ပစ္စုပ္ပန်ကမ္မ၀ါဒကို စာပေတင်၍စစ်ဆေးချက် (တောင်သာအောင်)

M.P

Read more ...

ဘိက္ခုနီဝိနိစ္ဆယစာတမ်း

Bhikkhuni_Vineiksaya01

Read more ...

ခွေးရူးထက်ကြောက်စရာကောင်းသူ

တစ်ယောက်ယောက်က အောက်ပါမေးခွန်းမျိုးမေးလာခဲ့သော် မိတ်ဆွေအနေနဲ့ ဘယ်လို

ဖြေမည်နည်း ။

မေးခွန်း (၁) ။ ။ ဗုဒ္ဓဟောကြားတဲ့ အနတ္တ သဘောတရားအရ ပုဂ္ဂိုလ်သတ္တ၀ါ မရှိ ၊ ငါမရှိ ၊

အတ္တမရှိ ၊ ယောက်ျား မရှိ ၊ မိန်းမ မရှိ ရင် တစ်စုံတစ်ခုကို ပြုသူဆိုတာကော ရှိပါ့မလား ။ အကယ်

၍ တစ်စုံတစ်ခုကို ပြုသူ မရှိရင် သူ့အသက်ကို သတ်ခြင်း ၊ သူ့ဥစ္စာခိုးခြင်း ၊ မူးယစ်ခြင်း အစရှိတဲ့

ဒုစရိုက်မှု ဆိုတာကော ရှိပါ့မလား ။သူငါသတ္တ၀ါ မရှိတာမှန်ရင် ၊ ပြုသူမရှိတာမှန်ရင် ၊ ပြုလုပ်ခြင်း

ဆိုတာ မရှိတာမှန်ရင် ပြုခြင်းအတွက် ကျထိုက်တဲ့ တာဝန်ဝတ္တရား ဆိုတဲ့ သဘောတွေ ၊ ကုသိုလ်

အကုသိုလ် ဆိုတဲ့ သဘောတွေ ၊ အကျိုးအပြစ် ဆိုတဲ့ သဘောတွေကော ရှိပါတော့မလား ။

အကယ်၍ ဒီသဘောတွေ ပျောက်ကွယ်သွားခဲ့ရင် လူ့ဘ၀ဟာ အဓိပ္ပာယ်ကော ရှိပါ့မလား ။


မေးခွန်း (၂) ။ ။ အကယ်၍ ပုဂ္ဂိုလ် သတ္တ၀ါ သူ ငါ အတ္တ , မရှိဘူး ၊ အမှန်ဆိုရင် ဗုဒ္ဓ၀ါဒ အရ

လွတ်မြောက်သူ ပေါ့ ။ ဗုဒ္ဓစကားအရ ပြောရရင်တော့ မဂ်ဖိုလ်နိဗ္ဗာန် ရသူဟာ ဘယ်သူဖြစ်မလဲ ။

နိဗ္ဗာန်ရအောင် ကျင့်ကြံ အားထုတ်တဲ့ အခါ သူ ၊ ငါ ၊ သတ္တ၀ါ , မရှိတော့ ဘယ်သူ့ကို နိဗ္ဗာန် ရသူ

ရယ်လို့ သတ်မှတ်ရပါ့မလဲ ။


အထက်ပါ မေးခွန်းမှာ ဗုဒ္ဓ ၏ အနတ္တ၀ါဒကို သဘောမပေါက်သောသူတို့ မေးလေ့မေးထ ရှိတဲ့မေး

ခွန်းပါ ။ ဒီလိုမေးခွန်းမျိုးကို မိလိန္ဒမင်းလည်း အရှင်နာဂသေန ကို မေးခဲ့ဖူးပါတယ် ။

ဆရာတော်ဘုရားကြီးတစ်ပါး က အထက်ပါမေးခွန်းနဲ့ပတ်သက်ပြီး ဤသို့ သြ၀ါဒ ပေးဖူးလေသည် ။

" ပရမတ်အစစ်မပေါက်ဘဲ ပညတ်ကို ဖျောက်လျှင် ခွေးရူးထက် ကြောက်စရာ ကောင်းတယ် ။ ဘာ

ဖြစ်လို့လည်းဆိုတော့ ဘုရားတို့ ၊ ရဟန်းသံဃာတို့ နဲ့ လူဝတ်ကြောင် ၊ အမိအဘ နဲ့ အခြားယောက်ျား

မိန်းမ စတဲ့ သူ့ဂုဏ် ၊ သူ့အမည် ပညတ် နဲ့ သီးခြားစီ ရှိကြတာကို အတူတူ ၊ ဓာတ်လေးပါး အခြေခံတွေ

ချည်းပဲလို့ ယူကြည့်ပါလား ၊ လောကမှာ သည့်ထက် ကြောက်စရာကောင်းတဲ့လူ ရှိပါဦးမလား ။"

" တကယ့် ပရမတ်အစစ်ကိုပေါက်ပြီး သစ္စာလေးပါးကို ထိုးထွင်းသိပြီးလို့ ငါ ၊ သူတစ်ပါး ၊

ယောက်ျား ၊ မိန်းမ ရယ်လို့ , မရှိဘူးလို့သိတာက တစ်မျိုးပါ ။ ဒါက ၀ိပဿနာဥာဏ်အမြင်နဲ့ကြည့်တဲ့

အခိုက်ပြောတာ ။ လောကထဲမှာ ပြောတာ ၊ ဆိုတာ ၊ သိမှတ်တာ ကျတော့ သူ့ပညတ် နဲ့ သူ ခွဲပြီး

တော့ပဲ သုံးရတယ် ။ အားလုံးကို အတူတူလို့ သိမှတ်မယ်ဆိုရင် ကိုယ့်မိခင် နှင့် ကိုယ့်အိမ်သူ ကို အတူ

တူပဲလို့ သဘောထားကြည့်ပါလား ၊ ခွေးရူးထက် ကြောက်စရာ မကောင်းဘူးလား ၊ လောကီနယ်မှာ

ပညတ် ဟာ သူ့တန်ဖိုးနဲ့သူ ၊ သူ့အဆင့်အတန်းနဲ့သူ တန်ဖိုးချင်း ၊ ဂုဏ်ချင်း ခြားနားတယ် ။ ဒါကို ခြား

ခြားနားနား ပဲ သိမှတ်ရတယ် ။ ၀ိပဿနာနယ် ၊ လောကုတ္တရာနယ်မှာ ကျတော့လည်း ပရမတ် က

သူ့တန်ဖိုးနဲ့သူပေါ့ " ဟူ၍ သြ၀ါဒ ပေးတော်မူခြင်း ဖြစ်၏ ။


မေတ္တာရှင် (ရွှေပြည်သာ)ရှင်ဇ၀န


သညာသိနဲ့ပညာသိ - စာ-63

Read more ...

ညောင်လေးပင်နယ်မှ ၀ါဒရေးရာ ပြဿနာ

... ညောင်လေးပင်မြို့မှ အရှေ့ဘက် ၁၄-မိုင်ကျော်ကျော် ၁၅-မိုင်ကျော်ကျော်ခန့်ဝေးသော “ သောင်ကြီးရွာ “ တွင်ဖြစ်၏ ။ ထိုရွာနေ အများစု ပုဂ္ဂိုလ်တို့မှာ စီးပွားရေးကောင်းကြ၏ ။ အများအားဖြင့် ချမ်းသာကြွယ်ဝ ပြည့်စုံကြ၏ ။ ရွာဦးကျောင်းဆရာတော်ကြီးမှာလည်း နှယ်နှယ်ရရ မဟုတ်ပေ ။ သီလ ၊ သမာဓိ ၊ ပညာ နှင့် ပြည့်စုံ၍ ပရိယတ်ဂုဏ် - ပဋိပတ်ဂုဏ် ရှိသောကြောင့် “ ဂိုဏ်းထောက် ဆရာတော်ကြီး “ အဖြစ် ခန့်အပ်ခြင်းခံရသော မထေရ်ကြီး တစ်ပါးပင် ဖြစ်၏ ။

သို့ရာတွင် ထိုရွာနေ လူတစ်စုတို့က မထေရ်ကြီးအပေါ် ပြစ်တင်ရှုတ်ချ ကဲ့ရဲ့စကားဆိုကြ၏ ။ သူတို့ ကဲ့ရဲ့ကြပုံမှာ -

“ ဘယ့်နှယ်……တို့ကျောင်းဆရာတော်ကြီးက တစ်ခါလာလည်း ဒါန သီလဟော ၊ နောက်တစ်ခါလာလည်း ဒါန သီလအကြောင်းဟော ၊ ဒါနက ဘ၀စည်းစိမ်တွေ ပြည့်စုံစေတယ်လို့ ဆိုတယ် ၊ သီလက လူ့ပြည် နတ်ပြည်ဆိုတဲ့သုဂတိတွေကို ရစေသတဲ့ ။

ဒီလိုဆိုတော့ ဒုက္ခအသေးစားကနေ ဒုက္ခ အကြီးစား ရဖို့ချည်း သူဟောနေတာပေါ့ ၊ ဟောရာ ရောက်တော့တာပေါ့ ၊ ဒုက္ခခပ်သိမ်း ချုပ်ငြိမ်းတဲ့ နိဗ္ဗာန်ရောက်ကြောင်း ၀ိပဿနာတရားကောင်းလေးများ တစ်ခါတစ်လေမှ မဟောဖူးဘူး ၊ မဟောတတ်ဘူးလား မသိပါဘူး “

ဤသို့စသည်ဖြင့် ကဲ့ရဲ့စကားပြောကြားကြ၏ ။ ထိုပုဂ္ဂိုလ်တို့သည် သဂြိုဟ်အခြေခံလည်း အတော်အတန်ရှိသူများ ဖြစ်ကြ၏ ။ ၀ိပဿနာစာအုပ် များကိုလည်း ဖတ်ကြားလေ့လာသူများ ဖြစ်ကြ၏ ။ ဤသို့ အခြေခံအစအနရှိကြ ၍လည်း ပြောလာကြခြင်း ဖြစ်လေ၏ ။ ပြောရုံတွင်မက အဖော်ညှိကြပြီးလျှင် ရွာဦး ကျောင်းကိုပင် မသွားဘဲ နေလာကြတော့၏ ။ ဤနည်းအားဖြင့် သူတို့လူစုတွေ အတော်ပင် ဦးရေများလာသည် ဖြစ်၏ ။

ထိုသောင်ကြီးရွာသား မျက်စိကုဆရာကြီးဦးထွန်းသာသည် ညောင်လေးပင် မြို့ပေါ်တွင်နေသဖြင့် ဆရာတော်လေး ဦးဝိမလ ( မိုးကုတ်ဆရာတော်ဘုရာကြီး ) နှင့် ရင်းနှီးနေ၏ ။ သို့ဖြစ်၍ သောင်ကြီးရွာကိစ္စအကြောင်းကို လျှောက်ထားပြီးလျှင် “ အရှင် ဘုရား ကြွရောက်ဖြေရှင်းပေးပါ “ ဟုတောင်းပန်လျှောက်ထားခဲ့၏ ။

