင်မှုလဲလျော့လာပါဘုရား
တပြိုင်ထဲမှာဘဲ ဂုဏ်ကြီးသူ လောကီမှာအောင်မြင်နေတဲ့  ဒကာများရဲ့  အကြိုက်လိုက် အလိုက်အထိုက် ဟောရာကနေ ပါမှန်းမသိပါပြီး ကိုယ့်ဟာကိ်ုယ် လွဲမှန်းမသိ လွဲရာကနေ ပိုပိုလွဲ ။ နောက်ဆုံးတော့ လက်ခုတ်တီးပေးတဲ့  ပရိဿတ်နောက် ကောက်ကောက်ပါအောင်လိုက်မိတဲ့  သံဃာတော်များလဲ ပေါများလာပါဘုရား ။
ဒီအခြေအနေမှာ လယ်တီဆရာတော်ဘုရား မာန်လည်ဆရာတော်ဘုရား ကျီးသဲဆရာတော်ဘုရားတို့ စလို့  လူထုထဲ ဗုဒ္ဓဘာသာ အခြေခံတွေ အယူမှန်တွေကို တည့်မတ်ဖြန့် ဖြူးပေးမဲ့  ဆရာတော်များစဉ်ဆက်မပြတ်ပေါ်ခဲ့  တည့်မတ်ပေးခဲ့သော်လဲ သူတို့  စာတွေကို နားမလည်နိုင် နားလည်အောင်မဖတ်နိုင်တဲ့  ပညာတတ်။လူရည်တတ် ဆိုသော ဒကာမိုက်များလောကမှာတော့ အယူလွဲ ကိုယ်တော်များ ဆက်လက်တွင်ကျယ်နေဆဲပါဘုရား ။
မျက်မှောက်ခေတ်မှာ ၁၉၈၀ကစခဲ့တဲ့  ၀ိနိစ္ဆယခုံရုံးများနဲ့  အယူလွဲများကို တည့်ခဲ့သော်လဲ ကျားကျားမီးယပ် လူစုတွေ ၊ နိုင်ငံရေးနဲ့  ဘာသာရေးမခွဲခြားနိုင်တဲ့  လူမိုက်တွေကြားမှာတော့ အမှန်တရားဟာ မထွန်းကားနိုင်သေးပါဘုရား
ဘုရားတပည့်တော် စာရှည်ကို ချုပ်ရရင်တော့ တပည့်တော်တို့ ရဲ့  အဓမ္မ၀ါဒီများကို ဖေါ်ထုတ်ဆန့် ကျင်ခြင်းဆိုတဲ့  လုပ်ငန်းသည် ရေဆန်လမ်းကို လျှောက်ရသလို ခက်ခဲနေဆဲပါဘုရား။
သို့ သော်မသိနားမလည်ခြင်းကို အခြေခံပြီး ဖြစ်လာတဲ့  ပြဿနာမို့  ခနိုးခနဲ့  စောင်းကာရွဲ့ ကြသော်လည်း သည်းခံပြီးသာ မှန်ရာကို ဆက်လက်တင်ပြ ဖြန့် ဖြူးကြရုံသာ ရှိပါကြောင်း လျှောက်ထားအပ်ပါသည်ဘုရား

August 3, 2011

လူသေလူဖြစ်နှင့် ၀ါဒနုဝါဒများ ၀ိနိစ္ဆယခေါ် ထေရ၀ါဒစွယ်စုံကျမ်းကြီး

မြန်မာကျူးပစ်ဖိုရမ် သာသနာပါလ မောင်နှမများမှ ဓမ္မဒါန ပြုသော
လူသေလူဖြစ်နှင့် ၀ါဒနုဝါဒများ ၀ိနိစ္ဆယခေါ် ထေရ၀ါဒစွယ်စုံကျမ်းကြီး
http://www.mediafire.com/?4cdibxca5lzdg73