ဆရာတော်လေးဦးဝိမလမှ ဖြစ်ပုံအခြင်းအရာအား သေသေချာချာစုံလင် အောင်မေးပြီးမှ ၁၂၉၇ခုနှစ် တပေါင်းလဆုတ်ထဲတွင် သောင်ကြီးရွာသို့ ကြွရောက် လိုက်ပါတော်မူလေ၏ ။ ခင်တန်းကျောင်း ဦးသုမနလည်း လိုက်ပါခဲ့၏ ။

သောင်ကြီးရွာသို့ရောက်သောအခါ ဆိုင်ရာဒကာတို့ကို ကျောင်းသို့ခေါ် လိုက်၏ ။ စုံညီစွာရောက်ကြသောအခါ ဆရာတော်လေးက အမိန့်ရှိ၏ ။

“ ဒကာတို့…..အခုလို ဘုန်းကြီး ဒီရွာကိုရောက်လာရတာဟာ ဒီရွာဦးကျောင်း ဆရာတော်ကြီးနှင့် ဒကာတို့ ၀ါဒရေးရာ အယူအဆ မတူကြလို့ မညီမမျှ ဖြစ်နေကြ တယ် ဆိုတာ ကြားရပါတယ် ၊ ဒီကိစ္စကို ပြေလည်အောင် လုပ်ပေးနိုင်မလား လို့ လာရ ခြင်းပါပဲ “

ဤသို့ မိန့်သောအခါလှုပ်လှုပ်ရွရွ ဖြစ်လာကြပြီးလျှင် တစ်ယောက်တစ် ပေါက် မကျေနပ်ချက်တို့ကို လျှောက်ကြတော့၏ ။ သူတစ်မျိုး ငါတစ်ဖုံ စုံနေတော့၏ ။ ထိုအခါဆရာတော်လေးက -

“ နေကြပါဦး - ဒီလိုလုပ်နေလို့ မပြီးနိုင်ဘူး ၊ တစ်ယောက်စီပြောပါ ၊ ဒါမှမဟုတ် အားလုံးရဲ့ကိုယ်စားတစ်ဦးက ပြောပါ ၊ မိမိတို့ရဲ့ အယူဝါဒကို တင်ပြပါ။ မရှင်းတာ ကိုမေးနိုင်ပါတယ် ၊ ဘုန်းကြီးကဖြေပါမယ် ၊ ဒကာတို့ရဲ့အမေးကို ပြေလည်အောင် ဘုန်းကြီးက မဖြေနိုင်ရင် ဒကာတို့ရဲ့ဝါဒကို ဘုန်းကြီးက ထောက်ခံသွားမယ် ။

အဲဒီနောက် ဘုန်းကြီးကတစ်ဖန် ဒကာတို့ကိုပြန်ပြီး မေးဦးမယ် ။ ဒကာတို့ရဲ့ အယူအဆများဟာ ( သုတ် ၊ ၀ိနည်း ၊ အဘိဓမ္မာ ) နဲ့ မကိုက်ညီရင် ဒကာတို့က ဒီကျောင်းဆရာတော်ကြီးကို ဦးစွာ ကန်တော့ကြရမယ် ။ ပြီးတော့ ဒကာတို့ရဲ့အရွယ် ရောက်တဲ့သားတွေ ၊ တူတွေကို ဒီကျောင်းမှာ သင်္ကန်းစည်းစေပြီးတော့ ဆရာတော် ကြီးကို ၀တ်ကြီးဝတ်ငယ် ပြုကြရမယ် ၊ ဘယ့်နှယ်လဲ….”

ဤသို့ စည်းကမ်းသတ်မှတ် ဘောင်ခတ်၍ မေးလိုက်သောအခါ “ ကောင်းပါတယ် ဘုရား “ ဟူ၍ ၀န်ခံကြ၏ ။ “ ကဲ..ဒါဆိုရင် ကိုယ့်အယူဝါဒကို တင်ပြလျှောက်ထားကြ စမ်း “ ဟုခွင့်ပြုလိုက်သဖြင့် ဒကာများက လျှောက်ထားကြတော့၏ ။

“ ဒီလိုပါဘုရား ၊ တပည့်တော်တို့ အခုကိုးကွယ်နေတဲ့ ရွာဦးကျောင်းဆရာ တော်ကြီးက တရားဟောတိုင်း ဒါန - သီလ အကြောင်းချည်း ဟောနေတယ်ဘုရား ။ တပည့်တော်တို့ စာတွေထဲ ဖတ်ရလို့ သိရသလောက် ဒါနဟာ ဘ၀သံသရာမှာ စည်းစိမ်တွေမောက်ဖြိုး အကျိုးပေးစေတယ် - လို့ ဆိုပါတယ် ။ သီလ ကတော့ ကောင်းတဲ့ ဘ၀နဲ့ ရုပ်ရည် အဆင့်အတန်း မြင့်မြင့်ကို ရစေတယ်လို့ ဆိုပါတယ် ။ ပြီးတော့ တစ်ခါ ဒီစည်းစိမ် ၊ ဒီ ဘ၀တွေဟာ ဒုက္ခသစ္စာတွေပါ ၊ အနှစ်မရှိပါဘူး - လို့ လည်း ဆိုပြန်ပါတယ် ။

တပည့်တော်တို့က အားလုံးပါပဲ ၊ ကန်တော့ကြတဲ့အခါ “ နိဗ္ဗာန်ကို ရရလိုပါ၏ “ ဆိုတော့ လိုချင်တာက နိဗ္ဗာန် ၊ ဟောတာက ဒုက္ခတွေရဖို့ ဖြစ်နေလို့ တပည့်တော်တို့ အားမရကြဘူး ဘုရား “ ဟူ၍ လျှောက်ကြ၏ ။

ထို့အပြင်လည်း “ ကုသိုလ်ကံ - အကုသိုလ်ကံတွေဟာ ဖြစ်ပြီးတာနဲ့ ပျက်ကုန် တာ “ - လို့ သဂြိုဟ်ကျမ်းထဲမှာ တွေ့ကြရတယ်ဘုရား ၊ ဒီတော့ ဘယ့်နှယ်လုပ်ပြီး နောက် ဘ၀ တွေလိုက် အကျိုးပေးနေရဦးမှာလည်း ဘုရား “ ဤသို့စသည်ဖြင့်လည်း စုံစုံလင်လင် တစ်နာရီခွဲခန့်မျှကြာအောင် လျှောက်တင်နေကြလေ၏ ။

ဒကာတွေက သူတို့၏ အယူအဆများကို အားရအောင် လျှောက်တင်ကြ လေ၏ ။ ထို့နောက် သူတို့၏ ချွတ်ချော်နေသော အယူအဆတို့ကို ဆရာတော်လေးက မှန်ကန်အောင် တည့်မတ်ပေးရလေတော့၏ ။

“ ခုတိုင်းဆိုရင် ဒကာတို့ဟာက ဒါန ၊ သီလ ၊ သမထတွေကို ပယ်ထားရာ ရောက်နေပြီ ၊ ဘုရားရှင် ကိုယ်တော်တိုင်ပင် ပွင့်တော်မူစမှာ သတ္တ၀ါတွေက အသိ ဥာဏ် မရင့်ကျက်သေးတော့ နက်နဲ ခက်ခဲသော ပရမတ္ထသစ္စာ တို့ကို ဦးစွာမဟော သေးပါဘူး ။

ဒါနကထာ ၊ သီလကထာ ၊ သဂ္ဂကထာ စသည်တို့ဖြင့် နူးညံ့သိမ်မွေ့ ယဉ် ကျေးလာအောင် ဦးစွာ ပထမ ဟောရပါသေးတယ် ၊ ပြီးမှ ယဉ်ကျေး သိမ်မွေ့လာ တော့မှ ၀ဋ်ဒုက္ခတို့မှ လွတ်မြောက်ကြောင်း နိက္ခမ္မကထာကို ဟောရပါတယ် ။

ပုဂ္ဂိုလ်ကလည်း အစားစား ရှိတာမဟုတ်လား ၊ အဲဒါတွေကို မြတ်စွာဘုရားတို့ သာလျှင် သိနိုင်ပါတယ် ။ က္ကန္ဒြယပရော ပရိယတ္တိဥာဏ်ပိုင်ရှင်ကိုး - ။ ဘုန်းကြီးနှင့် တကွ ဟောဒီ ကြွလာကြတဲ့ သံဃာတော်များအားလုံးကတော့ အဲဒီဥာဏ်မျိုးမရရှိလို့ အစဉ်အတိုင်းပဲ ဒါန ၊ သီလ ကစပြီးဟောကြရပါတယ် ။ နောက် - ရင့်ကျက်မြင့်တက် လာတော့မှသာ ၀ိပဿနာကို ဟောကြရတာပါ ။

ဒါကြောင့် ဒီကျောင်းက ဆရာတော်ဘုရားကြီးလည်း ဒီအစီအစဉ်အတိုင်းဟော တော်မူနေခြင်း ဖြစ်ပါလိမ့်မယ် “

ပြီးတော့ စောစောတုန်းက ဒကာတို့ လျှောက်ကြတယ် “ ပြုလုပ်သမျှကုသိုလ်ကံ တွေ - အကုသိုလ်ကံတွေဟာ ပြုလုပ်ပြီးရင် ပျောက်ပျက်ကုန်တာပဲ ၊ ဘာတစ်ခုမှ နောက်ဘ၀သို့ မလိုက်ပါကြဘူး ၊ ဘယ်လိုလုပ် အကျိုးပေးဦးမှာလည်း - တဲ့ ။ ဖြစ်ပြီး ရင် ချက်ချင်း ပျက်ကုန်တာပဲဟာ “ လို့ ဆိုကြတယ် ။

ဒီနေရာမှာ သတိထားကြပါ ၊ ဆရာကောင်း အလွန် လိုအပ်ပါတယ် ၊ ဆရာနည်း မရရင် အံချော်တတ်ကြပါတယ် ၊ “ ပြုလုပ်သမျှ ကုသိုလ်ကံ - အကုသိုလ်ကံတွေဟာ ပြုလုပ်ပြီးရင် ပျောက်ပျက်ကုန်တာပဲ ၊ ဘာတစ်ခုမှ နောက်ဘ၀သို့ မလိုက်ပါကြဘူး - လို့ ယူဆထားရင် ဥစ္ဆေဒ ဒိဋ္ဌိ ၊ ( ပြတ်ကုန်တယ်လို့ ယူတဲ့ ဒိဋ္ဌိ ) မှားတယ် ။

တစ်ခါ ပြုလုပ်သမျှ ကုသိုလ်ကံ - အကုသိုလ်ကံတွေဟာ ပျောက်ပျက်မကုန်ဘဲ နောက်ဘ၀သို့ ( အရိပ်ပမာ တကောက်ကောက် ) လိုက်ပါသည်လို့ ယူဆပြန်ရင် လည်း သဿတ ဒိဋ္ဌိ ( မြဲတယ် ၊ ခိုင်တယ် လို့ ယူဆတဲ့ ဒိဋ္ဌိ ) ဒါလည်း မှားပြန်တာပဲ။

နည်းနည်းချဲ့ ပြောပါဦးမယ် ၊ ဒါအရေးကြီးတယ် ၊ ကုသိုလ်ကံ - အကုသိုလ်ကံ တွေဟာ ( ဆာယာဝ အနုပါယိနီ ) အရိပ်ပမာ အစဉ်တစိုက် နောက်က လိုက်ပါသည် - ဆိုတဲ့ စကား ။ ( စက္ကံဝ ၀ဟတော ပဒံ ) လှည်းရုန်းသောနွား၏ ခြေရာနောက်သို့ လှည်းဘီးက တကောက်ကောက် လိုက်ပါသကဲ့သို့ လိုက်ပါသည် ဆိုတဲ့စကားတွေဟာ ဘုရားဟောပါပဲ ၊ ဘုရားနှုတ်ထွက်တော်တွေပါပဲ ၊ ဓမ္မပဒမှာ ပါတယ် ။

ဒါပေမယ့် အဲဒီနေရာတွေမှာက လူတွေ မြင်လွယ် ထင်လွယ်အောင် ဟောရ တာ ၊ ဥာဏ်နုတဲ့သူတွေဆိုတော့ သဘောပေါက်လွယ်အောင် ဥပမာဆောင် ဟောရ တာ ၊ ဒါ့ကြောင့် ဘုရားဟော ဒေသနာက ၂ မျိုး ရှိတယ်လို့ မှတ်ပါ ။

(က) နီတတ္ထဒေသနာ = တိုက်ရိုက်သိမှတ်ရတဲ့ တရားတစ်မျိုး ၊ (ခ) နေယျတ္ထဒေသနာ = ဆောင်၍ သွယ်ဝိုက်၍ သိမှတ်ရတဲ့ တရားတစ်မျိုးလို့ (၂) မျိုးရှိတယ် ။

ဥပမာ - အဘိဓမ္မာတွေထဲမှာ မြတ်စွာဘုရားက “ ခန္ဓာငါးပါးရှိတယ် ၊ ရူပက္ခန္ဓာ ၊သညာက္ခန္ဓာ ၊ သင်္ခါရက္ခန္ဓာ ၊ ၀ိညာဏက္ခန္ဓာ လို့ ငါးပါး “

အဲဒီလိုဟောရင် ဟောတဲ့အတိုင်း ဖြောင့်ဖြောင့် အဓိပ္ပာယ်ယူလိုက်ရုံပဲ ၊ အဲလို ယူရတာမျိုးဟာ(က) နီတတ္ထဒေသနာ = တိုက်ရိုက် သိမှတ်ရတဲ့ တရားမျိုးထဲမှာ ပါ တာပေါ့ ။

( ဆာယာဝ အနုပါယိနီ ) တို့လို ၊ ( စက္ကံဝ ၀ဟတော ပဒံ ) တို့လို တရား မျိုး ကျတော့ တိုက်ရိုက်ယူလို့ မရဘူး ၊ ယူရင်မှားကုန်မယ် ၊ ဒါကသိလွယ်မြင်လွယ်အောင် လို့ ဥပမာဆောင်ပြီး ဟောရတာ ၊ အဲဒီလို တရားမျိုးကျတော့ (ခ) နေယျတ္ထဒေသနာ= ဆောင်၍ သွယ်ဝိုက်၍ သိမှတ်ရတဲ့ တရားမျိုးထဲ ပါသွားတယ် ။

ဒီတော့ ဒကာတို့… ဒီလိုမှတ်ပါ ၊ အများပြောနေကြသလို ကုသိုလ်ကံ - အကုသိုလ်ကံတွေဟာ အရိပ်ပမာ နောက်ဘ၀ကို လိုက်ပါတယ် - ဆိုတဲ့စကားလည်း မှားတယ် ၊ အခု ဒကာတို့ ပြောနေကြသလို ရုပ်အစု နာမ်အစုတွေဟာ ဖြစ်ပြီး ပျက်ကုန် ကြတာပဲ ၊ ဘာတစ်ခုမျှ ကျန်တာ မဟုတ်ဘူး ၊ နောက်ဘ၀ကို လိုက်စရာ မရှိဘူး - လို့ ယူတဲ့ စကားလည်း မှားတယ် ။

ယူရမှာက ရုပ်အစု ၊ နာမ်အစုတွေ မလိုက်သည်ကားမှန်၏ ။ ဖြစ်ပြီးပျက်ကုန် သည်မှာလည်း မှန်၏ ။ သို့သော် အကျိုးပေးဖို့ရာ သတ္တိကား ကျန်ရစ်သည်သာ ၊ ထို သတ္တိက အကျိုးပေးသည် - လို့ ယူရမယ် “

ဒါနဲ့ပတ်သက်လို့ ကျမ်းဂန်တွေထဲမှာ မိန့်ဆိုထားချက်တွေ ရှိပါတယ် ၊ ဘယ်လို လည်းဆိုတော့ -

သန္တာနေဒံ ကမ္မံ နာမ ၊

န နိရုဇ္ဈတိ သဗ္ဗသော ။

ဝိသေသံ နိဒေတွာ ဟိ ၊

သမယမှိ ၀ိပစ္စိတုံ ။ ။

သန္တာနေ - ပြုလုပ်သော ပုဂ္ဂိုလ်၏ သန္တာန်တွင် ၊ က္ကဒံ

ကမ္မံ နာမ - ဤကောင်းကံ - မကောင်းကံအမျိုးမျိုးသည် ၊

သဗ္ဗသော - ကြွင်းမဲ့ဥဿုံ အလုံးစုံ အကုန်မကျန် ၊ န

နိရုဇ္ဈတိ - ပြီးပြီးပျောက်ပျောက် အနေရောက်အောင် ချုပ်ပျောက်၍ သွားကြသည် မဟုတ်ပေ ။

ဟိ - မှန်၏ ၊ သမယမှိ - အကျိုးပေးဖို့ အချိန်ကျသောအခါတွင် ၊ ၀ိပစ္စိတုံ - အကျိုးပေး ဖို့ရာ ၊ ၀ိသေသံ - အကျိုးပေးဖို့ သတ္တိထူးကို ၊ နိဒေတွာ - မြှပ်နှံထားပြီး၍ ၊ (၀ါ) မြှပ်နှံပြီး မှသာ ၊ ( နိရုဇ္ဈတိ - သဘာဝအလျောက် ချုပ်ပျောက်၍ သွားတော့၏ ။ ) တဲ့ ။

“ ကဲ….ဘုန်းကြီးက လက်တွေ့ဥပမာတစ်ခုပြပါဦးမယ် “ ဟု ဆိုပြီးလျှင် နောက် ပါ ကိုယ်တော် ဦးသုမန ထံမှ လက်နှိပ်ဓာတ်မီး တောင်းလိုက်၏ ။ ပြီးလျှင် “ ဟော……. ကြည့်ကြ “ ဟုဆို၍ အတွင်းဘက် အနည်းငယ် မှောင်သော နံရံ အလင်းရောင် ထိုးပြ လိုက်သည် ၊ ပြီးလျှင် ဆရာတော်လေးက -

“ ဒကာတို့….. တွေ့ရဲ့လား ၊ ဟောဟို နံရံမှာ အလင်းရောင် ၊ အဲဒီအလင်းဟာ ဟောဒီ လက်နှိပ်ဓာတ်မီးကြီး နံရံကို သွားကပ်လို့ လင်းတာလား ၊ မီးသီးရောက်သွားလို့ လင်းတာလား ( မဟုတ်ပါဘုရား ) ၊ ဒါဖြင့် ဓာတ်ခဲတွေ ရောက်သွားလို့ လင်းတာလား ( အဲဒီလိုလည်း မဟုတ်ပါဘုရား ) ။ အေး ….ပစ္စည်းအထည်အဒြပ်တွေ နံရံကို လိုက်ပါ သွားတာတော့ မဟုတ်ဘူး ၊ ဒါပေမယ့် ဟောဒီ ဓာတ်ခဲအတွင်းက အလင်းရောင်သတ္တိ တွေတော့ နံရံကို ရောက်သွားတယ် ( မှန်ပါဘုရား ) ။ အထည်ဝတ္ထုတွေတော့ လိုက်ပါ မသွားဘူး ၊ သတ္တိပဲ လိုက်ပါသွားတယ် ( မှန်ပါဘုရား ) ။ အေး….ဒီအတိုင်းပဲဒကာတို့..၊ ကုသိုလ်ကံ ၊ အကုသိုလ်ကံတွေဆိုတာတွေဟာ သင်္ခတတရားတွေမို့ ဖြစ်ပြီး ပျက်ကုန် ကြရတာ မှန်ပါတယ် ။

ကုသိုလ်စေတနာ - အကုသိုလ်စေတနာတွေဟာ ဖြစ်ပေါ်လာပြီး ပျောက်ကုန်ရ တာ မှန်ပါတယ် ၊ နောက်ဘ၀ကို လိုက်နေချိန် မရလိုက်ပါဘူး ။ သို့သော်လည်း ပျက် ကုန်တဲ့ နေရာလေးတွေမှာ အရှိန်အ၀ါ သတ္တိလေးများ ကျန်ရစ်ပါသေးတယ် ။သတ္တိ လေးများ ထားခဲ့ပါသေးတယ် ၊ အဲဒီအရှိန်အ၀ါ သတ္တိကလေးများက အကျိုးပေးတာပါ။

ဖော်ပြပြီးခဲ့တဲ့အတိုင်း ယူမှ သဿတ ဒိဋ္ဌိကလည်းလွတ်မယ် ၊ ဥစ္ဆေဒ ဒိဋ္ဌိက လည်းလွတ်မယ် ၊ ကံတွေ လိုက်သွားတယ်ဆိုရင် သဿတဒိဋ္ဌိ ဖြစ်နေမယ် ၊ မလိုက် ဘူး - လုံးဝပြတ်သွားတယ် ၊ ဘာမှ မကျန်တော့ဘူး ဆိုပြန်ရင်လည်း ဥစ္ဆေဒ ဒိဋ္ဌိဖြစ်နေ ပြန်တယ် ။

သဿတက တစ်ဘက်အစွန်း ၊ ဥစ္ဆေဒကလည်း တစ်ဘက်အစွန်း ၊ အဲဒီအစွန်း (၂)ပါးကို မငြိစေပဲ အခုလို အလယ်က သွားမှသာ ( မဇ္ဈိမပဋိပဒါ ) ဘုရားလမ်းစဉ်ကျ တယ် ။

ကဲ…ရှင်းကြပြီလား ၊ ရှင်းလောက်ပါပြီနော် ။ ( မှန်ပါ - ရှင်းပါတယ်ဘုရား ) အားလုံးလိုလိုပင် တစ်ပြိုင်နက် အားတက်ရွှင်လန်းစွာ ဖြေကြ၏ ။သူတို့၏မျက်နှာများ သည် ကျေနပ်သည့်အသွင်များဖြင့် လန်းဆန်းနေကြ၏ ။ တစ်စုံတစ်ဦးမျှ နောက်ထပ် မမေးကြတော့ ၊ အချိန်ကလည်း ည (၈) နာရီထိုး၍သွားချေပြီ ။ ထို့ကြောင့် ထိုနေ့ည ထိုမျှဖြင့်ပင် ရပ်နားကြဖို့ ဆရာတော်လေးက အမိန့်ရှိ၏ ။ နောက်တစ်နေ့ နံနက် (၇) နာရီ ထပ်မံချိန်းလိုက်၏ ။

ဒုတိယနေ့ နံနက် (၇) နာရီထိုးသောအခါ ချိန်းထားသည့်အတိုင်း ဒကာတို့ စုံညီစွာပင် ရောက်လာကြတော့၏ ။ ဒကာတို့၏ မျက်နှာများမှာ လန်းဆန်း၍နေကြ၏။ ကျေနပ်နေသည့် လက္ခဏာတို့ကိုပြနေကြ၏ ။ ဆရာတော်လေးဦးဝိမလ က -

“ ဒကာတို့ဟာ ဗဟုသုတကြွယ်ဝသူများ ဖြစ်ကြတယ်လို့ ဘုန်းကြီး ကြားသိခဲ့ ရပါတယ် ၊ ကြိုတင် သိထားပါတယ် ။ ဒီလိုပုဂ္ဂိုလ်များကို ဟောရ ပြောရ ရှင်းပြရတာ ဟာ အင်မတန်မှ လွယ်ကူပါတယ် ၊ သိလွယ် သဘောပေါက်လွယ်ပါတယ် ။ နောက် ထပ် ရှင်းပြဖို့ အသင့်ပါပဲ ၊ ကဲ…နောက်ထပ် ဘာများ လျှောက်ချင်ကြသေးလဲ ၊ လျှောက်နိုင်ပါတယ် ၊ လွတ်လွတ်လပ်လပ်ပဲ မေးနိုင်ပါတယ် “

ဟု မိန့်လိုက်သောအခါ အားလုံးပင် လှုပ်လှုပ်ရွရွ ဖြစ်လာကြ၏ ။ လျှောက်ထားခွင့် တံခါးဖွင့်ပေးလိုက်သည် မဟုတ်ပါလော ၊ ထို့ကြောင့် ၀မ်းသာအားရ လျှောက်ထား ကြသည် -

“ တပည့်တော်တို့ ကျေနပ်ကြပါတယ်ဘုရား ၊ မနေ့ညက ဆရာတော်ဥပမာ ပြပြီး ဟောလိုက်တာတွေ သဘောကျပါတယ် ၊ ညတုန်းက ဒီကပြန်တော့ ရွာထဲမှာ လည်း သန်းခေါင်ကျော်အထိ တပည့်တော်တို့ ပြန်လည် သုံးသပ်ဆွေးနွေးကြပါတယ် ဘုရား ။

ယခင်ကလိုဆိုရင် တပည့်တော်တို့ဟာ ဥစ္ဆေဒ ဒိဋ္ဌိအယူဖြစ်နေကြတာ ၊ အခု တော့ အဲဒီအယူက လွတ်ပါပြီ ၊ ဘုရားဟော ဒေသနာ မဇ္ဈိမပဋိပဒါကျကျ သိရပါပြီ ၊ ဒါ့ ကြောင့်တပည့်တော်တို့ ကျေးဇူးတင်ပါတယ်ဘုရား ။ ဒါနဲ့တစ်ဆက်တည်းလျှောက်ရ ရင် အခုပဲ ဒီကျောင်းက ဆရာတော်ဘုရားကြီးကို တပည့်တော်တို့ ကန်တော့ကြပါမယ် ဘုရား ။ ပြီးတော့ ဒီကနေ့ပဲ ( ဆရာတော်ထံ ၀န်ခံခဲ့တဲ့အတိုင်း ) တပည့်တော်တို့ရဲ့ သားများ ၊ တူများကို ဒီကျောင်းမှာ ရှင်ပြုကြပါမယ်ဘုရား ၊ ဒီကရှေ့မှာ တပည့်တော်ရဲ့ ရွာဦးကျောင်းဆရာတော်ဘုရားကြီးကို ဆက်လက်ကြည်ညို ဆည်းကပ်သွားကြပါမယ် ဘုရား “ ဟူ၍ ၀မ်းသာအားရ လျှောက်ကြလေ၏ ။

ဆရာတော်ကလေး ဦးဝိမလ မပြန်ခင်ပင် ပတ်ဝန်းကျင်ရွာ(၄)ရွာမှဆရာတော် သံဃာတော်များကိုအကုန်ပင့်၍ ရှင်ပြုလှူဒါန်းပွဲ ပြုလုပ်ကြသဖြင့် အားလုံး ရွှင်ပြုံးဝမ်း သာကြရလေသည် ။ပတ်ဝန်းကျင် သံဃာတော်များကလည်း သာဓုအကြိမ်ကြိမ်ခေါ်၍ ကျန်ရစ်ကြ၏ ။ သံဃာတော်များနှင့် ရွာသူရွာသားတို့၏ မြိုင်ဆိုင်လှသော သာဓုသံတို့ သည် ၀န်းကျင်ချာပတ် - ပဲ့တင်ထပ်လျက် - ထက်ရပ်နဘံမြည်ဟည်း၍ ကျန်ရစ်တော့ သတည်း ။


ကျမ်းကိုး -

အမရပူရမြို့ မင်္ဂလာတိုက်ဟောင်း အဂ္ဂမဟာ ပဏ္ဍိတ

မိုးကုတ်ဆရာတော်ဘုရားကြီး၏တစ်ဘ၀ သာသနာ

( တစ်ဘ၀သာသနာ - အရှင်ဃောသိတ )

Read more ...

မြန်မာ ဘလော့ဂါတို့ ဖျက်သည်ရှိသော်

လွန်ခဲ့သော ဆယ်စုနှစ်အထဲတွင် အရှေ့မှ ဗုဒ္ဓဘာသာနိုင်ငံတစ်နိုင်ငံသည် အစ္စလာမ်ဘာသာဝင်နိုင်ငံအဖြစ် ခံယူသွားခဲ့သည်။ ထိုကိစ္စအတွက် ၀မ်းနည်းရမည်လား။ ၀မ်းသာရမည်လား ဝေခွဲရခက်နေစဉ်တွင်ပင် ယခု ဆယ်စုနှစ်အတွင်း ကမ္ဘာပေါ်၌ ထေရ၀ါဒနိုင်ငံပေါင်း (၁၁) နိုင်ငံဖြစ်လာသည်။ သို့သော် ထိုသို့ ရေတွက်၍ ရလာသော ထေရ၀ါဒ (၁၁) နိုင်သည် အနောက်မှ ဖြစ်သည်။ မည်မျှအထိ အနောက်ရောက်သွားသနည်း ဆိုသော် အမေရိကန်သည် ထေရ၀ါဒ (၁၁) နိုင်ငံထဲမှ နိုင်ငံတစ်နိုင်ငံ အဖြစ်ပါဝင်လာခြင်းဖြစ်သည်။ ထိုသို့ဆိုရသော် အရှေ့မှ ထေရ၀ါဒနိုင်ငံ တစ်နိုင်ငံ ပျောက်ဆုံးသွားခြင်းနှင့် အနောက်မှ ထေရ၀ါဒနိုင်ငံများ တိုးပွားလာခြင်းတို့သည် မည်သို့ ဆက်စပ်နေသနည်း။ ထေရ၀ါဒနိုင်ငံသည် အနောက်သို့ အားနဲ့ မာန်နဲ့ တက်သွားပြီလား။ အရှေ့မှ ထေရ၀ါဒနိုင်ငံများ ကျရှုံးတော့မည်လား။

မြန်မာနိုင်ငံတွင် အစပထမ၌ ရွှေကျင် သုဓမ္မာစသဖြင့် စတင်ဂိုဏ်းကွဲသည်။ ထိုဂိုဏ်းကွဲမှုသည် ရဟန်းသံဃာကြားများ၌ အတန်ကြာ အနှောင့်အယှက်ဖြစ်နေခဲ့သည်။ ထိုကွဲပြားမှုသည် ထိုအချိန်မှ စတင်ပြီးနောက် ပြန်လည်ပေါင်းစပ်ဖို့ ဘယ်လိုမှ မဖြစ်နိုင်သည့် အနအထားသို့ တဖြည်းဖြည်းရောက်လာရင်း ယခုဆိုလျှင် သီးသန့်နေထိုင်မှုအထိ ကွဲပြားနေသည်။ ထိုသို့ သံဃာကြား ကွဲပြားလာပြီးနောက် မြန်မာ့သာသနာသည် မိုးကုတ် မဟာစည်စသဖြင့် လူထုကြား စတင်ကွဲပြားလာသည်။ သူ့နည်းက မှန်တယ် ငါ့နည်းက မှန်တယ်ဆိုပြီး ကွဲပြားလာသည်။ ပုတ်ခတ်လာသည်။ ဝေဖန်လာကြသည်။ ဆရာတော် တစ်ပါး၏ စကားကို ငှါးပြောရလျှင် ရင်ထဲစိုက်နေသော အ၀ိဇ္ဇာလှံတံကို နှုတ်ဖို့ တရားစခန်းကို သွားရာ အပြန်တွင် ငါ့ဆရာတော်နည်းမှ မှန်တယ်ဆိုသော ဒိဋ္ဌိလှံတစ်ချောင်း အပိုအစိုက်ခံလိုက်ရသည့် အဖြစ်မျိုး မြန်မာ့သာသနာ့နယ်ပင် တွင်ဖြစ်ပေါ်နေသည်။

ထိုသို့ ကွဲပြားလာရင်း မြန်မာတို့သည် ဂိုဏ်းစိုက်ထူခြင်းကို ၀ါသနာပါသည်ဟု ဆိုရမည်လားမသိရလောက်အောင် ဂိုဏ်းရောဂါရလာသည်။ ထိုဂိုဏ်းစွဲရောဂါတို့သည် နောက်လိုက်ဘ၀မှ နေ၍ ရှေ့ဆောင်ဘ၀သို့ လိုချင်လာကြသည့် အနေအထားသို့ ရောက်လာကြသည်။ ထိုသို့ ဂိုဏ်းကို မည်သို့ထောင်မည်နည်း။ မြန်မာနိုင်ငံမှ ဗုဒ္ဓဘာသာများသည် ထေရ၀ါဒဟု ပါးစပ်မှ သွေးစိမ်းရှင်ရှင် ထွက်အောင် အော်နေလင့်ကစား တကယ်တမ်း ဗုဒ္ဓ၏ တရားတော်ကို ထိထိမိမိ ထဲထဲဝင်ဝင် သိသူက ရှားသည်။ သို့သော် မြန်မာတို့အားလုံးသည် မိမိကိုယ်ကို မိမိ ဗုဒ္ဓဘာသာဟု လုံးဝယုံကြည်ထားကြသည်။ ဤနေရာမှ အလွှဲများ စတင်လာသည်။ ဂိုဏ်းဂဏထောင်ချင်သော ပုဂ္ဂိုလ်များက “ချမ်းသာသော၊ အသိဉာဏ်ပညာမြင့်မားသော၊ ရာထူးအာဏာရှိသော” ပုဂ္ဂိုလ်များကို ကပ်ကြသည်။ မိမိ ၀ါဒကို ဘုရားရှင်၏ စကားလုံးများဖြင့် ရိုက်သွင်းသည်။ ယုံကြည်လာသော လူကုံထံများမှ အထောက်အပံ့ကို ရယူ၍ ဘုရားရှင်၏ စကားလုံးများကို ပုံစံပြောင်းကာ ၀ါဒဖြန့်သည်။ ထို့နောက် ထမီကို သာသနာ့အလံလုပ်ကာ ဂိုဏ်းထောင်လာကြပြီး ကျူရှင်ပြီး ကျူရှင်တက်ကာ ကိုယ့်ကိုယ်ကို ငါ ဗုဒ္ဓဘာသာဟုသိသော နိုင်ငံတကာရောက် ဗုဒ္ဓဘာသာဝင်တို့ကို စတင်ဆွဲဆောင်သည်။ မြူဆွယ်သည်။ အစွန်းရောက်စေသည်။ နည်းပညာကို အသုံးပြု၍ ၀ါဒဖြန့်သည်။

လက်ရှိ စာတတ်ပေတတ် ဘုန်းတော်ကြီးများက မိမိ၏ စာတတ်ပေတတ် တပည့်သံဃာတော်များကို နည်းပညာနဲ့ နီးစပ်လျှင် အာရုံပျက်ပြားလွယ်သဖြင့် စာကိုသာ တစိုက်မတ်မတ် ကျက်ခိုင်း ရွတ်အံခိုင်းနေမှန်း သိသဖြင့် ၀ါဒဖြန့်သူများ၏ အကြိုက်ဖြစ်နေသည်။ ထို့အတူ အွန်လိုင်းပေါ်မှ ဗုဒ္ဓဘာသာဆိုသူများသည် တကယ်တမ်း ဒီတရားဟာ ဗုဒ္ဓတရားတော် အမှန်လား။ အမှန်မဟုတ်ဘူးလားဆိုသည်ကို သိသည့်သူများက အလွန့်အလွန်နည်းပါးလာသည်။ တစွန်းတစ ဆွဲထုတ်ထားသော ဘုရားရှင်၏ တရားတော်ကို အဆုံးအထိ ယူမထားသော တရားများကို ကျမ်းကိုး ကျမ်းကားများဖြင့် ရေးသားထားသည်ကို အမှန်ဟု ယုံကြည်လာကြသည်။ အပြင်စာပေလောကတွင် စာပေစိစစ်ရေး ထား၍ ရသော်လည်း E-mail တစ်ခုတွင် blog ကို အကန့်အသတ်မဲ့ လုပ်နိုင်ခြင်းက ကန့်သတ်ဖို့ ခက်ခဲလာသည်။


သို့ဖြင့် မြန်မာ ဘလော့ဂါတို့ ဖျက်သည်ရှိသော် ထေရ၀ါဒနိုင်ငံသည် အနောက်သို့ အရှိန်အဟုန်နှင့် တက်သွားတော့မည်။ မြန်မာနိုင်ငံတွင် ပေါ်လာသော ဂိုဏ်းအသီးသီးများက ထေရ၀ါဒနိုင်ငံဆိုသည့် အခေါ်အဝေါ်ကို မြန်မာနိုင်ငံမှ ကျရှုံးစေလိမ့်မည်။ မကြာမီ မြန်မာနိုင်ငံသည် ကြောင်ကြား ဗုဒ္ဓဘာသာနိုင်ငံ ဖြစ်ပေတော့မည်။

ဂျေဂျူဝိုင် » http://www.jjqqyy.com/archives/529
 ကူးယူ ဖော်ပြပါသည်........

Read more ...

စောဒနာတင်သွင်းလွှာ အမှတ် ၁... ဘာသာမဲ့ ရုပ်ဝါဒီများဖြစ်ကြောင်း စောဒနာချက်...(လူသေလူဖြစ်)

Zoom ဆွဲပြီးဖတ်ပါက စာလုံးသေးသေးများကို ကောင်းစွာ ဖတ်နိုင်ပါလိမ့်မည်။

Zoom=Ctl + Scroll or (+ )

(ဒဿန ခရီးစဉ်ဘလော့ဂ်မှ ယူပါသည်။)

စောဒနာတင်သွင်းလွှာ အမှတ် ၁...

ဘာသာမဲ့ ရုပ်ဝါဒီများဖြစ်ကြောင်း စောဒနာချက်...

ဦးဥက္ကဋ္ဌ ၀ါဒသည် ရုပ်ဝါဒ ရုပ်ကြမ်းဝါဒီ။
ဦးကိုကိုလေး ၀ါဒသည် ရုပ်ဝါဒ ရုပ်ကြမ်းဝါဒီ။
သခင်မြတ်ဆိုင်၏ ၀ါဒသည် ရုပ်ဝါဒ ရုပ်ကြမ်းဝါဒီ။
သမ္မာဒိဋ္ဌိ သုတေသနအဖွဲ့ချုပ်၏ ၀ါဒသည် ရုပ်ဝါဒ ရုပ်ကြမ်းဝါဒီ။ စာမျက်နှာ-၄၃၇

Read more ...

ဘုရားထက် သာသူများ

ဘုရားထက်သာတယ်-ဓမ္မဒူတ အရှင်ပညာဇောတ(ဗုဒ္ဓဓမ္မပြဿနာပေါင်းချုပ် ၊ ပထမတွဲမှ ကူးယူဖော်ပြသည်။)

ယခုခေတ်သည် တရားအားထုတ်သူ ပေါများသော ခေတ်ဖြစ်၏။ အမြို့မြို့ အရွာရွာမှာ တရားအားထုတ်သူများမှာ အနည်းအများ ဆိုသလို ရှိကြကုန်၏။ တရားဟောရာတွင်တောင် ၀ိပဿနာဟောမှ အများကြိုက်ကို ဖြစ်လာ၏။ ယင်းသို့ ၀ိပဿနာတရား နာကြားအားထုတ်သူများ ပေါများလာ၍ တစ်ဖက်ကကြည့်လျှင် အားရ၀မ်းသာ စရာပင် ဖြစ်၏။ တစ်ဖက်ကကြည့်လျှင် အားမရစရာ ၀မ်းမသာစရာတွေ များစွာတွေ့နေရ၏။

မှန်၏။ တရားအားထုတ်ခြင်းသည် အစွဲဒိဋ္ဌိပြုတ်အောင် အားထုတ်ခြင်းဖြစ်၏။ တစ်ချို့မှာ တရားအားထုတ် ပြီးမှ အစွဲအလမ်း ပို၍ပင် ကြီးနေသည်ကို တွေ့ရ၏။ အထူးသဖြင့် ပုဂ္ဂိုလ်စွဲ၊ တရားစွဲတွေ ဖြစ်လာ၏။

ပုဂ္ဂိုလ်စွဲ တွေ ထားပါဦး။ တရားစွဲမှာ ဖြစ်ရန်မသင့်ပေ။ အဘယ်ကြောင့်ဆိုသော် ဟောသမျှ၊ ပြသမျှ တရားတွေမှာ ဘယ်သူပဲ ဟောဟော၊ ပြပြ ဘုရားရှင်၏ တရားတွေကိုချည်း ဟောကြ၊ ပြကြရသောကြောင့် ဖြစ်၏။ ယင်းသို့ ဘုရားရှင်၏ တရားတော်တွေကိုချည်း ဟောကြ၊ ပြကြရာ၌ ဘုရားရှင်၏ အာဘော်ကျသူနှင့် မကျသူဟူ၍ နှစ်မျိုးနှစ်စား ရှိသည်။ ယင်းကိုတော့ သာမန် သူလိုကိုယ်လို ယောဂီများ သိဖို့မလွယ်ကူ။ သို့မလွယ်ကူဘဲ `တို့နည်းမှ နည်းကောင်း၊ တို့ဆရာမှ ဆရာကောင်း´ ဟု စွဲထားလျှင် ဘယ်သူနစ်နာမည်နည်း။

တစ်ခါက မိမိသည် တောရတစ်ခုတွင် နေ၏။ မိမိနှင့်အတူ သီတင်းသုံးဖော် နှစ်ပါးရှိ၏။ မိမိပါဆိုလျှင် သုံးပါးရှိ၏။ ဥပုသ်နေ့တွင် မိမိနှင့်တစ်ပါးမှာ တရားဟော၏။ သူက မနက်ဟောလျှင် မိမိက နေ့လယ်တွင် ဟော၏။ သူက နေ့လယ်ဟောလျှင် မိမိက နံနက် ဟော၏။ ပရိသတ်မှာ ရံခါ မိမိအား၊ ရံခါ သူ့အား သင့်သလို မေးလျှောက်စရာရှိလျှင် မေးလျှောက်လေ၏။ တစ်နေ့ ဒကာမကြီးတစ်စု သူ့ထံသို့ ချဉ်းကပ်လျှောက်မေး၏။

`အရှင်ဘုရား၊ (သူ)က ညည်းတို့ တရားအားထုတ်တာ ဘာဖြစ်ပြီလဲ၊ ငါတော့ `ဝေဒနာကုန်ပြီ´ လို့ ပြောတယ်ဘုရား။

အဲဒါ သူက ညည်းတို့ဘုန်းကြီး လျှောက်ကြည့်စမ်းပါ၊ ဝေဒနာကုန်လျှင် ဘယ်အဆင့် ရောက်တယ်ဆိုတာ၊ ညည်းတို့ဘုန်းကြီး သိပါတယ်လို့ တို့ဆရာတော်က ပြောတယ်လို့ ပြောတယ်ဘုရား၊ ဝေဒနာကုန်တော့ ဘယ်အဆင့် ရောက်သွားပြီလဲဘုရား´

`ဒကာမကြီး၊ အဲဒီ ဒကာမကြီးကို ပြောလိုက်၊ ဝေဒနာကုန်လျှင် ဘုရားထက် သာတယ်´လို့

ထိုအရှင်သည် ကာယိကဒုက္ခ ဝေဒနာကုန်မှုကို ရည်ရွယ်ပြောလိုက်ခြင်း ဖြစ်၏။ မေးခိုင်းသည့်ယောဂီ ကုန်တယ်ပြောတဲ့ ဝေဒနာမှာလည်း ကာယိကဒုက္ခဝေဒနာပင် ဖြစ်၏။ ကာယိက ဒုက္ခဝေဒနာမှာလည်း ဘုရားမှာပင် မကုန်သေး။ ယောဂီက ကုန်ပြီပြော၍ ဘုရားထက် သာတယ်ဟု ပြောခြင်းဖြစ်၏။ ဒကာမကြီးများ မှာ သဘောကျလွန်းလို့ ခွက်ထိုးခွက်လှန် ရယ်မောကြတော့၏။ အားရပါးရ ရယ်မောကြတော့၏။ ရယ်မောပြီး တဖန် ပြန်လျှောက်ပြန်၏။

`အရှင်ဘုရား၊ ဝေဒနာကုန်လျှင် ဘုရားထက်သာတယ်ဆိုတာ အမှန်ပဲလားဘုရား´

`ခက်နေပါပြီ ဒကာမကြီးကလည်း၊ တကယ်ဝေဒနာကုန်လျှင် တကယ်ဘုရားထက် သာတာပေါ့။´

`ဒါဖြင့် တပည့်တော် (သူ့)ကို ဒီအတိုင်း ပြန်ပြောလိုက်မယ်ဘုရား´

`ဒီအတိုင်းပြောရုံပဲရှိတာပေါ့၊ ရှင်းပြလည်း ဒကာမကြီးက အကုန်ပြန်ရှင်းနိုင်တာမှ မဟုတ်တာဘဲ´

`နည်းနည်းလောက် ရှင်းပြပါဦးဘုရား၊ မှတ်မိသလောက် ပြန်ပြောတာပေါ့၊ တပည့်တော်တို့လည်း မှတ်ထားရတာပေါ့´

`ကဲ ဒါဖြင့် နားထောင်´

`အခါတစ်ပါး ဘုရားရှင်သည် ဘဂ္ဂတိုင်း သုသုမာရဂိရမြို့ငယ်၊ သားရဲတို့အား ဘေးမဲ့ပေးရာ ဘေသကဠ တော၌ နေတော်မူ၏။ ထိုအခါ နကုလပိတာ သူကြွယ်သည် ဘုရားရှင်ထံ ချဉ်းကပ်ရှိခိုးပြီး လျှောက်ထား၏။'

`အရှင်ဘုရား၊ အကျွန်ုပ်သည် အသက်အရွယ် ကြီးပြင်းအိုမင်းပါပြီ၊ အရွယ်သုံးပါးတွင် နောက်ဆုံးအရွယ် သို့ ရောက်ပါပြီ၊ နာကျင်သော ကိုယ်ရှိပါ၏။ မပြတ်နာကျင်၍ နေပါ၏´

`အရှင်ဘုရား၊ အကျွန်ုပ်သည် မြတ်စွာဘုရား ကိုလည်းကောင်း၊ စိတ်နှလုံးကို ပွားစေတတ်သော ရဟန်း တော်တို့ကိုလည်းကောင်း အမြဲမပြတ် မဖူးမြင်နိုင်တော့ပါ။´

`အရှင်ဘုရား၊ မြတ်စွာဘုရားသည် ဆုံးမတော်မူပါ၊ ကံမြစ်တော်မူပါ၊ ယင်းအဆုံးအမတော်သည် အကျွန်ုပ်အား ကြာမြင့်စွာသော ကာလပတ်လုံး စီးပွားချမ်းသာ အလို့ငှါ ဖြစ်ပါ၏။´

`သူကြွယ်၊ ဤစကားသည် မှန်၏။ ဟုတ်၏။ သူကြွယ်၊ ဤကိုယ်သည် နာကျင်သည်သာတည်း၊ ဥကဲ့သို့ဖြစ်၏။ အရေပါးတို့ဖြင့် မြှေးယှက်ထားအပ်၏။´

`သူကြွယ်၊ တစ်ဦးတစ်ယောက်သည် ဤကိုယ်ကို ရွက်ဆောင်နေရလျက် တစ်ခဏမျှသော်လည်း အနာကင်းခြင်းကို ၀န်ခံပါလျှင် ထိုသူအား မိုက်သည့်အဖြစ်မှတစ်ပါး အခြားမရှိတော့ချေ´

`သူကြွယ်၊ ထို့ကြောင့် ဤအရာဝယ် `ငါသည် နာကျင်သော ကိုယ်ရှိသူဖြစ်လျက် ငါ၏ စိတ်သည် နာကျင်မှုကင်းသည် ဖြစ်လတ္တံ့´ ဟု ဤသို့ သင်ကျင့်အပ်၏´

`ကဲ… အဲဒီမှာ ဘုရားက ဘယ်လိုဟောထားလဲ၊ ဒီကိုယ်ဟာ နာကျင်သည်သာ ဖြစ်၏။ ဥကဲ့သို့ဖြစ်၏တဲ့၊ ဥဆိုတာ ဘာနဲ့ထိထိ သူပဲနာတယ်၊ ကွဲတယ်၊ ဒီကိုယ်ဟာ အရေပါးနှင့် အမြှေးယှက်ထား၍လည်း ဘာနဲ့ထိထိ သူပဲနာတယ်၊ ဒီကိုယ်ရှိနေလျက် `တစ်ခဏမျှသော်လည်း အနာကင်းပါတယ်´ ဆိုလျှင် လူမိုက်တဲ့၊
ဒါကြောင့် `ကိုယ်ကတော့ နာကျင်ချင် နာကျင်ပစေ၊ စိတ်မနာအောင် ကျင့်တဲ့´ ကိုယ်နာတာ သည်းခံပြီးကျင့်တဲ့။´

`ပြီးတော့ ဘုရားရှင် ဇီဝက၏ သရက်ဥယျာဉ်ဝယ် နေတော်မူသောအခါ ဒေ၀ဒတ် ကျောက်ဖြင့် ပစ်ချခြင်းကြောင့် ခြေမတော်ဝယ် သွေးစိမ်းတည်၍ အနာယဉ်းတယ်၊ ဇီဝကက ဓားဖြင့်ခွဲ၍ ဆေးလိမ်းကျပ်စည်း ပြီး ကုသတယ်၊ ဇီဝကက `ကိုယ်တော် ပူပန်ခြင်း ဖြစ်သလော´ ဟု လျှောက်သော် ကိုယ်တော် ပူပန်သော်လည်း စိတ်ပူပန်ခြင်း မရှိကြောင်း မိန့်တယ်။´

`သံသရာခရီးကို သွားရောက်ပြီး ဖြစ်ထသော၊ စိုးရိမ်ခြင်းမှ ကင်းထသော၊ ခန္ဓာစသော ခပ်သိမ်းသော တရားတို့၌ ကင်းလွတ်ထသော၊ ခပ်သိမ်းသော ဂန္ထလေးပါးကို ပယ်ပြီးထသော ပုဂ္ဂိုလ်အား စိတ်ပူပန်ခြင်းသည် မရှိ။´(အရဟန္တ၀ဂ်၊ ဓမ္မပဒ)

`ပြီးတော့ သံကိစ္စသာမဏေကို ခိုးသူကြီးက သတ်တော့ မျက်နှာကြည်လင်ပြီး ကြောက်ထိတ်လန့်ခြင်း မရှိတော့ အံ့သြပြီး သာမဏေကို မေးတယ်။

`သာမဏေ၊ ဤသို့သဘောရှိသော ကြောက်မက်ဖွယ်ရေး သေဘေး၌ သင့်အား ကြောက်ခြင်းမရှိ၊ ပိုလွန်၍ ရှေးကထက် ကြည်လင်လှပလာ၏၊ သာမဏေ သင်သည် ဘယ့်ကြောင့် မငိုသနည်း´

`ဂါမဏိ ခိုးသူကြီး၊ ကိုယ်ကို ငဲ့ကွက်ခြင်း မရှိသော၊ အာသဝေါကုန်ပြီးသော ပုဂ္ဂိုလ်အား စိတ်ဆင်းရဲခြင်း စေတသိကဒုက္ခ မရှိ၊ သံယောဇဉ်ကုန်ပြီးသော ပုဂ္ဂိုလ်အား စင်စစ် ကြောက်မက်ဖွယ်ရေး ဘေးအားလုံးကုန်ပြီ´ (သဟဿဝဂ်၊ ဓမ္မပဒ)

`ဘုရားဟောထားတာ နောက်အများကြီး ရှိသေးတယ်၊ တော်ပြီ ဒီလောက်ပဲ၊
ကဲ… ဒကာမကြီး ပြန်ပြောတတ်ပါ့မလား´

`ဘယ် အကုန်ပြောတတ်မလဲဘုရား´

`ဒါဖြင့် ဒီလိုပြောလိုက်၊ ဘုရားရဟန္တာများတောင်မှ စိတ်နာကျင်မှု စေတသိက ဒုက္ခဝေဒနာသာကုန်၍ ကိုယ်နာကျင်မှု ကာယိကဒုက္ခဝေဒနာ ရှိသေးတယ်၊ ဘုရားရဟန္တာများ တောင်မှ မကုန်တဲ့ ဝေဒနာကုန်လို့ `ဘုရားထက်သာတယ်´ လို့ ပြောလိုက်´

ဒကာမကြီးများမှာ ရယ်ကာမောကာနှင့် ရှိခိုးဦးချ၍ `ပြောလိုက်ပါ့မယ်ဘုရား´ဟု ပြောရင်း ပြန်ကြလေတော့၏။

• ဗုဒ္ဓတရား ရှုပွားများ လွဲမှားအယူ ကင်းစေသော်။

ဓမ္မဒူတ အရှင်ပညာဇောတ

(ဗုဒ္ဓဓမ္မပြဿနာပေါင်းချုပ် ၊ ပထမတွဲမှ ကူးယူဖော်ပြသည်။)

Read more ...

သီလ၊ သတိ၊ ဥာဏ်ယှဉ်တွဲပါ..

(ကလောင်ရှင်- ထက်စုနှင်းဆီ )(၀ိမုတ္တိရသ-မှ ကူးယူဖော်ပြသည်)



မြတ်စွာဘုရား၏ သာသနာတော်အား ၂၅၅၃ ခုနှစ်သို့တိုင် ပရိယတ္တိ၊ ပဋိပတ္တိ၊ ပဋိဝေဓ သာသနာသုံးရပ်ဖြင့် အစဉ်အဆက် ထိန်းသိမ်းစောင့်ရှောက်လာကြသူများမှာ ရဟန်းသံဃာတော်များ ဖြစ်ကြပါသည်။ ယနေ့ကာလသည် ဝိမုတ္တိကာလ ဖြစ်လေသောကြောင့် လူအများသည် ဝိပဿနာတရားကို ပိုမိုစိတ်ဝင်စားလာကြပါသည်။

ဝိပဿနာတရားစစ် တရားမှန်၏ အင်္ဂါရပ်..

တရားစစ် တရားမှန်၏ အင်္ဂါရပ်မှာ နှစ်ချက်တည်းသာ ရှိပါသည်။ ရှုပွားဆဲအချိန်တွင် ကိလေသာများ ငြိ်မ်းနေသောကြောင့် စိတ်ရော ကိုယ်ပါ ငြိမ်းချမ်းနေပြီး၊ တရားရသွားသောအခါတွင်လည်း ပယ်သတ်သင့်သော ကိလေသာများကို ပယ်သတ်ပြီးသောကြောင့် ကိုယ် စိတ် နှလုံး သုံးပါးစလုံး ငြိမ်းချမ်းနေတတ်ပါသည်။ ထိုသို့မဟုတ်ပဲ ကိုယ်ရော စိတ်ပါ ပင်ပန်းနေမည်ဆိုပါက တရားမှားနေကြောင်း သိထားသင့်ပါသည်။

တရားဟူသည် ထိုင်မှ ရမည်လော…

တရားဟူသည် ထိုင်မှသာ ရမည်ဟု လူအများက ထင်မှတ်မှားနေကြပါသည်။ တရားထိုင်ကျင့်ရှိသူများကို အပြစ်မပြောလိုသော်လည်း တရားထိုင်ရန် အဆင်မပြေသူများအတွက်မူ စိတ်အားငယ်စရာ ဖြစ်လို့ နေပါသည်။ အမှန်စင်စစ် ဝိပဿနာတရားဟူသည် ကာယအလုပ်မဟုတ်၊ ဥာဏအလုပ်သာလျှင်ဖြစ်ပါသည်။ မည်သို့သော အမူအရာလှုပ်ရှားမှုမျိုးမဆို သတိတရားနှင့် အသိကပ်ပြီး ဥာဏ်နှင့်ရှုပွားနိုင်မည်ဆိုပါက ယင်းသည် တရားထိုင်သည်နှင့် သဘောတရားအတူတူပင် ဖြစ်ပါသည်။ ဥာဏ်ပညာမပါပဲ တရားထိုင်မည် ဆိုပါက မည်မျှပင် ကြာကြာထိုင်စေကာမူ တရားစစ်ကို သိရှိနိုင်မည် မဟုတ်ပေ။

ပဠာသ - မတူဘဲ တုပြိုင်ပြောဆိုခြင်း

မိမိတို့ထက် အကျင့်သီလ၊ စာပေဗဟုသုတ၊ သမာဓိ၊ ပညာတို့နှင့် ပြည့်စုံ သာလွန် မြင့်မြတ်တော်မူကြသော ဆရာတော်ကြီးများနှင့် မရိုမသေ ဖက်ပြိုင် ပြောဆို ပြုလုပ်ခြင်းကို ပဠာသ ဟု ခေါ်ပါသည်။ ဤကဲ့သို့ မနှိုင်းကောင်းဘဲ နှိုင်းယှဉ် ဂုဏ်ပြိုင်ခြင်း၊ မရိုမသေ တန်းတူထားပြောဆိုခြင်းသည် အပြစ် အလွန်ကြီးပါသည်။ ဤသို့သော လူများ၏ နှုတ်သွက် လျှာသွက် အာကောင်းကောင်းနှင့် ရဲရဲတင်းတင်း ပြောဆိုနေခြင်းကို စူးစမ်းဆင်ခြင်ဥာဏ်နှင့် အသိလိမ္မာ ဥာဏ်ပညာ နည်းပါးသော အချို့လူများက ဟုတ်လေနိုးနိုး ယုံလွယ်တတ်ကြပါသည်။ ထိုပြင် ကိုယ်တွေ့ဥာဏ်ပါဟု ပြောပါက သာ၍ အထင်ကြီးတတ်ပြီး ရှေ့က သွားသူများနောက် လိုက်ပါရန် ဝန်မလေးတတ်ကြပေ။

အရိယာသူတော်ကောင်းဟူသည်သီလစင်ကြယ်မှု 

ရာခိုင်နှုန်းပြည့်ရှိရပါမည်…

ပုထုဇဉ်၏ သီလဝိသုဒ္ဓိသည် အချိန်မရွေး ဖောက်ဖျက်နိုင်သော်လည်း အရိယာသူတော်ကောင်း၏ သီလဝိသုဒ္ဓိသည် မည်သည့်အကြောင်းပြချက်နှင့်မျှ မပျက်စီးနိုင်တော့ပေ။ ကိုယ်၊ စိတ်၊ နှလုံးသုံးပါး စင်ကြယ်ယုံသာမက ရတနာသုံးပါးနှင့်တကွ ကြီးမြတ်သူများအားလုံးကို ပြစ်မှား အပြစ်တင်ခြင်း မပြုလုပ်တော့ပေ။ ရဟန်းဖြစ်မည် ဆိုပါက မြတ်စွာဘုရား၏ အဆုံးအမ သာသနာကို ရိုရိုသေသေ လိုက်နာသည့်အပြင် ဝိနည်းစည်းကမ်းကို အသက်ထက် တန်ဖိုးထား ရိုသေတတ်ကြပါသည်။

သစ္စာသုံးခိုင် နိဗ္ဗာန်တိုင်..

သမ္မုတိသစ္စာ၊ ပရမတ္တသစ္စာ၊ အရိယသစ္စာဟူ၍ နယ်ပယ်သုံးရပ်ရှိပါသည်။ သမ္မုတိသစ္စာနယ်ပယ်တွင် အမှန်မရှိသော နံမည် ပညတ်အခေါ်အဝေါ်များသာ ရှိသော်လည်း၊ ပရမတ္တသစ္စာ နယ်ပယ်တွင်မူ အဟုတ်ရှိ အမှန်တကယ်ရှိသော စိတ် စေတသိက် ရုပ်၊ နိဗ္ဗာန် လေးမျိုးသာလျှင် ရှိနေပါသည်။ အရိယသစ္စာနယ်ပယ်ဆိုသည်မှာ- ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာ ဟူသော သစ္စာလေးပါးကို ခေါ်ဆိုခြင်းဖြစ်ပါသည်။

ပညတ်နှင့် ပရမတ်

ပညတ်ဟူသည် သမုတ်ရှိဖြစ်၍ ပရမတ်ဟူသည် အဟုတ်ရှိဖြစ်လေ၏။ သို့ရာတွင် ပညတ်တည်းဟူသော သမ္မုတိသစ္စာနယ်ကို ပစ်ပယ်၍မရနိုင်ပေ။ လောက အခေါ်ရှိနှင့် တကယ်ရှိကို ပိုင်းခြားသိမြင်ခြင်းဖြင့် ပရမတ်တည်းဟူသော ပရမတ္တသစ္စာ၏ မမြဲသောသဘော ဖောက်ပြန်ပြောင်းလဲနေသော သဘောတရားများကို ဥာဏ်နှင့် သိမြင်လာနိုင်ပါသည်။ ထိုသို့မဟုတ်ပဲ ပညတ်ကို ပယ်မည်ဆိုပါက မှားယွင်းသော အတွေးအခေါ် အယူအဆများ လုပ်ဆောင်မှုများကြောင့် အပါယ်ငရဲသို့ လားရတတ်ပါသည်။

ထိုကြောင့် တချို့သော တရားပြနေသူများသည် ပညတ်ကို တကယ်မရှိ၊ အမှန်ရှိတာ ပရမတ်ဟု ဆိုကာ ဘုန်းကြီးနှင့်လူ ဟူ၍ ခွဲခြားခြင်းမပြုတော့ပဲ ကြမ်းတပြေးတည်း အတူထိုင်ခြင်း၊ ဘုန်းကြီးနှင့် သီလရှင် တဝိုင်းတည်း ဆွမ်းဘုန်းပေးခြင်း၊ ဝိကာလဘောဇနာဟူသည် အချိန်သတ်မှတ်ချက်သာဖြစ်၍ တကယ်မရှိသော ပညတ်ချက်ဟုဆိုကာ မွန်းလွဲချိန်ကျော်သည်အထိ ဆွမ်းဘုန်းပေးခြင်း စသော ရဟန်းဝိနည်း၊ လူ့စည်းကမ်းများကို ချိုးဖောက်လာကြပါသည်။ အကန့်အသတ်ရှိသော အတ္တစွမ်းအားကို အခြေခံလျက် အနတ္တစွမ်းအား အနတ္တဥာဏ်ဆိုက်ရောက်အောင် ပြုလုပ်ရမည့်အစား အတ္တကို ပစ်ပယ်နေခြင်းကြောင့် အနတ္တမြင်မမြင်မှာ မသေချာလှပေ။

အမှန်တကယ် ပယ်ရမည့်အရာများ….

စွဲလမ်းမှုတဏှာ၊ ငါစွဲ ဒိဋ္ဌိနှင့် ထောင်လွှားသော မာနများကို ပယ်သတ်ရမည့်အစား ပညတ်ကို တကယ်မရှိဟုယူဆကာ ပယ်သတ်နေခြင်းသည် မှားယွင်းသော အယူအဆ အတွေးအခေါ်များသာ ဖြစ်ပါသည်။ အမှန်တကယ် ပယ်သတ်ရမည့် ငါတော် ငါတတ် ငါသိ ဟူသော တဏှာ၊မာန၊ ဒိဋ္ဌိများနှင့်အတူ မိမိတို့ကိုယ်ကို မိမိတို့ အရိယာပါဟု လည်းကောင်း၊ ဥာဏ်စဉ်များ ဘယ်နှစ်ဆင့် တက်နေပါပြီဟုလည်းကောင်း ၊ ရဟန်း၏ ဝိနည်းသိက္ခာပုဒ်၊ လူ့စည်းကမ်းများ ချိုးဖောက်လျက် တိုင်းသိပြည်သိ ကမ္ဘာသိအောင် ကြော်ညာ မောင်းခတ်လျက် ရှိနေကြပါသည်။

သစ္စာလေးပါး မြတ်တရား

ဒုက္ခသစ္စာဟူသည် ပိုင်းခြားသိရမည်၊ သမုဒယသစ္စာဟူသည် ပယ်သတ်ရမည်၊ နိရောဓသစ္စာဟူသည် မျက်မှောက်ပြုရမည်၊မဂ္ဂသစ္စာဟူသည် ပွားများရမည် ဖြစ်ပေသည်။ မဂ္ဂသစ္စာဖြင့် ဒုက္ခသစ္စာကို ပိုင်းခြားပြီး သိမည်ဆိုပါက သမုဒယသစ္စာကို ပယ်သတ်ခြင်းနှင့် နိရောဓသစ္စာကို မျက်မှောက်ပြုခြင်းသည် တပြိုက်တည်း ပြီးမြောက်နိုင်ပါသည်။

သတိပဋ္ဌာန်နည်းဖြင့် ဝိပဿနာရှုပွားနည်း လေးမျိုး…

ကာယာနုပဿနာ၊ ဝေဒနာနုပဿနာ၊ စိတ္တာနုပဿနာ၊ ဓမ္မာနုပဿနာ ဟူ၍ လေးမျိုးရှိပါသည်။ လူတို့၏ ပင်ကိုယ် စရိုက်ပေါ်မူတည်လျက် ရှုနည်းအမျိုးမျိုး ကွဲပြားနိုင်သော်လည်း မည်သည့်ရှုနည်းကို ကျင့်သုံးစေကာမူ ကျန်သုံးနည်းသည်လဲ အလိုအလျောက် အသုံးပြုနေရပါသည်။

ခန္ဓာနှစ်မျိုး၏ မတူညီပုံ…

မည်သည့် သက်ရှိသတ္တဝါမဆို မျက်စိဖြင့် မြင်နိုင်သော ဝင်ကစွတ် အထည်ခန္ဓာနှင့် ပကတိဥာဏ်ဖြင့်သာ သိနိုင်သော သဘောခန္ဓာငါးပါး ဟူ၍ နှစ်မျိုး ရှိပေသည်။ အထည်ခန္ဓာအား ပညတ်ဟုဆိုကာ ပယ်လိုက်ပါက အထည်ခန္ဓာအား အမှီပြုကာ ပေါ်ပေါက်လာမည့် သဘောခန္ဓာငါးပါး၏ မတည်မြဲမှုသဘော၊ ဖောက်ပြန်ပြောင်းလဲမှုသဘောကို သိရှိနိုင်မည် မဟုတ်တော့ပေ။ ထိုကြောင့် ဝိပဿနာရှုပွားခြင်းဆိုသည်မှာ အမှန်တကယ် မရှိသော ပညတ်အထည်ခန္ဓာကို အသုံးပြုကာ သိတတ်သော သဘောတရား ပရမတ်ခန္ဓာ ငါးပါး၏ မတည်မြဲမှုသဘောကို ဥာဏ်ဖြင့်ပိုင်းခြားသိမြင်နိုင်ခြင်းကို ဆိုလိုပါသည်။

အာရုံသိ ခန္ဓာငါးပါးသည်သာ ဘဝတစ်ခုလုံး၏ ဖွားသေ

သက်ရှိသတ္တဝါများ၏ သိတတ်သော သဘောတရားလေးသည်သာ ဘဝ၏ ဖွားသေ ဖြစ်ပေသည်။ သိတတ်သော သဘောတရား မရှိတော့ခြင်းကို သေဆုံးခြင်းဟု ခေါ်ဆိုပါသည်။ အာရုံနှင့် ဒွါရတိုက်ချိန်တွင် ဖြစ်ပေါ်လာသော သိတတ်မှု သဘောလေး၏ မမြဲခြင်းတရားကို ဒုက္ခသစ္စာဟု မြတ်စွာဘုရားက သတ်မှတ်ခဲ့ပါသည်။

မြတ်စွာဘုရား၏ အလုပ်ပေးတရားတော် (အနတ္တလက္ခဏာသုတ်)
“နေတံမမ နေသော ဟမသ္မိ နမေတော အတ္တာ”
ငါ၊ င့ါဥစ္စာ၊ ငါ့အတ္တ သည် အမှန်မရှိ၊ အနတ္တပါသည်သကား။ ဟူသည့် မြတ်စွာဘုရား၏ အလုပ်ပေးတရားတော်သည် အာရုံသိ သဘောတရားလေး၏ မမြဲခြင်း ဆင်းရဲအမှန်ကို ဆင်ခြင်နှလုံးသွင်း ပိုင်းခြားခြင်း ဖြစ်ပါသည်။

ဆူနာမီဆရာတော် ဦးဥတ္တမသာရ၏ တရားကောက်နှုတ်ချက်…

စိတ်နဲ့သိတဲ့ ဖြစ်တာမှန်သမျှ ခန္ဓာငါးပါးအတုပဲ၊ ဖြစ်ရုံသက်သက်၊ ဖြစ်ကာမတ္တ ဖြစ်နေတဲ့ ဖောက်ပြန်ပျက်စီးမှုကမှ ခန္ဓာငါးပါး ဒုက္ခသစ္စာအစစ်။ ဖြစ်တာပျက်တာမဟုတ်၊ ပျက်တာဖြစ်တာ။ ပြုလုပ်ကာမတ္တ ပြုလုပ်မူတွေ ပျက်နေတာ။ ဘာလုပ်လုပ် လက်ခံ သိမ်းပိုက်ပြီးမလုပ်နဲ့၊ စွန့်လုပ်။ လွတ်လွတ်လပ်လပ် လုပ်ရုံသက်သက်လုပ်၊

အတ္တ(တစ်ခုခု၊တစ်ယောက်ယောက်၊တစ်ချိန်ချိန်၊တစ်နေရာရာရဲ့အား) မပါစေနဲ့။ တစ်ခု၊ တစ်ယောက်၊ တစ်ချိန်၊ တစ်နေရာဆိုတဲ့ အထင်မှားကင်းကင်း၊ အစွဲကင်းကင်း လုပ်ရုံသက်သက်လုပ်မှ ကိလေသာဖြစ်နေမှုက လွတ်လပ်ရေးရမယ်။ မကန့်သတ်ဖို့၊ မပညတ်ဖို့၊ မဆုပ်ကိုင်ဖို့၊ မသိမ်းပိုက်ဖို့ အဓိကထားမှ တရားအလုပ်စစ်။>><<ရှင်းလင်းခြင်း>> <<မေ့လျော့မှု ( အ၀ိဇ္ဇာ ) ကြောင့်>>

အထက်ပါ ဆူနာမီဆရာတော်၏ တရားယူဆချက်သည် မြတ်စွာဘုရား၏ မြတ်တရားနှင့် ဆန့်ကျင်နေပါသည်။ စိတ်ဖြင့်သိသော အရာမှန်သမျှ ခန္ဓာငါးပါးအတု ဟု၊ သတ်မှတ်လျက် ဖောက်ပြန်ပျက်စီးမှုသည်သာ ဒုက္ခသစ္စာ အစစ်ဟု ဆိုလိုထားပါသည်။

ဝေဒနာသည် ချုပ်ငြိမ်းတတ်ပါသလား…..
ဝေဒနာဟူသည် နာကျင် ကိုက်ခဲ ညောင်းညာခြင်းများကို သာ ဆိုလိုခြင်းမဟုတ်ပါ။ ချမ်းသာခြင်း သုခဝေဒနာ၊ ဆင်းရဲခြင်း ဒုက္ခဝေဒနာနှင့် ချမ်းသာ ဆင်းရဲမဟုတ်သော ဥပေက္ခာဝေဒနာ ဟူ၍ ဝေဒနာသုံးမျိုးရှိပါသည်။ ဖောက်ပြန်မှု၊ ခံစားမှု၊ မှတ်သားမှု၊ စေ့ဆော်မှု၊ ပြုလုပ်မှုသဘောတည်းဟူသော သဘောခန္ဓာရှိနေသ၍ ဝေဒနာသည် ရှိနေမည်ဖြစ်ပါသည်။ ဝေဒနာချုပ်ငြိမ်းချိန်သည် သေဆုံးသွားသောအချိန်သာ ဖြစ်နိုင်ပေသည်။

အထည်ပညတ်ခန္ဓာ၏ ဖောက်ပြန်ပျက်စီးမှု…
အထည်ပညတ်ခန္ဓာ၏ ဖောက်ပြန်ပျက်စီးမှုသည် ထိန်းချုပ်၍မရသလို၊ တားဆီးနိုင်ခြင်းလည်းမရှိနိုင်ပါ။ သူ့သဘော သူဆောင်လျက် သူ့သဘာဝအတိုင်း ဖောက်ပြန်ပျက်စီးနေပါသည်။ သို့ရာတွင် သက်ရှိသတ္တဝါများ၏ မွေးရာပါ အသိဥာဏ်ဖြင့် ကံ၊ စ်ိတ်၊ ဥတု၊ အာဟာရများဖြင့် မတင့်တယ်မှု အသုဘ မှ တင့်တယ်မှု သုဘသို့ အချိန်နှင့်အမျှ ပြုပြင်နေကြရပါသည်။ ထိုကြောင့် ထိုဖောက်ပြန်ပြောင်းလဲမှုကို သိရုံသက်သက်မျှဖြင့် ဒုက္ခသစ္စာ၏ သဘောကို ပြည့်စုံအောင် သိနိုင်မည် မဟုတ်ပေ။ တွယ်တာစရာမရှိ၊ ကပ်ငြိစရာမရှိ၊ ငြီးငွေ့စရာ ဒုက္ခခံစားမှု သက်သက်သာ ဖြစ်သည်ဟူသော သံဝေဂတရားကို အခြေခံသော အသိတရားကိုသာ နားလည်နုိုင်ပါသည်။ ဖောက်ပြန်မှုကို ငြီးငွေ့ပြီး စွဲလမ်းမှု တဏှာ၊ ငါစွဲ ဒိဋ္ဌိ နှင့် ထောင်လွှားသော မာနကို အပြီးတိုင် ပယ်သတ်နိုင်မှသာလျှင် အသင်္ခတတည်းဟူသော နိဗ္ဗာန်ကို မျက်မှောက်ပြုနိုင်မည် ဖြစ်ပေသည်။

ဆရာအရွေး မမှားစေနဲ့….

မြတ်စွာဘုရား၏ လမ်းညွှန်ပြသမှု ကို အခြေခံလျက် ကျင့်ကြံအားထုတ်တော်မူသော ဆရာသမားများ၏ ကိုယ်တွေ့သည်သာ မှန်ကန်သော နည်းလမ်းကျင့်စဉ် ဖြစ်နိုင်ပါသည်။ သိပြီးမှ ကျင့်ကြံအားထုတ်မှုသည် မသိပဲ ကျင့်ကြံအားထုတ်မှုထက် ပိုမိုထိရောက် မှန်ကန် မြန်ဆန်နိုင်ပါသည်။ ထိုကြောင့် စစ်မှန်သော ဆရာသမား၏ လမ်းညွှန်မှု တာဝန် (ညာတပရိညာ) ပြီးဆုံးပါလျှင် မိမိ၏ ကျင့်ကြံအားထုတ်မှု တာဝန် (တိရဏပရိညာ) ကို ဆောင်ရွက်နိုင်ပါလျှင် ဓမ္မ၏တာဝန် (ပဟာနပရိညာ) သည် အချိန်တန်လျှင် ပြသမည်ဖြစ်ပါကြောင်း စေတနာရှေ့ထားလျက် ရေးသားလိုက်ရပါသည်။ ။

(ထိန်းချုပ်ခြင်း၊ တားဆီးခြင်း ပြုလုပ်၍ မရသော သူ့သဘော သူဆောင်၊ သူ့အလုပ် သူလုပ်နေသော ရုပ်၊ နာမ်၊ ဓမ္မ၊ သင်္ခင်္ါရတို့၏ မမြဲမှု၊ အချိန်နှင့်အမျှ ဖောက်ပြန် ပြောင်းလဲ ပျက်စီးနေမှုများကို မြဲမြံသော သတိတရားနှင့် အသိကပ်ပြီး ဥာဏ်ဖြင့် စောင့်ကြည့် ရှုပွားခြင်းဖြင့် တဏှာ၊ မာန၊ ဒိဋ္ဌိတည်း ဟူသော ကိလေသာများကို အပြီးတိုင် ပယ်သတ်နိုင်ခြင်းသည် အသင်္ခတ၏ နောက်ဆုံးပန်းတိုင် ဖြစ်ပါသည်။)


(သင်ဆရာ၊ မြင်ဆရာ၊ ကြားဆရာနှင့် ဖတ်ဆရာများ၏ သွန်သင်ဆုံးမမှု မြတ်တရားများပေါ် အခြေခံ၍ ရေးသားထားခြင်း ဖြစ်သော်လည်း၊ မှားယွင်းမှု ရှိပါက စာရေးသူ၏ တာဝန်သာ ဖြစ်ပါသည်။)


(ထက်စုနှင်းဆီ )
(၀ိမုတ္တိရသ-မှ ကူးယူဖော်ပြသည်)

Read more ...